• Hogeita lau ordu baino gutxiago behar izan dira Bilboko Udalak merkataritzarako kaleratutako 64.000 bonu baino gehiago agortzeko. Erosteko aukera maiatzaren 5ean, asteazkena, aktibatu zen, arratsaldeko 16:00etan, www.bonobilbao.eus webgunearen bitartez.

• Udal-arduradunen iritziz, balantzea oso positiboa izan da, oso lagungarria baita pandemiagatik kaltetuta dagoen merkataritza-sektorearentzat zein herritarrentzat.

Hogeita lau ordu baino gutxiago igaro direnean, agortuta daude jada Bilboko Udalak kaleratutako merkataritzaren sektorerako 64.000 bonu baino gehiago, zeinak COVID-19aren pandemiagatik kaltetua izan den sektoreari laguntzeko merkaturatu dituen.

Guztira, 64.115 bonu izan dira (aurreko kanpainan 48.000 izan ziren), eta maiatzaren 5eko, asteazkena, 16:0etan aktibatu zen bonuak eskuratzeko aukera, www.bonobilbao.eus webgunea martxan jarri zenean.

Bonuak Abandon eta Ibaiondon agortu dira lehenengo, baina hortik gutxira Zorrotza/Basurtu, Begoña, Deustu, Otxarkoaga/Txurdinaga, Uribarri eta Rekalde barrutietan agortu dira.

Aurreko edizioetan bezala, herritarrek oso jarrera ona erakutsi dute bonuak webgunearen bitartez etengabe eta arin eskuratzen. Kanpaina guztietatik lehen agortu dena izan da.

Trukatzeko azken eguna ekainaren 30a bada ere, dagoeneko 11.730 bonu kontsumitu dira establezimenduetan.

AURREKONTU HANDIAGOA ETA BONU GEHIAGO BILBON

Gogoan izan behar dugu Bilboko Udalak, guztira, milioi bat euroko inbertsioa egin duela, baita ere inbertsio horrek 4,4 milioi euroko negozio-bolumena ekarriko diola hiriari.

Edizio honetan zenbait berritasun gehitu dira: aurrekontu handiagoa, bonu gehiago, saltoki berriak (ile-apaindegiak, estetika, masajeak, argazkigintza, garbitegiak eta gimnasioak) eta bonuen ehuneko bat teknologia berrietara ohituta ez dauden 65 urtetik gorako pertsonei gordetzea, establezimenduetan bertan erosi ditzaten.

Oraingoan ere, bonu bakoitzak 30 euroko balioa izango du, eta udalak horren erdiaren ekarpena egingo du.

NAN bakoitzarekin eskuratu ahal izan diren bonuen kopuruari dagokionez, 5 eskuratu ahal izan dira (aurreko kanpainan, gehienez ere, 20 bonu eskuratu zitezkeen merkataritza, kultura, ostalaritza eta turismoko lau faseetarako, azken fasea aktibatzeke badago ere). Erosketa-tiket bakoitzeko, gehienez ere, 4 bonu erabili ahal izango dira. Erabiltzaileak bonuaren QR kodea aurkeztu beharko du erosketa egiterakoan edo, bestela, inprimatuta aurkeztu. Bilboko Bonuak, halaber, bateragarriak eta pilagarriak dira beste administrazio batzuek abiarazitako kanpainekin.

Establezimenduei dagokienez, 150 bonura arteko muga dute.

Bilboko Bonuak Bilbao Aurrera 2021 Planeko neurri garrantzitsuenetako bat dira. Hamabost milioi euro baino gehiago bideratu dira plana garatzeko; gainera, udal-ordezkaritza duten talde politiko guztiekin adostu da plana, eta pandemiako sektorerik kaltetuenak babestea du xede.

• Asteazkeneko, maiatzak 5, arratsaldeko 16:00etatik aurrera eta ekainaren 30era arte, herritarrek www.bonobilbao.eus webgunearen bitartez eskuratu ahal izango dituzte udalak kaleratu dituen 64.000 bonu baino gehiago. Hain zuzen ere, MERKATARITZAn kontsumitzeko kaleratu dira, eta milioi bat euroko inbertsioa egin da.

• Kanpaina berriak berritasun ugari ekarri ditu: aurrekontu handiagoa, bonu gehiago, saltoki berriak (ile-apaindegiak, estetika, masajeak, argazkigintza, garbitegiak eta gimnasioak) eta bonuen ehuneko bat teknologia berrietara ohituta ez dauden 65 urtetik gorako pertsonei gordetzea, establezimenduetan bertan erosi ditzaten.

• Oraingoan ere, bonu bakoitzak 30 euroko balioa izango du, eta udalak horren erdiaren ekarpena egingo du.

Bihar, asteazkena eta maiatzak 5, Bilboko Udalak www.bonobilbao.eus webgunea aktibatuko du arratsaldeko 16:00etatik aurrera, herritarrek merkataritzako bonuak eskuratu ditzaten.

Guztira, 64.115 bonu kaleratuko dira, hasierako kanpainan merkaturatu ziren 48.000 bonuen aldean. Udalak milioi bat euro inbertitu ditu, eta kanpainak 4,4 milioi euroko negozio-bolumena ekarriko dio hiriari.

Gogoan izango duzuenez, Bilbao Aurrera 2021 Planeko neurri garrantzitsuenetako bat da, zeinak 15 milioi euro baino gehiago dituen. Gainera, udal-ordezkaritza duten talde politiko guztiekin adostu den plana da, eta pandemiako sektorerik kaltetuenak babestea du xede.

Garapen Ekonomiko, Merkataritza eta Enplegu Saileko zinegotzia den Xabier Ochandianok argi azaldu du: «Ekimen aitzindari horretan Bilboko Bonuek aurreko ekitaldian izandako arrakastaren ondoren, udalak berriz ere ekin dio ekimenari, baina merkataritzari bakarrik zuzendutako kanpaina batean eta BERRITASUN UGARIrekin».

