by

  • Eusko Jaurlaritzak eta Bilboko Udalak elkarrekin antolatutako ‘Ekin Retail’ kongresua abenduaren 11n, ostegunean, egiten ari dira Azkuna Zentroa-Alhóndiga Bilbaon, eta 300 lagun baino gehiago bertaratu dira.
  • Ekitaldi aitzindari honen helburua da merkataritza-sektorean ekintzailetza sendotzea, garapen ekonomikoaren eta lurralde-kohesioaren eragile gisa, hitzaldien, mahai-inguruen, konferentzien eta networking guneen bidez.
  • Kontxi Claver, Bilboko Udaleko Ekonomiaren Garapen, Merkataritza, Enplegu eta Turismoko Zinegotzia: “Ekintzailetzak ez du beti esan nahi zerotik hasi behar denik, beste pertsona batzuek eraiki dutenari jarraipena ematea ere esan nahi du. Funtsezkoa da erretiroei, eskualdaketei eta enpresa-transmisiorako aukerei arreta jartzea”.
  • Javier Hurtado, Eusko Jaurlaritzako Turismo, Merkataritza eta Kontsumoko Sailburua: “Guk nahi duguna da, norbaitek saltoki berri bat irekitzea edo lehendik daukana hobetzea planteatzen badu, ez diezaiola hori egiteari utzi laguntza faltagatik. Eta era berean, ekintzaile izan nahi duenak merkataritza bide posible eta sendotzat izatea nahi dugu“.

Bilbok hartzen du gaur, abenduak 11, Ekin Retail, Euskadiko Merkataritza-Ekintzailetzari buruzko lehen Kongresua, Eusko Jaurlaritzako Turismo, Merkataritza eta Kontsumo Sailak eta Bilboko Udalak, Bilbao Ekintza udal-sozietatearen bitartez, elkarrekin antolatuta. Kutxabankek babestu, Ainhoa Garciak moderatu eta ‘Inspiratzen duen iragana. Erronka egiten duen orainaldia. Eraikitzen dugun etorkizuna’ lelopean, 300 pertsonatik gora batu dituen topaketa hau 09:45ean hasi da, Euskadiko ekintzaileen, erakunde publiko eta pribatuen, elkarteen, saltokien eta profesionalen arteko topagune bihurtzearen helburu nagusiarekin.

Ekin Retail-en irekiera-ekitaldian, Kontxi Claver Bilboko Udaleko Garapen Ekonomiko, Merkataritza, Enplegu eta Turismoko Zinegotziak azpimarratu duenez, “gaur Bilbo Euskadiko merkataritza-ekintzailetzaren bihotza da. Ekin Retail ez da jardunaldi soil bat, asmoen adierazpen bat baizik: Bilbon, Euskadin, sinesten dugu proiektu berriak sortzen dituzten pertsonengan, arriskatzen duten pertsonengan, berritzen dutenengan, gure kaleak eta auzoak espazio bizi bihurtzen dituztenengan. Bilbok ia 4.000 saltoki ditu gaur egun, eta horien garrantzia azpimarratu behar dugu, negozio bakoitzaren atzean erakundeek entzutea eta babestea merezi duten historia, ametsa eta ahalegina daudelako. Ekintzailetzak ez du beti esan nahi hutsetik hastea. Beste pertsona batzuek eraiki dutenari jarraipena ematea ere esan nahi du. Erretiroei, eskualdaketei, enpresa transmisiorako aukerei… arreta jartzea funtsezkoa da metatutako balio hori gal ez dadin, gure merkataritza-sarea babestuz eta esperientziak eta historiak belaunaldi berrien eskuetan bizirik jarrai dezaten bermatuz“.

Bestalde, Javier Hurtado Eusko Jaurlaritzako Turismo, Merkataritza eta Kontsumoko Sailburuak azpimarratu duenez, “Turismo, Merkataritza eta Kontsumo Sailetik nahi duguna da, norbaitek saltoki berri bat irekitzea edo lehendik daukana hobetzea planteatzen badu, ez diezaiola hori egiteari utzi laguntza faltagatik. Eta era berean, ekintzaile izan nahi duenak merkataritza bide posible eta sendotzat izatea nahi dugu. Hori dela eta, gaur inauguratu dugun merkataritza-ekintzailetzako Ekin Retail Kongresuak, lehenik eta behin, tokiko merkataritzak gure bizitzetan duen garrantziaz kontzientziatzea du helburu. Bigarrenik, hurbileko merkataritza lan-aukera gisa ikustea, bere zailtasunekin eta onurekin, esperientzia hori hurbiltzea ahalbidetzen duten benetako adibideen bidez. “Eta, hirugarrenik, oraingo eta etorkizuneko merkatariek jakin dezatela ez daudela bakarrik prozesu honetan, administrazioaren laguntza izango dutela beren negozioa garatzen laguntzeko, zuzeneko laguntzen bidez, prestakuntzarako laguntzen bidez, enpresak eskualdatzeko eta aholkularitzako programa espezifikoen bidez”.

ADIBIDE INSPIRATZAILEAK

Irekiera instituzionalaren ondoren, “Nire denda nire istorioa: ekiteko gakoak” elkarrizketa inspiratzailearen txanda izan da, non Txema Pascualek (Artepan) eta Fernando Taranconek (Joker) parte hartu duten. Jarraian, “Ekin zeure erara: ereduak eta esperientziak” mahai-inguruan, Bilboko Merkataritza Ganberako Merkataritza eta Ekintzailetza zuzendari Antonio Secok moderatuta, zerotik hasi diren pertsonen adibideak ezagutarazi dira (Asier Ortiz de Zarate, Kick by Ortiz), baita eskualdatze bat bizi izan duten pertsonen adibideak (Laura Inés Hunter, Larralde), frankizia adibide bat (Amaia Ladislao, Eroskiren frankizia); eta familia negozioaren adibide bat ere (Nora Zubiri, Zubiri 1908).

