by

  • Hiriaren erronka berriei heltzeko plan estrategiko bat da, zeinak gehien behar duten PERTSONENGAN (45 urtetik gorakoak, gazteak, epe luzeko langabeak, migratzaileak…) eta hiri-ekonomiaren SEKTORE GILTZARRIETAN (hurbileko merkataritza, ostalaritza, auzoak…) jartzen baitu arreta eta SEKTORE ESTRATEGIKOAK eta AUKERAK SORTZEN DITUZTENAK (enplegu kualifikatuagoa, egonkorragoa eta proiekzio handiagokoa sortzeko) bultzatzen baititu, horretarako NEURRI ZEHATZAK diseinatuta.  Azken batean, plangintza estrategiko eta operatiboko tresna bat da, hiriaren eta barrutien diagnostiko sakon baten ondoren landutakoa, eta hiriaren neurrira egindako enpleguari, prestakuntzari, ekintzailetzari, gizarteratzeari eta tokiko garapen ekonomikoari buruzko politikak artikulatzen ditu.

  • Juan Mari Aburto Bilboko alkateak eta Mikel Torres bigarren lehendakariorde eta Eusko Jaurlaritzako Ekonomia, Lan eta Enpleguko sailburuak 2026-2030 aldirako plan berriaren ardatzak eta gakoak aurkeztu dituzte, eta 2026ko ekainetik 2027ko ekainera bitartean garatuko diren lehen 39 ekintzak iragarri dituzte. Lehen neurri horietatik gehienak guztiz berriak izango dira, eta 8,4 milioi euroko AURREKONTUA IZANGO DUTE.

Bilbok gaurtik dauka Tokiko Enplegu eta Garapen Plana, 2026-2030 urteetarako prestatutako estrategia integral anbiziotsu bat. Planak kalitatezko enplegua, garapen ekonomikoa eta gizarte-kohesioa sustatzeko hiriaren ibilbide-orri berria definitzen du, eta Bilbok datozen urteotan izango dituen beharretara egokitutako neurri oso zehatzak jasotzen ditu.

Juan Mari Aburto Bilboko alkateak eta Mikel Torres bigarren lehendakariorde eta Eusko Jaurlaritzako Ekonomia, Lan eta Enpleguko sailburuak aurkeztu dute gaur plana, zenbait eragile instituzional, ekonomiko, sozial eta prestakuntzakoak bildu dituen analisi- eta lankidetza-prozesu zabal eta konplexu baten emaitza gisa.

Azaldu duten bezala, aurrerantzean, Tokiko Enplegu eta Garapen Planak berak enplegu-politikak diseinatzeko eta gauzatzeko lidergo eta protagonismo eraginkorra emango dio Bilbori, Enpleguaren Euskal Legearekin bat etorriz, eta helburua da aurrera egitea hazkunde inklusiboago, jasangarriago eta etorkizuneko aukerekin lotuago baten aldeko apustua egiten duen hiri-eredu batean.     Proiektuaren oinarrian, alkateak esan duen bezala, “izan nahi dugun hiriaren ikuspegi estrategikoarekin konbinatu dira hurbiltasuna eta kudeaketa-gaitasuna”.

Mikel Torres Eusko Jaurlaritzako lehendakariorde eta Ekonomia, Lan eta Enpleguko sailburuak balioa eman dio Sailak eta Lanbidek Tokiko Enplegu eta Garapen Planen hedapenean trakzioa egiteko jokatzen duten paperari, eta azpimarratu du tresna berri horrek “paradigma-aldaketa bat dakarrela enplegu-politika publikoak diseinatzeko eta garatzeko moduan”.  Torresek Eusko Jaurlaritzaren konpromisoa nabarmendu du, erakundeen arteko lankidetzan, herritarrekiko hurbiltasunean eta lan-merkatuaren aldaketei aurrea hartzean oinarritutako estrategiari dagokionez.

Era berean, azpimarratu du Ekonomia, Lan eta Enplegu Sailak teknikoki eta finantza-arloan lagundu diola plan horiek egiteko prozesu osoari. Gogorarazi du lehen fase honetan Lanbidek 19,5 milioi euro inguru mobilizatuko dituela, eta horietatik 6,7 milioi baino gehiago Bilbora bideratuko direla enplegu-politika aktiboak indartzera.  “Gure helburua ez da soilik enplegu gehiago egotea, baizik eta enplegu hobea egotea: egonkorragoa, kalitate handiagokoa eta pertsona guztientzako aukera gehiagorekin”, adierazi du.

HIRI-ESTRATEGIA BAT, BI IKUSPEGI:

PERTSONAK ETA SEKTOREAK GILTZARRI

Planak ikuspegi estrategiko argia du: orainaldian jardutea eta etorkizunari aurrea hartzea.  Horretarako, lehenik eta behin, gehien behar duten PERTSONAK ETA SEKTOREAK hartuko dira kontuan, eta arreta berezia jarriko zaie laneratzeko zailtasun handienak dituzten kolektiboei; esaterako, epe luzeko langabeei, 45 urtetik gorakoei, gazteei eta migratzaileei.

Bigarrenik, HIRI-EKONOMIAREN FUNTSEZKO SEKTOREAK indartuko dira, hala nola hurbileko merkataritza, negozio txikiak, ostalaritza edo zerbitzu pertsonalak. Izan ere, funtsezkoak dira tokiko enplegua bultzatzeko eta auzo biziak izateko, eta, gaur egun, erronka handi biri aurre egin behar diete: belaunaldi-erreleborik eza edo kontsumo-ohituren aldaketa.

Eta, hirugarrenik, planak etorkizunera begiratzen du, SEKTORE ESTRATEGIKOAK eta AUKERAK SORTZEN DITUZTENAK bultzatuz (adibidez, zerbitzu aurreratuak, eremu teknologikoak, sormen-industriak edo zaintza-sektorea), ulertzen baita halakoek enplegu kualifikatuagoa, egonkorragoa eta proiekzio handiagokoa sortzen dutela.

Alkateak zehaztu duen bezala, “bi ikuspegi horiek aukera eman dute Bilbok eskatzen duenaren” neurrira sortutako JARDUKETEN PLAN bat egiteko “hiriko eta auzoetako arazoak modu eraginkorragoan eta errealistagoan konpontzeko; bisturiz egindako plangintza bat dela esan zitekeen“.

Jarduketa horiek guztiak 2030era arte pixkanaka hedatuko den estrategia zabalago baten parte dira, eta 8 helburu handitan egituratuta daude: enplegua, prestakuntza, ekintzailetza, belaunaldi-erreleboa, inklusioa, lehiakortasuna, talentua eta gobernantza.

PLANAREN LEHEN 39 EKINTZAK

Proiektua aurkezteko ekitaldia baliatuta, Juan Mari Aburto alkateak eta Mikel Torres bigarren lehendakariorde eta Eusko Jaurlaritzako Ekonomia, Lan eta Enpleguko sailburuak plana abian jartzeko lehen ekintzak aurreratu dituzte, zeinak 2026ko ekainetik 2027ko ekainera egingo baitira.

39 PROGRAMA ETA ZERBITZU dira, gehienak erabat berriak. Ekintza horien AURREKONTUA 8,4 milioi eurokoa izango da guztira; eta, horietatik, 6,7 milioi euro Lanbidek finantzatuko ditu; 1,4 milioi euro Udalak, eta gainerakoa beste baliabide batzuekin ordainduko da (Europako funtsak, Bizkaiko Foru Aldundia…).

Lehenengo ekimen multzo hori irailetik aurrera jarriko da abian apurka-apurka, eta datorren urteko ekainerako neurri guztiak egongo dira martxan.

Gainera, 39 programa eta zerbitzu horiei Udalak aurreikusi dituen beste ekintza batzuk gehitu behar zaizkie. Ehun ekintza baino gehiago izango dira, eta lehen aipatutako inbertsioa (8,4 milioi euro) 12,7 milioi eurotan jartzea ekarriko dute.

-PROIEKTUAK AUKERATZEA-

Lanbideren finantziazio partziala duten lehen urte honetako 39 ekintzen artean, hauek dira azpimarratzekoak:

1. DIRULAGUNTZAK ETA PIZGARRIAK

Planak zuzeneko laguntza ekonomiko handia emango die enpresei eta pertsonei, kontratazioa, ekintzailetza eta jarduera ekonomikoaren jarraitutasuna bultzatzeko.

Aurrekontua, guztira: 3.404.400 € 603 laguntza eta pizgarritarako.

Kontrataziorako pizgarriak: Enpresei zuzendutako laguntza ekonomikoak dira, eta helburu dute, batetik, langileen kontratazioa sustatzea, bereziki langile gutxi duten edo belaunaldi-erreleboa behar duten sektoreetan, eta, bestetik, enpleguaren kalitatea hobetzea (egonkortasun handiagoa eta baldintza hobeak).

Talentu-txekea: Sektore estrategikoetako enpresei (zerbitzu aurreratuak, zerbitzu digitalak, teknologia) zuzendutako pizgarri berezia, profil kualifikatuak kontratatzea errazteko pentsatua.

Ekintzaileentzako laguntzak: Enpresa-ideia bat garatzen ari diren langabeentzako laguntza ekonomikoa, emakumeentzako, gazteentzako eta 45 urtetik gorakoentzako pizgarri gehigarriekin.

Negozioak transmititzeko laguntza: Enpresen eta saltokien eskualdaketa errazteko laguntzak, lokalak alokatzea edo erostea eta enpresen jarraitutasuna sustatzekoak.

Praktiketarako eta talentua itzularazteko pizgarriak: Praktiketako ikasleak hartzen dituzten enpresei zuzendutako laguntza eta profesional kualifikatuak Bilbora itzularazteko neurriak.

Espezializazio aurreraturako pizgarriak: Bilbon bizi diren gazteentzako laguntza, zeinak helburu baitu prestakuntza aurreratua jasotzeko eta sektore ekonomiko estrategikoetan garapen profesionala izateko aukerak ematea.

2. PRESTAKUNTZARAKO ETA TALENTUA GARATZEKO EKINTZAK

Planak lan-merkatuaren errealitatearekin lotutako prestakuntzaren alde ere egiten du, pertsonen enplegagarritasuna hobetzeko asmoz.

Aurrekontua, guztira: 737.200 € 1.820 onuradunentzat.

Ekintza batzuk:

Birkualifikazio- eta gaikuntza-programak: Sektore emergenteen edo eskaria duten sektoreen inguruko prestakuntza, gaitasun teknikoak eta zeharkakoak konbinatuta.

Talentuaren garapena: Konpetentziak hobetzeko eta lanpostura egokitzen laguntzeko programak.

Prestakuntza-eskaintzaren mapa: Dagoen eskaintza antolatu eta eguneratzen duen tresna berria, etorkizuneko ikasleek plangintza egin ahal izatea eta ikasketak hasi ahal izatea errazteko.

Interesa sustatzeko programa profesionalak STEMaren eta zerbitzu aurreratuen esparruan. Hirian enplegu- eta garapen-potentzial handiena duten sektoreekiko (adibidez, esparru teknologikoak, zerbitzu aurreratuetakoak eta jarduera emergenteak) interesa pizteko ekimenak, orientazio goiztiarra eskaintzeko etorkizun handiko aukera profesionaletara bideratuta.