Aurrekontua handiagoa izateaz gain eta bonu gehiago kaleratzeaz gain, bonuen balioa 30 eurokoa izango da berriz ere, eta udalak zenbatekoaren erdiaren ekarpena egingo du. (15 € udalak eta 15 € herritarrek). Web-plataforma berean eskuratuko dira (www.bonobilbao.eus), bai eta sarrerak saltzeko Kutxabanken kutxazainetan ere. Lehen aipatu dugun bezala, eskuratzeko aldia maiatzaren 5ean hasi eta ekainaren 30ean amaituko da (edo agortu arte). Laburragoa izango da udaberriko kanpainan erabili daitezen.

65 URTETIK GORAKOENTZAKO BONUAK

Horrez gain, arrakala digitalari aurre egiteko asmoz, zinegotziak aurreratu du teknologia berrietara ohituta ez dauden 65 urtetik gorako ADINEKOENTZAT bonu batzuk gordeko direla erosketa egin nahi duten saltokietan bertan eskuratu eta trukatzeko (agortu arte). horretarako, NANa aurkeztu beharko dute, eta kreditu-txartelarekin edo eskudirutan ordaindu.

Bestalde, orain beste epigrafe batzuk gehitu dira aurretik atxikita zeuden establezimenduez gain, hala nola irudi pertsonaleko zerbitzuak (ile-apaindegia, estetika, masajeak…), argazkigintza, garbitegia eta gimnasioak. Bilboko bonuekin bat egin duten hiriko saltokien kopurua ia 1.200 da, eta aurreko kanpainako kopurua gainditzea aurreikusten da.

NAN bakoitzarekin eskuratu ahal izango diren bonuen kopuruari dagokionez, 5 eskuratu ahal izango dira (aurreko kanpainan, gehienez ere, 20 bonu eskuratu zitezkeen merkataritza, kultura, ostalaritza eta turismoko lau faseetarako, azken fasea aktibatzeke badago ere). Erosketa-tiket bakoitzeko, gehienez ere, 4 bonu erabili ahal izango dira. Gogoan izango duzuenez, erabiltzaileak bonuaren QR kodea aurkeztu beharko du erosketa egiterakoan edo, bestela, inprimatuta aurkeztu. Bilboko Bonuak, halaber, bateragarriak eta pilagarriak dira beste administrazio batzuek abiarazitako edozein kanpainarekin.

Establezimenduei dagokienez, 150 bonura arteko muga dute. Xabier Ochandianok zehaztu duenez, hauxe da Bilboko Udalaren helburua: «Hirian zuzenean kontsumitzea sustatzea, pandemian kalte handiena pairatu duten sektoreei laguntzeko. Horretarako, berariazko banaketa egingo da barrutietan, auzo guztietan eta hurbileko saltoki guztietan eragina izan dezan. Sektorerik kaltetuenei eman nahi diegu laguntza, alboan gaituztela sentitu dezaten, eta, horretarako, ahal ditugun baliabide guztiak aktibatuko ditugu».

#BONOSBILBAO
#BILBAOAURRERA

• Kanpaina BIHAR, ASTEARTEAN, apirilaren 13an, hasiko da. Bonuen erosketa eta trukea maiatzaren 5ean hasiko da.

• Kanpaina berriak BERRIKUNTZA nabarmenak ditu. Berrikuntza horien artean, eta iazko arrakastaren ondoren, bonu gehiago (64.115) jarriko ditu zirkulazioan, Udalak milioi bat euroko inbertsioa eginda; horrek 4,4 milioi euroko negozio-bolumena suposatuko du hirian. Gainera, establezimendu mota berriak gehitu dira, hala nola irudi pertsonaleko zerbitzuak (ile-apainketa, estetika, masajeak), argazkigintza, garbitegiak eta gimnasioak.

• Bonuak berriz ere 30 eurokoak izango dira (15 euro Udalak jarriko ditu eta beste 15 erosleak), eta www.bonobilbao.eus webgunearen bidez edo Kutxabanken sarrerak saltzeko eta jasotzeko kutxazainetan eskuratu ahal izango dira. Berrikuntza gisa, 65 URTETIK GORAKO PERTSONEK dendetan bertan erosi ahal izango dituzte bonuak, hedabide digitalak erabiltzen ez dituzten kolektiboengana ere iriste aldera.

Bilboko Udalak bihar, asteartean, apirilaren 13an, jarriko du abian Bilbao Aurrera 2021 Planari dagokion Merkataritzako Bilbao Bonuen kanpaina. Kanpaina hori udal ordezkaritza duten talde politikoekin adostutako neurrien multzoa da, eta iaz bultzatutako lehen planaren jarraipena da.

Helburua, berriz ere, hiriko kontsumo zuzena bultzatzea da, pandemiaren eragina handiagoa den sektoreei laguntzeko, barrutien araberako banaketa espezifikoarekin, auzo guztietan eta hurbileko saltokietan izango duen eragina bermatzeko.

Horrela, aurreko urteko Bilbo Bonuen arrakastaren ondoren, aitzindaritzat jotzen den ekimen batekin, Udalak aktibatu egingo du, eta gainerako sektoreetatik (kultura, ostalaritza eta turismoa) bereizita, merkataritzara zuzendutako kanpaina, BERRIKUNTZA HANDIEKIN.

Lehenik eta behin, establezimenduen atxikipena astearte honetan, apirilaren 13an, hasiko da web plataforma berean, www.bonobilbao.eus, eta atxikitakoei epigrafe berriak gehituko zaizkie, hala nola:

• Irudi pertsonalaren arloko zerbitzuak (ile-apainketa, estetika, masajeak), argazkigintza, garbitegiak eta gimnasioak.

AURREKONTU HANDIAGOA ETA BONU GEHIAGO

Aurrekontu handiagoa eta bonu gehiago ere egongo dira. Udalak aurten bideratuko duen partida milioi bat eurokoa izango da, eta 4,4 milioi euro baino gehiagoko negozio-bolumena sortuko du hirian; guztira, 64.115 bonu izango dira (aurreko kanpainan 48.727 bonu izan ziren).

Berriz ere, bonuak 30 eurokoak izango dira, erdia Udalak jarriko du (15 € Udalak eta 15 € herritarrek), eta www.bonobilbao.eus web plataforman eta Kutxabanken sarrerak saltzen dituzten kutxazainetan erosiko dira.

