• Zabalgune eraikinean jardunaldi bi egingo dira azaroaren 10ean eta 12an, eta modaren gaur egungo desafio eta joera nagusiak jorratuko dira, hala nola jasangarritasuna, eraldaketa digitala, merkataritza indartzea, talentua, eragileen arteko lankidetza eta herritarrekiko konexioa. 
    • Lehenengo jardunaldia profesionala izango da, modaren sektoreari zuzenduko da eta industriako hainbat eragile bilduko dira ponentzien, mahai-inguruen, hitzaldien eta kasu errealen inguruan. 
    • Bigarren jardunaldiak herritarrengan jarriko du arreta gastronomia eta diseinua uztartzen dituen erakusketa baten bidez. Bertan izango dira BISUBI, Sin Patrón, Maiuki eta MaldeOjo Optica Atelier. Gainera, María Lasak, erakustaldi praktikoen bidez, arroparekin daukagun harremanari eta kontsumo kontzienteari buruzko gakoak eskainiko ditu, eta Ana Goitiak monologo batekin itxiko du jardunaldia. 
    • Jardunaldietan parte hartzeko izen-ematea doakoa da eta edukiera bete arte egin daiteke, horretarako prestatutako inprimakia betez. 

Bilboko Udalak Bilbao Ekintza udal-sozietatearen bidez eta Bilbao Moda programaren barruan antolatutako jarduerak azaroaren 10ean eta 12an egingo dira, Zabalgune eraikinean. 

 

Adela Úcar izango da moderatzailea jardunaldi bietan, eta modaren gaur egungo desafio eta joera nagusiak jorratuko dira, hala nola jasangarritasuna, eraldaketa digitala, merkataritza indartzea, talentua, eragileen arteko lankidetza eta herritarrekiko konexioa. Hori guztia hitzaldi, mahai-inguru, hitzaldi, benetako kasuen eta esperientzien bidez egingo da. Jardunaldietan parte hartzeko izen-ematea doakoa da eta horretarako prestatutako inprimakia betez egin daiteke. 

 

Azaroaren 10eko jardunaldia modaren industriaren sektore profesionalera bideratuta dago. Topaketa 11:30ean hasiko da, Ikasle izatetik profesional bihurtzera: diseinu arloko ibilbide arrakastatsuak izeneko panelarekin. 12:00ak arte, Ainara Urkijok eta Gaizka Albizuk, biak ere IED Kunsthal-en graduatuak, diseinuaren arloan dauzkaten esperientziak eta bilakaera partekatuko dituzte, eta prestakuntza-erakundeen, enpresen eta talentuari laguntzeko eragileen arteko lankidetzak diseinatzaileen belaunaldi berrien prestakuntzan eta proiekzioan duen garrantziaz hitz egingo dute. 

 

12:00etatik 13:00etara Jasangarritasuna, berrikuntza eta talentua izeneko mahai-ingurua izango da, Adele Orcajada ikertzaile eta jasangarritasunean adituak gidatua. Bertan izango dira Simone Cipriani, modaren industriaren jasangarritasunaren, gobernantzaren eta berrikuntzaren nazioarteko erreferente nagusietako bat, Eduardo Loreto, Basque Biodesign Centerreko Berrikuntzako zuzendaria eta Víctor Serna, Loreak Mendian enpresaren sortzaileetako bat, euskal moda garaikidearen erreferente dena. Hemen diseinu-sisteman izandako aldaketei, berrikuntzaren gaur egungo esanahiari, zirkulartasunaren ezarpenari eta sektoreak eskatzen duen talentua prestatzeko moduari buruz eztabaidatuko dute. Simone Ciprianik, tokiko ekimen bi horiekin batera, modaren sektorean jasangarritasunak daukan garrantziari buruzko gogoeta egingo du. 

 

13:00etatik 14:00etara Merkataritza eta diseinua. Horiek bultzatzeko hiriko estrategiak panela egingo da eta bertan Helsinki eta Bartzelona hiriek diseinuaren, merkataritza sormenaren eta hiri-garapenaren arteko harremana nola lantzen duten erakutsiko dute. Bloke horretan parte hartuko dute Kirsi Juva Finnish Design Info-ko zuzendari exekutiboak, Helsinkiko ordezkari modura, eta Mireia Escobar Disseny Hub Bartzelonako zuzendariak, Bartzelonako ordezkari modura, . 

 

14:45etik 16:15era, Raquel Pérez eta Irene Blanco, Onversed-eko zuzendari nagusiak eta diseinatzaile buruak, Moda eta AA: tresnez harago izeneko hitzaldia zuzenduko dute, Adimen Artifizialaren erabilerak diseinuaren sektoreari eta moda-saltokiei ekar diezaiekeen aukera zein den jakiteko. 

 

16:15etik 16:45era, Marcos Álvarez Retail Consultant eta Coach exekutiboak salmenta positiboa, adimen emozionala edo hurbiltasunaren eta profesionaltasunaren arteko oreka jorratuko ditu, eta Modu positiboan saltzea blokean saltokien egunerokotasunean aplika daitezkeen hausnarketak eta tresnak eskainiko ditu. 

 

Jardunaldia Nortasuna duten saltokiak: kanal digitalen bidez, zure komunitatearekin konektatzearen boterea hitzaldiarekin amaituko da.Zuzenean ezagutuko da Qukoa dendaren benetako esperientzia, bere kanal digitalen bidez komunitate bat eta nortasun propio bat sortzea lortu duena. 

 

Azaroaren 12an, eguena, eta herritarrak protagonista direla, jardunaldia 17:30ean hasiko da irudi eta moda jasangarrian aditua den María Lasarekin eta Ikusgai dagoen nortasuna eta moda kontzientea panelarekin. Tresna praktikoak emango ditu arropa hobeto ulertzeko, konbinatzen ikasteko, arroparen kalitatea hautemateko eta erosteko erabakiak irizpide handiagoarekin hartzeko. 

 

18:15etik 19:15era, Janzten eta dastatzen diren paisaiak izeneko hitzaldia izango da.Esperientzia bisual eta praktiko horrek gastronomia eta diseinua fusionatzen ditu BISUBIko (Bizkaiko sukaldarien Fundazioa) Ekaitz Aparaiz, Pepe Redondo eta Oihane García sukaldarien eta diseinukoAlberto Etxebarrieta (Sin Patrón), Naia Matia (Maiuki) eta Imanol Carretero (MaldeOjo Óptica Atelier) profesionalen eskutik. 

 

Azkenik, 20:00etatik 21:00etara, Ana Goitia aurkezle, kazetari, telebista-zuzendari, umorista eta modan espezializatutako edukien sortzailea izango da ¡Vaya percha, Bilbo! bakarrizketaren protagonista. 

 

Jardunaldiak girotzeko, IED Kunsthal-ek Fashion Grad Show izeneko erakusketa bat antolatuko du, moda-diseinuko ikasle ohien lanen erakusketa batekin. 

 

 

SARE SOZIALAK: 

 

Bilbao Moda ekimenaren baitan, moda diseinuaren tokiko ekosistema indartzeko eta hiriko merkataritza dinamizatzeko sustatutako ekimenaren barruan, azaroaren 10ean eta 12an Bilbao Moda Jardunaldiak egingo dira.

 

Bi egunetan zehar, Zabalgune Eraikinean diseinatzaileak, merkatariak, enpresak, erakundeak eta modan interesa duten pertsonak bilduko dira, esperientzia inspiratzaileak ezagutzeko eta sektorearen erronka eta aukerarik garrantzitsuenei buruz hausnartzeko.

 

Azaroaren 10eko jardunaldiak izaera profesionala izango du nagusiki, eta tokiko modaren diseinuaren eta merkataritzaren lehiakortasunerako funtsezkoak diren alderdiak izango ditu ardatz, hala nola jasangarritasuna, berrikuntza, adimen artifiziala eta hiriko estrategiak.

 

Azaroaren 12an, programazioak profesionalei zuzendutako jarduerak eta modan, sormenean eta kontsumo arduratsuan interesa duten herritarrei zuzendutako proposamenak uztartuko ditu.

 

Nori zuzenduta dago?

 

  • Moda eta osagarrien diseinatzaileak.
  • Modako saltokiak.
  • Sektoreko ikasle eta profesionalak.
  • Diseinuari, sormenari eta berrikuntzari lotutako erakundeak.
  • Modan interesa duten herritarrak.

 

Data, Tokia eta Ordutegiak

Azaroak 10
11:15 – 17:15 h

Azaroak 12
17:30 – 21:00 h

 

Tokia
Zabalgune Eraikina
Zabalgune Plaza, 11 · Bilbao

 

Izena ematea

Parte-hartzea doakoa da, aldez aurretik izena emanda eta lekuak bete arte.