Eguerdiko 11:45ean, Zorraquinoko Aída de Lucio Garcíak eta Iñaki Lekuek XXI. mendeko merkataritzaren joerei buruzko hitzaldia eman dute.

“Ekosistema ekintzailea: aliatuak eta tresnak” mahai-inguruan ondokoek hartu dute parte: Isabel Muelak, DEMA Enplegurako eta Ekintzailetzarako Foru Agentziako zuzendariorde eta gerenteak; Nerea Hormaetxek, Garapen Agentzien Euskal Elkarteko zuzendaritza-batzordeko kideak; Idoia Lizeagak, Idoia Lizeaga Iturralde tailer-estudiokoak, eta Nuria Barreirosek, JB Modasekoak. Mahaiaren moderatzailea Naiara Etxebarria izango da, Kutxabankeko negozio-bankako arduraduna.

Atsedenaldiaren aurretik, “Klikatzetik mostradorera” hitzaldia eskainiko da, Celestino Martinez Actualiza Retail. aholkularitzako arduradunaren eskutik. Arratsaldean, 15:30ean, “Diseinuak axola du: lokala eta esperientzia”hitzaldiaren txanda izango da, Flow enpresaren sortzaile eta zuzendari nagusi Jesús Caok eskainitakoa.

Azken mahai-ingurua María López Negrete CECOBIko presidenteak moderatuko du, eta izenburu hau izango du: “Tokiko erreferenteak: ekintzailetzak funtzionatzen duenean”. Honako hauen parte hartzearekin: María Mora, La Manducatecaren sortzaileetako bat; Nagore Ramos, Charamel; Begoña Rodríguez, Radio Rhin; Vanesa Orejuela, Esencia Centros Médico-Estéticos, eta Cristina Múgica, Bizkaiko Foru Aldundiko Lurralde Lehiakortasuna eta Turismoa Sustatzeko zuzendari nagusia

Muxote Potolo Baten eskutik biltzarrari amaiera emateko ekitaldiaren aurretik, 17:00etan solasaldi bat egongo da, “Mostradorearen atzeko istorioak”. ‘Ekin Retail’ Merkataritza Ekintzailetzaren lehen Biltzarraren azken saioa izango da hori, eta ondokoek hitz egingo dute: Ander Lantarónek, Cabecita de Ajo; Lourdes Leozek, Leoz euritako-denda; eta Pili Jiménezek, Muchas Telas.

SARE SOZIALAK:

by

  • Ekin Retail’ biltzarra, Eusko Jaurlaritzak eta Bilboko Udalak antolatuta, Bilboko Azkuna Zentroan (Alhondiga) egingo da, abenduaren 11n, eta ekintzaileen, erakunde publiko eta pribatuen, elkarteen, saltokien eta profesionalen arteko topalekua izango da.

  • Ekitaldi aitzindari honen helburua da merkataritzaren sektorean ekintzailetza sendotzea, lurralde-kohesioaren eta garapen ekonomikoaren eragilea izan dadin. Horretarako, solasaldiak, mahai-inguruak, hitzaldiak eta networking espazioak antolatu dira.

  • Biltzarrera etortzeko online izen-emateak doakoak dira eta edukiera bete arte egongo dira eskuragarri.

Bilbok Merkataritza Ekintzailetzaren Euskadiko lehen biltzarra hartuko du abenduaren 11n. Eusko Jaurlaritzako Turismo, Merkataritza eta Kontsumo Sailak eta Bilboko Udalak, Bilbao Ekintza udal-sozietatearen bitartez, antolatutako ‘Ekin Retail’ biltzarra 09:45ean hasiko da irekiera-ekitaldi labur batekin. Bertan parte hartuko dute, Javier Hurtado Eusko Jaurlaritzako Turismo, Merkataritza eta Kontsumo Sailburuak eta Kontxi Claver Bilboko Udaleko Ekonomiaren Garapen, Merkataritza, Enplegu eta Turismo Zinegotziak.

‘Ekin Retail’ Merkataritza Ekintzailetzari buruzko I. Biltzarrak lelo hau izango du: “Inspiratzen gaituen iragana. Desafio egiten gaituen oraina. Eraikitzen dugun etorkizuna. Helburu nagusia da Euskadiko ekintzaileen, erakunde publiko eta pribatuen, elkarteen, saltokien eta profesionalen arteko topagune bihurtzea, non berrikuntzari, jasangarritasunari eta negozio-eredu tradizional eta disruptiboei buruzko esperientzia inspiratzaileak partekatu ahal izango dituzten.

Goizeko 09:45etik 18:00etara bitartean, hitzaldiek, mahai-inguruek, solasaldiek eta networking guneek, aukera emango diete bertaratutako pertsona guztiei beren proiektuak edo saltokiak aurrera eramateko benetako adibide eta aukeren lekuko izateko, lankidetza eta enpresa ekimen berrien garapena erraztuko duen gune bat sortuz.

Kutxabankek babestutako eta Xabier Madariaga kazetariak moderatutako biltzar honetan

kasu arrakastatsuak emango dira ezagutzera, eta tokiko ekonomian merkataritza-ekintzailetzak duen egitekoa indartuko da.