Orain, berrikuntza gisa eta eten digitala hausteko asmoz, 65 URTETIK GORAKO PERTSONEK ere erosi ahal izango dituzte atxikitako establezimenduetan (bonuak agortu arte), NANa aurkeztu ondorik. Erosteko ordainketa-sistema kreditu-txartela edo eskudirutan izango da. Helburua da teknologia berriak erabili ohi ez dituzten pertsonek ere Bilboko Bonuen abantailez baliatu ahal izatea.

ESKURATZE/TRUKATZE DATA ETA BONU KOPURUA

Bonuak erosteko eta trukatzeko data maiatzaren 5ean hasi eta ekainaren 30ean amaituko da (edo bonuak agortu arte). Kanpaina udaberriko denboraldian zentralizatzeko ALDI LABURRAGOA da -beste berrikuntzetako bat-.

NAN bakoitzeko bonu kopuruari dagokionez, orain 5 erosi ahal izango dira (aurreko kanpainan 20 ziren, merkataritza, kultura, ostalaritza eta turismoko lau faseetarako banatuta; azken hori oraindik aktibatu gabe dago).

Era berean, erosketa-txartel bakoitzeko, gehienez 4 bonu eskuratu ahal izango dira. Jakina denez, erosketa egiteko unean, erabiltzaileak bonuaren QR kodea aurkeztu beharko du, edo, hala badagokio, inprimatuta entregatu. Gainera, Bilbao Bonuak bateragarriak eta metagarriak dira administrazioek abian jarritako beste edozein bonurekin.

Establezimenduei doakienez, muga 150 bonukoa da.

ESTABLEZIMENDUAK ATXIKITZEKO DATU GARRANTZITSUAK

Arestion esan bezala, saltokiei atxikitzeko hasiera-data apirilaren 13an abiarazi zen, modu jarraituan. Alta emateko plataforma aurreko kanpainako bera da, www.bonobilbao.eus, programa honetarako berariaz egindako webgune erraza, eta, horrezaz gainera, datu guztiak bertan izango ditu (erositako bonuak, trukatutakoak, likidatutakoak…).

Udalaren edo erakundeen arteko 2020ko kanpainari atxikita daudenentzat, ez da beharrezkoa izango beste alta oso bat egitea; izan ere, esteka bat duen mezu elektroniko bat jasoko dute Bono Bilbaoren baldintza berriak onartzeko eta datuak betetzeko/eguneratzeko.

Gogoratu behar da, halaber, Bilbon hainbat establezimendu dituzten eta IFK bakarra duten negozioen kasuan, guztiak banaka atxiki ahal izango direla.

#BONOBILBAO
#BILBAOAURRERA

• Herritarrek 83.000 bonu baino gehiago eskuratu dituzte, eta horietatik 8.649 bonu geratu dira saltokietan trukatzeke. Apirilaren 30ean amaituko da trukatzeko epea.

Datozen egunetan Bilboko Udalak mezu bat bidaliko du herritarrei gogoratzeko oraindik ez direla merkataritza eta kulturako bonu guztiak trukatu, bai eta establezimenduetan trukatzeko azken eguna apirilaren 30a dela ere.

Ia bonu gehienak kontsumitu badira ere, ehuneko txiki bat dago oraindik gastatzeke, nahiz eta herritarrek erosita eduki. Hain zuzen ere, salgai jarri ziren 83.000 bonuetatik, 8.649 bonu daude kontsumitu barik. Dendetan oraindik trukatu ez diren 8.649 bonuetatik, 3.674 merkataritzakoak dira eta 4.975 kulturakoak.

Bidaliko duen mezuaren bitartez, Udalak herritarrei gogorarazi nahi die apirilaren 30a baino lehen trukatzen ez badituzte, egindako inbertsioa galduko dutela.

Gogoan izango duzuenez, Udalak azaroan jarri zituen martxan merkataritzari eta kulturari zuzendutako Bilboko Bonuak (83.000 baino gehiago), eta egun gutxitan agortu ziren.

Orain, abian da ostalaritzako bonuen kanpaina, eta herritarrek ia gehienak eskuratu dituzte, % 98,3 (guztira, 110.000 bonu kaleratu dira). Errekaldeko barrutian baino ez dira geratzen. Bonu guztietatik, 11.020 trukatu dira taberna eta jatetxeetan.

• Neurri berria, Udalean ordezkaritza duten talde guztiekin adostuko da, eta 877.000 euroko aurrekontua izango du txikizkako merkataritzari, zehazki, arropa eta zapaten eta larruzko produktuen sektoreari emateko.

• 1.000 eta 1.500 euro arteko laguntzak izango dira, lanpostu-kopuruaren arabera, eta Eusko Jaurlaritzak eskaintzen dituenekin uztartu ahal izango dira. Bilbok, une honetan, tipologia horretako 861 establezimendu ditu.

Bilboko Udalak txikizkako merkataritzari zuzendutako laguntza zuzenen beste deialdi bat onetsi du gaur. Zehazki, arropa eta zapaten eta larruzko produktuen sektoreari zuzenduko dizkio, Covid-19aren osasun-krisiagatik kaltetuenak izan direla uste baita.

Proposamen hau Bilbao Aurrera 2021 Planaren Jarraipen Batzordean planteatu da, eta batzordea osatzen duten talde guztiak ados agertu dira (EAJ/PNV, PSE-EE, EH/Bildu, Podemos eta PP).

Aparteko neurri berri horrek bat egingo du COVID-19aren aurkako planean jasotako ekintza eta aurrekontuarekin. Guztira, 15 milioi euro baino zertxobait gehiagoko aurrekontua du.

Gaur onetsi den laguntza zuzenen poltsak 877.000 euro izango ditu, eta Eusko Jaurlaritzak emandakoen osagarri izango dira. Udalak bideratuko dituen laguntzen kopurua 1.000 eurokoa izango da 1 eta 9 enplegu arteko plantilla duten saltokientzat eta 1.500 eurokoa 10 langile baino gehiago dituztenentzat.