 

👉 EMAN IZENA HEMEN

 

👉 Kontsultatu Bilbao Moda Jardunaldien egitaraua

 

👉 Informazio gehiago nahi izanez gero, deskargatu Jardunaldien dossierra

 

 

  • Proiektuaren urteko azken ekintzak Bilbao Centro enpresa-taldearen ekimenez antolatutako XVII. Bilbao Fashion Week astea eta Udalak antolatutako diseinuan eta modaren merkataritzan lehiakortasuna, berrikuntza eta talentua sustatzeko jardunaldi teknikoagoak izango dira.

  • Azaroaren 10ean eta 12an, modaren sektoreak dituen erronkei buruzko jardunaldi profesionalak eta mundu guztiarentzako hitzaldiak izango dira udal-programazioaren barruan. Hain zuzen, hauek dira sektorearen erronkak: jasangarritasuna, eraldaketa digitala, merkataritza indartzea, talentua garatzea, eragileen arteko lankidetza eta herritarrekiko konexioa. Berrikuntza gisa, BISUBIk eta tokiko diseinuko profesionalek gastronomia eta diseinua uztartzen dituen zuzeneko esperientzia bat eskainiko dute.

  • Azaroaren 14an, Bilbao Centrok bere ohiko pasarela egingo du Euskalduna jauregian, XVII. Bilbao Fashion Week asteari hasiera emateko.VII. Bilbo Modaren Hiria saria Miriam Ocárizentzat izango da. Badira ere beste ekimen batzuk helburu dutenak sektorea ikusaraztea, sektorea hiriko ezaugarri bihurtzea, moda-turismoa sustatzea eta osagarrien balioa modaren ezinbesteko zati gisa aitortzea.

Jorge Aio Bilbao Centro enpresa-elkarteko kudeatzaileak eta Kontxi Claver Bilboko Udaleko Ekonomiaren Garapeneko, Merkataritzako, Enpleguko eta Turismoko zinegotziak Bilbao Moda proiektuaren urteko azken hitzordua aurkeztu dute gaur, Yimby espazioan egindako prentsaurrekoan.

 

“Bilbo modako hiri handia da. Beti izan da hala, eta erreferente izaten jarraitzen du kalitate goreneko saltoki eta sortzaileekin. Modako eragile guztien aliantza hau –merkatari eta sortzaileena– urrats irmoa da eskaintza finkatzeko eta eskaintza hori azken publikoari aurkezteko, izan bertako, izan bisitari”, esan du Jorge Aiok. Bilbo Centrok adierazi duenez, udazken-negu denboraldi honetarako ekintza asko aurkezten dira, eta, jarduera horiek, jada garatutakoekin batera, “maila goreneko” urteko proposamena osatzen dute.

 

Bestalde, Kontxi Claverrek gogorarazi du Bilbao Moda marka Bilboko Udalak Bilbao Centro enpresa-elkartearekin, Zazpikaleetako merkatarien elkartearekin, BIAAF Bilbao International Art & Fashion-ekin, Bilbao Dendak taldearekin eta sektoreko beste eragile batzuekin hala nola IED Kunsthal eta Bizkaiko Modarekin, batera, bultzatutako ekimena dela eta joan den maiatzean hasi zela, Zazpikaleetako merkatarien elkarteak antolatutako Zazpikaleak Fashion Week modaren astearekin.

 

Ekainean egin zen bigarren jarduera handia, kanpo-proiekzioa ardatz hartuta: BIAAF Bilbao International Art & Fashion-en gala eta lehiaketa egin ziren.

 

Gainera, Bilbao Modak ekintza osagarriak egin ditu fase bakoitzean; esaterako, Bilbon moda sortzeko eta saltzeko espazioak aurkitzeko bisita gidatuen programa bat. Eta, aldi berean, tokiko saltoki batzuek zenbait diseinatzaileren diseinuak jarri zituzten ikusgai beren establezimenduetan.

 

Hori guztia BILBAO MODA maparekin osatzen da. Gida horretan, hiriko sortzaileen tailerren eta diseinu propioak dituzten saltokien zerrenda aurki daiteke.

 

Orain, hirugarren ekintzan, Bilbao Moda proiektuak sektoreari lotutako programazioa dakar, Bilbao Centro enpresa-elkartearekin lankidetzan.  Proposamenen artean, nabarmentzekoak dira Pasarela Bilbao erakustokia, Bilbo Modaren Hiria saria, modari eta hiriari buruzko performance bat, topaketa profesionalak eta sortzaileen erakusketak, zeinak Bilbo bisitatzen duten pertsonentzat ere zabalik dauden.

 

Ekimen horien guztien helburua da sektorea bultzatzea, lehiakortasuna indartzea eta berrikuntza eta talentua sustatzea Bilboko moda-diseinuaren eta -merkataritzaren esparruan.

 

PROGRAMAZIO BETE-BETEA

 

Azaroaren 10etik 24ra, modari eta diseinuari lotutako hainbat jarduera izango dira Bilbao Moda markaren pean, eta, programa horren barruan, jardunaldiak, topaketak, esperientzia gastronomikoak, pasarelak eta sektoreko profesionalak modaren eta hiriaren inguruan bilduko dituzten zenbait proposamen izango dira.

 

Horrela, diseinatzaileek, moda-saltokiek eta sektoreko beste profesional batzuek esperientziak partekatu ahal izango dituzte, erreferentziazko proiektuak ezagutu, eta konexioak sortu.

 

Azaroaren 10ean eta 12an, Bilboko Udalak, Bilbao Ekintza udal-sozietatearen bitartez, sektorerako interesgarriak diren gaiak jorratzeko jardunaldi bi antolatuko ditu. Jardunaldi horiek Zabalgune eraikinean izango dira, eta hitzaldiak, kasu praktikoak eta parte hartzeko espazioak izango dituzte.

 

Azaroaren 14an, 19an, 20an eta 24an, Bilbao Centrok Bilboko modaren eta talentu sortzailearen sektorea ikusarazteko jarduerak eta ekimenak egingo ditu.

 

UDAL-JARDUNALDIAK

 

Azaroaren 10eko (martitzena) jardunaldia sektore profesionalari zuzenduta dago, eta modaren egungo erronka eta joera nagusiak jorratuko ditu: jasangarritasuna, eraldaketa digitala, merkataritza indartzea, talentua, eragileen arteko lankidetza eta herritarrekiko konexioa.

 

Topaketa profesional hori sei bloketan banatuko da. Eguna “Ikasle izatetik profesional bihurtzera: diseinu arloko ibilbide arrakastatsuak” panelarekin hasiko da. Bertan, Ainara Urkijok eta Gaizka Albizuk, IED Kunsthal-eko graduatu bik, beren ibilbide profesionalak azalduko dituzte, agerian utziz zeinen garrantzitsua den prestakuntza-erakundeen, enpresen eta talentuari laguntzeko eragileen arteko lankidetza diseinatzaileen belaunaldi berriak gara daitezen.

 

Bigarren panela “Jasangarritasuna, berrikuntza eta talentua. Mahai-ingurua” izenekoa izango da. Bertan, Simone Cipriani Nazio Batuen Ethical Fashion Initiative erakundearen sortzaileak, Eduardo Loreto Basque Biodesign Center-eko ikertzaileak eta Victor Serna Loreak Mendian enpresakoak honako gai hauek jorratuko dituzte: diseinu-sistemaren aldaketak, berrikuntzaren egungo esanahia, zirkularitatea ezartzea eta sektoreak eskatzen duen talentua trebatzea. Horrez gain, IED Kunsthaleko Adele Orcajadak gidatutako mahai-inguru batean, Simone Ciprianik tokiko bi ekimen horiekin batera hausnartuko du modaren sektorean jasangarritasunak duen garrantziari buruz.

 

Hirugarren panela “Merkataritza eta diseinua. Horiek bultzatzeko hiriko estrategiak” izenekoa izango da. Bertan, Helsinkik (Kirsi Juva, Finnish Info-ko zuzendari exekutiboa) eta Bartzelonak (Mireia Escobar, Disseny Hub Barcelona-ko zuzendaria) diseinuaren, merkataritzaren, sormenaren eta hiri-garapenaren arteko harremana nola lantzen dute azalduko da.

 

Laugarren hitzaldian, “Moda eta AA: tresnetatik haratago” izenekoan, adimen artifizialak diseinatzaileei eta moda-saltokiei eskaintzen dizkien aukerak ezagutu ahal izango dira Raquel Pérezen eta Irene Blancoren eskutik –Oversed-eko zuzendari exekutiboa eta diseinatzaile burua, hurrenez hurren–.