Istorio inspiratzailez betetako programa

Irekiera instituzionalaren ondoren, “Nire denda nire istorioa: ekiteko gakoak”elkarrizketa inspiratzailearen txanda izango da, non Txema Pascualek (Artepan) eta Fernando Taranconek (Joker) parte hartuko duten. Jarraian, “Ekin zeure erara: ereduak eta esperientziak” mahai-inguruan, Bilboko Merkataritza Ganberako Merkataritza eta Ekintzailetza zuzendari Antonio Secok moderatuta, zerotik hasi diren pertsonen adibideak ezagutaraziko dira (Asier Ortiz de Zarate, Kick by Ortiz), baita eskualdatze bat bizi izan duten pertsonen adibideak (Laura Inés Hunter, Larralde), frankizia adibide bat (Amaia Ladislao, Eroskiren frankizia); eta familia negozioaren adibide bat ere (Nora Zubiri, Zubiri 1908).

Eguerdiko 11:45ean, Zorraquinoren sortzaile eta presidente Miguel Zorraquinok XXI. mendeko merkataritzaren joerei buruzko hitzaldia emango du.

“Ekosistema ekintzailea: aliatuak eta tresnak” mahai-inguruan ondokoek hartuko dute parte: Isabel Muelak, DEMA Enplegurako eta Ekintzailetzarako Foru Agentziako zuzendariorde eta gerenteak; Nerea Hormaetxek, Garapen Agentzien Euskal Elkarteko zuzendaritza-batzordeko kideak; Idoia Lizeagak, Idoia Lizeaga Iturralde tailer-estudiokoak, eta Nuria Barreirosek, JB Modasekoak. Mahaiaren moderatzailea Naiara Etxebarria izango da, Kutxabankeko negozio-bankako arduraduna.

Atsedenaldiaren aurretik, “Klikatzetik mostradorera” hitzaldia eskainiko da, Celestino Martinez Actualiza Retail. aholkularitzako arduradunaren eskutik. Arratsaldean, 15:30ean, “Diseinuak axola du: lokala eta esperientzia”hitzaldiaren txanda izango da, Flow enpresaren sortzaile eta zuzendari nagusi Jesús Caok eskainitakoa.

Azken mahai-ingurua María López Negrete CECOBIko presidenteak moderatuko du, eta izenburu hau izango du: “Tokiko erreferenteak: ekintzailetzak funtzionatzen duenean”. Honako hauen parte hartzearekin: María Mora, La Manducatecaren sortzaileetako bat; Nagore Ramos, Charamel; Begoña Rodríguez, Radio Rhin; Vanesa Orejuela, Esencia Centros Médico-Estéticos, eta Cristina Múgica, Bizkaiko Foru Aldundiko Lurralde Lehiakortasuna eta Turismoa Sustatzeko zuzendari nagusia

Muxote Potolo Baten eskutik biltzarrari amaiera emateko ekitaldiaren aurretik, 17:00etan solasaldi bat egongo da, “Mostradorearen atzeko istorioak”. ‘Ekin Retail’ Merkataritza Ekintzailetzaren lehen Biltzarraren azken saioa izango da hori, eta ondokoek hitz egingo dute: Ander Lantarónek, Cabecita de Ajo; Lourdes Leozek, Leoz euritako-denda; Ariane San Vicentek, Zabalguneko merkatuan kokatutako eta gosarietan espezializatutako La Currita lokalekoak, eta Pili Jiménezek, Muchas Telas.

Hona hemen biltzarraren egitaraua eta izen-emateak

REDES SOCIALES:

BILBAO UDALA: YOUTUBE | FACEBOOK | X | INSTAGRAM | TIK TOK
BILBAO EKINTZA: YOUTUBE I FACEBOOK | X | INSTAGRAM
BILBAO TURISMO: FACEBOOK I X I INSTAGRAM

by

‘Bilbao GazteDenda’ proiektuaren lehen edizioa hiriko zortzi ikastetxetan egingo da, eta ikasleek aukera izango dute beren auzoetako merkatariekin hitz egiteko eta ideiak trukatzeko.

Gazteen artean kontsumo-ohitura arduratsuak sustatzeko sentsibilizazio-ekintzak garatzeko beharretik sortutako ekimena da.

Bilboko Udalak tokiko merkataritzarekin duen konpromisoa berretsi du, Bilboko gazteei zuzendutako proiektu berri bat abian jarrita. ‘Bilbao GazteDenda’ izena du eta ekimen aitzindaria da, hiriko gazteen artean kontsumo arduratsuko ohiturak sustatzeko sentsibilizazio ekintzak garatzeko beharretik sortua, sektore hori funtsezkoa baita erabakiak hartzeko eta hiriko tokiko merkataritzan kontsumo arloko eredu jasangarriak eraikitzeko.

Sentsibilizatzeaz gain, proiektuak Bilboko gazteen artean kontsumo arduratsu eta jasangarriaren kultura sustatzea du helburu, erosketa-ohiturei buruzko hausnarketa kritikoa bultzatuko duena; gainera, ‘Bilbao GazteDenda’ tokiko merkataritzaren aurkikuntza sustatzeko eta auzoetako merkatariekiko harremana indartzeko sortu da.

Horretarako, proiektuaren lehen edizio hau 14 eta 16 urte bitarteko gazteekin egingo da zortzi ikastetxetan —Bilboko zortzi barrutietako bakoitzeko ikastetxe bana—, bi fasetan banatutako goizeko saioetan: lehenengo fasean jasangarritasun eta erosketa ohiturei buruzko hausnarketa egingo da, dinamizatutako ihesgelaren dinamikaren bidez; bigarren fasean, auzo bakoitzeko merkatariekin elkartuko dira, gazteek eta merkatariek ideiak trukatu eta tokiko kontsumoari buruzko sinergiak sor ditzaten.