LAGUNTZA OSAGARRIAK

• 1 eta 9 langile artean: Bilboko Udalaren 1.000 euro (+ Eusko Jaurlaritzaren 4.000 €) = 5.000 €, GUZTIRA.
• 10 langile edo gehiago: Bilboko Udalaren 1.500 euro (+ Eusko Jaurlaritzaren + 4.500€) = 6.000 €, GUZTIRA

Gaur egun, laguntza-sorta jaso ahal izango duten tipologia horretako 861 establezimendu daude Bilbon, gutxi gorabehera (EJSNren arabera).

Hauxe da aurrekontu-irismenaren kalkulua:

• 1-9 langile dituzten establezimenduak: 829 saltoki X 1.000 € bakoitzak = 829.000 €, guztira.
• 10 langile edo gehiago dituzten establezimenduak: 32 saltoki X 1.500 € bakoitzak = 48.000 €, guztira.

Neurri berriak datorren hilabetean zehar jarriko dira indarrean.

BILBAO AURRERA 2021 PLANA

Bilbao Aurrera 2021 Plana urtarrilaren 29an sinatu zuten udal-ordezkaritza duten alderdi guztiek, eta iaz lehenengo aldiz abiarazi zen planaren —Bilbao Aurrera 2020— jarraipena da, zeina Covid-19 pandemia mundu osoan zabaldu zenean bultzatu zen.

Planak 15 milioi euro baino zertxobait gehiago izango ditu salbuespenezko 43 neurri aplikatzeko. Batik bat, ekitaldiko lehenengo seihilekoan aplikatuko dira gehienak. Aurreko planean martxan jarritako estrategiari jarraikiz, Bilboko Udalak Covid-19agatik gehien kaltetutako sektoreei lagundu nahi izan die krisialditik ahalik eta arinen suspertzeko proiektu estrategikoak landuz.

Gogoan izan behar dugu 2020. urtean laguntza zuzenen beste poltsa bat onetsi zela ostalaritzako sektorearentzat. Guztira, 3,2 milioi euroko aurrekontua bideratu zen orduan. Zenbateko horri dagokionez, azkenean 1.900 laguntza eman eta ordaindu ziren, hau da, 2 milioi euro baino zertxobait gehiago.

Laguntza zuzenen ekintza guzti horiek, berez udalari ez badagozkio ere, hiriko sektore batzuek aurre egiteko dituzten konplexutasun-egoera sendotzeko aktibatu dira. Osagarri gisa, halaber, bonuen programak abiarazi dira, Bilbao Aurrera Planaren ekintza garrantzitsuenetako bat.

• Laguntzen partida berriak 138.000 euro izango ditu, eta zonetako 13 elkarteen artean banatuko dira hiribilduko merkataritza- eta ostalaritza-ehunean egiten den kudeaketa eta jarduketa sendotzeko.

• Neurri hori Covid-19aren krisiari aurre egiteko Bilbao Aurrera 2021 Planaren barruan dago.

Bilboko Udaleko Udalbatzak hiriko merkataritzako eta ostalaritzako elkarte-ehuna babesteko laguntzen partida handitzeko erabakia onetsi du gaur.

Guztira, 138.000 euro bideratuko dira hiribilduko zonetako 13 elkarteen artean.

Neurri berri hori Bilbao Aurrera 2021 Planaren barruan dauden ekintzen artean dago, eta, horren bitartez, laguntza tekniko eta ekonomikoak eman nahi zaizkie elkarteei, eutsi, kudeatu eta sustatzeko aukera izan dezaten, eta, horrela, aldi berean auzoak dinamizatzen laguntzeko.

Gogoan izan behar dugu Covid-19ari aurre egiteko 2020ko planarekin dirulaguntza % 100ean handitu zela, 276.000 euroraino. Orain, berriz, beste 138.000 euro gehituko dira.

Hamahiru elkarteetan onetsitako dirulaguntzen banakapena:

• Bilbao Centro Merkataritza Elkartea: 123.000€. ALDE ZAHARREKO Merkatarien Elkartea: 88.500€. DEUSTO BIZIRIK Merkataritza Elkartea: 27.000€. HIRU AUZO Merkatarien Elkartea: 21.000€. REKALDE BIHOTZEAN Merkatarien Elkartea: 21.000€. LAGUNTASUNA (ZORROTZAko Merkatarien Elkartea): 21.000€. AUZOA BERRITZEN 2. barrutiko Merkatarien Elkartea: 21.000€. Txurdinagako Merkatarien Elkartea: 21.000€. Santutxuko Merkatarien Elkartea: 16.500€. Otxarkoagako Merkatarien Elkartea: 16.500€. SAN FRANTZISKO, BILBO ZAHARRA ETA ZABALAko Merkatari eta Enpresen Elkartea: 16.500€. Basurto Berri BASURTUko Merkatarien Elkartea: 10.500€. Erriberako Merkatuko Merkatarien Elkartea: 10.500€.

Ostalaritzari zuzendutako Bilboko bonuen kanpaina astelehenean bertan abiaraziko da www.bonobilbao.eus webgunea martxan jartzen denean. Hortaz, arratsaldeko 16:00etatik aurrera, udalak kaleratuko dituen 110.000 bonuak eskuratzen hasi ahal izango dira herritarrak. Erakundeak milioi bat euroko aurrekontua bideratu du horretarako.

#BonoBilbao programa orokorreko lau ekintza nagusietako bat da. Programa iaz abiarazi zen merkataritzako eta kulturako bonuekin batera (turismokoak kaleratzeke daude oraindik), eta Bilbao Aurrera 2020 Planaren neurrietako bat da. Alderdi guztiek Covid-19ari aurre egiteko adostutako plan hori ezin izan zen sektore horretan aplikatu pandemiari lotutako araudiaren ondorioz ostalaritza-establezimenduak itxita egon zirelako.

BERRITASUNAK

110.000 bonu horiek 2021-03-15etik aurrera eta 2021-06-30era arte (edo agortu arte) eskuratu ahal izango dira, eta trukatzeko azken eguna 2021-07-31 izango da. Gogoan izan behar dugu pertsona bakoitzak (NAN bakoitzak), gehienez ere, 20 bonu eskuratu ahal izango dituela lau kanpainetarako (merkataritza, kultura, ostalaritza eta turismoa). Erosketa-tikek bakoitzean 4 bonu erabili ahal izango dira, eta atxikitako establezimenduetan erabiltzeko, paperean edo QR kodearekin aurkeztu beharko da bonua.