 

Bosgarrenik, “Modu positiboan saltzea” izenburupean, Marcos Álvarez Retail Consultant eta Coach Exekutiboak salmenta positiboa, adimen emozionala eta hurbiltasunaren eta profesionaltasunaren arteko oreka bezalako gaiak jorratuko ditu, merkataritzaren eguneroko jardunean aplikatzeko moduko hausnarketak eta tresnak eskainiz.

 

Topaketa “Nortasuna duten saltokiak: konektatu zure komunitatearekin kanal digitales bidez” izeneko blokearekin amaituko da. Saio horretan, kanal digitalen bidez komunitate bat eta izaera propioa sortzea lortu duten saltoki txikien benetako esperientziak ikusgai jartzea da asmoa. Horretarako, Qukoa dendaren kasu zehatza aztertuko da.

 

Bigarren jardunaldiak (azaroaren 12a, eguena) bi helburu ditu; batetik, eragileen artean konexioak sortzea, eta, bestetik, Bilbao Moda herritarrei hurbiltzea, dibulgazio-jardueren bidez. Bigarren topaketa horrek hiru bloke dinamiko izango ditu.

 

Lehenengoa María Lasak, modaren dibulgatzaile ezagunak, gidatutako Ikusgai dagoen nortasuna eta moda kontzienteari buruzko hitzaldi praktiko bat izango da, arroparekiko harremanaren eta kontsumo kontzientearen inguruan hausnartzeko.

 

“Janzten eta dastatzen diren paisaiak” izenburupean, bigarren jarduerak BISUBI Bizkaiko Sukaldarien Fundazioa eta diseinuko tokiko profesionalak batuko ditu. Moda, gastronomia eta diseinua konektatzen dituen esperientzia bisuala eta parte-hartzailea izango da. Zuzenean eta bikoteka, sektore bietako profesionalek paisaia berberean inspiratutako sorkuntza artistiko bat egingo dute aldi berean. Gaiak Bilborekin izango du zerikusia. Showcooking-ean hauek hartuko dute parte: diseinuaren sektoretik, Alberto Etxebarrieta (Sin patrón), Naia Matia (Maiuki) eta Imanol Carretero (MaldeOjo Óptica Atelier), eta BISUBItik, Ekaitz Aparaiz, Pepe Redondo eta Oihane García.

 

Jardunaldia amaitzeko, Ana Goitia euskal aurkezle eta influenceraren ¡Vaya percha, Bilbo! bakarrizketa izango da.

 

Jardunaldietan izena emateko formularioa:  https://forms.cloud.microsoft/pages/responsepage.aspx?id=5c5lH3xYkUi5EVoonNajcLZvXOKctTpFrQ6c-UAql0JUQTRXVDBMQzZMQU5DMUlPTTMzN1RQRDVGWC4u&origin=lprLink&route=shorturl

 

BILBAO CENTROK BULTZATUTAKO JARDUNALDIAK

 

Bestalde, Bilbao Centro enpresa-elkarteak hainbat jarduera antolatu ditu XVII. Bilbao Fashion Week astearen barruan. Jarduera horien asmoa da modaren sustapenaren, eragile nagusien eta modan parte hartzen duten sektoreen 360º-ko ikuspegia lortzea, fokua bezeroan jarrita, izan bertoko, izan bisitari, izan tokiko merkataritzarekiko interesa duten turista.

 

Pasarela Bilbao pasarela Euskalduna jauregian izango da, azaroaren 14an, 20:00etan. Desfile nagusia Bilboko kalitate handiko 23 saltokiren gizon, emakume eta haurrentzako moda-proposamenek osatuko dute. Pasarela hori streaming bidez igorriko da, eta, bertan, desgaitasuna duten zenbait kolektibok eta ACAMBI elkarteak parte hartuko dute, modu inklusiboan. Ekitaldi horretan, VII. Bilbo Modaren Hiria saria emango zaio Miriam Ocáriz moda-diseinatzaileari, bere ibilbide paregabeagatik eta euskal modan sormenaren erreferentzia izateagatik.

 

Bilbao Modan Dago lelopean, Bilboko modak Bilbo berrienarekin bat egingo du argazki- eta bideo-saio batean, itsasadarrean, azaroaren 19an. Bidaia horretan, hiriaren eta dendetako modaren irudiak jasoko dira, eta, ondoren, publiko handiari helaraziko zaizkio, sustapen-kanpaina baten bidez, modaren garrantzia eta hiriko ekonomiarako funtsezkoa den sektore hau sustatzeko.

 

Azaroaren 20an, Turismo de Modaren txanda izango da. Tokiko moda-sortzaileen zenbait proposamenek Bilboko hotel baten atondoa hartuko dute. Helburua da zuzenean aurkeztea publikoki hiriak zer duen eskaintzeko, tokiko diseinatzaileen zein hiri-merkataritzaren bidez. Aurkeztutako diseinuak Bilboko eraikin batean oinarrituta egongo dira. Erakusketa hamabost egunez egongo da ikusgai, eta, horrez gain, bisitariek diseinatzaileen saltokiak eta haien atelierrak biltzen dituen gida zehatz bat izango dute eskura.

 

Azaroaren 24an, “Moda, imagen y complementos: voces del sector” izeneko jardunaldi didaktikoa egingo da. Saio horretan, osagarrien sektorea eta modarekin lotutako beste sektore batzuk jorratuko dira, hala nola ile-apainketa. Telebistako plato baten formatuan, esparru horietako zenbait profesionalek zuzenean aurkeztuko dituzte beren proposamenak eta ikuspegi profesionala, desfileekin eta sorpresekin.

  • Zazpi erakundek ahaleginak eta baliabideak batu dituzte lankidetza-protokolo bat onartzeko. Protokolo horren lehentasunezko helburua da Bilboko merkataritza mantentzea eta indartzea, enpresen transmisioa sustatuz, belaunaldi-erreleboari aurre egiteko.
  • Datozen 5 urteetan hiriko saltokien 1.000 jabe inguru erretiratzeko adinera iritsiko direla aurreikusten duten azterlanen erantzun gisa sortu da ekimen hori. Aurreratu duten moduan, merkataritza-negozioak ordezko bati eskualdatzeko tresna benetako alternatiba da itxiera posibleen aurrean. “Belaunaldi-erreleboa Europako sektore guztietan gertatuko den fenomenoa da; Bilboko merkataritzaren kasuan, funtziona dezaketen baliabideekin aurreratu behar dugu”.
  • Hauek osatzen dute protokoloa: Bilboko Udala eta Bilbao Ekintza bere sozietatea, Eusko Jaurlaritza, Bizkaiko Foru Aldundia eta DEMA bere sozietatea, Bilboko Merkataritza Ganbera, CECOBI, BILBAO DENDAK eta BIZKAIDENDAK.

 

Zabalguneko eraikinean aurkeztu da gaur “Bilboko Merkataritza sektorean enpresen transmisioa sustatzeko Lankidetza Protokoloa”, bertan biltzen baitira Bilboko Udalaren ekintzailetza- zerbitzuak ETE-ei eta merkataritzari laguntzeko zerbitzuak. Akordio berria eta asmo handikoa da, eta ekintzak aktibatuz hasi da urratsak ematen. Lehen aldiz, 7 erakunderen ahaleginak eta baliabideak biltzea lortu da hiriko merkataritza mantentzeko eta indartzeko elkarrekin eta koordinatuta lan egiteko eta merkataritza-negozioen transmisioa sustatzeko.

Estrategia horren atzean Udalak berak egindako azterlanak daude. Azterlan horien arabera, datozen bost urteetan Bilboko saltokien 1.000 jabe inguru erretiratzeko adinera iritsiko dira. Kontxi Claver Udaleko Ekonomiaren Garapen, Merkataritza, Turismo eta Enpleguko zinegotziak aurreratu duenez, “aurreikuspen horiek hiriko merkataritza-sarean izan dezaketen eragina dela eta, aurrea hartu behar dugu eta itxi daitezkeen negozioei benetako alternatiba bat eskaini behar diegu transmisioaren bidez, oso positiboa izan daitekeela uste baitugu. Fenomeno hori Europako sektore guztietan gertatuko da baina, gure kasuan, sasoiz eta alternatibak erabilita eten nahi dugu”.

Akordio hori sinatu dute Bilboko Udalak eta Bilbao Ekintza bere sozietateak, Eusko Jaurlaritzak, Bizkaiko Foru Aldundiak eta DEMA bere sozietateak, Bilboko Merkataritza Ganberak, CECOBIk, BILBAO DENDAK eta BIZKAIDENDAK erakundeak.  Erakunde horietako guztietako ordezkariak protokolo honen aurkezpenera joan dira gaur. Izan ere, protokoloaren xehetasunak prentsaurreko batean azaldu dituzte Kontxi Claver zinegotziak, Jakes Aguirrezabal Eusko Jaurlaritzako Merkataritza, Turismo eta Kontsumoko sailburuordeak, Gloria Múgica DEMAko zuzendariak eta Mikel Arieta-Araunabeña Merkataritza Ganberako idazkariak.