Hauek dira aste honetatik aurrera eta Gabonetako oporrak hasi arte egingo den lehen edizioan parte hartuko duten zortzi ikastetxeak: Berrio Otxoa ikastetxea, El Carmen Indautxu ikastetxea, Urretxindorra Ikastola, Gabriel Aresti BHI, Deustuko Ikastola, Artxandape Ikastola, Eskurtze BHI eta Zorrotza BHI.

‘Bilbao GazteDenda’ ekimenak tokiko kontsumoaren onurei buruz sentsibilizatzeko beharrari erantzuten dio, bai eta merkataritza modernizatzearen garrantziari ere, negozio ereduak belaunaldi berrien eskaeretara egokituta. Horregatik, Bilboko gazteen eta merkatarien artean harremanak sortu nahi dituen proiektua da, hiri-ingurunearen nortasuna eta gizarte-kohesioa indartzeko.

SARE SOZIALAK:

BILBOKO UDALA: YOUTUBE | FACEBOOK | X | INSTAGRAM | TIK TOK

BILBAO EKINTZA: YOUTUBE | FACEBOOK | X | INSTAGRAM

BILBAO TURISMOA: FACEBOOK | X | INSTAGRAM

by

  • Juan Mari Aburto alkatea izan da ekitaldiaren buru, eta Bilbao Dendak erakundearen ordezkaritza zabal batek parte hartu du. Erakunde hori duela 25 urte sortu zen eta Estatuko hiri-merkataritzako lehen plataforma izan zen.

Bilboko Udalak Arabiar Aretoaren ateak ireki ditu gaur Bilbao Dendak plataformaren ordezkariei harrera egiteko. Plataforma horrek eskualdeko 13 merkataritza-elkarte biltzen ditu, Erriberako Merkatuarekin, Zubiarte eta El Corte Inglés zentroekin, Merkataritza Ganberarekin eta Bilboko Udalarekin batera, Eusko Jaurlaritzaren laguntzarekin. Helburu nagusia hiriko merkataritza- eta turismo-jarduera batera sustatzea da, eta erakundeak 25 urte daramatza zeregin horretan.

Urtemuga berezi hau ospatzeko egin diren ekitaldien artean, Udalak gaur egin dion harrera berezia dago, Juan Mari Aburto Alkatea buru dela. Alkateak, hiriaren sortzaile On Diego Lopez Harokoaren eskultura bat eman die hiriaren izenean.

Alkateak “erakunde ospetsu honi zorionak” eman ondoren, Udalak Bilbao Dendak elkarteari eskaini nahi dion babesa eta lankidetza gogorarazi ditu, «inoiz baino beharrezkoagoa baita indarrak eta ideiak batzea, merkataritza-sektoreak bizirik jarraitu eta etorkizuna izan dezan». «Merkataritzaren arloa eguneroko errealitateari eta erronkei lotuta bizi da, eta horrek etengabeko aldaketen mende egotea dakar. Bide eta bilakaera horretan, Bilboko Udalak gertu egon nahi du, hiriko ekonomiaren eta bizitzaren zutabe eta eragile den sektore bat lagunduz eta indartuz».

Juan Mari Aburtok zehaztu duenez, merkataritza-plataforma horrek -duela 25 urte sortu eta Estatuko lehen merkataritza-plataforma izan zen – Bilboko merkataritza sustatzen eta garatzen jarraitu behar du.

SARE SOZIALAK:

by

  • Bilboko saltokiek hogei moda-proposamen inguru aurkeztuko dituzte bihar, azaroaren 22an, arratsaldeko 20:00etatik aurrera, Bilboko Euskalduna Jauregian egingo den pasarelan.

  • Bilboko Alkateak, Juan Mari Aburtok, “Bilbo Modaren Hiria” VI. saria emango dio Alberto Etxebarrietari, Sinpatron moda-firmaren sortzaileak izan duen ibilbidea goraipatzeko.

  • Aurten, nobedade modura, pasarelaz gain, tokiko saltokien erakusketa-eremu bat egongo da, modaren eta bilbotarren arteko zuzeneko lotura sustatzeko asmoz.

Bilbao Pasarela 2025 larunbat honetan egingo da arratsaldeko 20:00etatik aurrera Bilboko Euskalduna Jauregian. Hemezortzigarren urtez jarraian “Bilbao Fashion Week” proiektuaren ekitaldi arrakastatsuenetako bat izango da. Ekimenak bide berria hasi du aurten, Bilboko Udalaren errefortzu handiagoarekin, BilbaoCentro enpresa-taldearen laguntzarekin, helburu hau betetzeko asmoz: hiria kalitatezko modaren epizentroan kokatzea, tokiko saltokien eskutik.

Hiriko txoko ugari jardueraz bete dituzten bederatzi egunak igaro diren honetan, Bilbao Pasarela 2025 ekimenak amaiera ezin hobea emango dio “Bilbao Fashion Week 2025” asteari. Bilboko saltokietako 20 moda-proposamen baino gehiago ikusgai jarriko dira pasarela bakarrean: saltoki bakoitzak lau moda-proposamen egingo ditu, udazken-neguko denboraldiko joerak islatzeko, sektorearentzat oso garrantzitsua den garai honetan. Hauexek dira ekimenean parte hartuko duten saltokiak: Javier Barroeta & Bázzari, 017 Store, Anna Montes, Barbour, Charlotte, Claudia Morán, El Armario de Tater, Galería 8360, Garzón, Jardín Secreto, Jajoan, Juan Bilbao, Lola, New Lemon, Styling, Veritas, Zubiri eta Sinpatron.