Gaztelaniazko alfabetatzea: Gaztelania irakastera bideratutako programa, hizkuntza migratzaileak gizarteratzeko eta laneratzeko funtsezko elementua den aldetik.

3. ENPLEGU- ETA LAGUNTZA-ZERBITZUAK

Planak enplegu-zerbitzu publikoak indartuko ditu, ikuspegi hurbil eta pertsonalizatuarekin.

Aurrekontua, guztira: 2.162.535 €, 4.604 pertsonarentzat eta 1.445 enpresako irismenarekin.

Bilboko Informazio eta Bideratze Zerbitzua:  Pertsonei eta enpresei enpleguari, prestakuntzari eta enpresa-laguntzako baliabideei buruzko informazio argia, arina eta eskuragarria ematen dien lehen mailako arretako udal-zerbitzua.

Enpresa-prospekzioa: Enpresa-sarean uneko eta etorkizuneko talentu-beharrak aldez aurretik identifikatzea.

Enplegua sustatzeko programa: Udal-sailetan langabeak aldi baterako kontratatzea, pertsona horiek lan-esperientzia har dezaten eta gaitasun profesionalak garatzeko aukera izan dezaten etorkizunean laneratzeko aukerak hobetzeko.

Laguntza indibidualizatua: Enpresei eta langileei laguntzea laneratze egonkorrak eta kalitatezkoak bermatzeko.

Laneratzeko ibilbide integralak: Langabeen enplegagarritasuna hobetzeko asmoz orientazioa, prestakuntza eta laguntza konbinatzen dituzten proiektuak. Bereziki enplegua lortzeko zailtasun edo oztopo handienak dituztenei daude zuzenduta.

Lan-bitartekaritzako zerbitzua: Enpresen eta lana bilatzen duten pertsonen arteko zuzeneko lotura errazten du.

Prestakuntza-eskaintza zerbitzu aurreratuetara egokitzea: Prestakuntza- eta enpresa-eragileen ekosistema antolatzea eta lerrokatzea gobernantza partekatuko eredu bati jarraituz, ezagutza-nitxo eta -profil emergenteak detektatzeko.

4.- EKINTZAILETZA BULTZATZEA

Ekintzailetza planaren palanka handietako bat da, lan-aukera gisa ez ezik, motor ekonomiko gisa ere.

Aurrekontua, guztira: 866.820 €, 887 ekintzaileri laguntza eta aholkularitza emateko.

Enpresak sortzeko ibilbide integralak:  Informazio, aholkularitza, prestakuntza eta laguntza pertsonalizatuko zerbitzuen multzoa, ekintzaileei fase guztietan laguntzekoa: ideiatik hasi eta enpresa-proiektua abian jarri arte.

Ekintzailetza-programak sektore estrategikoetan:  Bereziki, zerbitzu aurreratuei, STEMari, Silver Economy-ari eta ekonomia sozial eta solidarioari dagokionez.

Ekintzailetzarako sormen- eta berrikuntza-tailerrak: Aukerak identifikatzeko, negozio-ideiak sortzeko eta erronkak irtenbide berritzaile bideragarri bihurtzeko gaitasuna garatzera bideratutako programak.

Ekintzailetza merkataritzan eta auzoetan: Hurbileko jarduera ekonomiko berriak babestea, auzoak dinamizatzeko.

Ekintzailetza-espazioak eta -sareak: komunitatea sortzea, ezagutza trukatzea eta laguntza kolektiboa ematea.

5. ENPRESEI ETA JARDUERA EKONOMIKOARI LAGUNTZEA

Planak enpresa-sarearen lehiakortasuna bultzatuko du, enplegua sortzeko eta hiriaren hazkunde ekonomikorako giltzarri gisa.

Aurrekontua, guztira: 191.576 € 388 enpresari aholkularitza eta laguntza emateko.

Enpresa txiki eta ertainentzako eta autonomoentzako aholkularitza: Enpresen kudeaketaren, giza baliabideen eta antolaketa hobetzearen inguruko prestakuntza.

Merkataritzarako balio erantsiko programak: Sektore tradizionaletan lehiakortasuna hobetzeko programak.

Enpresetan talentua babesteko programak: Enpresei talentu-estrategiak diseinatzen eta garatzen laguntzeko programa, profesionalak erakarri eta fidelizatzea xede duena.

Ekonomia sozialeko enpresa inklusiboaren azoka: Enplegu-azoka honetan, konexioak ezarriko dira Bilboko kolektibo kalteberekin lan egiten duen gizarte-ekosistemaren eta laneratzeko enpresen, ekonomia sozialekoen, enpleguko zentro berezien eta merkatu arruntean lan egiten duten enpresen artean.

6. LURRALDE- ETA SEKTORE-PROGRAMAK

Planak lurralde-dimentsio argia du, eta AUZOETAN ETA FUNTSEZKO SEKTOREETAN jarduten du.

Aurrekontua, guztira: 1.000.000€

Enplegu-proiektu integralak barrutika: Barrutietan egingo diren jarduera espezifikoak, desberdintasunak murriztu eta enplegagarritasuna hobetzekoak, hurbiltasunetik lehentasunezko kolektiboekin esku hartzekoak eta hiriaren orekan laguntzekoak.  Diagnostikoaren ondorioz hiriko auzo jakin batzuetan hedatu nahi den programa espezifikoa, zehazki Errekalden, Bilbo Zaharrean, Otxarkoagan, .

ZainSare Bilbao: Zaintzaren sektoreko langileei laguntza, prestakuntza eta orientazioa emateko programa.

-BILBOKO TOKIKO ENPLEGU- ETA GARAPEN-PLANA-

2023ko abenduan onartutako lehenbiziko Enpleguaren Euskal Legearen (15/2023) esparruan sortu da, eta, hari lotuta, Bilboko Udalak eskumen berriak bereganatu ditu, eta funtsezko eragile bihurtuko da enplegu-politikak diseinatu, planifikatu eta gauzatzeko orduan.  Horrela, aro eta jarduteko modu berri bati ekin zaio Udalean, eta toki-erakundea enplegua eta ekintzailetza sustatzeko eragile nagusi gisa finkatu da hirian.

Legeak 10.000 biztanletik gorako udalerrietan edota toki-erakundeetan plan horiek egiteko betebeharra jasotzen du, eta Eusko Jaurlaritzak Bilbo hautatu du Euskadiko 11 udalerri pilotuetako bat izateko –horietatik 4 Bizkaian (Barakaldo, Sestao, Durangaldeko Mankomunitatea eta Bilbo)–.

Prozesu horren ondorioz sortu da lehenbiziko Tokiko Enplegu eta Garapen Plana, 2026-2030 aldirako. Plan horretan, herritarren beharretara egokitutako ekintza zehatzak jasotzen dira, eta Bilboko enplegua, ekintzailetza eta garapen ekonomikoa bultzatzeko ildo estrategikoak definitzen dira, ikuspegi zabal, zeharkako eta integratzailetik.

Tokiko Enplegu eta Garapen Plana maila anitzeko GOBERNANTZA PARTEKATUKO EREDU batean oinarritzen da, zeinak erakunde nagusiak biltzen baititu, hala nola Bilboko Udala, Bilbao Ekintza udal-erakundea, Eusko Jaurlaritza eta Lanbide, Bizkaiko Foru Aldundia, eta Bizkaiko ekonomia-, gizarte- eta prestakuntza-eragile guztiak.

Gobernantza Tokiko Enplegu eta Garapen Mahaiaren, talde eragile baten eta gaikako zenbait lantalderen bidez egituratzen da.  Sistema horri esker, planaren koordinazioa, jarraipena eta etengabeko ebaluazioa bermatu ahal izango dira, hirian duen benetako eragina ziurtatzeko.

Enplegu Politika Publikoen Euskal Kontseiluak eta Bilboko Udaleko Gobernu Batzarrak onartu dute Tokiko Enplegu eta Garapen Plana, hura abian jarri aurretik.

HIRIAREN DIAGNOSTIKO SOZIOEKONOMIKOA

Plana egiteko, hiriaren errealitate sozioekonomikoaren eta lan-errealitatearen azterketa zorrotza egin da, oinarri hartuta ikuspegi kuantitatiboa (datu ofizial eta sektorialetan oinarritua) eta kualitatiboa (aipatutako lantaldeen guztien ekarpenetan oinarritua).

DIAGNOSTIKO horri esker, Bilboko eredu sozioekonomiko eta laboralaren indargune nagusiak identifikatu dira, bai eta tokiko enpleguko eta garapeneko estrategia integral batetik jorratu beharreko erronka estruktural eta emergenteak ere.

Indarguneen artean, hauek dira azpimarratzekoak: enpleguaren eta enpresa-establezimenduen kopuruaren bilakaera positiboa; prestakuntza-ekosistema zabala eta finkatua, lanbide-heziketako, unibertsitate mailako eta pareko 70 zentro baino gehiago dituena; zerbitzuen sektore nabarmentzekoa duen ekonomia, zeinean zerbitzu aurreratuekin, merkataritzarekin, turismoarekin eta hiri-ekonomiarekin eta kulturarekin lotutako jarduerek pisu esanguratsua baitute; Bilbo hiri erakargarria izatea jarduera ekonomikorako, talenturako eta inbertsiorako; Udalak gaitasun instituzionala eta gobernantzarako gaitasuna izatea, enpleguko eta garapen ekonomikoko politikak diseinatzen eta hedatzen esperientziarekin.

Erronkak planaren jardunen oinarriak dira hain zuzen, eta, besteak beste, hauek identifikatu dira: kalitatezko enpleguaren sorrera eta mantentzea bultzatzea, epe luzeko langabeengan eta laneratzeko zailtasun handienak dituzten pertsonengan arreta berezia jarrita; prestakuntza-eskaintza lan-merkatuaren benetako beharretara egokitzea; biztanleria aktiboaren zahartzeari aurre egitea, beren-beregi bultzatuta enpleguan aktiboki jarraitzea, birkualifikazioa eta belaunaldi-erreleboa; ekintzailetza bultzatzea garapen ekonomikoaren palanka gisa, ekintzailetzaren kultura indartuz eta enpresa-ekimen jasangarrien sorrera eta finkapena babestuz; dauden jarduera ekonomikoen erreleboa eta jarraitutasuna bermatzea, batez ere hurbileko merkataritzan eta zerbitzuetan, ez dezaten itxi ondorengorik ez dutelako;  kolektibo kalteberen inklusio soziolaboralean aurrera egitea, inklusiorako ibilbide integralen eta talde bakoitzaren beharretara egokitutako jarduketen bidez; migratzaileen hazkundea lan-merkatuan integratzea, etorkinek gaztetze demografiko eta ekonomikorako faktore gisa duten potentziala aprobetxatuta; lurralde-desberdintasunak murriztea eta auzoetan enplegua indartzea.

by

Bilboko Udalak eta Elhuyarrek sustatutako Bizilabe programaren baitan, ‘Parekoen Topaketa’ ekimena egin da Bilboko Zabalgune Eraikinean. Ekimen honen bidez, zientzia eta teknologiaren arloko 18 emakume profesional eta Bizilaben parte hartzen duten 10 eta 16 urte bitarteko 80 gazte baino gehiago aurrez aurre jarri dira, elkarrizketa eta esperientzia-trukea sustatzeko helburuz. 