BILBOTIK BILBORAKO

Kontxi Claver-ek adierazi duenez, protokolo hau indarrean jartzea urrats handia da merkataritzaren sektore osorako: “horrek aukera emango digu batera, koordinatuta eta indar handiagoz lan egiteko, Bilbotik Bilborako egina egotearen eragingarriarekin; enpresen transmisio komertzialaren gaiari heldu behar genion, prozesu konplexuak direlako eta elkarlanean egitea aukerarik seguruena eta arrakasta izateko aukerarik handiena daukana izango dela ikusi dugulako”.

Jakes Aguirrezabal sailburuordearentzat “gure merkataritza-sektorea gero eta zaharragoa da eta, horregatik, Eusko Jaurlaritzak estrategiak eta programak sustatzen ditu, ekiteko asmoa duten pertsona guztiei laguntzeko. Norbaitek saltoki berri bat ireki nahi badu, edo funtzionatzen ari den beste bat eskualdaketan bereganatu edo erosi nahi badu, ez dio utzi behar hori egiteari, laguntzarik ez daukalako. Eta lan-irteera baten bila dabilenak kontuan izan dezala merkataritza bide posible eta sendo gisa. Horixe da nahi duguna”.

Bestalde, Gloria Múgica DEMAko zuzendari kudeatzaileak nabarmendu duenez, bere foru-sozietateak NegoziOn enpresa-transmisioko programan daukan lau urteko ibilbidea eta esperientzia ekarriko ditu. Ildo horretan azaldu duenez, programa honek “enpresen transmisioa da gure saltokiek eta zerbitzu enpresek metatutako kohesioa, jarduera ekonomikoa, enplegua eta ezagutza babesteko tresnarik eraginkorrenetako bat dela erakusten du”.Era berean, adierazi du DEMAk, Enplegua, Gizarte Kohesioa eta Berdintasuna Sustatzeko Foru Sailaren mendeko agentzia den heinean, “lekukoa utzi nahi duten pertsonei zein martxan dagoen negozio batekin berme handiagoekin ekiteko aukera erreala ikusten dutenei laguntzen die”. Azkenik, protokolo honek “NegoziOn-en eragina biderkatzea ahalbidetzen du, baliabideak koordinatu eta belaunaldien arteko erreleboa moduko erronka garrantzitsuari irtenbide zehatzak hurbilduko baitira”

Mikel Arieta-Araunabeña Bilboko Merkataritza Ganberako idazkari nagusiak hauxe adierazi du: “erakunde guztiak lerrokatuta gaude helburu berarekin: enpresen transmisioa bultzatzea enplegua sortzeko, eraginkorrak direla frogatu duten proiektuei eustea eta gure auzo, hiri eta lurralde osoko merkataritza- eta gizarte-ehuna indartzea, negozioen jarraitutasuna gaur egun bermatzeko eta etorkizunean jarduera sortzen jarrai dezaten ahalbidetzeko.  Bilboko Merkataritza Ganberatik transmisio-uhal gisa jarduten dugu, prozesu osoan zehar informazioa, prestakuntza, aholkularitza eta laguntza ematen diegu bai negozio finkatua daukaten eta hura transmititu nahi duten pertsonei, bai lekukoa jaso eta merkataritzaren, ostalaritzaren eta ostatuaren sektoreetan bultzada berri bat eman nahi dutenei”.

AKORDIOAREN LEHENTASUNEZKO ARDATZAK

Akordio berri honen ardatz nagusia TRANSMISIOA erabiltzea eta hedatzea da, saltokiak mantentzeko formula izan dadin eta ekintzaileentzako aukera izan dadin.

Beste ardatz batzuk dira:

  • Dauden transmisio-programak optimizatzea, martxan dagoen negozio bat transmititzeko edo eskuratzeko prozesua hobetzen eta/edo errazten duten zerbitzu erantsien bidez (aholkularitza, prestakuntza, laguntzak…).
  • Saltokiak erakartzea eta enpresen transmisioari buruzko maila desberdinetako informazioa ematea, negozioa mantentzeko tresna gisa. Eta ekintzaileak erakartzea, hainbat tresna erabiliz (ekitaldiak, hitzaldiak, etab.) kolektibo batzuei aditzera emateko transmisioa ekintzailetza-baliabide seguruagoa dela.
  • Merkataritza-sektorea enpresen transmisioko prozesuen ezaugarriei eta aukerei buruz informatzea eta dibulgazioa egitea.
  • Ekintzaile potentzialei informazioa ematea transmisioaren figurak garapen profesionalerako eta lan-merkatuan sartzeko bitarteko gisa eskaintzen dituen aukerei buruz, bai eta haiei laguntzea ere, bai laneratzean, bai transmisio-prozesu osoan (“lekukoa ematea“).
  • Eskualdaketa posibleen kudeaketa aurreratua bultzatzea.
  • Akzioen transmisio mailakatua eta irteera mantsoa egiteko aldaerak aztertzea, prozesu pausoagoak, ordenatuagoak eta ekonomikoki onargarriagoak izateko.

LEHENENGO URRATSAK

Akordio horrek zazpi erakunde sinatzaileen arteko lankidetza indartzen du. Lankidetza hori dagoeneko gauzatzen hasia zen, saltokiekin eta ekintzaileekin garatutako baterako ekintzen bidez.

Alde batetik, datozen 5 urteetan erretiroa hartuko duten titularrak dituzten Bilboko saltoki guztiekin harremanetan jarri gara, enpresen transmisioko prozesuei eta trantsizio horretan dauden laguntza-baliabideei buruzko informazioa eta orientazioa emateko.

Gainera, merkataritza-ekintzailetzarekiko interes handiena izan dezaketen kolektiboak eta profilak identifikatu eta definitu dira, enpresak sortzen laguntzeko erakundeen laguntzarekin azken urteetan bultzatu diren sektoreko enpresa-proiektuen azterketan oinarrituta. Era berean, enpresen transmisioak ekintzailetzarako aukera gisa dauzkan abantailei buruzko zabalkunde- eta informazio-ekintzak egin dira, hainbat dibulgazio-kanal eta -euskarri erabiliz.

Lehen urrats horiek fruituak ematen ari dira, eta ikusi da gora egin dutela erakunde parte-hartzaileetara jo duten saltokien kopuruak eta ekintzaileen kopuruak, transmisio-prozesua eta eskura dauden laguntza-baliabideak zeintzuk diren hobeto jakiteko.

PROGRAMAK ETA LAGUNTZAK

Protokolo honen gakoetako bat da lehendik dauden transmisio-programak koordinatzea, bultzatzea eta optimizatzea, adibidez Berriz Enpresa (Bilboko Merkataritza Ganberak kudeatutako Eusko Jaurlaritzaren proiektua) eta Negozion (DEMAk kudeatutako Bizkaiko Foru Aldundiaren proiektua), beste programa berririk sortu gabe. Bilbao Ekintza udal-erakundea, berriz, informazioa indartzeko eta programa horietara bideratzeko leihatila izango da.

Programa bietan hau eskaintzen da:

Jabeari:

  • Negozioaren aurkezpen-gutuna: produktua, zerbitzua, bezeroak…
  • Balorazioan laguntzea: fakturazioa, erosketak, gastuak…
  • Zabalkundea eta sustapena – web-orriko iragarkia, sare sozialak, buletinak…
  • Erosle potentzialak aktiboki bilatzea.

Ekintzaileari:

  • Egokitasuna aztertzea, elkarrizketa: prestakuntza, esperientzia…
  • Salgai dagoen negozioa aztertzeko laguntza.
  • Negozio-plana egiteko laguntza.
  • Lagun egitea.

Eta bietan:

  • Aholkularitza eta kontratuaren zirriborroak prestatzea.
  • Negozioaren salerosketa: prezioa, epeak, ordaintzeko modua, eranskinak…
  • Lokalaren alokairua (egoki bada): errenta, erosteko aukera…
  • Prozesu osoan lagun egitea.

Era berean, laguntza ekonomiko espezifikoak daude enpresa-transmisioko prozesuetarako, negozio bideragarrien jarraitutasuna errazteko, ekintzaile edo entitate titular berriei eskualdatuta. Dirulaguntza horien helburua da jarraitzeko potentziala duten enpresak ez ixtea eta belaunaldi- eta enpresa-erreleboa erraztea.

Eremu horretan, bai Eusko Jaurlaritzako Turismo, Merkataritza eta Kontsumo Sailak MerkaEkin 2026 deialdiaren bidez, bai Bizkaiko Foru Aldundiko Enplegu, Gizarte Kohesio eta Berdintasun Sailak 2026ko Ekintzailetzako Ekimenen Sustapena programaren bidez, laguntza-ildo espezifikoak eskaintzen dituzte lehendik dauden negozioen transmisioa eta jarraitutasuna errazteko.

