Diseinuak sormena aprobetxatzen du arazoak konpontzeko eta berrikuntza sustatzeko soluzioak sortzeko, produktuak, sistemak, zerbitzuak eta esperientziak hobetze aldera. Hala, etorkizunari begiratzeko modu positiboa eskaintzen du, arazoak aukera gisa birplanteatzen dituelako.
2014az geroztik, Unescoren Hiri Sortzaileen Sarearen (UCCN) parte da Bilbo, Diseinuaren kategorian (CoD). Helburu nagusia da sormena eta diseinua hiriaren garapen sozial, kultural eta ekonomikoaren eragile gisa sustatzea, zerbitzuetan eta ezagutzan oinarritutako hirirantz aurrera egiteko.
Bilbok Diseinuaren Hirien Sarean duen parte-hartzea jarduketa-ardatz hauetan zentratzen da:
- Trukerako eta lankidetzarako plataforma pribilegiatua eskaintzea diseinatzaileei eta erakundeei, Sareko Hirien jarduerei ikusgarritasuna emanez eta sarbidea erraztuz, lankidetza kulturalak eta ekonomikoak bultzatzeko.
- Bilboren esperientzia kapitalizatzea eta Sareko hirien artean partekatzea.
- Diseinuaren arloko profesionalak sustatzea, estrategia enpresarial eta instituzional berriak
11 urte daramatzate Bilboko Udalak eta Bizkaiko Foru Aldundiak Bilbao Bizkaia Design Week antolatzen urtero; diseinua eta sormen-industriak lurraldearen garapen ekonomikorako faktore gisa sustatzeko ekitaldia.
Bilbao Ekintzatik tokiko talentua ikusarazteko ekimenak sustatzen ditugu hiriko eragile akademikoekin, instituzionalekin eta enpresarialekin lankidetzan, baita profesionalentzako eta diseinu-enpresentzako aukera berriak eskaintzeko proiektuak ere.
Proiektu adierazgarriak
- Dueto Bilbao https://www.bilbaoekintza.eus/proyecto/programa-dueto-convocatoria-abierta
- DiseinuLab