Gainera, edizio honetako nobedade modura, erakusketa gune bat egongo da, non tokiko beste saltoki batzuek (Danzarte, La tienda de Olga, Masquegorros, Javier Barroetako Goi Joskintza Eskola…) beren produktuak erakutsiko dituzten 19:00etatik aurrera eta pasarela bukatu ostean, modaren eta bilbotarren arteko zuzeneko lotura indartzeko asmoz.

Pasarelan izango den Bilboko Alkateak, Juan Mari Aburtok, BilbaoCentrorekin batera, Bilbo Modaren Hiria VI. saria emango du. Aurtengo edizioan Alberto Etxebarrietak, Sinpatronen sortzaileak, izan duen ibilbidea aintzatetsiko du sariak. Modaren sustapenarekin eta merkataritzarekin lotura hertsia duen sortzaile bilbotarrak bat egingo du sarituen zerrendarekin, hain zuzen ere ondokoek osatzen dutena: Mercedes de Miguelek, Carlos Díezek, Javier Barroetak, la boutique Veritasek eta Alicia Ruedak.

Ekitaldian 400 pertsona inguru izango dira, Bilboko merkataritzaren sasoiko proposamenak erakutsiko dituzten 30 modelo baino gehiagoren parte-hartzea ere izango du ekitaldiak, eta streaming bidez ikusteko aukera ere egongo da, BilbaoCentroren YouTubeko kanalaren bidez.

SARE SOZIALAK:

by

  • Tokiko enpresek eskaerak online aurkeztu ahalko dituzte bihartik, azaroaren 19tik, 2025eko abenduaren 19ko 15:00ak arte.

  • Bilboko Udalak, Bilbao Ekintzaren bitartez egindako deialdi honi esker, bere konpromisoa indartu du tokiko garapen ekonomikoarekin, enplegu egonkorraren sustapenarekin eta hiriko enpresa-sarearen babesarekin.

  • Dirulaguntzen zenbatekoak %10 handituko dira emakumeak kontratatzen diren kasuetan, kolektibo horren enplegagarritasuna sustatzeko asmoz.

Bilboko Udalak, Bilbao Ekintza udal-sozietatearen bidez, bihar, azaroaren 19an, zabaldu du deialdia 2025eko ekitaldiko Kontrataziorako Dirulaguntzen programan parte hartzeko. 2030eko Euskal Enplegu Estrategiaren  esparruan kokatutako ekimen hau Lanbide-Euskal Enplegu Zerbitzuak sustatu du, eta Lanbiden enplegu eskatzaile gisa izena emandako langabeen kontratazioa sustatzea du helburu.

Epea bihar, azaroaren 19an, zabalduko da, goizeko 10:00etan, eta 2025eko abenduaren 19ko 15:00ak arte egongo da zabalik esteka honetan.

Enplegu egonkorra eta kalitatezkoa sortzea sustatzeko estrategia gisa, enpresa pribatuek aurten egindako kontratazioetara zuzendutako dirulaguntza 1.806.145 eurokoa izango da.

Dirulaguntzak eskatzen dituzten tokiko enpresen artean banatuko dira laguntzak, hain zuzen ere, publizitate, lehia eta objektibotasun printzipioak bermatzen dituzten oinarri arautzaileen arabera, eta kontuan hartuta aurkezteko hurrenkeraren arabera aztertuko direla eskaerak, deialdi honetara zuzendutako kreditua amaitzen den arte. Dirulaguntzen onuradunak izan ahalko dira pertsona fisiko edo juridiko pribatuak, baldin eta lantokia eta jarduera ekonomikoa Bilboko udalerriaren lurralde-eremuan badituzte.

Dirulaguntza jasoko duten tokiko enpresek 8.000 euro jaso ahalko dituzte gehienez lansaio osoko kontratu mugagabe bakoitzeko. 55 urtetik gorako pertsonak, 35 urtetik beherakoak, diru-sarrerak bermatzeko errenta edo bizitzeko gutxieneko diru-sarrera jasotzen duten pertsonak edota luzaroko langabeak kontratatuz gero, dirulaguntzaren gehieneko zenbatekoa 10.000 eurokoa izango da lansaio osoko kontratu bakoitzeko.

Horrez gain, dirulaguntzen zenbatekoak beste % 10 handituko dira emakumeak kontratatzen direnean, emakumeen kontratazioak sustatzeko asmoz.

Kontratatutakoek honako baldintza hauek bete beharko dituzte: langabezian egotea, hau da, Gizarte Segurantzaren Araubide Orokorrean edo Langile Autonomoen Araubide Berezian altan emanda ez egotea, Lanbide-Euskal Enplegu Zerbitzuan enplegu-eskatzaile gisa izena emanda eta altan egotea eta Bilbon erroldatuta egotea eta legezko bizilekua bertan izatea.

Hemen dituzu 2025eko Kontrataziorako Dirulaguntzen oinarri arautzaileak

SARE SOZIALAK:

 

Loturiko dokumentuak

by

AZTERTU MERKATARITZAREN ETORKIZUNA MARKATZEN ARI DIREN ESPERIENTZIAK ETA SEKRETUAK

Ezagutu Euskadiko merkataritzaren etorkizuna Merkataritza Ekintzailetzaren I. Biltzarran, 2025eko abenduaren 11n, Azkuna Zentroan (Bilbon). Ekitaldi aitzindaria da, eta hainbat eremutako ekintzaile, saltoki eta erreferenteak diren profesionalak bilduko ditu, berrikuntzari, jasangarritasunari eta negozio-eredu tradizional eta disruptiboei buruzko esperientzia inspiratzaileak partekatzeko.