Atzo arratsaldean, martxoak 24, Zabalgune eraikinean ospatutako saioan, zientzia eta teknologiaren esparru profesionaleko emakumeek beren ibilbidea, eguneroko lana eta lanbidean aurkitzen dituzten erronkak partekatu dituzte gazteekin. Ondoren, gazteek Bizilabe programan garatzen ari diren STEM (Science, Technology, Engineering and Mathematics) proiektuak aurkeztu dizkiete profesionalei. 

Mahai bakoitzean, profesional bat eta gazte-talde bat elkartu dira, eta, dinamika parte-hartzaile baten bidez, ideia-trukea sustatu da. Profesionalek aholkuak eta orientazioa eman dizkiete gazteei, eta gazteek aukera izan dute zientzia eta teknologiaren munduko emakume erreferenteak gertutik ezagutzeko. Saioan, profesionalak mahaiz mahai mugitu dira, elkarrizketa dinamikoa eta aberasgarria izan zedin. 

‘Parekoen Topaketa’ren bidez, gazteek lehen eskutik ezagutzen dute zientzia eta teknologiaren arloko profesionalen lana, eta emakume erreferenteak ikusgai egiten dira. Halaber, gazteek beren proiektuak hobetzeko orientazioa jasotzen dute, eta etorkizuneko ikasketa- eta lanbide-aukerei buruz hausnartzeko aukera dute. 

Bilbon egin den bosgarren edizio honek gazteen talentua sustatzen jarraitzen du, eta ikerketa eta berrikuntza gazteen egunerokoan txertatzeko urrats sendoa da. 

Bilboko Bizilabe 2017an jarri zen martxan eskolaz kanpoko programa gisa, eta bertan gazteek zientzia eta teknologia modu praktiko eta esperimentalean lantzen dituzte. Ekimen hau posible da Bilboko erakunde, ikastetxe, enpresa eta familia batzuen arteko elkarlanari esker. Sare-lan horren emaitza da, besteak beste, Parekoen Topaketa. 

Horrez gain, Bizilabeko gazteek STEM emakume profesionalen bisitak jasotzen dituzte urtean zehar, eta enpresak bisitatzen dituzte, gertutik ezagutzeko lan-eremuak, haien testuinguruak eta bertako profesionalak. 

Ekimen hau gazteen etorkizunerako zubi sendoa eraikitzeko urrats bat gehiago da, ikerketa eta berrikuntza beren egunerokoan txertatzen laguntzen baitu. 

 

Aurtengo ‘Parekoen Topaketan’ parte hartu duten STEM profesionalak: 

Aitziber Matos Bruna, Aitziber Mendiguren Ordorica, Alazne Berguices, Arantza Muguruza Montero, Beatriz Bellanco Anibarro, Cristina Galán García-Arcicollar, Eider Núñez, Isabel Barriocanal Benito, Josefa Ferreiro Quintana, Leire Orive, Maddalen Rodriguez Astigarraga, Maria Angeles Acera Gil, Naroa Iribar Irureta, Natividad Alcorta Sevillano, Patricia Ruiz Ontañón, Rocío Rojas Martín, Sara Alicante Martinez eta Sonia Gabancho Iglesias. 

SARE SOZIALAK:

by

  • Otsailaren 11n ospatuko den Emakume eta Neska Zientzialarien Nazioarteko Eguna dela eta, Bilboko Udalak bat egin du Elhuyarrek sustatutako “Otsailaren 11 erakusleihoak” ekimenaren seigarren edizioarekin.
  • Gaurtik otsailaren 11ra arte, hiriko 50 saltokik erakusleihoak ilustrazioz eta informazioz jantziko dituzte, emakumezko zientzialari bat omentzeko eta emakumeek zientzia eta teknologiaren arloan egiten duten lana herritarren artean ezagutarazteko.

Bilboko Udalak, Bilbao Ekintzaren bitartez, eta Elhuyarrek “Otsailaren 11 erakusleihoak” ekimena jarri dute abian udalerriko 50 establezimendutan. Ekimenaren seigarren edizio hori gaurtik, otsailaren 2tik, otsailaren 11ra bitartean egingo da, emakumeek zientziaren eta teknologiaren arloan egiten duten lana ezagutarazteko. Hala, Bilbok bat egingo du otsailaren 11n ospatzen den Emakume eta Neska Zientzialarien Nazioarteko Egunarekin.

Bilboko 50 establezimenduetako bakoitzak bere erakusleihoa eskainiko dio zientzialari baten lanari; horretarako, gaurtik aurrera, emakumezko zientzialari baten lanari buruzko informazioa duten irudiak eta kartelak jartzen hasiko dira establezimenduetan, eta haren ikerketan inspiratutako irudiekin apainduko dituzte dendak. Modu horretan, saltzaileak 12 zientzialari horien lanaren eta bizitzaren dibulgatzaile bihurtuko dira, eta emakumeek zientziari egindako ekarpena herritarrei helarazten lagunduko dute.

Erakusleiho horietako dekorazioez gozatzeaz gain, Bilboko herritarrek 12 zientzialari horiei buruzko ginkana publiko batean ere parte hartu ahal izango dute: erakusleihoetako karteletan agertuko den QR kode baten bidez, ginkana osatu ahal izango dute emakumezko zientzialariei buruzko galderei online erantzunez.

“Otsailaren 11 erakusleihoak” Elhuyarrek Bizilabe proiektuaren baitan duela sei urte sortutako ekimena da, gazteentzako diseinatutako aisialdiko jarduera zientifiko-teknologikoen barruan.

STEAM hezkuntzaren bidez, Elhuyarrek gai zientifiko eta teknologikoetan parte hartzera animatzen ditu neskak urte osoan zehar, horretarako, emakume zientzialarien lana ikusarazten du eta lan horren garrantzia azpimarratzeko proiektuak egiten ditu, erreferenteak sortzeko eta beren ikerketa-lanak gazteei hurbiltzeko asmoz. Horrela, emakume horien bizitza, ibilbidea eta eredua ezagutzeko aukera eskaintzen zaie gazteei, ideia faltsuak eta estereotipoak alde batera uzteko.

Omendutako emakumeei buruzko istorioak eta ilustrazioak webgune honetan daude eskuragarri.

“Otsailaren 11 erakusleihoak” ekimenean parte hartu duten Bilboko 50 saltokiak:

A2m Gabinete de fisioterapia, Alberto Valencia Fotografía, Anna Pan y Café, Atelier Olga Yrazu, Autoservicio Álvaro, Banfi estanco 94, Bar Patxo, Bilbokomunik2, Cerrajería Wilma, Centro de estética Tania Lorenzo, Ck estilistas, Clínica dental Bilbo Latina, Dietética y masajes Ponin, EHUdenda, Entrefocos, Farmacia Arantza Madariaga Pérez, Farmacia Feo Onzain, Farmacia Inma Olabarrieta Ibarrondo, Farmacia M.A. Linaza Peña, Farmacia Miren Gallastegui Ispizua, Farmacia Sofía Mendizabal – Katia Minteguia, Farmacia Villasante, Farmacia Zubiri Zuaznabar, Ferretería Rekalde, F2 informática, Glass Art studio, Geuria Merkatua, Informática Zorrotza.com, Kumon Indautxu, Lagun Onak, Libertad Avenue, Librería Etxean, Librería Garza, Nahiarte, Occident Seguros – Agencia Iker Alonso, Óptica Ilarte, Optikari, Pedro Salcedo, Podología Ana Gutiérrez, Psikolan, Punto y seguido, Resukare estética, Soik Centro de día, Sopa de sapo, Terai cosmética, The skin by cirugía plástica Bilbao, Tonific, Txibirita herbodietética, Uribarri Fisioterapia eta Yesser decoración.

OMENDUTAKO 12 EMAKUME ZIENTZIALARIAK:

Aurtengo edizioan zientzialari hauek omenduko dira:

  • Jane Goodall (Londres, Erresuma Batua, 1934-2025). Primatologoa
  • Mari Luz Guenaga Gómez (Eibar, Gipuzkoa, 1975). Informatikako ingeniaria
  • Ola Arafat (Gaza, Palestina, 1977). Farmazialaria eta aktibista
  • Marie Anne Gillan Boivin (Versalles, Frantzia, 1773-1841). Emagina eta asmatzailea
  • Yásnaya Aguilar Gil (Ayutla Mixe, Mexiko, 1981). Hizkuntzalaria.
  • Elisabeth Rasekoala (Lagos, Nigeria, 1960). Ingeniari kimikoa
  • Amaia Ortiz Barredo (Gaubea, Araba, 1965). Fitopatologoa
  • Ruby Payne-Scott (Graftib, Australia, 1912-1981). Fisikaria
  • Hong Wang (Guillin, Txina, 1997). Matematikaria
  • Lourdes Herrasti Erlogorri (Aretxabaleta, Gipuzkoa, 1958). Historialaria eta antropologoa
  • Rebecca Lee Crumpler (Christiana, AEB, 1831-1895). Sendagilea
  • Olatz Ortega Vidales (Bilbo, Bizkaia, 1997). Ekotoxikologoa

SARE SOZIALAK:

by

  • BilbaoLan Enplegu Foroaren lehen edizioa Udalak antolatu du eta prestakuntza lantzen duten zazpi gizarte- eta hezkuntza-erakundetako ikasleen eta Bilboko eta Bizkaiko enpresa-sarearen arteko topagunea izan da.

  • “Prestakuntza, laneratzea eta enpresak lotuz” lelopean, foroak 200 pertsona baino gehiago bildu ditu Zabalguneko eraikinean ikasleen, gizarte-erakundeen eta enpresen artean, eta aurrekaririk gabeko azoka bat ezarri du lan-merkatu bidezkoagoa eta askotarikoagoa sustatzeko.

  • Kontxi Claver Bilboko Udaleko Ekonomiaren Garapeneko, Merkataritzako, Turismoko eta Enpleguko zinegotziak hauxe adierazi du inaugurazio-ekitaldian: “Gure asmoa da enpresek gizarte-erakundeak erreferentetzat izatea kontratazioetan pentsatzen dutenean. Udalak talentu askotarikoaren eta zailtasun handiagoak dauzkaten kolektiboen laneratzearen alde egiten duen apustua da”.

Bilbon egin da lehen aldiz BilbaoLan, “Prestakuntza, laneratzea eta enpresak lotuz” lelopean gaur Zabalguneko eraikinean egin den Enplegu Foroa. Foro horren helburua da KONEXIO-GUNE bat sortzea eta prestakuntzan eta laneratzean espezializatutako ZAZPI GIZARTE ETA HEZKUNTZA ERAKUNDETAKO IKASLEAK eta Bilboko eta Bizkaiko 19 ENPRESAREKIN HARREMANETAN JARTZEA, horrela ENPLEGAGARRITASUNA, laneratzea eta lankidetza sustatzeko.

Alde batetik, Gaztaroa Sartu, Peñascal S Coop., Adsis Fundazioa, SSI Taldea, Claret Sozial Fondoa Fundazioa, Koopera eta Otxarkoagako Lanbide Eskolako ehun ikasle baino gehiagok aukera izan dute aurrez aurreko harremana izateko 20 enpresarekin, curriculumaz harago:

  • Enpresa horietan praktikak egiteko eta lan-kontratuak izateko aukerak zuzenean ezagutzea; tokiko lan-merkatuaren benetako premiei buruzko informazio eguneratua lortzea, eta enplegua lortzeko oztopoak gainditzeko laguntza espezializatua jasotzea. Oinarrizko eta erdi-mailako lanbide-heziketako ikasleak eta 1. eta 2. mailako profesionaltasun-ziurtagiria daukaten ikasleak dira.