Sektorearekin batera egindako aurkezpen-ekitaldian alkateak dagoeneko azaldu zuen bezala, berritasun garrantzitsu asko jaso dira. Besteak beste, sektorean bonu-eredu horiek erabiltzen den LEHENENGO ALDIA DA; horrenbestez, kudeatzeko eta gauzatzeko web-plataforma bat sortu da: www.bonobilbao.eus. Webguneak irekita jarraituko du kanpaina amaitu arte edo bonuak agortu arte, nahi duten ostalaritzako establezimenduek bat egin dezaten.

Era berean, herritarrek establezimendua aukeratu beharko dute webgunean bonua erosten dutenean, baina, hala ere, beren-beregi banatuko dira barrutien artean, hiri osoan kontsumitzen direla bermatzeko.

Sistema horren bitartez, laguntzak ahalik eta lokal gehienetara arin eta zuzenean heltzea lortu nahi da, nahiz eta pandemiagatik itxi behar izan edo edukieran murrizketak egon. Horretarako, webgunean erosketa egin ondoren ostalariak bonu bakoitzaren % 50 jasoko du, hau da, udalaren zatia, bezeroaren bonua oraindik kontsumitu gabe egon arren.

Establezimendu bakoitzari emango zaion zenbatekoari dagokionez, gehienez, 6.000 euro jaso ahal izango dituzte herritarrek trukatutako bonuetan.

KANPAINAREN EZAUGARRIAK

Honako hauek dira bonuak eskuratzeko baldintzak: adinez nagusia izatea, erroldatuta egotea edo bisitan egotea, eta erosteko unean NANa edo AIZa erakustea.

Aurreko kanpainetan bezala, tiketaren zenbatekoa bonuen zenbatekoaren parekoa edo handiagoa izan beharko da; hau da, oso-osorik agortu beharko da kontsumizio bakoitzean. Era berean, bateragarriak eta metagarriak dira beste administrazioren batek abian jartzen duen beste edozein motatako bonuekin.

Laguntzak establezimenduetara arin iritsi daitezen, astero egingo dira ordainketak:

• Lehenengo % 50 (udalaren zatia, alegia) bonua erosten den unean ordainduko da.
• Beste % 50a bezeroak kontsumitzen duenean ordainduko da.

OSTALARIEK BAT EGITEA

Ostalaritzarentzat oso erraza izango da kanpainarekin bat egitea, www.bonobilbao.eus webgunean zehaztutako urratsak baino ez dituzte egin beharko eta. Kontsultak eta zalantzak bonobilbao@bilbaoekintza.bilbao.eus helbide elektronikoaren bidez argitu daitezke, baina baita telefono bidez ere: 94 420 53 95. Ordutegia: 09:00etatik 14:00etara.

Ostalaritzaren sektorearen barruan dagoen edozein enpresa-jarduera bat duen pertsona fisiko edo juridiko orok eman dezake izena, baldin eta jendeari irekita dagoen establezimendu bat badu Bilbon eta ekonomia-jardueren gaineko zergaren epigraferen batean dagokion alta emanda badu: jatetxeak, kafetegiak, kafeak eta tabernak janariarekin eta janaririk gabe, izozki-dendak eta hortxata-dendak, dantza-aretoak eta diskotekak, saltoki handietako establezimenduak…

Era berean, Bilbon zenbait establezimendu duten negozioek establezimendu guzti-guztiak atxiki ahal izango dituzte, banan-banan.

• Astelehenetik, martxoaren 15a, herritarrak Bilboko Udalaren 110.000 bonuak eskuratzen hasi ahal izango dira. Guztira, milioi bat euroko aurrekontua bideratu da ostalaritza eta jatetxeetako sektoreari laguntzeko Bi motatako bonuak eskainiko dira, 10 eta 20 eurokoak. Udalak zenbatekoaren erdia ordainduko du, eta, berri gisa, kontsumitu nahi den ostalaritzako establezimendua hautatu ahal izango da.

• Juan Mari Aburto alkateak azaldu duen bezala, sektore horretan bonuen eredua erabiltzen den lehenengo aldia da: «kanpaina aitzindaria da eta berritasun garrantzitsu ugari aplikatuko dira».

• Oraintxe abiaraziko den kanpaina Bilboko Bonuen 2020ko programako ekintza bat da, baina, pandemiaren ondorioz ostalaritza itxi zutenez, ezin izan zen bere garaian aktibatu «Orain, beste sektore batzuetan arrakasta izan duen eredu berri batekin estreinatuko dira hiriko taberna eta jatetxeak», esan du alkateak.

Juan Mari Aburto Bilboko alkateak, Garapen Ekonomiko, Merkataritza eta Enplegu Saileko zinegotzia den Xabier Ochandianorekin batera, ostalaritza eta jatetxeen sektoreari zuzendutako bonuen kanpaina aurkeztu du gaur. Ekitaldian, halaber, Bizkaiko Ostalaritza Elkarteko presidentea, Boni García, eta gerentea, Héctor Sánchez, eta Bilbao Dendak-eko presidentea, Rafael Gardeazabal, ere bildu dira.

#BonoBilbao programa orokorreko 4 ekintza nagusietako bat da. Programa iaz abiarazi zen merkataritzako eta kulturako bonuekin batera (turismokoak kaleratzeke daude oraindik), eta Bilbao Aurrera Planaren neurrietako bat da. Alderdi guztiek Covid-19ari aurre egiteko adostutako plan hori ezin izan zen sektore horretan aplikatu pandemiari lotutako araudiaren ondorioz ostalaritza-establezimenduak itxita egon zirelako.

Guztira, 110.000 bonu kaleratuko dira, eta herritarrek martxoaren 15etik, astelehena, aurrera eskuratu ahal izango dituzte. Bilboko Udalak, horretarako, milioi bateko ekarpenena egin du. Hirian 3,4 milioi euroko negozio-eragina izatea lortu nahi du.