Bizi ezazu biltzar, mahai-inguru, hitzaldi eta networking-gunez betetako jardunaldia, non zure proiektua edo merkataritza hazteko sekretuak eta benetako aukerak azalduko diren. Bilboko Udalak eta Eusko Jaurlaritzak antolatuta, biltzar hau aukera paregabea da konektatzeko, ikasteko, baliabideak eskuratzeko eta euskal merkataritzaren etorkizuna elkarrekin eraikitzeko. Merkataritza-ekintzailetzan mugarri izango den hitzorduaren parte izan zaitez!

https://ekinretail.eus/

by

  • Ibilbide berriari ekiten dion proiektu estrategikoa da. Ekimenak, tokiko merkataritzaren eskutik, Bilbori modaren epizentro gisa kokatzeko aukera emango dio desfileak, workshopak, talk-showak, tailer espezializatuak eta erakusketak barne hartzen dituen programazio oparoarekin. 

  • Azaroaren 22an, arratsaldez, ohiko pasarela egingo da Euskalduna Bilbao Jauregian; berrikuntza gisa saltokientzako erakustoki berri bat izango da. Alberto Etxebarrieta moda diseinatzaile bilbotarrak, “SinPatron” ekimenaren sortzaileak, Modaren Bilbo Hiribildua VI. Saria jasoko du.

  • “Hirian ibilbidea duen proiektua da eta bultzatu egin nahi dugu, moda Bilboko motor ekonomiko, kultural eta sortzailea dela ospatuko duen eta sektore honen alde egingo duen ekitaldi bihurtzeko”, esan du Kontxi Claverrek, Ekonomiaren Garapeneko, Merkataritzako, Turismoko eta Enpleguko Saileko Zinegotziak.

‘Bilbao Fashion Week 2025’ Modaren Astea gaur aurkeztu da, azaroaren 13tik 23ra bitartean modaren eta diseinuaren epizentroa izateko aukera emango duten jarduera eta berrikuntza guztiekin. “Tokiko modaren sektorea bultzatu nahi dugu, hiriko merkataritza dinamizatu eta Bilbok sormen-hiriburu moduan duen irudia proiektatu, astebetez baino gehiagoz hiria modaren munduari lotutako joeren, talentuaren eta esperientzien erakusleiho bihurtuz”, adierazi du Kontxi Claverrek, Bilboko Udaleko Ekonomiaren Garapeneko, Merkataritzako, Turismoko eta Enpleguko Saileko Zinegotziak, udaletxean bertan egin den aurkezpen-prentsaurrekoan. “Bilboko motor ekonomiko, kultural eta sortzaile gisa modaren alde egiten duen ekitaldia izango da”.

‘Bilbao Fashion Week’ hirian ibilbide luzea duen proiektua da eta edizio honetan, Bilbo Erdialdeko eta Alde Zaharreko merkatarien elkarteen esperientzia eta sinergiak baliatuz, bide berri bati ekingo dio etorkizunean ere aktiboki inplikatuta jarraituko duen hiriko merkatarien elkarteen ehunaren eskutik. “Ez gara hutsetik abiatu; proiektu finkatua da, ibilbide esanguratsua duena. Bilboko Udalak ekimena indartu egin nahi du hiribilduan kalitatezko modari, tokiko merkataritzari eta diseinuaren sektoreari prestigioa emateko”, azpimarratu du Kontxi Claverrek. “Bilbo kalitatezko erosketa eta modarako erreferentziazko hiria izan da eta izaten jarraitu behar du”.

Aurreko urteetan egin den bezala ‘Bilbao Fashion Week’ urtean bitan (maiatzean eta azaroan) egiten jarraituko da, udaberri-udako eta udazken-neguko moda-denboraldiak estaltzeko, hurrenez hurren.

BERRIKUNTZAK DITUEN PROGRAMAZIO OPAROA

‘Bilbao Fashion Week’ ekimenaren bide berriak jarduera eta berrikuntza ugari biltzen ditu eta horien bidez Bilbo erosketa-hiri nagusi bihurtu nahi da. Era berean, ekimen honen xedea modaren, diseinuaren eta merkataritzaren sektoreko tokiko eragileak mobilizatzea da, trukerako, ikaskuntzarako eta hausnarketarako espazioak sortuz.Horretarako, aipatutako merkatarien elkarteez gain, ‘Bilbao Fashion Week 2025’ ekimenak Bilboko saltokien partaidetza ere badu, eta diseinuaren arloan goraka eta sendotzen ari diren profesionalen, modaren sektorean adituak diren pertsonen eta BIAAF (Bilbao International Art And Fashion) erakundearen lankidetza du.

Azaroaren 13tik 23ra bitarteko programazioak askotariko jarduerak biltzen ditu, hala nola desfileak, workshopak, talk showak, tailerrak, erakusketak eta hiri-ekintzak, ekimen osagarriekin eta laguntza espezializatu handiagoarekin:

  • “Emozioak saltzen dituzten saltokiak” mahai-ingurua Plaza Biribileko Turismo Bulegoan (azaroaren 13an, 14:00etan): emozioen merkataritzari buruzko hausnarketak, produktua eta zerbitzua bezeroen interesera bideratuz; Serie B, Mal de Ojo eta Amma-ren eskutik.
  • Diseinu bakarren erakusketa Bilboko dendetan (azaroaren 14tik 23ra): Bilboko bederatzi saltokiren erakusleihoetan (Veritas, Dock Bilbao, Mosel, Perfumería Erlai, Los encajeros, Amma, Gerardo, Ruiz de Ocenda  eta Mercedes de Miguel) hamar egunez tokiko lau diseinatzaile gazteren (Asier Quintana, Marta Reparaz, Igone Cabrerizo, Janire Olano) sorkuntzak egongo dira ikusgai.
  • “Más allá del diseño” Talk Showa Pangea-Indautxu lokalean (azaroaren 14an, 14:00etan): Javier Barroetak, Eder Aurrek eta Patirke Moránek modaren munduan elementu eraldatzaile gisa duten esperientzia aurkeztuko dute.
  • “Vísteme de Bilbao” desfilea – Hiria eta Moda (azaroaren 15ean, 12:00etan): hiri-desfilea Funikular plazan eta Artxanda inguruan, hurrengo saltokien partaidetzarekin: Anna Montes, Juan Bilbao, Jajoan, Galeria 8360, Garzon, Falstaff, Barbour, El armario de Tater, 017 Store, Dock, New Lemon, Charlotte y Masquegorros, La tienda de Olga eta Javier Barroeta.
  • Master Classa Zubiarte merkataritza-gunean (azaroaren 19an 14:00etan): bizi-ohitura osasuntsuak, kirola, ile-apainketa eta koktelgintza Pilar Arranz, Yolanda Aberasturi eta nutrizioan eta kirolean aditua den Roberto Gomezekin.
  • “Moda eta Zinema” hitzaldia Plaza Biribileko Turismo Bulegoan (azaroaren 20an, 14:00etan): solasaldia jantzien diseinatzailea den Nerea Torrijosekin, 2021ean jantzien diseinu onenaren Goya saria irabazi zuena.
  • Pasarela Euskalduna Jauregian (azaroaren 22an, 20:00etan): desfile nagusia, edizio honetako berrikuntza gisa hiriko kalitatezko saltokientzako erakusketa-espazio bat duena. Ekitaldi horretan “Bilbo Modaren Hiribildua” VI. Saria emango zaio Alberto Etxebarrieta moda diseinatzaile bilbotarrari, “SinPatron” ekimenaren sortzaileari.

** Jardueretara joan nahi duten pertsonak aldez aurretik erregistratu gabe joan ahal izango dira, edukiera bete arte, pasarelaren kasuan izan ezik, horretarako BilbaoCentro-ren bidez izena eman beharko baitute.

Horrela ‘Bilbao Fashion Week’ Bilboko Udalak, Bilbao Ekintza udal-sozietatearen bitartez, merkatarien elkarteekin lankidetzan, sustatutako hiri-proiektu estrategiko gisa sendotzen da. Asmo handiko ekimena da, norabide berriari ekiten diona eta Bilboko tokiko merkataritzaren eskutik modaren sektorea bultzatzea eta 2026an arlo horretan erreferente bihurtzea helburu izango duena.

SARE SOZIALAK:

by

Bilbao Ekintzak, Bilboko Udalaren udal-sozietateak, Bizkaiko Foru Ogasunarekin lankidetzan, Batuz-TicketBai estrategia fiskala ezagutzeko enpresa-jardunaldi berria antolatu du. Jardunaldi hori 2026ko urtarrilaren 1ean behin betiko ezartzeko betebeharra duten erakundeei zuzenduta dago. 

 

Oraingo honetan, jardunaldia erakunde hauei zuzenduko zaie:  

 

  • sozietateen gaineko Zergatik partzialki salbuetsita dauden erakundeak. 
  • irabazi-asmorik gabeko erakundeak, baina zerga-betebehar horietako bat edo batzuk betetzea dakarren jarduera ekonomikoa dutenak: Sozietateen gaineko Zerga aurkeztea, BEZaren aitorpenak aurkeztea, atxikipenak, etab. 
  • baita jarduera hauetan diharduten mikroenpresak eta ETEak ere: hezkuntza, kultura-zerbitzuak ematea, etab 

 

Aprobetxa ezazu jardunaldi hau araudia ezagutzeko eta zure zalantzak argitzeko! 

 

Jardunaldiaren egitaraua 

09 h. Bilbao Ekintzaren aurkezpena. 

09:05-10:00. Bizkaiko Foru Ogasuneko arduradunak:  

  • Begoña Zubieta: Arriskuen Analisi Zerbitzuko finantza ikuskatzailea. 
  • Iñigo Egia Ossorio: Bizkaiko Foru Ogasuneko Arriskuen Analisia Zerbitzuko burua. 

10:05-10:30. Galderen txanda  

 

Jardunaldiaren edukia: 

 

  • Proiektuaren egungo egoera eta ezartzeko egutegia. Aplikatu beharreko araudia.  
  • TicketBAI erabiliz egiten diren fakturak: fakturak eta eragiketen gainerako egiaztagiriak egitea baldintza tekniko jakin batzuk betetzen dituen fakturazioa bermatzen duen softwarea erabiliz.  
  • Mota horretako erakundeak TicketBAI betetzetik salbuesteko kasu espezifikoak. Bereziki garrantzi txikiko noizbehinkako jarduera ekonomikoetarako salbuespena. 
  • BFAk TicketBai fakturak igortzeko garatutako doako softwareak (Egin Zure Faktura). 
  • Eragiketa ekonomikoen erregistro-liburua (EELL) betetzea Bizkaiko Foru Aldundiaren egoitza elektronikoan. 
  • Zerga-aitorpenak aurkeztea, horien zirriborroetatik abiatuta. 
  • Derrigorrezko aplikazioren ondorio den zehapen-araubidea.  

 

Jardunaldiari buruzko informazioa: 

 

📆 Eguna: asteazkena, 2025eko azaroaren 12a. 