Bestalde, Bilboko Udalak, Bilbao Ekintzaren bidez, aurrekoen osagarri diren laguntza sorta bat dauka aurreikusita, batez ere merkataritza-lokalen alokairua eta enpresen transmisioko prozesuetan inplikatutako alderdien arteko ezagutza-transferentzia babesteko.

Bilbao Moda proiektuaren barruan, bisita gidatuak antolatuko dira hiriko tokiko merkataritza eta moda-diseinua ezagutzeko. Ibilbide horien bidez, Bilboko moda sortzeko eta saltzeko espazio bereziak ezagutzeko aukera izango da. 

Lau bisita egingo dira guztira, eta Alde Zaharra–Bilbo Zaharra eta Bilbo Erdialdea eremuak zeharkatuko dira. 

Bisita gidatuak ekainaren 18an eta 24an izango dira, 18:00etatik 20:00etara, eta Bilboko Turismo Bulegoa izango da abiapuntua. Parte-hartzea doakoa da. Aurrez izena eman behar da formulario honen bidez: Bilbao Moda – Bisita gidatuan izenematea

  • Bilboko Udalak, tokiko merkataritzari laguntzeko estrategiaren barruan, deialdia ireki du interesa duten saltokiek “Bilboko Merkataritza Berezia” bereizgarria lortzeko hautagaitza aurkez dezaten.

  • Beren izaera bereziagatik, tokiko garapenari egiten dioten ekarpenagatik, berrikuntzagatik, iraunkortasunagatik eta esperientzia bereizgarria eskaintzeko gaitasunagatik nabarmentzen diren hiriko establezimenduak aintzatetsiko dira.

  • Hutsik dauden lonjak alokatzeko dirulaguntzak eskatzeko epea ere zabalik dago Bailen, Maiatzaren bia, Castillo Jenerala, Hernani eta Lamana. Berritasun gisa, laguntzak hurrengo kaleetan ere emango dira: Irala, Uribarri, Panera plaza, Castaños eta Uriortu.

  • Era berean, Bilboko Udalak lokalak kanpotik birgaitzeko laguntza berriak sustatuko ditu Bilbo Zaharreko, San Frantziskoko eta Zabalako merkataritza-lokalen ikusizko itxura hobetzeko.

Bilboko Udalak, Bilbao Ekintza udal-sozietatearen bitartez, hiriko txikizkako saltokiek “Bilboko Merkataritza Berezia” izeneko bereizgarri berria lortzeko hautagaitza aurkezteko deialdia ireki du. Ekimen horren helburua da beren izaera paregabeagatik, egiten duten ekarpen kulturalagatik, berrikuntzagatik, jasangarritasunagatik, hiri baitako merkataritza-ekosisteman duten balio diferentzialagatik, garapen ekonomiko eta sozialari egiten dioten ekarpenagatik eta hiriaren nortasun kulturalari egiten dioten ekarpenagatik nabarmentzen diren saltokiak aintzatestea.

Aurkeztutako hautagaien artean, “Bilboko Merkataritza Berezia” bereizgarria puntuazio-sistema baten bidez emango da, hamar irizpide nagusitan oinarrituta: produktu edo zerbitzu esklusiboen eskaintza; establezimenduaren kokapen bereizgarria; lokalaren diseinua eta dekorazioa; negozioaren historia eta tradizioa; zerbitzuaren pertsonalizazioa; bikaintasuna bezeroaren arretan; berrikuntza fabrikazio- edo salmenta-prozesuetan; eragin positiboa komunitatean; aurrez jasotako aintzatespena eta sariak; eta iraunkortasunarekiko eta erantzukizun sozialarekiko konpromisoa.

Tokiko merkataritzari laguntzeko udal-estrategiaren barruan kokatzen da programa, merkataritza-bikaintasuna eta -aniztasuna sustatzeko helburuarekin, Bilbo hiri-merkataritzaren kalitate-erreferente gisa sendotuz eta esperientzia bereizia eta hiri-sareari balio erantsia eskaintzen dioten saltokiei balioa emanez.

Aintzatetsitako saltokiek zigilu bereizgarri bat jasoko dute eta saltoki berezien direktorio ofizial batean sartuko dira, Bilboko herritarrentzako eta bisitarientzako erreferentziazko erakusleiho gisa.

Egin klik hemen “Bilboko saltoki berezia” bereizgarria eskuratzeko oinarrietara sartzeko: https://www.bilbaoekintza.eus/eu/proiektua/bases-para-la-concesion-del-distintivo-de-comercio-singular-de-bilbao

HUTSIK DAUDEN LONJAK ALOKATZEKO LAGUNTZAK ZONALDE BERRIETAN

Bilboko Udalak, Bilbao Ekintzaren bitartez, hurbileko merkataritza suspertzearen aldeko apustua indartu du, hiriko hainbat ardatzetan hutsik dauden merkataritza-lonjak aktibatzeko dirulaguntzen deialdi berri baten bidez. Ekimen honek jarraipena ematen dio 2022an Zazpikaleetan abian jarritako programari. Hark izan zuen arrakasta ikusirik, gero Bilbo Zaharra, San Frantzisko eta Zabala auzoetara zabaldu zen, eta orain beste eremu batzuetara zabaldu da, konkretuki Irala eta 2.barrutiko kale batzuetara.

2026/2027 deialdian, deialdia zonalde hauetan egituratzen da: Bilbo Zaharra, San Frantzisko eta Zabala inguruan, jarduera ekonomikoa eta soziala berreskuratzeko lehentasunezko merkataritza-eremu bat mugatu da: Bailen, Maiatzaren Bia, Castillo Jenerala, Hernani eta Lamana kaleetan. Berritasun gisa, Irala auzoan, dirulaguntzak Irala kalean dauden lokaletara bideratuko dira. Bestalde, 2. barrutiko kale hauek ere gehitzen dira deialdiaren helburu gisa: Uribarri, Panera Plaza, Castaños eta Uriortu kaleak.

Laguntza ekonomikoak enpresa-ekimen berriak abian jartzen laguntzeko dira, merkataritza-lokalak alokatzearen ondoriozko gastuak ordaintzen zuzenean lagunduz.

Laguntzek alokairuaren kostuaren % 50 lagunduko dute diruz lehenengo hamabi hilabeteetan, lokal bakoitzeko 400 euro gehienez, lonja kokatuta dagoen kalearen arabera.

Beste baldintza batzuen artean, laguntza hauek jaso ahal izateko, ekintzaileek enpresak sortzeko oinarrizko prestakuntza egina izan beharko dute eta/edo negozio-plana egiteko beharrezko aholkularitza jaso beharko dute Bilbao Ekintzako Enpresa eta Enplegu arloaren bidez edo beste erakunde akreditatu baten bidez.

Deialdia 2027ko abenduaren 31ra arte edo aurrekontu-zuzkidura agortu arte egongo da indarrean.

Egin klik hemen 2026/2027 lonja hutsak aktibatzeko laguntzen deialdira sartzeko: https://www.bilbaoekintza.eus/eu/dirulanguntza/convocatoria-de-ayudas-para-la-activacion-de-lonjas-vacias-2026-2027

IKUSIZKO ITXURA HOBETZEKO LAGUNTZAK

Bilboko Udalak, Bilbao Ekintzaren bitartez, abian du Bilbo Zaharra, San Frantzisko eta Zabala auzoetako merkataritza-lokalen kanpoko ikusizko itxura hobetzen laguntzeko proiektuaren jarraipena ere. Hala, jarraipena emango zaie aurreko urteetan garatutako ekintzei, gune horien irudi komertziala indartzeko eta Bilboko herritar guztientzat erakargarri izateko helburuarekin.

Honako hauek lagunduko dira diruz: behe-solairuko merkataritza-lokaletako fatxadak, erakusleihoak eta sarbideak hobetzeko, egokitzeko eta/edo modernizatzeko obrak, mantentze- eta kontserbazio-lan arruntak gainditzen badituzte; erakusleihoak berritzea, altzariak eta dekorazio-elementuak barne; errotuluak eta kanpoko beste elementu batzuk instalatzea edo hobetzea; erakusleihoen kanpoko argiztapena; pertsiana itsuen ordez pertsiana kalatuak jartzea; igeltserotzako, arotzeriako eta pinturako obra txikiak eta kanpoko berrikuntzak; merkataritzaren fatxada birmoldatzea edo berritzea; irisgarritasuna hobetzeko jarduerak, bai eta establezimenduaren irudia modernizatu eta duintzeko antzeko beste esku-hartze batzuk ere. Obrak gehienez ere zortzi hilabeteko epean egin beharko dira, dirulaguntza ematen denetik zenbatzen hasita.