Bestalde, BilbaoLanek zazpi gizarte- eta hezkuntza-erakunde horiei aukera eman die eskaintzen dituzten gaikuntza- eta laguntza-programak ezagutarazteko eta, hala, hautagaien eta enpresa-sareko kontratazio-arduradunen arteko zuzeneko harremana erraztu du. Halaber, Enplegu Foroak prestakuntza-erakundeen eta enpresa kontratatzaileen arteko lankidetza-akordioak sustatu ditu.

Kontxi Claverrek, Bilboko Udaleko Ekonomiaren Garapeneko, Merkataritzako, Turismoko eta Enpleguko zinegotziak, hauxe nabarmendu du irekiera-ekitaldian: “normalean zailtasun gehiago izaten dituzten ikasleak laneratzearen alde Udalak egiten duen apustuaren adibide argia da azoka hau. Gure enpresek balio handiko profesionalen harrobi baten aldeko konpromisoa har dezaten bilatzen dugu, askotariko talentua sustatzeko helburuarekin. Topaketa horri esker ikasleak modu zuzenagoan irits daitezke enpresetara eta, horrela, enpresa-sareak kontratazioetan pentsatzen duenean gizarte- eta hezkuntza-erakundeak erreferentetzat hartzea nahi dugu”.

Kontxi Claverrek azpimarratu duenez, “talentua ez dago soilik goi-mailako prestakuntzari lotuta eta kontuan izan behar dugu lanbide-heziketak eta profesionaltasun-ziurtagiriek gaitasun handiko profilak eskaintzen dituztela, lan-merkatuaren benetako beharretara egokitutakoak”.

ONURAK IKASLEENTZAT, ERAKUNDEENTZAT ETA ENPRESENTZAT

Irekiera-ekitaldian, parte hartu duten zazpi gizarte- eta hezkuntza-erakundeek egindako jardueraren aurkezpen laburra egin da eta, horren ondoren, ikasleek networkinga egin ahal izan dute, enpresa parte-hartzaileen erakustokiak aztertuz.

BilbaoLaneko jarduera-sektoreak askotarikoak izan dira eta, beraz, ikasleek harreman espezifikoak egin ahal izan dituzte beren ikasketa eta profil zehatzekin lotuta. Gaur egungo lan-merkatuan asko eskatzen diren sektoreak dira:

  • Elektrizitatea eta elektronika, informatika eta komunikazioak; soldadura, galdaragintza eta mekanizazioa; arreta soziosanitarioa eta zainketak; garbiketa; biltegia eta logistika; merkataritza eta marketina; klimatizazio-instalazioak; ostalaritza eta gastronomia; elikagaien industria.

PARTE HARTU DUTEN ENPRESAK

FVEM (Metaleko Enpresen Bizkaiko Federazioa), Leroy Merlin, Grupo Eulen, Grupo SSI, Koopera, Primark, Adecco, Build:Inn (Basque Construction Cluster), AMICYF, QIDA (Caring Well), Aramark, Bizkaiko Ostalaritza Elkartea, Coindata, Erabi, Parte Servicios de Gestión, Giroa, Cimentaciones Abando,  ZAINTZEN, Estudios eta Construcciones Recalde eta Instalatzaile Elektrikoen Enpresa Elkartea izan dira azoka honetara joan direnak Bilboko gizarte- eta hezkuntza-erakundeen programak eta talentua bertatik bertara ezagutzeko eta beren lanpostuetarako hautagaiak zuzenean ezagutzeko.

BilbaoLanen lehen edizio hau Bilboko Udalak zailtasun bereziak dituzten kolektiboak laneratzearen alde egin duen apustuaren parte da, inor atzean utzi gabe, Nazio Batuen 2030 Agendarekin, Garapen Jasangarrirako Helburuekin eta Bilboko Balioen Agiriarekin lerrokatuta.

Bilbao Ekintza udal-sozietateko profesionalen taldearen bidez egin da. Enplegu-foro horrek Bilbok laneratzearen eremuan eredu inklusibo eta jasangarriarekin daukan konpromiso soziala indartzen du,  zailtasun handienak dituzten kolektiboen enplegagarritasuna eta garapen profesionala sustatuz eta lan-merkatu bidezkoagoa eta askotarikoagoa bultzatuz.

Zinegotziak azaldu duenez, “BilbaoLan hau amaitzean gazte horietako askok beren lehen enplegua aurkitzea nahiko nuke, ikasle horientzat zein enpresa kontratatzaileentzat lan-ikuspegi egonkor batekin”.

SARE SOZIALAK:

by

  • Otsailaren 22an, larunbata, Bilbon, Donostian, Arrasaten eta Gasteizen aldi berean egingo den torneoan parte hartuko dute.

  • Itxaso Erroteta Bilboko Udaleko Gazteria eta Kiroleko zinegotzia Donostiako Deustuko Campuseraino joango da, hurbiletik animatzeko. Han lehiatu behar dira Bilboko Udalak sustatutako taldeak.

Abando, Begoña, Castaños, Esperantza, Irala, Deustu, Basurtu, La Perrera eta Otxarkoagako udal Kidegune eta Gazteguneetako 13 taldetako 109 haurrek parte hartuko dute guztira bihar, larunbata, otsailak 22, “First Lego League Euskadi”ren XVI. edizioan (2024-2025).

Guztira 170 taldek defendatuko dituzte beren proiektuak. Aurten iaz baino 63 pertsona gehiagok eta 5 talde gehiagok parte hartuko dute. Gainera, beste auzo batzuetara zabaldu da: Zazpi Kaleak, Irala eta Deustu. Urriaz geroztik, taldeak aurtengo erronka prestatzen ari dira, ozeanoetako ikerketari lotua: “Sumerged“.

“First Lego League Euskadi” nazioarteko hezkuntza-programa bat da. Urtero, mundu osoko 90 herrialdetatik datozen 4 eta 16 urte bitarteko 250.000 gaztek baino gehiagok hartzen dute parte bertan. Taldeko ikaskuntza-esperientzia dibertigarrien eta erronka tematiko errealen bidez, programa honek zientzia eta teknologiarenganako interesa piztu nahi du txikitatik, STEAM (Science, Technology, Engineering, Art and Mathematics) arloen bitartez.  Parte hartzen duten taldeek mundu zientifiko eta digitalerako trebeziak garatzen dituzte, eta zenbait balio bereganatzen dituzte, hala nola aurkikuntza, berrikuntza, inklusioa eta talde-lana.

Innobasquek, Berrikuntzaren Euskal Agentziak, Deustuko Unibertsitateak, Mondragon Unibertsitateak eta UPV/EHUk antolatu dute “First Lego League Euskadi”ren XVI. edizioa.Egoitza anitzeko txapelketa bihar izango da Bilbon, Donostian, Arrasaten eta Gasteizen aldi berean.

  • FLL Euskadi BILBAO, Deustuko Unibertsitateak antolatua (Bilboko campusa).
  • FLL Euskadi DONOSTIA, Deustuko Unibertsitateak antolatua (Donostiako campusa).
  • FLL Euskadi MONDRAGON, Mondragon Unibertsitateak antolatua (Arrasateko campusa).
  • FLL Euskadi VITORIA-GASTEIZ, UPV/EHUk antolatua (Arabako campusa).

Itxaso Erroteta Bilboko Udaleko Gazteria eta Kiroleko zinegotzia Donostiara joango da Bilboko taldeak animatzera:

Lego ABANDO
Kategoria: Challenge
Taldearen izena: BILBAOGAZTE URSAKONEKOAK
Parte-hartzaileen kopurua: 10

Lego BASURTU I
Kategoria: Explorer
Taldearen izena: BILBAOGAZTE OLAGARROBOTAK
Parte-hartzaileen kopurua: 6

Lego BASURTU II
Kategoria: Challenge
Taldearen izena: BILBAOGAZTE MIDIMBIAK
Parte-hartzaileen kopurua: 10

Lego BASURTU III
Kategoria: Challenge
Taldearen izena: BILBAOGAZTE DRAGONES MARINOS
Parte-hartzaileen kopurua: 10

Lego BEGOÑA
Kategoria: Challenge
Taldearen izena: BILBAOGAZTE CALAMARENS EN NUESTRA SALDA
Parte-hartzaileen kopurua: 8

Lego CASTAÑOS
Kategoria: Challenge
Taldearen izena: BILBAOGAZTE TEKNOATLANTIS
Parte-hartzaileen kopurua: 10

Lego DEUSTU
Kategoria: Explorer
Taldearen izena: BILBAOGAZTE OZEANIDAI
Parte-hartzaileen kopurua: 6

Lego ESPERANTZA I
Kategoria: Explorer
Taldearen izena: BILBAOGAZTE TSUNAMIA
Parte-hartzaileen kopurua: 5

Lego ESPERANTZA II
Kategoria: Challenge
Taldearen izena: BILBAOGAZTE TEKNOURPEKARIAK
Parte-hartzaileen kopurua: 10

Lego ESPERANTZA III
Kategoria: Challenge
Taldearen izena: BILBAOGAZTE ROBOTICS
Parte-hartzaileen kopurua: 10

Lego IRALA
Kategoria: Challenge
Taldearen izena: BILBAOGAZTE URETAKO LEGO
Parte-hartzaileen kopurua: 10

Lego LA PERRERA
Kategoria: Challenge
Taldearen izena: BILBAOGAZTE KARRAMARROAK
Parte-hartzaileen kopurua: 7

Lego OTXARKOAGA
Kategoria: Challenge
Taldearen izena: BILBAOGAZTE LEGOTXAR
Parte-hartzaileen kopurua: 7

SARE SOZIALAK:

by

  • Bilbao Bizkaia Film Commissionen 2024ko jardueraren balantzeak beste behin berretsi du ikus-entzunezko ekoizpenen hazkundea progresiboa dela eta eragin positiboa duela hiriko zein Lurraldeko lan-merkatuan eta jarduera ekonomikoan.
  • Kopuru osoei dagokienez, eta kontuan hartuta ingurunea gero eta lehiakorragoa dela, azken urtean %11 areagotu dira lagundutako ekoizpenak (168), %26 filmazio-egunak (1.294), %133 film luzeak (28) eta %57 telesailak (11).
  • Ikus-entzunezko sektoreari lotutako enpresek zifra errekorra lortu dute 2024an Lurraldean, 448 enpresa erregistratu baitira; aitzitik, 2014an, Bilbao Bizkaia Film Commissionek ibilbidea hasi zuenean, 284 enpresa zeuden erregistratuta. Bilbok bakarrik enpresa guztien % 46 hartzen du: 205 enpresa.
  • Zinema, bideo eta telebista-programetako jardueretan, soinu-grabaketan eta musika-edizioan afiliazioak Bizkaian 1.290 izatetik 1.941 izatera igaro dira, hau da, %50,5eko hazkundea izan dute. Bilbok 1.460 lanpostu hartu ditu, Lurralde osoaren %75,2.
  • Bilboko Udalak eta Bizkaiko Foru Aldundiak uste dute datu horiek tokiko talentuaren eta profesionalen sendotasuna bermatzen dutela, bai eta bi erakundeek ikus-entzunezko industria sendo, egonkor eta lehiakor baten garapena bultzatzeko egindako apustua ere.
  • Nobedade gisa, Filmaketetarako Jardunbide Egokien Eskuliburua prestatu da, zeinak grabazioen kudeaketa egokirako funtsezko informazioa biltzen baitu eta dagoeneko erreferentziazko gida bihurtu baita Bilbo Bizkaian lan egiten duten ekoizle eta profesionalentzat.