Kulturaren eta merkataritzaren kasuan bezala (arrakasta handiko kanpainak, non bonuak ia-ia guztiz agortu diren), kanpaina honen xedea ostalaritzari laguntzea da, eta, horretarako, kontsumo zuzena bultzatu nahi da, bai eta herritarrak bonuak eskuratzeko konpromisoa har dezaten ere. Gogoan izan behar dugu programa horiek 2021. urtean ere garatuko direla beste kanpaina batzuekin.

BERRITASUN NAGUSIAK

Alkateak azaldu duen bezala, «berritasun garrantzitsu ugari» egongo dira, eta ostalaritzaren kasu zehatzerako jarri dira martxan. Besteak beste, sektore honetan bonuen eredua erabiltzen den LEHENENGO ALDIA da. Hori dela eta, web-plataforma espezifiko bat prestatu da kanpaina kudeatzeko eta gauzatzeko: www.bonobilbao.eus. Ekimena aitzindaria da, eta, gainera, informazio-hitzaldi ugari antolatu dira. Bestalde, kolektiboak berak eskatuta, kanpainarekin bat egiteko epea luzatu da, bonuak agortu arte.

Horrez gain, aurreko kanpainetan ez bezala, herritarrek establezimendua aukeratu beharko dute webgunean bonua erosten dutenean, baina, hala ere, beren-beregi banatuko dira barrutien artean, hiri osoan kontsumitzen direla bermatzeko.

Sistema horren bitartez, laguntzak ahalik eta lokal gehienetara arin eta zuzenean heltzea lortu nahi da, nahiz eta pandemiagatik itxi behar izan edo edukieran murrizketak egon.

Horretarako, webgunean erosketa egin ondoren ostalariak bonu bakoitzaren % 50 jasoko du, hau da, udalaren zatia, bezeroaren bonua oraindik kontsumitu gabe egon arren.

Establezimendu bakoitzari emango zaion zenbatekoari dagokionez, gehienez, 6.000 euro jaso ahal izango dituzte herritarrek trukatutako bonuetan.

Juan Mari Aburto alkateak zehaztu du: «Ostalaritzaren sektorean lan egiten duten familiei lagundu nahi diegu eskura ditugun baliabide guztiekin. Batzuetan, ekimen berriak jarriko ditugu martxan, oraingoan bezala, eta nola funtzionatzen duten ikusi beharko dugu, eta egokitzen joan. Alabaina, kolektiboari, merkataritzarekin eta kulturarekin egin dugun bezala, alboan gaituztela helarazi nahi diogu, pandemiak aukera ematen digunean turismoarekin egingo dugun bezala; izan ere, ezinbestekoak dira gure hiriarentzat. Segurtasunez, zuhurtasunez eta txertoak iristearekin batera… krisi berri honetatik irten behar dugu, eta hazkundearen bidera iritsi. Horretarako, udalak eta alkateak ekin eta ekin jarraituko dugu, etengabe lan egiten».

10 ETA 20 EUROKO BONUAK: EKARPENAREN ERDIA UDALARENA IZANGO DA

Oraingoan, 10 eta 20 euroko bonuak egongo dira eskuragarri, eta udalak zenbatekoaren erdia ordainduko du.

• 10 euroko BONUA: 5 euro udalak/5 euro bezeroak
• 20 euroko BONUA:10 euro udalak/10 euro bezeroak

110.000 bonuak webgunean www.bonobilbao.eus egongo dira eskuragarri, eta 2021-03-15etik aurrera eta 2021-06-30era arte eskuratu ahal izango dira (edo agortu arte). Trukatzeko azken eguna 2021-07-31a izango da.

Gogoan izan behar dugu herritarrek (NAN), guztira, 20 bonu erosi ahal izango dituztela 4 kanpainetarako (merkataritza, kultura, ostalaritza eta turismoa), eta erosketa-tikek bakoitzeko 4 bonu erabili ahal izango dira, gehienez ere.

Atxikitako establezimenduetan trukatzeko, bonua establezimenduetan aurkeztu beharko da paperean edo, bestela, QRa erakutsi.

KANPAINAREN EZAUGARRIAK

Honako hauek dira bonuak eskuratzeko baldintzak: adinez nagusia izatea, erroldatuta egotea edo bisitan egotea, eta erosteko unean NANa edo AIZa erakustea.

Aurreko kanpainetan bezala, tiketaren zenbatekoa bonuen zenbatekoaren parekoa edo handiagoa izan beharko da, hau da, oso-osorik agortu beharko da kontsumizio bakoitzean. Era berean, bateragarriak eta metagarriak dira beste administrazioren batek abian jartzen duen beste edozein motatako bonuekin.

Laguntzak establezimenduetara arin iritsi daitezen, astero egingo dira ordainketak:

• Lehenengo % 50 ordainduko da bonua erosten den unean (hau da, udalaren zatia).
• Beste % 50a bezeroak kontsumitzen duenean ordainduko da.

OSTALARIEK BAT EGITEA

Ostalaritzarentzat oso erraza izango da kanpainarekin bat egitea, webgunean (www.bonobilbao.eus) zehaztutako urratsak baino ez dituzte egin beharko eta. Kontsultak eta zalantzak bonobilbao@bilbaoekintza.bilbao.eus helbide elektronikoaren bidez egin daitezke, baina baita telefono bidez ere: 94 420 53 95. Ordutegia: 09:00etatik 14:00etara.

Ostalaritzaren sektorearen barruan dagoen edozein enpresa-jarduera bat duen pertsona fisiko edo juridiko orok eman dezake izena, baldin eta jendeari irekita dagoen establezimendu bat badu Bilbon eta ekonomia-jardueren gaineko zergaren epigraferen batean dagokion alta emanda: jatetxeak, kafetegiak, kafeak eta tabernak janariarekin eta janaririk gabe, izozki-dendak eta hortxata-dendak, dantza-aretoak eta diskotekak, saltoki handietako establezimenduak…

Era berean, Bilbon zenbait establezimendu duten negozioek establezimendu guzti-guztiak atxiki ahal izango dituzte, banan-banan.

• Gaur den egunera arte, 550 ostalaritza negozio atxiki zaizkio, eta web orrian ikus daiteke zeintzuk diren.

