Bilboko Zerbitzu Aurreratuen (KIBS — Knowledge Intensive Business Services) Enpresen Gida tresna praktiko bat da, edozein enpresari laguntzeko bere erronka espezifikoei – teknologikoak, ingurumenekoak, antolakuntzakoak edo estrategikoak – erantzuna eman enpresak identifika ditzaten.
Batez ere industria-sareari zuzenduta dagoen arren, Gida interesgarria da mota guztietako enpresentzat. Industriaren kasuan, KIBS-ak aliatu estrategiko gisa sendotzen dira eredu eraginkorragoak, jasangarriagoak eta adimentsuagoak lortzeko bidean aurrera egiteko, ezagutza espezializatua, teknologia eta balio handiko soluzioak emanez, beren posizionamendu lehiakorra indartzeko.
Kontsultatu Bilboko Zerbitzu Aurreratuetako (KIBS) Enpresen Gida, eta ezagutu tokiko ekosistemaren potentziala:
ZER DIRA ZERBITZU AURRERATUAK EDO KIBS?
KIBS enpresak beste enpresa batzuei (B2B) ezagutzan intentsiboak diren zerbitzuak ematen dizkieten enpresak dira, eta teknologian, berrikuntzan eta aholkularitza espezializatuan oinarritutako soluzioak eskaintzen dituzte.
KIBS enpresek funtsezko zeregina betetzen dute 4.0 industrian, digitalizazioan, jasangarritasunean edo enpresa-lehiakortasunaren hobekuntzan.
NONDIK SORTU DA EKIMEN HAU?
Gida hau Bilbao Ekintzaren bitartez Bilboko Udalak sustatutako elkarlaneko gobernantza-proiektuaren barruan dago. Gida hau KIBS – Industria Konexioa Lan Espazioa osatzen duten erakundeen artean ko-diseinatu da.
Gidaren helburua KIBS enpresen eta industria-sarearen arteko harremana sendotzea da, lankidetza- eta berrikuntza-aukera berriak sortzen laguntzeko.
HEMEN GAUDE ZURI LAGUNTZEKO
Gidan ez baduzu aurkitzen bilatzen duzun irtenbidea edo zure beharretara ondoen egokitzen den KIBS zerbitzua identifikatzeko orientazioa behar baduzu, jar zaitez gurekin harremanetan.
Bilboko KIBS enpresa bat bazara eta Gidan agertu nahi baduzu edo zure informazioa eguneratu nahi baduzu, jar zaitez gurekin harremanetan.
📩 Kontaktua: sectores@bilbaoekintza.bilbao.eus