Kontxi Claverrek, Bilboko Udaleko Garapen Ekonomiko, Merkataritza, Turismo eta Enplegu Saileko Zinegotziak, eta Ainara Basurkok, Bizkaiko Ekonomia Sustatzeko Foru Diputatuak, gaur bertan aurkeztu dute Bilbao Bizkaia Film Commission erakundearen 2024ko jardueraren balantzea. Zifrek modu kuantitatiboan eta kualitatiboan finkatzen dituzten hiria zein Lurraldea, ikus-entzunezko industriarako gero eta erakargarriagoa eta lehiakorragoa den helmuga gisa.

Kontxi Claverrek azpimarratu duenez, “hamar urtez lanean aritu ondoren, gero eta lehiakorragoa den ingurune batean, konpromiso instituzional irmoa dugu kalitatezkoa, egonkorra, sendoa eta jasangarria izango den ikus-entzunezko industria bultzatzen jarraitzeko, motor ekonomikoa izateaz gain, enplegua sortuz eta enpresak sortzen lagunduz, sustapenerako erakargarria ere izango dena”. Ildo horretatik, Claverrek nabarmendu du oso garrantzitsua dela  “tokiko talentua sustatzea, zaintzea eta haren balioa azpimarratzea. Bizi dugun une honetan, Bilbo eta Bizkaia tokiko talentuaren erreferente gisa kokatu dira, estatuan eta nazioartean aintzatespena duten talde artistiko eta tekniko profesionalak baitaude gurean”.

Bestalde, Ainara Basurkok zera adierazi du “Bilbao Bizkaiko ikus-entzunezko sektorean enplegua %50,5 hazi da hamar urtetan, eta enpresa-kopurua %57,7. Bizkaiak 2024an hartu dituen ekoizpenen hazkunde progresiboarekin batera, modu erabakigarrian laguntzen da ikus-entzunezko ekosistema indartzen. Alde batetik, ikus-entzunezko sektore indartsu bat sustatzen da, eta, bestetik, tokiko sortzaileei lan eta hazkunde aukerak eskaintzen dizkien industria bat sendotzen laguntzen da”.

IKUS-ENTZUNEZKO EKOIZPEN GEHIAGO

Bilbao Bizkaia Film Commissionek 2024an babestutako jardueraren balantzeak beste behin berretsi du ikus-entzunezko ekoizpenen hazkunde progresibo eta etengabea, zeina sektoreko enpresa-kopuruaren eta enpleguaren hazkundean islatu baita. Kopuru osoei dagokienez, azken urte honetan %11 areagotu dira babestutako ekoizpenak (168), %26 filmatze-egunak (1.294), %133 film luzeak (28) eta %57 telesailak (11).

Arestian esan bezala, 168 ekoizpen filmatu dira  2024an, (aurreko ekitaldian baino 17 gehiago) eta 296 ekoizpen artatu dira  (2023an baino 27 gehiago). Balantze horri honako hauek gehitu behar zaizkio: 43 iragarki, 7 argazki-saio, 16 film labur, 25 telebista-programa, 28 dokumental, 8 bideoklip eta 2 webserie.

Bestalde, 74 udalerrik hartu dituzte Bilbao Bizkaia Film Commission-ek babestutako ikus-entzunezko ekoizpenak, Bilbo epizentro gisa hartuta.

ERAGIN POSITIBOA ENPLEGUAREN ETA ENPRESEN SORRERAN

Bilbao Bizkaia Film Commissionek hamar urte bete dituenean, 2024ko balantzeak erakusten du ikus-entzunezkoen industriak jarduera ekonomikoan eta lan-merkatuan duen eragin positiboa sendotu egin dela. Horiek horrela, sektore horri lotutako enpresek zifra errekorra lortu dute azken ekitaldi honetan, 448 enpresa baitaude lurraldean, eta horietatik %46 Bilbon daude (205 enpresa).  Bizkaiko datu hori oso bestelakoa da, 2014an ikus-entzunezkoen arloan zeuden 284 enpresekin alderatzen badugu, izan ere, horrek %57,7ko hazkundea ekarri du azken hamar urteetan.

Enplegua sortzeari dagokionez, batez bestekoaren gainetik hazi da: azken hamarkada honetan, Bizkaiko afiliazioen hazkundea %50,5ekoa izan da sektorean, eta afiliazio osoa, berriz, %15,4 igo da aldi horretan. 2024an ikus-entzunezko sektoreak Bizkaian sustatutako 1.941 enpleguetatik %75,2 (1.460 afiliazio) Bilbon kontzentratzen da.

EKOIZPEN NABARMENAK

Hirian eta lurraldean filmatu diren film luze hauek ikus-entzunezkoen sektorearen hazkundearen adibide garbia dira, bai kantitateari dagokionez, bai kalitateari dagokionez: Sin instrucciones, Soy Nevenka, ¿Es el enemigo?, Cuerpo escombro, Ocho, Los últimos románticos, Karmele, La casa en el árbol, Los aitas, Miss carbón, Campamento garra de oso, Ser permanente, Singular, Subsuelo, Los muértimer, The map that leads you, La regla de Osha, El talento, El casoplón, El mal, Spicy Will, ¿Cómo hemos llegado a esto?, Sin cobertura, Bajo tus pies, Un hijo, La tregua, UAP eta Maspalomas.

Telesailei dagokienez, hauek nabarmentzen dira: Querer, Cicatriz, Superstar, Romi, In salt water, Power up 1 y 2, Olimpia, Zeru ahoak, Papá soltero 2.0, Wycaro eta Catch you later.

JARDUNBIDE EGOKIEN GIDALIBURUA

Bilbao Bizkaia Film Commissionek, Bilboko Udaleko Espazio Publikoaren arloarekin lankidetzan, Filmaketetarako Jardunbide Egokien Eskuliburua egin du. Eskuliburu horrek grabazioen kudeaketa egokirako funtsezko informazioa biltzen du, eta erreferentziazko gida bihurtu da Bilbo Bizkaian lan egiten duten ekoizleentzat eta profesionalentzat.

Dokumentu horren bidez, ikus-entzunezko industriari produkzioak Bilbo Bizkaian eraginkortasunez, efizientziaz eta malgutasunez garatu ahal izateko zerbitzurik onena eskaintzen zaio.

Hauek ditu helburu nagusiak: filmazio batean parte hartzen duten pertsonen jokabide arduratsu eta profesionalak sustatzea, eta produkzio-etxeen eta erakunde publiko eta pribatuen artean harreman-esparru positibo eta egonkor bat sortzea.

Kalitatezko ikus-entzunezko industria jasangarria erakartzeko asmoz, honako alderdi hauek nabarmentzen dira eskuliburuan: arau teknikoak eta segurtasun-neurriak; aparkatzeko erreserbak; zamalanetarako eremuak; oinezkoentzako bideen eta trafikoaren mozketak; espaloiak okupatzea; karpak instalatzea; hiri-altzariak eta argiteria etetea; filmaketak eragindako saltoki, negozio eta egoiliarrei informazioa ematea; adingabeekin, dronekin edo animaliekin filmatzea; Ertzaintzaren eta Udaltzaingoaren irudiak, uniformeak eta ibilgailuak lagatzea; filmaketetan armak edo elementu piroteknikoak erabiltzea; objektuak erretzea; garraio publikoa erabiltzea, eta errepideak edo hondartzak eta naturguneak, ospitaleak, merkatuak, udal-hilerriak eta abar erabiltzea.

ZERGA-PIZGARRIAK

2023az geroztik Bilbo-Bizkaiak zerga-pizgarri bat eskaintzen du, lurraldean ikus-entzunezko ekoizpenak bultzatzeko. Neurri horren helburua da lurraldeak sektorearentzat duen erakargarritasuna indartzea, ikus-entzunezkoen eta zinemagintzaren arloko profesionalen eta enpresen lana babestuz. Gainera, arreta berezia jartzen du euskarazko obren sustapenean, eta horien ikusgarritasuna eta proiekzioa sustatzen du.

Onura fiskal hori edozein nazionalitatetako ekoizpenetarako dago eskuragarri, film luzeak, film laburrak eta ikus-entzunezko beste lan batzuk barne, hala nola fikziozko serieak, animaziozkoak edo dokumentalak, zinematografikoak, telebistakoak edo formatu digital berritzaileetan, betiere horien balio kulturala egiaztatzen bada. Kenkariaren oinarrian sartzen dira ekoizpen-kostuak, kopiak lortzeari lotutako gastuak eta ekoiztetxearen kargurako publizitate- eta sustapen-ekintzak. Kenkariaren ehunekoa % 35etik % 60ra bitartekoa da, Bizkaian egindako inbertsio-bolumenaren arabera, eta % 10 gehiago handitu daiteke euskara hutsean egindako ekoizpenetarako; kasu horretan, beraz, %70eko gehieneko kenkaria lor daiteke.

BILBAO BIZKAIA FILM COMMISSION

Bilboko Udalak eta Bizkaiko Foru Aldundiak 2014. urtean sortu zuten Bilbao Bizkaia Film Commission. Doako zerbitzu publiko bat da, eta filmaketak erakartzea, kudeatzea eta laguntza ematea du xede.

Bilbao Bizkaia Film Commission-en laguntza egonkorra eta pertsonalizatua fase guztietan ematen da, ekoizpenean, lokalizazioan, zerbitzu profesionaletan, administrazio kudeaketetan, ekoizpen espazioetan, ostatuan eta logistikan, bai eta erakundeen laguntzan eta konfidantzan, segurtasun juridikoan eta zerga-pizgarrietan ere.

Lankidetza publiko eta pribatuari esker gauza daiteke lan hori. Izan ere, bitartekari lanak egiten ditu ekoiztetxeen eta eragile pribatu zein erakunde publikoen artean. Lankidetza ezinbestekoa da Bilbon eta Bizkaian grabaketen industrian aurrera egiteko.

Bilbao Bizkaia Film Commission Spain Film Commission-en eta European Film Commission Network-en kide da, eta 90 film commission baino gehiago ordezkatzen ditu, Europako Batzordearen laguntzarekin.

Informazio iturriak: Bilbao Bizkaia Film Commission, Bilbao Observatorio, EUSTAT,Gizarte Segurantza

Loturiko dokumentuak

by

  • Elhuyarrekin batera garatzen den Bizilabe Bilbao proiektuaren baitako kanpaina honetan hiriko 62 saltokik euren erakusleihoak apainduko dituzte otsailaren 3tik 11ra bitartean, zientzialari bati buruzko ilustrazioak eta informazioa jarriz.

