Zientzia eta teknologia sustatzea

Bilbao Ekintzak kultura eta STEM diziplinak (zientzia, teknologia, ingeniaritza eta matematikak) sustatzeko estrategia bat garatzen du, horien garrantzia hedatzeko eta gazteak ezagutza arlo horietan prestatzeko.

Europar Batasunak bere helburu nagusien artean du lan merkatuak behar dituen bokazio zientifikoak eta teknologikoak sustatzea. Aurreikuspenen arabera, epe motzean zientifiko eta teknologo gehiago beharko dira Europan, eta ez da nahiko langile kualifikaturik egongo plaza guztiak betetzeko.

Azterketa batzuen arabera, gaur egun zientziari lotutako graduetan matrikulazio gutxi egoteko faktoreetako bat da herritarrek zientziarekiko duten pertzepzioa.

Horren inguruan, Bilbon STEM (zientzia, teknologia, ingeniaritza eta matematikak) estrategia garatzen da. Estrategia horren xedea, gazteenen artean zientziari, teknologiari eta berrikuntzari buruzko balioak sustatzea da, baita ere gizartean kultura zientifikoa gehitzea hezkuntza sistemaren, komunitate zientifikoaren, familien eta gizartearen arteko loturak ezarriz, eta hori guztia, zientziari eta teknologiari buruzko irudi errealistagoa eskaintzeko.

STEM Bilbao estrategia horren barnean proiektu propio batzuk azpimarratu behar dira, besteak beste Bizilabe delakoa, eta, horrez gain, badaude beste erakunde batzuk garatzen dituzten eta Bilbao Ekintzaren laguntza jasotzen duten beste batzuk ere, adibidez, hauek:

  • Zientzia Azoka: Elhuyar Fundazioak sustatutako ekimena da, eta, bertan, 12 eta 18 urte arteko gazteek ikasturtean zehar, beraien ikastetxeetan proiektu zientifikoak eta/edo teknologikoak egiten dituzte. Lan horren emaitzak Zientzia Azokan erakusten dira.
  • Fórmula Student y Moto Student: Ekitaldietan lehiatzeko jarleku bakarreko ibilgailu bat eta motor bat diseinatzeko eta eraikitzeko proiektuak dira. Formula Student eta Moto Student nazioarteko proiektuak dira, Bilboko Ingeniaritzako Goi Mailako Eskola Teknikoak zuzentzen ditu eta fakultateko ikasleek parte hartzen dute. Proiektu horien helburua, ikasleei esperientzia praktiko bat eskaintzea da ingeniaritzaren eta enpresen alorrean, hala, beraien prestakuntza eta enplegagarritasuna hobetzeko.
  • Bisky Team: Bilboko Goi Mailako Ingeniaritza Eskolako ikasleek garatzen duten proiektua da baita ere. Bertan, suziri hibridoak diseinatzen, eraikitzen eta probatzen dituzte eta Karman lerrora (100 km-ko distantziara dagoen atmosferaren eta espazioaren arteko muga) arte iristeko gai den suziri bat sortzea da xedea.
  • Homo Curiosus Odisea: Bilbon kultura zientifiko-teknologikoa hedatzeko ekitaldia da. Hitzaldien, tailerren eta jardueren bidez, herritarrei zientzia eta teknologia hurbiltzea da helburua, modu horretan, hirian STEM estrategia garatzea sustatuz.