LAGUNTZA ZUZENAK OSTALARITZARENTZAT

Bonuen programaz gain, Bilboko Udalak ostalaritzarentzako laguntza zuzenen plan bat abiarazi zuen iazko abenduan. Ekintza ez da zehazki udalarena, baina sektoreak dituen zailtasunei aurre egiten laguntzeko aktibatu zen, Eusko Jaurlaritzak ezarritakoen osagarri gisa.

Egindako 1.907 eskaeretatik, guztira, 1.900 laguntza onartu eta eman dira, hau da, 2 milioi euro baino zertxobait gehiago. 1.000 eta 1.500 euro arteko laguntzak izan dira.

Neurri hori Bilbao Aurrera 2020 Planarekin bat egin duen aparteko beste ekintza bat da. Udalak prestatu duen eta alderdi politiko guztiekin adostu den programa bat da, eta pandemiak hirian eragingo dituen kalteei aurre egiteko pentsatu da 15 milioi euroko aurrekontuarekin.

Plan horren ostean, Bilbao Aurrera 2021 Plana abiaraziko da, duela gutxi aurkeztu dena. Planak 15 milioi euro baino gehiagoko zuzkidura izango du, eta, batik bat, ekitaldi honetako lehenengo seihilekoan aplikatu nahi da.

Berriz ere eta 2020ko ekitaldian pandemia piztu zenean abiarazitako estrategiari jarraikiz, Bilboko Udalak Covid-19agatik gehien kaltetutako sektoreei lagundu nahi die krisialditik ahalik eta arinen suspertzeko proiektu estrategikoak landuz. Besteak beste, halaber, neurri hau aplikatuko da: Bilboko bonuen beste kanpaina batzuk 2021eko ekitaldirako, 3 milioi euroko aurrekontuarekin.

• Bilboko Udalak BILBAO BONUEN programari atxikitzeko epea luzatu die ostalaritza-establezimenduei —gaur amaitu da epea—, bonuak agortzen diren arte; herritarrek martxoaren 15etik aurrera eskuratu ahalko dituzte bonuak.

• Guztira, 100.000 bonu merkaturatuko ditu udalak; gainera, hainbat berrikuntza egongo dira eta, besteak beste, bezeroek establezimendua aukeratu ahal izango dute.

Ostalaritza- eta sukaldaritza-sektoreak egindako eskaerak kontuan hartuta, establezimenduek programarekin bat egiteko epea —gaur bertan, asteazkenean, amaitu dena— luzatzea erabaki du Bilboko Udalak, bonuak agortzen diren arte.

Horrenbestez, ez da programarekin bat egiteko azken egunik egongo. Hala ere, lehenbailehen atxikitzeko gomendatzen die Udalak, izan ere, martxoaren 15an hasiko dira herritarrei bonuak saltzen.

Hona hemen programarekin bat egiteko webgunea: www.bonobilbao.eus. Kontsultak eta zalantzak bonobilbao@bilbaoekintza.bilbao.eus helbide elektronikoaren bidez egin daitezke, baita telefono bidez ere: 94 420 53 95. Ordutegia: 09:00etatik 14:00etara.

Gogorarazi beharra dago kanpaina honen bidez 100.000 bonu baino zertxobait gehiago jarriko direla martxan, eta hiriko barruti guztietatik banatuko direla. BERRITASUN gisa, herritarrek establezimendua aukeratu ahal izango dute bonua erosterako unean.

Ostalaritza-establezimendu bakoitzak gehienez 6.000 euro jaso ditzake kontsumitzaileek trukatutako bonuetan. Behin bonua erosita eta erabili baino lehen, ostalaritza-lokalak Udalak emandako zatia jasoko du, bonuen zenbatekoaren % 50a.

Udalak milioi bar euroko aurrekontua bideratu du programa honetara, zeinak 3,4 milioi euro baino gehiagoko negozio-eragina ekarriko dion hiribilduari.

NORK EGIN DEZAKE BAT?

OSTALARITZAREN SEKTOREAREN barruan dagoen edozein enpresa-jarduera duen pertsona fisiko edo juridiko guztiek parte hartu dezakete kanpainan, baldin eta jendeari irekita dagoen establezimendu bat badute Bilbon, bai eta ekonomia-jardueren gaineko zergaren epigrafeetakoren batean dagokion alta emanda badute ere.

Honako hauek parte hartu ahal izango dute, besteak beste: jatetxeak, kafetegiak eta tabernak janariarekin eta janaririk gabe, txokolategiak, izozki-dendak, hortxata-dendak, dantzalekuak, diskotekak eta saltoki handietako establezimenduak.

Horrez gain, negozioek establezimendu bat baino gehiago badute Bilbon, establezimendu guzti-guztiak atxiki ahal izango dituzte, banan-banan.

Gaur arte 400 lokalek egin dute programarekin bat, baina zifra horrek gora egitea espero da, kontsulta ugari jaso baita.

FUNTSEZKO DATAK

• Establezimenduek bat egiteko data: 2021eko ekainaren 30era arte edo bonuak agortu arte.
• Herritarrek bonuak eskuratzeko data: martxoaren 15etik ekainaren 30era.
• Herritarrek bonuak trukatzeko data: 2021eko uztailaren 31ra arte.
• Webgunea: www.bonobilbao.eus

• “Gertu erosita, urrutira iritsiko gara” lelopean, Gurutze Beitia aktoreak diploma bat eta Juan Mari Aburto Bilboko alkatearen gutun bat emango dizkie Bilbao Dendak-eko elkarte guztiei eta Bizkaiko Ostalaritza Elkarteari.

• Otsailaren 23an eta 24an emango dira sariak, hiriko hainbat puntu garrantzitsutan.

• Banaketa-zentroak Mercabilbaoren berme-zigilua daramaten 250 binilo emango dizkie elikagaien arloko merkatariei, euren establezimenduetan jar ditzaten.

Bilboko gertuko merkataritza sustatzeko konpromisoari leial, otsailaren 23an eta 24an, Mercabilbaok aintzatespena emango die Bilbao Dendak osatzen duten merkatarien 13 elkarteei eta Bizkaiko Ostalaritza Elkarteari, osasun-krisi honetan milaka familia produktu fresko eta kalitatezkoekin elikatzen jarraitzeko egiten ari diren lanarengatik eta ahaleginarengatik.