  • Zabalgune Eraikinak “Emakumeak zientzialari eta teknologo” deritzon erakusketa hartuko du gaurtik otsailaren 17ra arte; erakusketa doan bisita daiteke, aldez aurretik erreserbarik egin gabe, 10:00etatik 19:00etara.

  • Bilboko Udalak, Bilbao Ekintzaren bitartez, “Emakumeak Zientzian” ekimenarekin bat egin du aurten, eta horrela erakundeak beste urrats bat ematen du emakume zientzialariak ikusarazteko eta estereotipoak apurtzeko bidean.

  • “Funtsezkoa da erakundeetatik nesken eta nerabeen artean bokazio zientifikoak sustatzea”, azpimarratu du Kontxi Claverrek, Bilboko Udaleko Garapen Ekonomiko, Merkataritza, Turismo eta Enplegu Saileko Zinegotziak. 

Bilboko Udalak Emakume eta Neska Zientzialarien Nazioarteko Eguna ospatuko du aurten. Ekimen hori hainbat jardueraren bidez garatuko da eta xedea da emakumeek zientziaren eta teknologiaren arloan egiten duten lana herritarrei ezagutaraztea eta neskak eta nerabeak bokazio horien inguruan sentsibilizatzea.

“Espero dut datozen egunotan Bilbon sustatuko ditugun ekintza hauek guztiak neskato eta gazte askoren inspirazio iturri izatea. Horretarako erabat da garrantzitsua erakundeok jabetzea ekintza bakoitzak esparru zientifikoan berdintasunerako bidea eraldatzen laguntzen digula. Gainera, nesken artean karrera zientifikoen aukeraketa sustatzeko eta gure gazteengan bokazio horiek pizteko lanean jarraitu behar dugu”, adierazi du Kontxi Claverrek, Bilboko Udaleko Garapen Ekonomiko, Merkataritza, Turismo eta Enplegu Saileko Zinegotziak.

Gaur hasi eta nazioarteko eguna ospatzen den otsailaren 11ra arte, hiriko 62 saltokik erakusleihoak apainduko dituzte emakume zientifiko baten omenez. Merkatariek zientzialari baten lanari buruzko informazioa jasotzen duten irudiak eta kartelak jarriko dituzte euren establezimenduetan eta erakusleihoak zientzialari horien ikerketan inspiratutako motiboekin apainduko dituzte. Horrela, Bilboko Udala eta dendak hamabi zientzialariren bizitzaren eta lanaren dibulgatzaile bihurtuko dira, emakumeek zientziari egiten dioten ekarpena ikusarazten lagunduz.

Gainera, aurreko bi edizioetako arrakasta erreferentziatzat hartuta, herritarrek yinkana batean parte hartu ahal izango dute. Horretarako, mugikorrean Actionbound aplikazioa deskargatu beharko dute, establezimenduetan omendutako hamabi emakumeen kartelak bilatu eta dagozkien QR kodeak eskaneatu. Kartel bakoitzaren QR kodea eskaneatu ondoren zientzialariari buruzko galdera bati erantzun beharko diote, eta establezimenduz establezimendu joan, hamabi emakumeen QR kodeak aurkitu eta galdera guztiei erantzun arte.

“Erakusleihoak otsailak 11 #ErakusleihoakO11” ekimenak bosgarren edizioa ospatuko du aurten eta Elhuyarrekin lankidetzan gauzatzen den Bizilabe Bilbao proiektuaren baitan kokatzen da. STEAM hezkuntzaren bidez, Elhuyarrek gai zientifiko eta teknologikoetan parte hartzera animatzen ditu neskak urte osoan zehar, horretarako, emakume zientzialarien lana ikusarazten du eta lan horren garrantzia azpimarratzeko proiektuak egiten ditu, erreferenteak sortzeko eta beren ikerketa-lanak hurbiltzeko asmoz. Horrela, emakume horien bizitza, ibilbidea eta eredua ezagutzeko aukera eskaintzen dute, ideia faltsuak eta estereotipoak alde batera uzteko.

Bilboko 62 saltoki parte-hartzaileak:

  • a2m fisioterapia kabinetea
  • Marisa Etxebarria aseguru agentzia
  • Arabell
  • Álvaro autozerbitzua
  • Banfi Estanco 94
  • Bi by Jatera
  • Bubblebyvane
  • C&Kestilistas
  • Tania Lorenzo Estetika, Irudi eta Edertasun Zentroa
  • Wilma sarraila-denda
  • Bilbo Latina hortz-klinika
  • MVS ahokularitza energetikoa
  • Ponin dietetika eta masajeak
  • EHUDenda
  • Entrefocos
  • Estudio 51 estetika
  • F2 Informática
  • Arantza Madariaga Pérez farmazia
  • Arilla farmazia
  • Dr. Juan Uriarte farmazia
  • Inma Olabarrieta farmazia
  • Jose Rouco Martínez farmazia
  • M.A. Linaza Peña farmazia
  • María Feo Onzain farmazia
  • Sonia Hernández Ibáñez farmazia
  • Tenderia farmazia
  • Uribarri farmazia
  • Villasante farmazia
  • Zubiri Zuaznabar farmazia
  • Garpe burdindegia eta sarraila-denda
  • Rekalde burdindegia
  • Frutas Arratia
  • Frutas Manuela
  • Geuria Merkatua
  • Ikusi Optika
  • Informática Zorrotza.com
  • La Txika de la cerveza
  • Etxean liburu-denda
  • Lápices Papelería liburu-denda
  • Libu liburu-denda
  • Marmoka
  • Maslife Abando
  • Yoli haurrentzako moda
  • Mónica estetika aurreratua
  • Nahiarte
  • Optikari
  • Pedro Salcedo
  • Lamiak ile-apaindegia
  • Pentagrama
  • Ongiro pilatesa
  • Ana Gutiérrez podologia
  • Psikolan
  • Punto y seguido
  • Resukaré estetika
  • Salon Stilo21 ile-apaindegia
  • SKFK
  • Sorgiña
  • Terai Cosmética
  • Tonific
  • Triumph Bilbao
  • Uribarri Fisioterapia
  • Yesser Decoración

Hauek dira omenaldia jasotzen duten hamabi emakume zientzialariak:

  • Amena Karimyan (Herat, Afganistan, 1996). Astronomoa, aktibista eta idazlea.
  • Dorotea Barnés González (Iruñea, Nafarra, 1904-2003). Kimikaria.
  • Halet Çambel (Berlin, Alemania, 1916-2014). Arkeologoa eta esgrimista.
  • Harriet Martineau (Norwich, Erresuma Batua, 1802-1876). Ekonomialaria eta soziologoa.
  • Jeanne Baret (La Comelle, Frantzia, 1740-1807). Botanikaria.
  • Lurdes Ansa Maiz (Andoain, Gipuzkoa, 1961). Material zientifikoen editore-burua.
  • Margaret Crane (Indiana, AEBak, 1941). Publizista eta asmatzailea.
  • Maria Jesus Esteban Galarza (Alonsotegi, Bizkaia, 1955). Matematikaria.
  • Nawal El Saadawi (Kairo, Egipto, 1931-2021). Medikua, idazlea eta aktibista.
  • Patricia Rodríguez Brennan (Bogota, Kolonbia, 1971). Biologo ebolutiboa.
  • Suzuko Ainhoa Tamura (Aichi, Japonia, 1934-2015). Hizkuntzalaria.
  • Uxue Lazcano Dobao (Bergara, Gipuzkoa, 1995). Biologo konputazionala.

ERAKUSKETA ZABALGUNE ERAIKINEAN

Dendetako kanpainaz gain, Bilboko Udalak Emakume eta Neska Zientzialarien Nazioarteko Eguna ospatzeko antolatzen duen beste jarduera bat “Emakumeak zientzialari eta teknologo” erakusketa da.

Udalak Zabalgune Eraikineko atari nagusian, gaur, otsailak 3, hasi eta otsailaren 17ra arte zabalik egongo den erakusketa bisitatzera gonbidatzen ditu herritarrak. Erakusketak zientziaren eta teknologiaren esparruko hamabi emakume horien ilustrazioak ditu, eta doan bisitatu ahal izango da, aldez aurretik erreserbarik egin gabe, 10:00etatik 19:00etara.

Erakusketaren xedea da gizartea eta, bereziki, haurrak eta gazteak, egungo eta iraganeko zientziaren eta teknologiaren esparruan erreferente diren hamabi emakume horiengana, gazteak eta ibilbide profesional zabala dutenak, hurbiltzea.

EMAKUMEAK ZIENTZIAN

Emakume eta Neska Zientzialarien Nazioarteko Egunean, aurten, Bilboko Udalak, Bilbao Ekintza udal-sozietatearen bitartez, bat egin du Emakumeak Zientzian ekimenarekin. Kanpaina hau 2017an hasi zen eta ordutik emakumeek zientzian duten jarduera ikusarazteko, rol estereotipatuak hausteko eta neskatoen eta nerabeen artean karrera zientifikoen aukeraketa sustatzeko helburuarekin egiten du lan.

Horretarako, Emakumeak Zientzian ekimenak jarduera-programa zabala sustatu, antolatu, garatu, aurkeztu eta gauzatzen du otsailaren 11ri lotuta. Aurten Zabalgune Eraikinean egiten den “Emakumeak zientzialari eta teknologo” erakusketa sartu da. Aurten Bilboko Udalak bat egin du Emakumeak Zientzian proiektuarekin; proiektuan 35 erakundek parte hartzen dute, hala nola ikerketa-zentroek, unibertsitate-fakultateek, erakunde publikoek… Azken batean, Euskadiko zientziaren eta teknologiaren arloko erakunde adierazgarrien sare zabala.

EMAKUME ETA NESKA ZIENTZIALARIEN NAZIOARTEKO EGUNA

Nazio Batuetako Batzar Orokorrak 2015ean erabaki zuen otsailaren 11 izango zela Emakume eta Neska Zientzialarien Nazioarteko Eguna, emakumeek eta neskek zientzian erabateko partaidetza eta parte-hartze parekidea izan dezaten lortzeko eta emakumeengan bokazio zientifikoak sustatzeko.

SARE SOZIALAK:

by

  • Gaurtik, urtarrilaren 13tik, urtarrilaren 22ra bitartean, Bilbon erroldatutako langabeek esteka honetan izena eman ahal izango dute udal-programan parte hartzeko, zeinak laguntza eta prestakuntzaren bidez 50 pertsona lan-merkatuan sartzea erraztuko duen.

  • Proiektuaren edizio berria otsailaren 10ean hasi eta martxoaren 31n amaituko da eta enplegagarritasuna hobetzea izango du helburu, batez ere kolektibo zaurgarrienen artean, tresnak eta ezagutza emanez.

Bilboko Udalak, Bilbao Ekintza udal-sozietatearen bitartez eta Bizkaiko Foru Aldundiak finantzatuta, gaur, astelehena, urtarrilak 13, ireki du Bilbao Berraktibatzen 2024/2025 edizio berrian izena emateko epea, urtarrilaren 22an amaituko dena. Udal-programa hori hirian erroldatuta dauden eta lan-merkatuan sartzeko laguntza behar duten langabeei zuzenduta dago.