⌚ Ordutegia: 09:00 – 10:30. 

💻 Tokia: Zabalgune eraikineko Erakusketa Aretoa, Zabalgune plaza 11 

 

 

Izena emateko azken eguna: 2025eko azaroak 11, asteartea, 13:00etan edo edukiera bete arte 

by

  • Bilbao Ekintza udal-sozietatearen bidez Bilboko Udalak bultzatutako Bilbao Silver Lab ekimenaren helburua da hiribildua sustatzen jarraitzea erreferentzia-ingurua izan dadin adinekoen bizi-kalitatea hobetzen jarraitzeko konponbideak testatzeko.

  • B-Venture, ekintzailetza-arloko erreferentziazko ekitaldia, urriaren 20an eta 21ean Bilboko Euskalduna Jauregian egin da eta Bilbao Silver Lab-eko informazio-standa izan du. Hala, ekintzailetza-ekosistemako startupek, inbertitzaileek, korporazioek eta adituek gertutik ezagutu ahal izango dute proiektua.

Bilbao Ekintza udal-sozietatearen bidez Bilboko Udalak bultzatutako ‘Bilbao Silver Lab’ proiektuaren bigarren edizioa abian dago eta enpresak, startupak eta ekintzaileak bilatzen ditu, baita entitateak ere, hiribilduko adinekoei zuzendutako produktuak eta zerbitzuak testatzeko eta baliozkotzeko. 2024an martxan jarritako proiektu pilotuaren arrakasta ikusita, edizio honen helburua ere bada egituratutako testatze-inguru errealetan konponbideak testatzeko aukera ematea, merkaturatu baino lehen, adinekoekin, zaintzaile profesionalekin eta sektoreko beste eragile batzuekin harreman zuzenean arituz.

‘Bilbao Silver Lab’-en parte hartzeko, konponbide horiek garapen-fasean egon behar dira, merkaturatu gabe, eta prototipo erabilgarria edo gutxieneko produktu bideragarria izan behar dute. Erabiltzaile eta baliabideen lagina eskaintzeaz gain, proiektuak laguntza teknikoa, koordinazio logistikoa eta mentore-laguntza espezializatua ematen du zahartasun-arloan. Halaber, eragile parte-hartzaileen arteko lankidetza sustatuko da, konponbide eraginkor, barneratzaile eta jasangarriagoen garapenean laguntzeko sinergiak sortzea xede. Batzorde tekniko batek testatze-proposamen bakoitza jaso eta aztertuko du, bideragarritasunaren, garapen-mailaren eta xede-taldearekiko egokitzapenaren arabera.

‘Bilbao Silver Lab’ hauei bideratuta dago:

  • Adinekoentzako edo zaintzaileentzako produktuak, proiektuak edo zerbitzuak garatzen dituzten enpresak, prebentzioari, zaintza fisiko eta mentalari, autonomiari eta etxean luzeago bizitzeari bideratuak.
  • Zahartze aktiboa sustatzen duten konponbide fisiko edo digital berritzaileak dituzten startupak.
  • Silver Economy delakoan negozio-lerroak arakatzen dituzten ekintzaileak.
  • Benetako erabiltzaileen feedback zuzena jaso nahi duten entitateak.

Kontxi Claver, Bilboko Udaleko Ekonomiaren Garapen, Merkataritza, Turismo eta Enplegu Saileko Zinegotziak hau adierazi du: «Bilbok berrikuntza sozial eta teknologikorako espazio gisa duen ahalmena erakutsi nahi du eta proba-ingurune kontrolatuak eskaini nahi ditu, senior kolektiboaren bizi-kalitatea hobetzeko konponbideen garapenean erreferentzia toki bihurtzeko. Izan ere, adinekoak bereziki zaindu behar ditugu, hiri ireki, eraldatzaile, adimentsu eta haien beharrekiko sentibera izanda daukagun konpromisoa berresteko».

LEHENENGO EDIZIOAREN ARRAKASTA

‘Bilbao Silver Lab’-en lehenengo edizioa 2024an egin zuten, eta, oraingoa ez bezala, lehiaketa izan zen. Proposatutako erronka izan zen adinekoek etxean duten bizi-kalitatea luzatzen laguntzeko konponbideak aurkitzea, prebentzioan eta zaintza fisiko eta mentalean azpimarra jarrita. Saluta APP proiektuak irabazi zuen, adinekoen zaintzaileen ongizate psikologikoa hobetzeko diseinatutako aplikazioak, alegia. Erlaxazio-ariketak, autoebaluazioak eta profesionalen aholkuak eskaintzen ditu. Horrez gain, bi proiektu finalistek, Conectad@s-ek eta Vamos a Cuidarnos APPak, sei asteko testatzea garatzeko aukera izan zuten eta mentore-laguntza zerbitzua jaso zuten.

B-VENTURE

Hamargarren edizioan, B-Venture 2025ek arrisku-kapitaleko funtsak, korporazioak eta inbertitzaileak bildu ditu Bilboko Euskalduna Jauregian, gutxi gorabehera berrehun startup sortu berrirekin batera, lotura estrategikoak sustatzea eta ideiak negozio erreal bihurtzea helburu. Jardunaldietan, ekintzailetza-ekosistemako eragileen artean konferentziak, mahai-inguruak, tailerrak eta bilerak egingo dira. Bilboko Udala eta beste instituzio batzuen laguntzari esker, B-Venturek bere tokia berretsi du ekintzailetza-foro handi gisa eta, bertan, ‘Bilbao Silver Lab’-en informazio-stand bat egongo da.

SARE SOZIALAK:

Imágenes