Guztia Elikagai Unitatean diharduten handizkako enpresa guztien berme-zigiluarekin.

“Gertu erosita, urrutira iritsiko gara” lelopean, Gurutze Beitia aktoreak, kanpaina honen irudiak, diploma bat eta Juan Mari Aburto Bilboko alkatearen gutun bat emango dio elkarte bakoitzeko ordezkari bati, hiribilduko hainbat puntu garrantzitsutan.

Horrela, indartu egingo da Mercabilbaok ematen duen babesa, eta, orain, inoiz baino gehiago, gertuko merkataritza eta ostalaritza arduratsuagoaren alde apustu egitearen garrantzia areagotuko da.

BILBAO DENDAK-EKO ELKARTEAK

• Basurtuko Merkatarien Elkartea. Basurto Berri
• Bilbao Centro Enpresa-elkartea
• Zazpi Kaleetako Merkatarien Elkartea
• Deustuko Merkatarien Elkartea. Deusto Bizirik
• 2. barrutiko Merkatarien Elkartea. Auzoa berritzen
• Otxarkoagako Merkatarien Elkartea
• Errekaldeko Merkatarien Elkartea. Errekalde Bihotzean
• San Frantziskoko, Bilbo Zaharreko eta Zabalako Merkataritza eta Enpresa Elkartea
• San Inazioko, Elorrietako eta Ibarrekolandako Merkatarien Elkartea. Hiru Auzo
• Santutxuko Merkatarien Elkartea
• Txurdinagako Merkatarien Elkartea
• Zorrotzako Merkatarien Elkartea. Laguntasuna
• Erriberako Merkatuko Merkatarien Elkartea

AINTZATESPENAK BANATZEKO EGUNAK, ORDUAK ETA LEKUAK

Otsailak 23, asteartea

• Bilbo Zaharra. Mariaren Bihotza plaza. 11:00etan.
• Erriberako Merkatua. Merkatuaren ataria. 11:45ean.
• Alde Zaharra. Plaza Barria. 12:30ean.
• 2. barrutia. Funikular plaza. 13:15ean.
• Santutxu. Karmelo plaza. 16:00etan.
• Txurdinaga. Txomin Garat. 16:45ean.
• Otxarkoaga. Kepa Enbeita plaza (Kioskoa). 17:30ean.

Otsailak 24, asteazkena

• Bilbo Erdialdea. Indautxu plaza. 11:30ean.
• Basurtu. Aita Donosti plaza. 12:15ean.
• Ercilla kalea. 13:10ean.
• Deustu. San Pedro plaza. 16:00etan.
• Zorrotza. Azoka Plazako frontoia. 17:00etan.

Azken hilabete hauetan, arrandegiek, harategiek, frutategiek, kolmatuek, supermerkatu txikiek eta ostalaritzako establezimenduek lanean jarraitu dute atseden barik, kontsumitzaile guztientzako produkturik onenak eskaintzen jarraitzeko. Orain, inoiz baino gehiago, Mercabilbaok funtsezko eragile gisa jartzen ditu elikagaien banaketa-katean eta Bilboko eta bere gune metropolitarreko ekonomia eta gizarte sustatzaile gisa.

BILBOKO ALKATEAREN AINTZATESPENA

Alkateak gogorarazi duen bezala, “betiko ultramarino-denda, fruta-denda, arrandegi, harategi eta okindegiek, auzo bakoitzean daudenek, etxe ingurukoek, lanari ekin zenioten, herritarrentzako beharrezko zerbitzuarekin jarraitzeko. Pertsianak goian, auzokide bakoitzari eman zenioten gogoa, adeitasuna, bokazioa eta itxaropena bezain goian. Ondo baino hobeto merezi duzue omenaldi txiki hau, zuen lan eskergarengatik”.

Gutun berean, Juan Mari Aburtok hau adierazi du: “2020ak, derrigorrezko konfinamendua, kale desolatuak eta ziurgabetasuna ekarri zituen pandemia horren oroitzapen ezabaezina ere utziko du. Guztiok inoiz ezagutu gabeko egoera, eta, inoiz baino gehiago, gure merkatariak edukitzearen garrantziaz jabetu ahal izan gara berriro. Hori dela eta, gure aintzatespenik handiena eman gura diegu”.

BINILO BANAKETA, MERCABILBAOREN KALITATE-ZIGILU GISA 

Halaber, datozen egunetan, Elikagaien Unitateko langileek alkatearen gutuna eta 250 binilo inguru banatuko dituzte Bilboko elikagai-saltokien artean, Mercabilbaok eskaintzen duen kalitate-zigilu gisa euren lokaletan jar ditzaten. Horrez gain, eskerrak emango dizkiete elikadura-zentroan diharduten handizkako enpresetan egunero jartzen duten konfiantzarengatik. Binilo bakoitzak Gurutze Beitia aktorearen argazki bat eta kanpainaren goiburu nagusia den “Gertu erosita, urrutira iritsiko gara” esaldia ditu.

Ekimen hori, 2019aren amaieran Mercabilbaok bultzatu zuen eta hiru helburu argi lortu gura zituen “Jaten duguna garelako. Gertu erosita urrutira iritsiko gara” kanpainaren barruan dago: merkataritzaren arloan belaunaldien arteko erreleboa bultzatzea, elikadura osasungarria sustatzea eta elikagaien banaketaren merkatuan gauzatzen den jarduera ekonomikoari balioa ematea.

Ildo horretan, eta bere plan estrategikoarekin bat etorriz, kanpaina osoaren bidez, elikagaiak banatzeko zentroak indartu egiten du enpleguarekiko, kontsumo arduratsuarekiko, ingurumenarekiko eta elikagaiak alferrik ez xahutzeko duen gizarte-erantzukizuna. Begirada bat etorkizuneko Mercabilbaori, Hiribilduaren eta bere ingurunearen eraldaketa ekonomikoa eta soziala sustatzeko gai den zerbitzu-enpresa publikoa.