Aldi horretan izena eman dutenen artean hautaketa-prozesua egin ostean, otsailaren 10etik martxoaren 31ra bitartean, Bilbon bizi diren 50 langabek aukera izango dute beren talentuaren garapena erraztuko duten zeharkako trebetasunak identifikatu eta entrenatzeko, bai eta beren enplegagarritasun-maila handituko duten tresnak, estrategiak eta kontaktuak ezagutzeko ere.

Parte-hartzaileen artean lehentasunezko kolektibo ez baztertzaileak izango dira emakumeak, 35 urtetik beherakoak eta 45 urtetik gorakoak, bai eta iraupen luzeko langabeak diren bilbotarrak ere.

55 ORDUKO PRESTAKUNTZA ETA LAGUNTZA

Hona hemen Bilbao Berraktibatzen 2024/2025 programa osatuko duten ekintzak: Banakako laguntza jasotzeko hamar orduko bost saio egingo dira hasierako diagnostikoa egiteko, CVa birdiseinatzeko, sare sozialetan posizionatzeko eta ekintza-plan indibidualizatua egiteko. Gainera, bost orduko zazpi talde-saio egongo dira, non autoezagutza, marka pertsonala, oratoria, tresna digitalak, lan-aktibazioa eta enpleguari lotutako trantsizio berdea landuko diren. Parte-hartzaileek lan-eskaintzak mapatzeko eta merkatua aztertzeko banakako sei ordu izango dituzte, baita merkatuko joerei buruzko jardunaldi batera joateko lau ordu ere.

Bilbao Berraktibatzen 2024/2025 programak laneratzeko laguntza ematen die proiektuan parte hartzen duten 50 pertsonei, eta trantsizio teknologiko-digitalari, energetiko-klimatikoari eta soziosanitarioari lotutako sektoreetan zentratuko da.

Bilbao Berraktibatzen 2024/2025 programari buruzko informazio gehiago jaso edo zalantzak argitu nahi izanez gero, kontsultak posta elektronikoz (enplegua@bilbaoekintza.bilbao.eus) edo telefonoz 94.420.53.21 zenbakian egin daitezke.

Izena emateko inprimakia: https://forms.office.com/e/qLVFiGwNcU

SARE SOZIALAK:

by

  • 2024/2025 aldirako diseinatu diren enplegu-planek 505 lanpostu berri sortuko dituzte Bilbon. Aurrekontua, guztira, ia 9,4 milioi eurokoa izango da eta horietatik 2 milioi € baino gehiago Udalak emango ditu. 

  • “Lehen Lan-Esperientzia” izeneko programa erdi-mailako edo goi-mailako titulazioa duten 30 urtetik beherako gazteei zuzenduta dago eta beraiei ematen zaien laguntza sustatzeko ardatz nagusienetakoa da. Aurten 505 lanpostu sortuko dira, iazko edizioan baino 18 gehiago.

  • Azaroak 18an hasiko da tokiko enpresek laguntzak eskatzeko epea, hala, kontratazioa sustatzeko eta Hiribilduan kalitatezko enplegua sortzeko.

  • 2024an, Bilboko enpresetako langileen afiliazioa batez beste 192.350 pertsonetakoa da eta zifra historikoa da, iazko aldi berean baino 6.965 lanpostu gehiago baitira.

Juan Mari Aburtok, Bilboko Alkateak, eta Mikel Torresek, Bigarren Lehendakariordeak eta Eusko Jaurlaritzaren Ekonomia, Lan eta Enplegu Sailburuak, gaur aurkeztu dute Bilbon 2024-2025 urteetan martxan jarriko den Enplegu-Plana. Planaren helburua lanpostu berriak sortzea, Bilboko jarduera ekonomikoa sustatzea eta zaurgarritasun egoera larriagoan dauden kolektiboak laneratzea erraztea da. Edizio honetako lehentasunezko publikoa, orokorrean LANGABEAK, EMAKUMEAK eta, bereziki, GAZTEAK izango dira.

Apustua bilbotar gazteek kalitatezko enplegua izatea da. Horretarako, Lehen Lan Esperientzia izeneko programa indartu da. Programa hori unibertsitate-ikasketak egin dituzten edo erdi-mailako edo goi-mailako lanbide-heziketa ikasi duten eta ikasketa horiek orain dela hiru urte baino gutxiago bukatu dituzten 30 urte baino gutxiagoko gazteei zuzenduta dago.

Juan Mari Aburto Bilboko Alkateak azaldu duenez: “aurten lanpostu egonkorrak eta kalitatezkoak sortzea indartu nahi dugu, bereziki, gazteentzat. Gainera, prestakuntza-plan indibidualizatuak eta pertsonalizatuak izango dituzte, eta lan-merkatuaren benetako beharrei erreparatuko zaie. Gazteen oztopo nagusietako bat esperientzia-falta da, eta programa espezializatuen bitartez gazteei laguntzeko lan egiten dugu, tokiko talentua fidelizatuz”. “Beste konpromiso bat programa hauetan emakumeen parte-hartze tasa mantentzea da. Azken edizioan %55 baino gehiagokoa izan zen”.

Bilboko 2024/2025 Enplegu Plana aurkeztu dute gaur udaletxeko Arabiar Aretoan, eta planak argi uzten du beharrezkoa dela udalek eta Lanbide-Euskal Enplegu Zerbitzuak batera lan egitea. Aurrekoarekin lotuta, EAEko Enpleguaren Lege berriaren bitartez, udalaren papera indartu daiteke, plangintza hobetzen da eta udalaren proiektuen finantzaketa bermatzen da. “Bilbon gobernantza eredu kolaboratiboaren alde egiten dugu”, azpimarratu du Alkateak.

Mikel Torres bigarren Lehendakariordeak eta Eusko Jaurlaritzaren Ekonomia, Lan eta Enplegu sailburuak azaldu duenaren arabera, Mikel Torresek, bigarren Lehendakariordeak eta Eusko Jaurlaritzako Ekonomia, Lan eta Enplegu Sailburuak, azaldu duenez: “Sailaren lehentasuna herritar guztientzat enplegua (kantitatean zein kalitatean) sustatzeko politikak bultzatzen jarraitzea da. Soldata bidezkoekin eta lan-baldintza egokiekin, eta, betiere, osasun- eta segurtasun-parametroak betez. Enplegu duina eta egokia, etorkizunean bizi-proiektua izatea eta talentua bertan geratzea ahalbidetzen duena, lurraldeko enpresetan fidelizatzeko”.

Horretarako, Lanbidek EAEko toki-erakundeek enplegua sustatzeko hiru programa finantzatu ditu aurten. “Plan horietan 32.659.404 euro inbertitu dira guztira. Aurrekontu horri esker, guztira 2.489 kontratazio finantzatu dira. Horietatik 1.674 toki-erakundeek egin dituzte eta sei eta hamabi hilabete arteko kontratazioak izango dira. Hala, kontratatutakoek esperientzia eskuratuko dute eta, horri esker, langabeen enplegagarritasuna hobetuko da. Gainerako 815 kontratuak toki-enpresek egindako kontratu mugagabeak izan dira. Horrek ziurtatzen du toki-enpresetan laneratzeko laguntza eskaintzen dela eta sistemak funtzionatu egiten duela”, azpimarratu du Mikel Torresek.

‘LEHEN LAN-ESPERIENTZIAREN’ ALDEKO APUSTUA

2024/2025 urteetarako diseinatu den Bilboko Enplegu Planak 505 lanpostu berri sortuko ditu guztira: 404 lanpostu Enpleguaren Plan Arruntekoak dira, eta horietatik 246 tokiko enpresa pribatuek Eusko Jaurlaritzak/Lanbidek eta Bilboko Udalak ematen dituzten laguntzekin egindako kontratazioak dira, eta 158 Bilboko Udalak, udal-arloek edo -erakundeek erabilgarritasun edo interes publikoko jardueretarako egindako kontratazioak dira.

Gazteen aldeko apustua sustatzeko, ‘Gazteen Enplegu Planean’ 46 lanpostu berri sortuko dira (Bilboko Udalak, udal-arloek edo -erakundeek urtebeteko kontratazio zuzenak egingo dituzte) eta ‘Lehen Lan Esperientziak’ eskuratzeko 55 enplegu ere sortuko dira. Proiektu hori aurreko edizioan Gazteen Enplegu Plana indartzeko proiektu pilotua izan zen, eta aurten programa irmo gisa finkatu da eta aurreko edizioan baino 18 lanpostu gehiago izango ditu. Gazteei 101 kontratazio egingo zaizkie guztira.

Enplegu Planaren edizio honetarako aurrekontua 9.342.957 eurokoa izango da; horietatik 7,3 milioi euro Eusko Jaurlaritzak emango ditu eta 2 milioi € baino gehiago Bilboko Udalak. Hala, udal-partida handitu egin da iazko 2023/2024 edizioarekin alderatuta (1.604.356 €).

BILBON TALENTUA GARATZEKO ESTRATEGIA

Enplegagarritasuna sustatzeko eta talentua erakartzea eta fidelizatzea bultzatzeko, Bilboko Udalak, Bilbao Ekintza udal-sozietatearen bitartez, hirian talentua garatzeko zeharkako estrategia bat diseinatu du eta arreta osoa jarri die, besteak beste, Enplegu Planean parte hartzen dutenei, hala, kolektibo horri laneratzen laguntzeko. Horretarako, beren gaitasunak eta profilak merkatuaren beharretara egokitzen lagundu die.

Alde batetik, Bilbon talentua garatzeko estrategiaren helburua hiribilduko biztanle bakoitzaren talentua garatzea errazten duten zeharkako trebetasunak identifikatzea eta entrenatzea da. Gainera, estrategia horri esker, parte-hartzaileek tresnak, ezagutzak, estrategiak eta kontaktuak eskuratzen dituzte. Lana bilatzean gertatzen diren prozesu emozionaletan ere laguntzen zaie. Modu horretan, Enpleguaren 2024/2025 Plana osatu eta indartu da; laguntza indibidualizatuak, taldekako prestakuntzak eta topaketak eta bilerak egingo dira enpresekin, merkatuaren joerak ezagutze aldera.

BILBOKO ENPLEGUA: HISTORIAKO ZIFRARIK ONENAK

2024ko urtarriletik irailera, Bilboko enpresetako langileen afiliazioa batez beste 192.350 pertsonakoa izan da eta gaur egun, iazko aldi berean baino 6.965 lanpostu gehiago (%3,8 gehiago) daude hirian. Zifra hori errekorra izateaz gain, irailean emakumeentzat hobeto banatu ziren lanpostuak. Izan ere, emakumeak landunen %56 izan ziren. Urteko batezbestekoan, zerbitzuen sektoreak hiribilduko enpresen enpleguaren %90 hartzen du eta % 4 hazi da. Sektore horren barnean, ostalaritza (%7,6) eta ostatuak (%7,3) dira 2023rekin alderatuta gehien hazi diren jarduerak. Datu absolutuetan, zerbitzu aurreratuak izan dira hobekien garatu direnak, 1.495 enplegu gehiagorekin.

Gainera, Biztanleriaren Jardueraren arabera sailkatzeko Inkestak (BJA) eta Biztanleria Aktiboaren Inkestak (BAI) afiliazio-datu horiek berresten dituzte; horien arabera, hirugarren hiruhilekoan langabezia-tasak jaitsi egin dira eta BJAren arabera % 8,7n geratu dira eta BAIren arabera % 8,5en.