Laguntzen zenbatekoa obren aurrekontu babesgarriaren gainean % 90era artekoa izango da, 6.000 euroko gehieneko mugarekin. Eskaerak aurkezpen-ordena kronologikoaren arabera baloratu eta aintzat hartuko dira, eta laguntza-eskaera obrak hasi aurretik aurkeztu beharko da.

Eskabideak aurkezteko epea 2026ko abenduaren 30eko 13:30ak arte egongo da zabalik, edo esleitutako aurrekontua agortu arte.

Egin klik hemen Bilbo Zaharrean, San Frantziskon eta Zabalan merkataritza-lokalen kanpoko ikusizko itxura hobetzeko laguntza ekonomikoetarako 2026ko deialdian sartzeko

SARE SOZIALAK:

  • Bilboko Udalak, tokiko merkataritzari laguntzeko estrategiaren barruan, deialdia ireki du interesa duten saltokiek “Bilboko Merkataritza Berezia” bereizgarria lortzeko hautagaitza aurkez dezaten.
  • Beren izaera bereziagatik, tokiko garapenari egiten dioten ekarpenagatik, berrikuntzagatik, iraunkortasunagatik eta esperientzia bereizgarria eskaintzeko gaitasunagatik nabarmentzen diren hiriko establezimenduak aintzatetsiko dira.
  • Hutsik dauden lonjak alokatzeko dirulaguntzak eskatzeko epea ere zabalik dago Bailen, Maiatzaren bia, Castillo Jenerala, Hernani eta Lamana. Berritasun gisa, laguntzak hurrengo kaleetan ere emango dira: Irala, Uribarri, Panera plaza, Castaños eta Uriortu.
  • Era berean, Bilboko Udalak lokalak kanpotik birgaitzeko laguntza berriak sustatuko ditu Bilbo Zaharreko, San Frantziskoko eta Zabalako merkataritza-lokalen ikusizko itxura hobetzeko.

Bilboko Udalak, Bilbao Ekintza udal-sozietatearen bitartez, hiriko txikizkako saltokiek “Bilboko Merkataritza Berezia” izeneko bereizgarri berria lortzeko hautagaitza aurkezteko deialdia ireki du. Ekimen horren helburua da beren izaera paregabeagatik, egiten duten ekarpen kulturalagatik, berrikuntzagatik, jasangarritasunagatik, hiri baitako merkataritza-ekosisteman duten balio diferentzialagatik, garapen ekonomiko eta sozialari egiten dioten ekarpenagatik eta hiriaren nortasun kulturalari egiten dioten ekarpenagatik nabarmentzen diren saltokiak aintzatestea.

Aurkeztutako hautagaien artean, “Bilboko Merkataritza Berezia” bereizgarria puntuazio-sistema baten bidez emango da, hamar irizpide nagusitan oinarrituta: produktu edo zerbitzu esklusiboen eskaintza; establezimenduaren kokapen bereizgarria; lokalaren diseinua eta dekorazioa; negozioaren historia eta tradizioa; zerbitzuaren pertsonalizazioa; bikaintasuna bezeroaren arretan; berrikuntza fabrikazio- edo salmenta-prozesuetan; eragin positiboa komunitatean; aurrez jasotako aintzatespena eta sariak; eta iraunkortasunarekiko eta erantzukizun sozialarekiko konpromisoa.

Tokiko merkataritzari laguntzeko udal-estrategiaren barruan kokatzen da programa, merkataritza-bikaintasuna eta -aniztasuna sustatzeko helburuarekin, Bilbo hiri-merkataritzaren kalitate-erreferente gisa sendotuz eta esperientzia bereizia eta hiri-sareari balio erantsia eskaintzen dioten saltokiei balioa emanez.

Aintzatetsitako saltokiek zigilu bereizgarri bat jasoko dute eta saltoki berezien direktorio ofizial batean sartuko dira, Bilboko herritarrentzako eta bisitarientzako erreferentziazko erakusleiho gisa.

Egin klik hemen “Bilboko saltoki berezia” bereizgarria eskuratzeko oinarrietara sartzeko: https://www.bilbaoekintza.eus/eu/proiektua/bases-para-la-concesion-del-distintivo-de-comercio-singular-de-bilbao

HUTSIK DAUDEN LONJAK ALOKATZEKO LAGUNTZAK ZONALDE BERRIETAN

Bilboko Udalak, Bilbao Ekintzaren bitartez, hurbileko merkataritza suspertzearen aldeko apustua indartu du, hiriko hainbat ardatzetan hutsik dauden merkataritza-lonjak aktibatzeko dirulaguntzen deialdi berri baten bidez. Ekimen honek jarraipena ematen dio 2022an Zazpikaleetan abian jarritako programari. Hark izan zuen arrakasta ikusirik, gero Bilbo Zaharra, San Frantzisko eta Zabala auzoetara zabaldu zen, eta orain beste eremu batzuetara zabaldu da, konkretuki Irala eta 2.barrutiko kale batzuetara.

2026/2027 deialdian, deialdia zonalde hauetan egituratzen da: Bilbo Zaharra, San Frantzisko eta Zabala inguruan, jarduera ekonomikoa eta soziala berreskuratzeko lehentasunezko merkataritza-eremu bat mugatu da: Bailen, Maiatzaren Bia, Castillo Jenerala, Hernani eta Lamana kaleetan. Berritasun gisa, Irala auzoan, dirulaguntzak Irala kalean dauden lokaletara bideratuko dira. Bestalde, 2. barrutiko kale hauek ere gehitzen dira deialdiaren helburu gisa: Uribarri, Panera Plaza, Castaños eta Uriortu kaleak.

Laguntza ekonomikoak enpresa-ekimen berriak abian jartzen laguntzeko dira, merkataritza-lokalak alokatzearen ondoriozko gastuak ordaintzen zuzenean lagunduz.

Laguntzek alokairuaren kostuaren % 50 lagunduko dute diruz lehenengo hamabi hilabeteetan, lokal bakoitzeko 400 euro gehienez, lonja kokatuta dagoen kalearen arabera.

Beste baldintza batzuen artean, laguntza hauek jaso ahal izateko, ekintzaileek enpresak sortzeko oinarrizko prestakuntza egina izan beharko dute eta/edo negozio-plana egiteko beharrezko aholkularitza jaso beharko dute Bilbao Ekintzako Enpresa eta Enplegu arloaren bidez edo beste erakunde akreditatu baten bidez.

Deialdia 2027ko abenduaren 31ra arte edo aurrekontu-zuzkidura agortu arte egongo da indarrean.

Egin klik hemen 2026/2027 lonja hutsak aktibatzeko laguntzen deialdira sartzeko: https://www.bilbaoekintza.eus/eu/dirulanguntza/convocatoria-de-ayudas-para-la-activacion-de-lonjas-vacias-2026-2027

IKUSIZKO ITXURA HOBETZEKO LAGUNTZAK

Bilboko Udalak, Bilbao Ekintzaren bitartez, abian du Bilbo Zaharra, San Frantzisko eta Zabala auzoetako merkataritza-lokalen kanpoko ikusizko itxura hobetzen laguntzeko proiektuaren jarraipena ere. Hala, jarraipena emango zaie aurreko urteetan garatutako ekintzei, gune horien irudi komertziala indartzeko eta Bilboko herritar guztientzat erakargarri izateko helburuarekin.

Honako hauek lagunduko dira diruz: behe-solairuko merkataritza-lokaletako fatxadak, erakusleihoak eta sarbideak hobetzeko, egokitzeko eta/edo modernizatzeko obrak, mantentze- eta kontserbazio-lan arruntak gainditzen badituzte; erakusleihoak berritzea, altzariak eta dekorazio-elementuak barne; errotuluak eta kanpoko beste elementu batzuk instalatzea edo hobetzea; erakusleihoen kanpoko argiztapena; pertsiana itsuen ordez pertsiana kalatuak jartzea; igeltserotzako, arotzeriako eta pinturako obra txikiak eta kanpoko berrikuntzak; merkataritzaren fatxada birmoldatzea edo berritzea; irisgarritasuna hobetzeko jarduerak, bai eta establezimenduaren irudia modernizatu eta duintzeko antzeko beste esku-hartze batzuk ere. Obrak gehienez ere zortzi hilabeteko epean egin beharko dira, dirulaguntza ematen denetik zenbatzen hasita.

Laguntzen zenbatekoa obren aurrekontu babesgarriaren gainean % 90era artekoa izango da, 6.000 euroko gehieneko mugarekin. Eskaerak aurkezpen-ordena kronologikoaren arabera baloratu eta aintzat hartuko dira, eta laguntza-eskaera obrak hasi aurretik aurkeztu beharko da.

