Bilbo sustatzen dugu

Bilbao Ekintza Bilboko Udalaren sozietatea da, eta hiriaren garapen ekonomikoan laguntzen du, herritarren bizi kalitatea eta ongizatea hobetzeko, eta oparotasun inklusiboan aurrera egiteko.

Bilbao Ekintza

  • Enpresak sortzea eta haztea errazten du, merkatu berrietara sartzeko laguntza eskainiz, bereziki, hirian definitutako espezializazio eremu adimentsu hauetan lan egiten duten enpresak: zerbitzu aurreratuak, sormen industriak, ekonomia digitala eta turismoa.
  • Merkataritza jardueraren garapena sustatzen du kanpoko proiektuen eta ekimenen eragile izateari utzi gabe, hala, Bilbon atzerriko inbertsioak egitea ahalbidetuz.
  • Gazteen garapen profesionala indartzen du, talentua eta sormena baliozkotuz.
  • Ekitaldiak eta turistak hirira erakartzen ditu, euskarri eta arreta zerbitzu onenak eskainiz; hala, horiek ekarpenak egiten dituzte hiria kokatzeko eta aberastasuna eta enplegua sortzeko.

Bisita gaitzazu

Bilbo hiri irekia da, eta bertan, askotariko turismo esperientziak bizi ahal izango dituzu leku paregabe batean: itsasoa, mendia eta gastronomia onena... Oso hurbil!

Erosketak

Bilbo erosketak egiteko erreferentziazko hiria da. Bilbon daude modako marka nagusiak eta merkataritza txiki dinamiko eta berritzaileena. Bilbao Ekintzan sektorearen lehiakortasuna hobetzeko lan egiten dugu, urte guztian zehar merkataritza dinamizazioko ekintzak eginez.

Ekin

Zure enpresa sortzen eta zure startupa martxan jartzen lagunduko dizugu. Babesa, prestakuntza praktikoa eta orientazioa emango dizkizute zurea bezalako negozioak garatzen esperientzia handia duten profesional onenek.

Hazi

Enpresa bat edo saltoki bat duzu? Hazi egin nahi duzu, negozio eredua egokitu nahi duzu, bezero berriak erakarri nahi dituzu edo teknologia berriak txertatu nahi dituzu? Bilbao Ekintzak prozesu horretan lagunduko dizu, prestakuntza eta aholkularitza pertsonalizatua eskainiz.

Inbertitu Bilbon

Munduari eta negozio berriei irekita dagoen hiria da Bilbo. Inbertsioak egiteko Europako hiri erakargarrienetakoa da. Proiektu bat edo ideia bat baduzu, Bilbao Ekintzak, Invest in Bilbao bulegoaren bitartez, laguntza guztia emango dizu.

Bilbo, ekitaldiak antolatzeko eta filmak grabatzeko hiria

Bilbok esperientzia handia eta azpiegitura onenak ditu mota guztietako ekitaldiak antolatzeko, eta filmak grabatzeko kokapen paregabeak ditu. Bilbao Convention Bureauk eta Bilbao Bizkaia Film Commissionek behar duzun babes guztia emango dizute.

Presta zaitez

Bilbo, hiri gazte eta dinamikoa. Prestakuntza, trebakuntza eta enplegu programen bitartez, pertsonen garapen profesionalerako ekarpenak egin nahi ditugu eta nazioarteko talentu onena erakartzeko gai izan nahi dugu. Horrez gain, zientzia eta teknologia eta gazteen arteko ikaskuntza sustatzeko programak garatzen ditugu.

Bilbao Ekintza osatzen dugunoi ilusioa sortzen digu Bilbok... ekitaldiak errazten ditugu eta hirian enplegua eta aberastasuna sortzeko pertsonak eta proiektuak erakartzen ditugu. 

Erakunde hauekin lan egiten dugu

Helburuak lortzeko, baina ez gaude bakarrik. Bilbao Ekintza, Bilboko Udalaren sozietatea da, eta askotariko erakundeekin eta organismoekin batera lan egiten du bere zerbitzuak, proiektuak eta ekitaldiak garatzen.