ENPRESEK ENPLEGU-PLANETAN KONTRATATZEKO LAGUNTZAK

Enplegu egonkorra eta kalitatezkoa sortzea sustatzeko estrategia gisa, ENPRESA pribatuek 2024/2025 urteetako enplegu-planetan kontratazioak egiteko laguntza 1.837.540 eurokoa izango da. Dirulaguntza jasoko duten tokiko enpresek 10.000 eurora arte jaso ahalko dituzte kontratu mugagabe bakoitzeko.

Lantokiak Bilbon dituzten eta bertan jarduten duten tokiko enpresek datorren astelehenean, azaroak 18, 10:00etan, eskatu ahal izango dituzte laguntzak  www.bilbaoayudascontratacion.eus web-orrian. Laguntzak 2024ko abenduaren 20ko 15:00ak arte eskatu ahal izango dira eta eskariak aurkezpen-ordenaren arabera sailkatuko dira.

246 kontratu mugagabek jasoko dute dirulaguntza, lanaldi osoan edo partzialean, lanaldiaren gutxieneko % 50ekin. Gainera, kontratazioekin, sei hilabete lehenago enpresak duen batezbesteko plantillan enplegu garbia sortuko da.

Kontratatutakoek baldintza hauek bete beharko dituzte: langabezian egotea; hau da, Gizarte Segurantzaren Araubide Orokorrean edo Langile Autonomoen Araubide Berezian altan emanda ez egotea, Lanbide-Euskal Enplegu Zerbitzuan enplegu-eskatzaile gisa izena emanda eta altan egotea eta Bilbon erroldatuta egotea eta legezko bizilekua bertan izatea.

2024/2025 ENPLEGU-PLANAREN HIRU LERRO NAGUSIAK

1-. ENPLEGU ARRUNTEKO PLANA

Plan horrek, kontratuak bide bikoitzetik egitea sustatzen du:

  • Bilboko Udalaren bitartez.
  • Hiriko enpresa pribatuen bidez.

Bi modalitateetan parte hartu dezakete hauek:

  • Langabe eta Lanbide-Euskal Enplegu Zerbitzuan enplegu-eskatzaile gisa altan emanda daudenak.
  • Bilboko egoiliarrak.
  • Kontratatutako guztien % 55 gutxienez emakumeak izan behar dira.

Udalean eta udal-sozietateetan egindako kontratazioak:

Kontratazioak sei hilabeterako egingo dira eta kontratatutakoek udalaren askotariko proiektuetan lan egingo dute: besteak beste, instalazioak eta eraikinak berreskuratzeko udal-bulegoak zaharberritu eta egokitzea; zerbitzuak digitalizatzea eta sareak eta marketina sustatzea informazioaren komunikazioa hobetzeko eta udal-zerbitzuak digitalizatzen aurrera egitea; udal- eta hiri-zerbitzuak hobetzea, udalaren ondare higiezina berrikustea eta sailkatzea; kultur-programak, etab.

Hiriko enpresa pribatuetako kontratazioak:

Erakunde-dirulaguntzak indartu eta gehitu dira. Izan ere,  kontratuak mugagabeak izan beharko dira, modu horretan, enplegu egonkorra eta kalitatezkoa sortzea sustatzeko. Laguntzak lantokia Bilbon duten eta jarduera ekonomikoa bertan gauzatzen duten tokiko enpresei bideratuta daude.

Laguntza-motak EZBERDINAK izango dira:

10.000 eurora arteko laguntzak lanaldi osoko kontratu bakoitzeko eta 7.500,00 eurora arteko laguntzak iraupen mugatuko kontratu bakoitzeko. Kontratu horiek artistei eta ikuskizun publikoetako teknikariei eta laguntzaileei egingo zaizkie, lanaldi osokoak izango dira eta sei hilabetekoak edo gehiagokoak edo lan egindako lanaldi partzialeko zati proportzionalekoak izango dira, baldin eta kontratatutako pertsonak kolektibo hauetakoak badira:

  • DSBEren titularrak eta DSBEren onuradunak.
  • 35 urtetik beherakoak.
  • Epe luzeko langabetuak.
  • 55 urtetik gorakoak.

8.000 eurora arteko laguntzak, lanaldi osoko kontratu mugagabe bakoitzeko, baldin eta aurreko baldintzak betetzen ez badira. Lanaldi partzialean kontratatuz gero, dirulaguntza lan egindako lanaldiarekiko proportzionala izango da.

3.000 eurora  arteko laguntzak, artistei eta ikuskizun publikoetako teknikariei eta laguntzaileei egindako iraupen mugatuko kontratu bakoitzeko, lanaldi osoan eta hiru hilabeterako. Eta 6.000 eurora arteko laguntzak, sei hilabeteko edo gehiagoko  lanaldi osoko kontratu bakoitzeko. Lanaldi partzialeko kontratazioetan edo hiru eta sei hilabete artekoetan, dirulaguntza lanaldiarekiko eta/edo lan egindako denborarekiko proportzionala izango da.

Dirulaguntzen zenbateko guztiek % 10 osagarria jasoko dute emakumeak kontratatzen direnean.

2-. GAZTEEN ENPLEGU-PLANA

Plan berezi bat da, eta bere helburua Bilboko gazteen langabezia modu espezifikoagoan jorratzea eta gazteen enplegagarritasuna hobetzea da. Langabe dauden eta erdi-mailako edo goi-mailako titulazio akademikoa duten 16 eta 30 urte arteko gazteei zuzenduta dago.

Parte hartu nahi dutenak Lanbiden eta Gazteen Berme Sisteman izena emanda egon beharko dira, eta, horrela, beren enplegagarritasuna hobetuko da, lan-esperientzia eskuratuko dutelako.

Zuzeneko lanpostuak sortuko dira eta lanaldi osoko hamabi hilabeteko kontratazioak gauzatuko dira. Toki-eremutik sustatuko dira eta zuzenean egingo dituzte Bilboko Udalak edo udal-arloek eta -erakundeek.

  • Kontratazio guztiak 2024ko azaroaren 30aren aurretik hasi behar dira.

Askotariko profil profesionalak dituzten gazteak kontratatuko dira, besteak beste, prestakuntza hauek egin dituztenak: administrazioa, teknologia berriak, proiektuen kudeaketa, komunikazioa, giza baliabideak, web-proiektuak, arlo juridikoa, arkitektura, ingeniaritza, ekonomia, hezkuntza, kultura-programazioa, turismo-sustapena, diseinua, marketina, hirigintza, ingurumena eta gizarte-lana.

Enplegu Arrunteko Planean bezala, eskaintzak zuzenean kudeatuko ditu Lanbide-Euskal Enplegu Zerbitzuak eta hautagaitzak Bilbao Ekintza udal-sozietatera bideratuko ditu.

3-. LEHEN LAN-ESPERIENTZIA

Gazteen enplegu-programa indartzeko plana da. Orain dela hiru urte baino gutxiago unibertsitate- ikasketak bukatu dituzten edo erdi-mailako edo goi-mailako lanbide-heziketa ikasi duten 30 urtetik beherako gazteak kontratatuko dira.

ESPERIENTZIA OSO ONGI BALORATUA

Enplegu-planak ebaluatzeko eta diseinatzeko ezinbesteko tresnetako bat inpaktu- eta gogobetetze-azterlanak dira; inkesten bitartez egiten dira eta programetako parte-hartzaileek eta enpresa kontratatzaileek betetzen dituzte.

Azken inkestaren arabera, Bilboko 2023/2024 Enplegu Planetan parte hartu zutenen %89,6 pozik zeuden izandako esperientziarekin. Nagusiki, eskuratutako lan-esperientzia (%79,3) eta beren espektatiben betetze-maila (% 79,8) baloratu zituzten. Gainera, %92k esan zuten esperientzia errepikatuko luketela eta beste batzuei parte hartzeko gomendatuko lieketela. Iazko edizioko Enplegu Planetan parte hartu zutenen %43 gaur egun lanean daude edo lanean egon dira.

Laguntzak jaso zituzten enpresei dagokienez, %95ek baieztatu zuten oso pozik daudela programarekin. Halaber, kontratatu zirenen %56k enpresan lanean jarraitzen dute eta guztiek dituzte kontratu mugagabeak; horietatik %70ek lanaldi osoko kontratuak dituzte. Beste alde batetik, alderdi guztiek egindako balorazio positiboaren ondorioz, enpresen %77k 2024an kontratazio berriak egin dituzte edo horretarako asmoa dute.

by

  • Formula Student Bizkaia Bilboko Udalaren lankidetza duen proiektua da, ikasleak lan-mundura hurbiltzea helburu duena.

  • Aurkeztutako monoplazak lau motorreko sistema du gurpiletan eta 600 Veko bateria batez elikatzen da, 190 ZPeko potentzia (140 kW) lortzeko aukerarekin.

Formula Student Bizkaiak FSB2024 monoplaza aurkeztu du Bizkaia Aretoan, eta horrexekin lehiatuko da aurtengo uztail eta abuztuan Silverstoneko Formula Student (FSUK) eta Montmeloko Formula Student (FSS) lehiaketetan.

Ekitaldian izan dira Eva Ferreira Euskal Herriko Unibertsitateko errektorea, Xabier Ochandiano Bilboko Udaleko Ekonomiaren Garapen, Merkataritza, Turismo eta Enplegu Saileko zinegotzia eta Joseba Mariezkurrena Bizkaiko Foru Aldundiko Ekintzailetza eta Enpresa Lehiakortasuneko zuzendari nagusia.

Ondoren, taldeak FSB2024 monoplaza diseinatu eta fabrikatzeko ikasturte osoan egindako prozesua deskribatu eta ibilgailua erakutsi du ekitaldiari amaiera emateko, gidatze autonomorako sistemetan garatu dituen aurrerapenak nabarmenduz. FSB2024 monoplaza lasterketetarako prototipo berritzaile eta erabat elektrikoa da, eta gurpiletan duen lau motorreko sistemari esker eta trakzioa kontrolatzeko sistema elektroniko propioaren nahiz karbono-zuntzezko pakete aerodinamiko berritzailearen laguntzaz, 190 ZPeko potentzia (140 kW) lortzeko gaitasuna du.

Formula Student Bizkaia 70 ikaslek eta 3 irakaslek osatutako taldea da. Proiektuaren helburu nagusia ikasleak lan mundura hurbiltzea da. Horretarako, proiektuak proposatzen duen prestakuntza-ibilbideak eginkizun bat eta prestakuntza-programa bat esleitzen dizkio ikasle bakoitzari, ibilgailuaren elementuetako bati lotutako proiektu bat lantzeko.

Horrela, ikasleek erantzukizun handiagoa hartu eta taldean lan egiten, gatazkak konpontzen, denbora eta baliabide materialak kudeatzen, eta lideratzen ikasten dute, gure lan-ingurunean eskaera handi-handia duten gaitasunak lortuz.

Formula Student Bizkaia berrikuntzaren aldeko proiektua izan da beti, baina Garapen Jasangarrirako Helburuak (GJH) alde batera utzi gabe. Formula Student Bizkaia erreferentziazko proiektua da EHUAgenda2030 delakoaren barruan, eta STEAM bokazioen bultzatzailetzat aitortu dute STEAM Sarietan.

SARE SOZIALAK