Eskabideak aurkezteko epea 2026ko abenduaren 30eko 13:30ak arte egongo da zabalik, edo esleitutako aurrekontua agortu arte.

Egin klik hemen Bilbo Zaharrean, San Frantziskon eta Zabalan merkataritza-lokalen kanpoko ikusizko itxura hobetzeko laguntza ekonomikoetarako 2026ko deialdian sartzeko

SARE SOZIALAK:

    • Ehun urtetik gora dituzten Bilboko saltokien argazki-erakusketa Metro Bilbaoko Zazpikaleak/Casco Viejo geltokian dago, eta gaur hasi eta apirilaren 15era arte egongo da zabalik.

    • Ehun urteko establezimenduen 45 irudi dituzten 16 panelek osatzen dute ekimena, eta tokiko merkataritzari laguntzeko udal-estrategiaren parte da. Gainera, Bilboko merkatariei eskerrak emateko eta omenaldia egiteko aukera ematen du.

Bilbok Ehun Urteko Komertzioen Eguna ospatuko du, apirilaren 10ean, hiriko ehun urteko saltokien argazki-erakusketa berri batekin. Erakusketa gaurtik aurrera Metro Bilbaoko Zazpikaleak/Casco Viejo geltokian egongo da, apirilaren 15era arte.

Iaz Uribitarte pasealekuan, Ertzilla kalean eta Erriberako Merkatuaren inguruetan lortutako arrakastaren ondoren, Metro Bilbaoko argazki-erakusketaren helburua da, berriz ere, ehun urtetik gorako saltokiek Bilboko herritarren eta hiria bisitatzen duten pertsonen aurrean duten ikusgarritasuna areagotzea, eta Bilboko bizitza ekonomiko, kultural eta sozialari egindako ekarpena balioestea eta eskertzea.

Erakusketa 16 panelek osatzen dute. Horietan, Bilboko ehun urteko establezimenduen 45 irudi daude bilduta, eta negozio horien alderik gizatiarrena, nortasuna eta izaera historikoa erakusten dute. Sarrerako elementu gisa, Metro Bilbaoko erakusketak panel deskribatzaile bat ere badu, ekimena testuinguruan kokatzeko eta herritarrei informazioa emateko. Era berean, QR kode bat ere badu, ehun urtetik gorako Bilboko saltoki guztien kokapen-mapa eskuratzeko.

Bilboko Ehun Urteko Komertzioen Eguna apirilaren 10ean ospatzen da, urteko 100. eguna delako, eta 2024an egin zen lehen aldiz, establezimenduek berek proposatutako ekimen gisa. Helburua da Bilboko Udalak EHUN: Betiko dendak betirako – Comercios de toda la vida y para toda la vida ehun urteko komertzioen komunitatearen inguruan bultzatutako proiektua indartzea; komunitate horrek etengabeko jardueran 90 urte baino gehiago daramatzaten negozioak biltzen ditu, kokapena aldatu, belaunaldiz belaunaldi kudeaketa transmititu edo lan egiteko moduak eguneratu badituzte ere, betiere produktu edo zerbitzu mota bera mantenduz. Gaur egun, 56 saltokik dute izendapen hori.

Lehen egun hauetan, Bilbao basque FEST 2026 jaialdiarekin —apirilaren 1etik 4ra— bat egiten du erakusketak. Jaialdi horrek Aste Santuan zehar euskal kulturaren aberastasunaz gozatzeko aukera ematen du, eta hainbat bisitari erakarriko ditu hirira. Hala, argazki-erakusketa honen ikusgarritasuna indartu egingo da.

METRO BILBAOKO ERAKUSKETAN PARTE HARTU DUTEN EHUN URTEKO SALTOKIEN ZERRENDA:

Alimentación Larrinoa; Antonio Martínez; Calzados Bizkarguenaga; Calzados Otazua; Camisería Muñoz; Casa Rufo; Cerrajería Somera; Cestería Alonso; Charcutería Alemana Hermann Thate; Cuchillería Inchaustegui; Cuchillería La Tijera; Delicatessen López Oleaga; Droguería-Perfumería Juan Torre; El Arratiano; El Equipo de Viaje; Erkoch; Farmacia Colón Museo; Farmacia Pont; Farmacia Uriarte; Farmacia Víctor Llorente; Farmacia Zaballa; Floristería Rementería; Grabados y Sellos de Caucho Viuda de Santiago Santos; Heladería Nossi-Bé; Joyería Ignacio Álvarez; La Belga; Los Encajeros; Lotería Azcarreta; Lotería La Cruz; Máquinas de Coser Alfa Bilbao; Meltxora; Paragüería Leoz; Pastelería Arrese 1852 Gozotegia; Pastelerías Martina de Zuricalday Bilbao; Pedro Salcedo; Pescadería Marisa; Plantas, Semillas y Flores Mikel Zuazua; Reparación de Calzado Benito; Sastrería Cardenal; Sombreros Gorostiaga; Tejidos El Paraíso; Turronería Heladería Adelia Iváñez; Ultramarinos Gregorio Martín; Ultramarinos Idoia; Zubiri 1908.

SARE SOZIALAK:

  • Bilboko lehen merkataritza-inkubagailua hartuko duen lokala San Frantzisko kalean dago, eta Eusko Jaurlaritzaren laguntzarekin egokitu da. Gune horrek aukera emango die artisautzako hiru negoziori beren jarduera enpresarialen egokitasuna probatzeko, gehienez zortzi hilabeteko epean.  Dagoeneko aurkez daitezke artisau-erakundeentzako espazio partekatura sartzeko eskabideak, helbide honetara idatzita: comercio@bilbaoekintza.bilbao.eus.

  • Hirian merkataritza suspertzea eta saltoki berrien irekiera sustatzeko helburuarekin, datozen asteetan Bilboko beste lokal batzuetan kokatutako merkataritza-inkubaziorako gune berriak aurkeztuko dira.

Bilboko Udalak Hiriko lehen merkataritza-inkubagailua jarriko du martxan, artisau-jardueretara zuzendua. San Frantzisko kaleko 10. zenbakian dagoen lokal bat da, eta Eusko Jaurlaritzaren dirulaguntzarekin egokitu eta birgaitu da espazioa.

Bilboko merkataritza-inkubagailuen proiektuak, “Bilerazi” izenekoak, ekintzaileei aldi baterako leku komun bat eskaintzea du helburu, enpresa-ekimenak abian jartzen laguntzeko. Horrela, Bilboko Udalak ekintzaileei laguntzen die, lokalak alokatzearen eta erabiltzearen ondoriozko gastuak bere gain hartuz.

Lehen inkubagailuaren lokala kalean bertan dago (sarrera nagusia San Frantzisko kaletik du, baina bigarren sarbide bat Aretxaga kaleko 8. zenbakitik). Merkataritza-ordutegian egongo da irekita, eta hala, artisautzako hiru negoziok elkar osatu ahal izango dute, eta sinergiak sortu, txandaka. Lokala sei hilabetez eta gehienez zortzi hilabetez erabil daiteke. Tarte horretan artisauek beren negozioen egokitasuna probatu ahal izango dute, eta merkatuaren beharrei ingurune erreal batean erantzuten dieten ikusi.

Gaurtik aurrera  zabalik dago artisau-erakundeentzako gune partekatuan sartzeko eskabide telematikoak aurkezteko epea. Horretarako, helbide honetara idatzi behar da: comercio@bilbaoekintza.bilbao.eus Jasotako eskabideak aurkezpen-ordenaren arabera baloratu eta ebaluatuko ditu Bilbao Ekintzako talde teknikoak. Deialdia 2027ko abenduaren 30era arte egongo da indarrean.

Lokaleko hiru postuetako bat lortu ahal izateko, beharrezkoa izango da mikroenpresa bat izatea eta negozio-plana egiteko aholkularitza jaso izana Bilbao Ekintza udal-sozietatearen bidez, edo bertako teknikarien oniritzia, aholkularitza hori beste erakunde batek egin badu.

“Bilerazi” programak merkataritza txikiaren lehiakortasuna hobetzen eta, aldi berean, hiriko lokal hutsak aktibatzen laguntzen du, merkataritza arloko ekintzailetza eta erabilerarik gabeko lokalen optimizazioa integratuz. Lehenengoa abian jarri ondoren, datozen asteetan Bilboko beste lokal batzuetan kokatutako merkataritza-inkubaziorako gune berriak aurkeztuko dira, hirian merkataritza suspertzea eta saltoki berrien irekiera sustatzeko.

SARE SOZIALAK:

  • Juan Mari Aburto Bilboko Alkatea izan da ‘Bilboko Merkataritzaren 2020-2025 Plan Estrategikoari’ lotutako azken Merkataritza Foroaren buru. Bertan, azken bost urteetako ekintzen balantzea egin dute, hurrengo plan estrategikoari begira.

  • 2020tik 2025era 64 ekintza egin dira Bilboko tokiko merkataritzaren lehiakortasuna indartzeko, merkataritza-espazioen hiri-kalitatea hobetzeko eta eragile publiko-pribatuen arteko gobernantza partekatua sendotzeko.

  • “Plan estrategiko honen lorpenik handiena lankidetza-proiektuak eta sarean egindako lana izan dira, baliabideak partekatuz eta ekimen partekatuak diseinatuz“, azpimarratu du Alkateak. “Dendak itxi dituzte, baina errealitate berrira egokitutako denda berriak sortu dira“.

‘Bilboko Merkataritzaren Plan Estrategikoa 2020-2025’ planari lotuta Juan Mari Aburto Bilboko Alkatea izan da Merkataritza Foroaren azken topaketaren buru. Bertan, azken bost urteetan egindako ekintzen balantzea egin dute, Bilboko merkataritzaren hurrengo plan estrategikoaren erronkei eta ekintzei begira.

Atzo Zabalgune eraikinean egindako bilkuran, Aburtok eskerrak eman nahi izan dizkie “gaur hemen gauden eta ibilbide honetan lagundu diguzuen 50 eragile baino gehiagori, izan duzuen inplikazio eta parte-hartze aktiboagatik“. Bilboko alkateak azpimarratu duenez, “plan estrategiko honen lorpenik handiena lankidetza-proiektuak eta sarean egindako lana izan dira, gure hiriko merkataritza-sarea biziberritzeko eta indartzeko helburu komunarekin. Balantze-jardunaldi honetan, elkarrekin lan egiteko, sinergiak sortzeko, baliabideak partekatzeko eta proiektu partekatuak diseinatzeko ahaleginari balioa eman nahi nioke”.

Gogorarazi behar da Bilboko Merkataritza Foroak —Bilboko Udalak gidatuta, Bilbao Ekintzaren bidez— 50 ordezkari biltzen dituela. Ordezkari horiek udaleko hainbat arlotakoak dira, baita Eusko Jaurlaritzakoak, Bizkaiko Foru Aldundikoak, CECOBIkoak, Merkataritza Ganberakoak, BilbaoDendakekoak eta Bilboko auzo eta eremuetako merkatarien elkarteetakoak ere; halaber, udalean ordezkaritza duten alderdi politikoek ere parte hartzen dute.

“Merkataritza, Bilbon eta mundu osoan, sektorearen birmoldaketa handia bizitzen ari da. Kontsumo-ereduen aldaketek, belaunaldi-erreleborako zailtasunek, plataforma handien eskaintzak eta abarrek merkataritza-establezimenduen galera iraunkorra ekarri dute. Hala ere, merkataritza-eredu berriaren erronkak hirirako eta gure merkatari eta ekintzaileentzako aukera bihurtu behar ditugu“, esan du Bilboko Alkateak. Era berean, azpimarratu nahi izan du Plan Estrategikoaren aldian (2020-2025) txikizkako merkataritzako enplegua %12,4 handitu dela hirian: “Saltoki gutxiago ditugu, baina enpresa berriek langile gehiago dituzte eta kontsumitzaileen eskaera berriei erantzunez sortzen dira”.

4 ARDATZEN GAINEKO PROIEKTU GARRANTZITSUAK

‘Bilboko Merkataritzako Plan Estrategikoa 2020-2025’ lau jarduera-ardatzetan oinarrituta egon da, eta ardatz horietan oinarrituta, 33 jarduera-ildo hedatu dira; horietatik 27 dagoeneko ezarri dira, 5 prozesuan daude eta 1 garatzeke dago. Gainera, Planak 64 ekintza zehatz garatzea ahalbidetu du, Bilboko tokiko merkataritzaren lehiakortasuna indartzeko, merkataritza-espazioen hiri-kalitatea hobetzeko eta eragile publiko eta pribatuen arteko gobernantza partekatua sendotzeko.

Foroa egin den bitartean, Kontxi Claver Bilboko Udaleko Ekonomiaren Garapen, Merkataritza, Enplegu eta Turismoko zinegotziak Plan Estrategikoaren proiektu nagusien errepasoa egin du. Plan Estrategikoaren zeharkako ardatza hiriko merkataritza-eredu berritzaile, lehiakor eta iraunkorra finkatzea izan da.

Hiriko merkataritza-ereduari dagokion 1. ardatzaren esparruan, nabarmentzekoa da Rodriguez Ariasko merkataritza-korridorearen eraldaketa integrala, Abando eta Indautxu lotzen dituena, bai eta hainbat jarduketa ere Bilboko hainbat auzotan, merkataritza-erakargarritasuna indartzeko eta irisgarritasuna hobetzeko, Auzokide Planen bidez. Aipatzekoa da, halaber, Zazpikaleetan hutsik dauden merkataritza-lonjak aktibatzeko ZazpiArt programa arrakastatsua, lonjak alokatzeko laguntzak sortuz eta Alde Zaharreko Zazpikaleetan ekonomia suspertzeko abalak eskainiz. Zehazki, horiei esker, 2022tik 2025era 24 denda berri ireki dira.

Era berean, txandakako aparkalekuen okupazioaren jarraipena denbora errealean egiteko dispositibo bat sartzea eta Bilboko erdialdeko hainbat aparkaleku eraldatzeko aukera aipatu da, hiriko merkataritza-logistikaren beharrei erantzuteko. Gainera, TAOren ordenantza berriak zamalanak erraztu ditu, horretarako berariaz erreserbatutako guneetatik harago. Lehen ardatzeko ekimen aipagarrienen artean banaketa jasangarriko zerbitzu bat dago. Alde Zaharrean garatutako proiektu pilotuak emaitza positiboak izan zituen eta ondorioz konpainiak eredua hiri osora zabaldu zuen. Ardatz horretan bertan, merkatu-sarea eguneratzeari ekin zaio, ingurumen-jasangarritasuna eta energia-eraginkortasuna ardatz hartuta, eta, gainera, merkataritza-sustapeneko plan bat bultzatu da.

Omnikanalitateari eta Modernizazio Lehiakorrari buruzko 2. ardatzaren esparruan, Planean abian jarritako jardueren artean, mugarri garrantzitsua izaten ari da erakunde publiko eta pribatuen artean negozioen transmisioa sustatzeko lankidetza-lana. Zehazki, honetan oinarritu da lan-plana: merkataritza-sarea mantentzeko bide gisa transmisioaren eredu hori indartzean, dauden programak optimizatzean eta, eskualdatzen ari diren saltokiak zein negozio bati jarraipena eman nahi dioten ekintzaileak erakartzean.

Banakako eta taldeko hainbat aholkularitza-programa nabarmentzen dira, Bilboko merkataritzaren eraldaketa digitala eta lehiakortasuna hobetzeko, bai eta Bilboko lehen merkataritza-inkubagailua abian jartzea ere. Era berean, Euskadiko Merkataritza Ekintzailetzaren Kongresuaren (Ekin Retail) lehen edizioa antolatu da.

Plan Estrategikoaren 3. ardatzak, Bilbo Merkataritza, Kultura eta Aisialdirako Hiri gisa Sustatzeari buruzkoak, Bilbao GazteDenda nabarmentzen du, proiektu pilotu moduan 8 ikastetxetan egin den eta tokiko merkataritza Bilboko gazteei hurbiltzera bideratuta dagoen proiektua.

Tokiko merkataritza sustatu eta ikusarazteko dinamizazio-kanpainen egutegi egonkorra finkatu da: Bilbao Gabonak Gabonetako kanpaina, Bono Bilbao kanpaina, Bilboko ehun urtetik gorako saltokiak aintzatesteko EHUN programa, Bilbao Fashion Week eta abar dira horren adibide batzuk.

Azkenik, 4. ardatzak, lankidetza publiko-pribatuari buruzkoak, zenbait ekimenen garapenean egin du aurrera, hala nola DetailShop datu-plataforma digitala edo eragileen arteko koordinazio-dinamika berriak bultzatuta, batzorde teknikoak sortuz, adibidez, 2023an sortutako Digitalizazio eta Enpresa Lehiakortasuneko Batzorde Teknikoa edo 2025ean hasitako Dinamizazio eta Espazio Publikoko Batzorde Teknikoa.

Hemendik aurrera, hurrengo “Bilboko Merkataritzaren Plan Estrategikoa 2026-29” planerako estrategia prestatzen hasiko gara. Plan horrek udalaren ibilbide-orria markatzen jarraituko du, sektorearen lehia-posizioa eta hiriak merkataritza-hiri gisa duen erakargarritasuna hobetzeko eta indartzeko.

SARE SOZIALAK: