by

  • Bilboko auzoak eta kaleak argiztatzeko erabili beharko dira dirulaguntzak.

Uriko saltokiek egiten dituzten Gabonetako kanpainak indartzeko beste dirulaguntza-sorta bat onartu du Bilboko Udalak gaurko udalbatzarrean.

Sortak 214.000 euroko aurrekontua izango du, eta dirulaguntza auzoak eta kaleak argiztatzeko erabili beharko da, argiztapena uri osora irits dadin eta jarduera ekonomikoa eta komertziala sustatzeko.

Iaz bezala, BILBAO EKINTZA udal-erakundeak banatuko du dirulaguntza hori auzoetako 13 merkataritza-elkarteren artean.

Hauek dira erakunde onuradunak:

  • Bilbao Centro merkatarien elkartea
  • Zazpi Kaleetako merkatarien elkartea
  • Deusto Bizirik merkatarien elkartea
  • Hiru Auzo merkatarien elkartea
  • Rekalde Bihotzean merkatarien elkartea
  • Distrito 2-Auzoa Berritzen merkatarien elkartea
  • Santutxuko merkatarien elkartea
  • Otxarkoagako merkatarien elkartea
  • San Frantzisko, Bilbo Zaharra eta Zabalako merkatarien eta enpresen elkartea
  • Basurto Berri Basurtuko merkatarien elkartea
  • Txurdinagako merkatarien elkartea
  • Abusuko merkatarien elkartea
  • Iralabarriko merkatarien elkartea

Ekintza horrek bat egiten du Udalak Gabonetako kanpaina osoa indartzeko egiten dituen jarduerekin.

SARE SOZIALAK:

by

  • Laguntza horien bidez, urtebetez, diruz lagunduko da merkataritza-lokalen alokairutik nahiz abalen sinaduratik eratorritako gastuen zati bat.

  • Plana Bilboko Alde Zaharreko Zazpi Kaleetan (bereziki, Belostikale, Somera, Dendarikale eta Artekale) hutsik dauden lokalei zuzenduta dago. Kale horietako negozio berriek bi laguntza-modalitateak eskuratu ahal izango dituzte (alokairuak eta abalak).

Zabalik jarraitzen du alokairurako laguntzekin lokal hutsak aktibatzeko plan berezirako eskaerak aurkezteko epea. Horren bidez, ordaintzen lagundu nahi da merkataritza-lokalen alokairutik nahiz abalen sinaduratik eratorritako gastuen zati bat. Programa esperimentala izango da, eta hiriko Alde Zaharreko Zazpi Kaleetara zuzenduko da. Arreta berezia emango zaio Belostikale, Goienkale, Dendarikale eta Artekale kaleetan

Lau kale horiei dagokienez, dirulaguntzen bi modalitateak (alokairuak eta abalak) erabili ahal izango dituzte, eta beste hiru kaleetan (Barrenkale, Barrenkale Barrena eta Arategizar), aldiz, abalen modalitatea baino ezin izango dute erabili. Gastuak ordainduko direla bermatzen duten finantza-erakundeekin egiten diren abalen gastuak ordaintzeko laguntzei dagokienez, udalak lankidetza-hitzarmen bat sinatu du Elkargi erakundearekin (beste edozein erakunde ere izan daiteke).

  • Interesdunek jardueren negozio-plan bat aurkeztu beharko dute, eta, horretarako, Bilbao Ekintzaren prestakuntza eta aholkularitza izango dituzte. Dagoeneko bat izanez gero, udal-sozietateak onetsi beharko du. Horretarako, informazio-zerbitzu bat eskainiko da helbide elektroniko honen bitartez: comercio@bilbaoekintza.bilbao.eus.

Planaren barruan, inolako jarduerarik alde batera utzi gabe, lehentasuna izango dute eskuz egindako produktu edo zerbitzuak, diseinua eta berariazko nortasuna duten beste ekimen batzuk bultzatzen dituzten proiektuek; izan ere, horiek nolabait osatu egiten dute dagoeneko gure kaleetan dagoen merkataritza- eta ostalaritza-jarduera. Helburua interes berezia duen erreferentzia-gunea sortzea da, erakargarriagoa izateko eta guneko garai bateko jarduera berrabiarazteko.

LAGUNTZEN ZENBATEKOA

Aurrekontua, guztira, 70.000 euro dira. Emandakoaren bitartez, diruz lagunduko dira gastuak, negozioa zein kaletan kokatuta dagoen kontuan hartuta:

  1. Alokairuaren kostuaren %50, ordaindu eta lehenengo hamabi hilabeteetan; gehienez, lokaleko 400 euro izango dira hilean. (Zergak, tasak, higiezinen kudeaketa-gastuak eta abar ez dira diruz lagunduko). Laguntza horiek Belostikale, Dendarikale, Goienkale edo Artekale kaleetako lokalei emango zaizkie.
  2. Abalen sinaduren ondoriozko gastuak jarduera horiek garatzen diren merkataritza-lokalen alokairuetan, gehienez, 400 euro izango dira lokaleko. Zazpi kaleetako lokalek eskuratu ahal izango dute hori.

Gainera, laguntza eskatu ondoren, sustatzaileek prestakuntza eta aholkularitza jaso ahal izango dute, enpresa-kudeaketa hobetze aldera, bai eta kasu bakoitzerako egokienak diren finantzaketa-iturriak bilatzeko laguntza-zerbitzua ere.

Eskaerak aurkezteko epea 2023ko abenduaren 31ra arte edo aurrekontuaren kontsignazioa agortu arte egongo da irekita; izan ere, sartzeko hurrenkeraren arabera ebatziko da deialdia. Lokal hutsak aktibatzeko planaren dirulaguntzak Bilbao Ekintza udal-sozietatearen bidez eta telematikoki eskatu beharko dira, “LAGUNTZAK” atalean, webgune honetan: www.bilbaoekintza.eus.

NEGOZIOAK MARTXAN

Hala, Zona Curly eta Vie Belle izeneko komertzioak bideari ekin diote; halaber, Princess Courts negozioak laster irekiko ditu ateak. Horrez gain, Club de Plantas negozioak atzeraeraginezko izaerarekin jaso ditu laguntzak, eta beste bi daude sortzeko prozesuan murgilduta.

Aurreko irailean, Belostikaleko 7. zenbakian, Zona Curlyk ireki zituen ateak, ile kizkurrean espezializatutako ile-apaindegiak, alegia. Artekaleko 12.ean, Vie Belle vintage arropa-dendak, Bilbao Ekintza ekintzailetza-zentroan negozio-plana egin ostean, bigarren eskuko arropa eta aholkularitza pertsonalizatua eskaintzen die bezeroei. Aipatutako negozioetako hirugarrena, Princess Courts, oihalak eta osagarriak saltzen dituen denda da, eta laster irekiko ditu ateak, Artekale, 27n.

SARE SOZIALAK:

by

  • “EHUN: Betiko dendak betirako – Comercios de toda la vida y para toda la vida” izeneko ekimenarekin aurrera jarraituz, Bilboko Udalak ehun urte beteak dituzten hiribilduko saltokiei buruzko informazioa jasotzen duen liburuxka bat sortu du.

  • Liburuxka hori gaurtik aurrera dago eskuragarri Bilboko turismo-bulegoetan, ostatuetan eta hiribilduan interes turistikokoak diren beste zenbait tokitan, eta lau hizkuntzatan argitaratu da: euskara, gaztelania, ingelesa eta frantsesa.

  •  Ekintza horren helburua da ehun urte beteak dituzten saltokiak ikono turistiko gisa sustatzea, eta beste ekintza batzuei gehitu zaie, hala nola 62 saltoki horiek hiribilduan gera daitezela eta etorkizuna izan dezatela bermatzeko jaso duten marketinaren, giza baliabideen edota finantzen inguruko banakako aholkularitzari.

Bilboko Udalak turistei zuzendutako liburuxka bat sortu du, ehun urte beteak dituzten hiribilduko 62 saltokiei buruzko informazioa emateko.

Ekintza hori “EHUN: Betiko dendak betirako – Comercios de toda la vida y para toda la vida” izeneko ekimenaren barruan dago, zeinak helburu gisa baitu Bilbon ehun urte beteak dituzten saltokien irudia indartzea eta banakako aholkularitza-ekintzen bidez horien iraunkortasuna eta etorkizuna sustatzea.

Liburuxka lau hizkuntzatan argitaratu da (euskara, gaztelania, ingelesa eta frantsesa), eta gaurtik aurrera eskuragarri dago Bilboko turismo-bulegoetan, ostatuetan eta hiribilduko beste toki turistiko batzuetan. Ekintza horrek Udalak hizpide dugun programarako ezarritako helburuetako beste bat indartzen du: ehun urte beteak dituzten saltokiak Bilboko ikono turistiko gisa sustatzea.

5.000 liburuxka sortu dira, sakela-tamainakoak, eta zabalgarriak dira. Liburuxketan, Bilboko mapa batean saltoki bakoitza non dagoen ikus dezakegu, eta zer sektorekoa den jakin; izan ere, bilbotar guztion egunerokotasunean ditugu saltoki historikook, eta Bilboko merkataritza-esentzia eta tradizioa gordetzen laguntzen digute.

OROIGARRIAK ETA AHOLKULARITZA

“EHUN: Betiko dendak betirako – Comercios de toda la vida y para toda la vida” programaren bidez, negozio bakoitzaren egoeraren banakako diagnostikoa egiteko aukerarekin, marketinaren, arlo juridikoaren eta finantza-arloaren edota giza baliabideen inguruko aholkularitza espezializatua egiten ari da, hobetzeko arloak diren aldetik, besteak beste, historia handiko saltoki horiek salmenta-eredu berrietara egokitzeko, hiribilduan duten ibilbidea luzatze aldera.

Mendeurrenera iritsi diren saltoki guztiek hiribilduan ehun urte beteak dituzten saltoki gisa bereizten dituen oroigarria dute ikusgai erakusleihoetan: baldosa.

Gainera, Bilboko turismo-bulegoetan negozio guztien historia jasota duen liburuxka bat eskuragarri dago. Horrez gain, Bilboko Udalaren, Bilbao Ekintzaren eta Bilbao Turismoren webguneetan kontsultatu eta deskargatu daitekeen bertsio digitala.

Ehun urte beteak dituzten saltokiak dira 90 urte baino gehiagoko merkataritza-jarduera (nahiz eta kokapena aldatu izan) duten saltokiak, baldin eta belaunaldiz belaunaldi edo langileen artean eskualdatu diren negozioak badira eta saltzen den produktu-mota edo lan egiteko modua mantendu badituzte.

Zerrendan, guztira, Bilboko Abando, Ibaiondo, Rekalde, Uribarri eta Deustu auzoetan kokatutako 62 saltoki daude: farmaziak, elikagai-dendak, loteria-negozioak, tabako-dendak, arropa-dendak eta abar.

SARE SOZIALAK:

by

  • Zerbitzua guztiz doakoa da, eta Bilboko 300 negozio inguruk marketin digitaleko aditu talde baten laguntza pertsonalizatua jasotzen dute, salmentak bultzatzeko eta beren bezeroen leialtasuna indartzeko.

Bilboko Udalak eskura jarriko die “Bilbao Zurekin” zerbitzua hiriko saltoki eta negozioei, salmentak areagotzeko eta bezeroekiko leialtasuna indartzeko mezularitza profesionaleko zerbitzu baten bidez.

Bilboko merkataritzari dagokionez, pandemia une bereziki larria izan da, tresna digitalek garrantzia nabarmena izan dute lehiakortasunari eusteko konponbideak eskaintzeko. Hori dela eta, Bilboko Udalak, Bilbao Ekintza udal sozietatearen bidez merkataritza sektoreari laguntzeko hainbat ekintza antolatu ditu, eta horien artean ekimen hori dago, berria eta guztiz doakoa.

“Bilbao Zurekin” 2021ean Udalak egindako azterlan bati esker sortu zen. Azterlan horren arabera, hiriko merkataritzen “% 38ak soilik zuen bere bezeroen datu base bat, eta datu basea zuten saltokien artean, erdiak soilik bidaltzen zizkien jakinarazpenak datu baseko bezeroei”.

Informazio hori aintzat hartuta, Udaleko arduradunak ohartu ziren “ez zirela ari tresna digitalak behar bezala erabiltzen tokiko merkataritzaren bereizgarri den bezeroekiko hurbiltasuna sutatzeko”.

IZENA EMATEKO EPEA MAIATZAREN 31RA ARTE

“Bilbao Zurekin” ekimenaren bidez, Bilboko saltokien eta negozioen jakinarazpenen digitalizazioan sakondu nahi da, baita bezeroekin duten zuzeneko harremana indartu ere. Horretarako bi tresna erabiliko dira: alde batetik, CRM (Customer Relationship Management) plataforma eta bestetik, mezularitza zerbitzu bat, eskaintzak eta promozioak e-mail eta SMS bidez bidaltzeko.

ADITUEN TALDEA ETA ARRETA PERTSONALIZATUA

Proiektuak urtebete iraungo du eta guztiz doakoa da. Marketin digitaleko adituen talde batek parte hartuko duten negozioei laguntza eta aholkuak emango dizkie prozesu osoan zehar.

Lehenik eta behin, auditoretza digital pertsonalizatua egingo da atxikitako saltoki bakoitzean. Banakako azterketa horren bidez, bitarteko digitalak hobetu nahi dira, hala nola webgunea edo sare sozialak.

Auditoretza egin ondoren, adituen taldeak parte hartzaileei aholkuak emango dizkie mezuak idatzi eta antolatzeko zuzeneko eskaintzen eta promozioen bidez salmentak areagotzeko, negozio bakoitzak ahalik eta kokapenik onena izateko edo bezeroekiko duten harremana eta hurbiltasuna indartzeko, besteak beste. Era berean, adituek lan metodologia egokia diseinatuko dute, merkataritza bakoitzarentzat, banaka eta esklusiboki, mezuak sortuko dituzte, horiek bidaltzeko estrategia sortuko dute, etab.

Bestalde, negozioek aktiboki parte hartuko dute prozesu osoan zehar, esperientzian zehar modu praktikoan ikasi ahal izateko, etorkizunean lehiakorragoak izateko.

SARE SOZIALAK:

by

  • Udalak lehenengo aldiz jarriko ditu salgai Bilbao Bizikleta Bonuak  zenbait nobedaderekin.

  • Bonuak bilbotarrentzat izango dira bakarrik, eta establezimenduetan bertan eskuratu eta trukatu beharko dira. 400 €-koak izango dira bizikleta elektrikoak erosteko, eta 50 €-koak, mota guztietako bizikletetan mantentze-lanak eta konponketak egiteko. Kasu bietan, Udalak zenbatekoaren erdia jarriko du.

  • Ekimena urriaren 31n amaituko da (edo bonuak agortzen direnean). Helburua da sustatzea urian bizikleta erabiltzea eta bizikleten establezimenduetan erostea.

Bilboko Udalak Bizikleta Bonuen salmenta aktibatuko du urian bizikleta erabiltzea sustatzeko eta, aldi berean, bizikletak saltzen dituzten establezimenduetan erostea bultzatzeko. Kanpainak nobedade asko dakartza, eta lehen aldiz jarri da martxan, “Bilbao Bonuak” programaren barruan.

Nora Abete Bilboko Udalaren Mugikortasun eta Jasangarritasun Saileko zinegotziak azaldu duenez, laguntzen plan berri horrekin “herritarrek bizikleta erabiltzea sustatzen jarraitu nahi dugu, “Bizikleta Hiria, bizikletaz hobeto-mejor en bici” izendatu dugun ekintzen programaren barruan; eta, horrekin batera, bultzada bat eman nahi diogu tokiko merkataritzari”.

Mugikortasun eta Jasangarritasun Sailaren bitartez, eta 2019-2023 Agintaldiko Planean ezarritakoaren ildotik, gainera, kutsadura akustikoa murriztea eta irisgarritasun eta hiri-berroneratze handiagoa lortu nahi dute, bai eta uriko ekonomia eta enplegua suspertzea ere.

Aurreko “Bilbao Bonuak” ez bezala, Bilbao Bizikleta Bonuak bilbotarrentzat izango dira bakarrik. Establezimenduetan bertan erosi eta trukatu beharko dituzte —ez webgunean—, NANa aurkeztuta. Bonuak erosi eta trukatzeko epea urriaren 31n amaituko da (edo bonuak agortzen direnean).

Bilbao Bizikleta Bonuak bi motatakoak izango dira:

  • BIZIKLETA ELEKTRIKOAK erosteko: 400 €-ko bonuak (erdia Udalak jarriko du: 200 €, erosleak; eta 200 €, Udalak).
  • Edozein motatako bizikletetan MANTENTZE-LANAK eta KONPONKETAK egiteko: 50 €-ko bonuak (erdia Udalak jarriko du: 25 €, erosleak; eta 25 €, Udalak).

Ekimenak 80.000 €-ko aurrekontua izango du, guztira (50.000 €, pedalei eragiteko laguntza duten bizikletak erosteko; eta 30.000 €, bizikletetan mantentze- eta/edo konponketa-lanak egiteko). 1.450 bonu jarriko dira salgai. NAN eta tiket bakoitzeko, hau da, kontsumitzaile bakoitzeko, 1 bonu emango da bizikleta elektrikoak erosteko, eta 2 bonu mantentze- eta konponketa-lanetarako. Era berean, establezimendu bakoitzari 30 bonu emango zaizkio, gehienez, bizikleta elektrikoetarako, eta mugarik gabeko kopurua mantentze- eta konponketa-lanen bonuetarako.

Hiritarrek www.bonobilbao.eus webgunean kontsultatu ahalko dute Bilbao Bizikleta Bonuak ekimenari atxikitako establezimenduen zerrenda. Bonu horiek bateragarriak izango dira Bilbao Merkataritza Bonuekin eta/edo beste administrazio batzuek abiarazitako edozein bonurekin, eta batzuk eta besteak pilatu ere egin ahalko dira.

ESTABLEZIMENDU ETA HIRITARRENTZAKO ARRETA ETA KONTSULTAK: bizikleta@bilbao.eus

SARE SOZIALAK:

by

  • Bihar asteazkena, maiatzak 4, 16:00etatik eta ekainaren 30era arte, herritarrek MERKATARITZAKO 63.000 bonu baino gehiago eskuratu ahal izango dituzte www.bonobilbao.eus web-plataformaren bidez.

  • Bilboko Udalak ekimen hau jarri du martxan milioi bat euroko aurrekontuarekin, eta bonu bakoitzaren balioa 30 eurokoa izango da; zenbateko horren erdia udalak ordainduko du eta beste erdia herritarrek.

  • Bilboko Bonuen programa Covid-19aren kalteen aurkako Bilbao 2022 Planaren barruan dago, zeina udal-ordezkaritza duten talde guztiek adostu zuten.

Bihar, asteazkena eta maiatzak 4, Bilboko Udalak www.bonobilbao.eus webgunea aktibatuko du arratsaldeko 16:00etatik aurrera, herritarrek merkataritzako bonuak eskuratu ditzaten. Milioi bat euroko aurrekontuarekin, oraingo honetan, guztira, 63.603 bonu merkaturatuko dira, iazko antzeko kopurua, eta, horrela, 4,4 milioi euro inguruko negozio-bolumena mugiaraziko da hirian.

Bonuen prezioa, berriz ere, 30 euro izango da, eta udalak diruz lagunduko du erdia (15 euro udalaren kontu eta 15 euro herritarren kontu). Aurretik egin den bezala, web-plataforma berean eskuratuko dira (www.bonobilbao.eus), bai eta sarrerak saltzeko Kutxabanken kutxazainetan ere. Bonu batzuk, bestalde, establezimenduetan bertan eskuratu ahal izango dituzte 65 urtetik gorako pertsonek, arrakala digitalari aurre egin ahal izateko.

Eskuratzeko aldia zein trukatzeko aldia bihar hasi, maiatzaren 4a, eta ekainaren 30ean amaituko da (edo agortzen direnean). Guztira, 5 bonu eskuratu ahal izango dira NAN bakoitzeko. Erosketa-tiket bakoitzeko, gehienez ere, zenbateko bereko edo gehiagoko 4 bonu trukatu ahal izango dira. Gogoan izango duzuenez, erabiltzaileak bonuaren QR kodea aurkeztu beharko du erosketa egiterakoan edo, bestela, inprimatuta aurkeztu.

Bilboko Bonuak, halaber, bateragarriak eta pilagarriak dira beste administrazio batzuek abiarazitako kanpainekin. Beste alde batetik, hauxe da establezimenduei ezarriko zaien muga: plataformaren edo kutxazainen bitartez eskuratutako150 bonu eta saltokian bertan eskuratuko dituzten 65 urtetik gorako pertsonen 50 euro. Establezimenduak atxikitzeko epea irekita egongo da kanpaina www.bonobilbao.eus plataforman amaitu arte.

Bilboko Bonuen programa Covid-19aren kalteen aurkako Bilbao 2022 Planaren barruan dago, zeina udal-ordezkaritza duten talde guztiek adostu duten (EAJ-PNV, PSE-EE, EH Bildu, Elkarrekin Podemos eta PP). Programaren lehentasunezko xedea da herritarrek zuzenean kontsumitzea pandemiaren ondorioz kalte gehien pairatu duten sektoreetan.

SARE SOZIALAK:

by

  • Bilboko 300 negoziotara zuzentzen den ekimen berri honen helburua salmentak handitzen eta bezeroen leialtasuna areagotzen eta indartzen laguntzea da, tresna digitalen eta datu-baseen kudeaketa hobearen bitartez.

  • Horretarako, Bilbao Ekintza udal sozietatearen webgunean eman beharko dute izena, azaroaren 30 baino lehen, orrialde honetan: www.bilbaozurekin.eus.

Bilboko Udalak hiriko 300 saltokiri zuzendutako zerbitzu berri bat jarri du abian, salmentak handitzen laguntzeko, negozioi merkatuan ikusgarritasun handiagoa emateko eta bezeroen leialtasuna indartzeko, mezularitza profesionaleko tresna baten bidez.

Ekimen berritzaile hori Bilbao Ekintza udal sozietatearen bitartez gauzatuko da, Hiribilduko merkataritza-sektorea babesteko aktibatu diren hainbat ekintzen barruan; izan ere, merkataritza-sektorea da pandemiak gehien zigortu duen sektoreetako bat, teknologia berrien erabilera areagotu behar izan den aldi honetan.

Ekintza-plan horren barruan, Udalak hiriko merkataritzari buruzko azterlan bat egin zuen iaz, eta honako hau adierazi zuen: «% 38k soilik zuen bere bezeroen datu-basea, eta, datu-basea zeukatenen artean, erdiak bakarrik egiten zien jakinarazpenen bat bertan zeuden pertsonei». Udal arduradunen aburuz, datu horiek ondokoa islatzen dute: «Tokiko merkataritza bereizten duena, hau da, bezeroekiko hurbiltasuna sustatzeko tresna digitalak alferrik galtzen direla».

ATXIKIPENAK ADIERAZTEKO EPEALDIAREN IREKIERA

Behar horri erantzuteko sortu da proiektu hau, “Bilbao Zurekin” izenarekin. Helburua honako hau da: batetik, zerbitzuen arloko Bilboko saltokien eta negozioen komunikazioak digitalizatzea, CRM (Customer relationship management) plataforma baten kudeaketaren bitartez; eta, bestetik, bezeroekiko harremanak sustatzea, posta elektroniko eta SMS bidezko mezularitza-zerbitzu baten bidez, eskaintzak eta promozioak merkaturatzeko helburuarekin.

Zerbitzu hau gaur hasiko da ekimen honetan parte hartu nahi duten Bilboko saltoki guztiek izena eman beharko duten webgunea aktibatuz: www.bilbaozurekin.eus.

ADITU-TALDEA ETA ARRETA PERTSONALIZATUA

Proiektuak urtebeteko iraupena izango du eta doakoa da; atxikitako negozio bakoitzarentzako auditoria digital pertsonalizatuarekin hasiko da. Auditoria hori marketin digitalean adituak diren agenteek egingo dute. Banakako azterlan horri esker, hobetu beharreko alderdiak identifikatu ahal izango dira kanal digitaletan (webguneak, sare sozialak…), zerbitzua hobeto aprobetxatze aldera.

Hasierako fase horren ondoren, profesional-taldeak mezuak prestatzen eta planifikatzen lagunduko die parte-hartzaileei, eta, besteak beste, salmentak handitzeko, negozio bakoitza posizionatzeko eta bezeroekiko konexioa eta hurbiltasuna mantentzeko eskaintzak eta sustapenak konbinatuko dituzte. Era berean, agente horiek lan-metodologia diseinatuko dute, eta bai saltoki bakoitzerako mezuak modu bakar eta esklusiboan egitea, bidalketen estrategia eta abar ere.

Beste alde batetik, negozioek modu aktiboan parte hartuko dute proiektu osoan, eta, horrenbestez, zerbitzu horren laguntza izateaz gain, ikasteko aukera ere izango dute, lehiakorragoak izateko eta emaitzen aldizkako txostena jasotzeko.

SARE SOZIALAK:

by

  • Ostalaritza eta gaueko aisialdiko negozioek aukera dute apirilak 30etik aurrera, Bilboko Udalak onetsitako zuzeneko laguntzak eskuratzeko. Aurrekontua 2,1 milioi euro dira, eta langile kopuruaren arabera banatuko dira. Eusko Jaurlaritzak emandako laguntzekin bateragarriak izango dira.

  • Laguntza horiek Bilbao 2022 Plana: Covid-19aren Ondorioen Aurkako Neurrien barruan daude.

Apirilak 30etik aurrera, Bizkaiko Aldizkari Ofizialean argitaratu eta gero, hiriko ostalaritza eta gaueko aisialdiko establezimenduek eskatu ahal dituzte Bilboko Udalak onetsitako zuzeneko laguntzak, guztira, 2,1 milioi euro izango dira.

Epea zabalik egongo da hamabost egun naturaletan zehar eta izapidea telematikoki egingo da Bilbao Ekintza udal sozietatearen bitartez, hemen: www.bilbaoaurrera.eus

Programa Bilbao 2022 Plana: Covid-19aren Ondorioen Aurkako Neurriak planaren barruan dago. Neurri horiek ekitaldi honetarako erabaki zituen Udaletxeko Gobernu taldeak eta horrekin ados egon ziren Udalean ordezkaritza duten talde politikoak (EAJ-PNV, PSE-EE, EH Bildu, Elkarrekin Podemos eta PP).

Laguntzak bateragarriak izango dira Eusko Jaurlaritzak emandako laguntzekin, eta honako oinarri hauetan araututako kalkulutik lortzen den lanpostu kopurua eta establezimendu motaren arabera banatuko dira:

II. taldea (*):

  • Bat eta hiru langile artean: 1.000 €
  • Lau eta hamar langile artean: 1.250 €
  • Hamaika langile edo gehiago: 1.500 €

III. taldea (**):

  • Bat eta lau langile artean: 1.500 €
  • Bost eta hamar langile artean: 2.000 €
  • Hamaika langile edo gehiago: 4.000 €

IV. taldea (**):

  • Bat eta lau langile artean: 2.500 €
  • Bost eta hamar langile artean: 4.500 €
  • Hamaika langile edo gehiago: 6.000 €

(*) II. taldea: tabernak, jatetxeak…
(**) III. eta IV. taldeak: pubak, diskotekak, dantza aretoak eta kafe antzokiak. III. taldeak 4:00etan itxiko du. IV. taldea 6:00etan.

Hemen informazio gehiago eskuratu eta zalantzak argitu ahal izango dituzu:

SARE SOZIALAK:

by

  • Laguntza hauen bidez, urtebetez ordainduko dira lokal komertzialen alokairuko gastuen eta abalak sinatzeko gastuen zati bat.

  • Plan hau esperimentala da eta Zazpi Kaleetako lonja hutsei zuzenduta dago, bereziki Belostikale, Goienkale, Dendarikale eta Artekalerako. Kale horietan, negozio berriek laguntzen modalitate biak jaso ahalko dituzte (alokairuak eta abalak).

  • Dirulaguntzak telematikoki eskatu beharko dira Bilbao Ekintza udal sozietatearen web-orrian, esteka honetan.

Bilboko Udalak laguntzak eskaintzen ditu gaur egun hutsik dauden lokaletan enpresa-ekimenak martxan jartzea errazteko.

Hartara, lonja komertzialen alokairuko gastuen zati bat eta errentatzaileek alokairua bermatzeko exijitzen dituzten abalak sinatzetik eratortzen diren gastuen zati bat ordainduko da.

Programa honek izaera esperimentala du eta Zazpi Kaleetan egingo da, bereziki Belostikalen, Goienkalen, Dendarikalen eta Artekalen negozio berriak jartzeko. Lau kaleotan laguntza mota biak eskatu ahalko dira (alokairuak eta abalak); beste hiruetan (Barrenkale, Barrenkale Barrena eta Arategizar), abalen laguntza bakarrik. Abalen ordainketa bermatzen duten finantza-entitateekin sortzen diren gastuen kasuan, dirulaguntza emateko akordio bat egin du Udalak Elkargi entitatearekin, baina beste edozein entitatetakoak izan daitezke.

Lokal hutsak aktibatzeko estrategia osagarri gisa, plan berberaren barruan eta ezelako jarduerarik baztertu gabe, lehentasuna izango dute produktu edota zerbitzu artisauak, diseinua eta izaera propioa duten bestelako ekimenak bultzatzen dituzten proiektuek, baldin eta, nolabait, orain dagoen merkataritza- eta ostalaritza-jardueraren osagarri badira. Helburua da interes bereziko erreferentziazko zona bat sortzea, erakargarriagoa izango dena, eta zonako jatorrizko jarduera berreskuratzea.

Dirulaguntzak telematikoki eskatu beharko dira Bilbao Ekintza udal sozietatearen web-orrian, esteka honetan. Epea 2023ko abenduaren 31ra arte egongo da indarrean, edo aurrekontuko kontsignazioa agortu arte. Izan ere, deialdiko eskaerak jasotzen diren ordenan ebatziko dira.

Modu berean, interesdunek jardueraren negozio plan bat aurkeztu beharko dute. Hura egiteko, Bilbao Ekintzaren aholkularitza eta prestakuntza jasoko dituzte. Dagoeneko halako plan bat eginda edukiz gero, udal sozietateak berak balidatu beharko du. Hartara, informazio-zerbitzu bat eskainiko da helbide elektroniko honen bidez: comercio@bilbaoekintza.bilbao.eus.

LAGUNTZEN ZENBATEKOA

Guztira 70.000 euroko aurrekontua dago, eta beste 70.000 euro bideratu litezke, programaren onarpenaren arabera. Ematen den laguntzak honela ordainduko ditu gastuak, negozio berria dagoen kalearen arabera:

  1. Alokairuaren kostuaren %50 lehenbiziko hamabi hilabeteetan. Gehienez, hilean 400 euro lokal bakoitzeko. (ez dira diruz lagunduko zergak, tasak, higiezin-kudeaketako gastuak, …). Laguntza hauek Belostikale, Dendarikale, Goienkale edo Artekaleko lokalentzat dira.
  2. Jarduerak egiten diren lokal komertzialak alokatzeko abalak sinatzearen gastuak. Gehienez, 400 euro lonja bakoitzeko. Zazpi Kaleetako edozeinetarako eskatu daiteke.

Bilboko Udalarentzat, “PLAN PILOTUA” da hau. Haren esperientzia eta emaitzak hiriko beste zona batzuetara estrapolatu litezke gero.

SARE SOZIALAK:

by

  • Laguntza horien bidez, urtebetez, diruz lagunduko da merkataritza lokalen alokairuen eta abalen sinaduren ondoriozko gastuen zati bat.

  • Plana Bilboko Alde Zaharreko Zazpi Kaleetan (bereziki, Belostikale, Somera, Dendarikale, eta Artekale) hutsik dauden lokalei zuzenduta dago. Kale horietako negozio berriek bi laguntza modalitateak eskuratu ahal izango dituzte (alokairuak eta abalak).

Bilboko Udala amaitzen ari da, egun hutsik dauden lokaletan, enpresa ekimenak abiaraztea errazteko dirulaguntzen programa berezia.

Horretarako, diruz lagunduko da merkataritza lokalen alokairuen eta abalen sinaduren ondoriozko gastuen zati bat, errentatzaileek kobratuko dutela bermatze aldera.

Programa esperimentala da; hiriko Alde Zaharreko Zazpi Kaleetara zuzenduko da, eta arreta berezia emango zaio Belostikale, Somera, Dendarikale, eta Artekale kaleetan negozio berriak jartzeari. Lau kale horietako lokalak bi dirulaguntzen modalitateak (alokairuak eta abalak) eskuratu ahal izango dituzte, beste hiru kaleek (Barrenkale, Barrenkale Barrena eta Arategizar), aldiz, soilik abalak eskuratu ahal izango dituzte.

Gastuak ordainduko direla bermatzen duten finantza erakundeekin egindako abalen gastuak ordaintzeko laguntzetarako, Udalak lankidetza hitzarmen bat sinatu du Elkargi erakundearekin (beste edozein erakunde ere izan daiteke).

Planarem barruan, inolako jarduerarik alde batera utzi gabe, lokal hutsak aktibatzeko estrategia osagarri gisa, lehentasuna izango dute eskuz egindako produktu eta/edo zerbitzuak, diseinua eta berariazko nortasuna duten beste ekimen batzuk bultzatzen dituzten proiektuek, horiek nolabait osatu egiten dute dagoeneko gure kaleetan dagoen merkataritza eta ostalaritza jarduera.

Helburua interes berezia duen erreferentzia gune bat sortzea da erakargarriagoa izateko eta guneko garai bateko jarduera berrabiarazteko.

  • Interesdunek jardueraren negozio-plan bat aurkeztu beharko dute. Hura prestatzeko, Bilbao Ekintzaren aholkularitza eta prestakuntza jaso dezakete. Negozio-plana dagoeneko eginda baldin badaukate, udal sozietate honek balidatu beharko du. Horretarako, informazio-zerbitzu bat egongo da, helbide elektroniko honen bidez: comercio@bilbaoekintza.bilbao.eus.

LAGUNTZEN ZENBATEKOA

Aurrekontua, guztira, 70.000 euro dira. Eta programak duen harreraren arabera beste 70.000 euro handitu daiteke. Emandako laguntzak diruz lagunduko ditu gastuak, negozioa zein kaletan kokatuta dagoen kontuan hartuta:

  1. Alokairuaren kostuaren %50, ordaindu eta lehenengo hamabi hilabeteetan, gehienez, lokaleko 400 euro izango dira hilean. (Zergak, tasak, higiezinen kudeaketa gastuak, etab. ez dira diruz lagunduko). Laguntza horiek Belostikale, Dendarikale, Somera edo Artekale kaleetako lokalei emango zaizkie.
  2. Abalen sinaduren ondoriozko gastuak jarduera horiek garatzen diren merkataritza lokalen alokairuetan, gehienez, 400 euro izango dira lokaleko. Zazpi kaleetako lokalek eskuratu ahal izango dute hori.

Gainera, laguntza eskatu ondoren, sustatzaileek prestakuntza eta aholkularitza jaso ahal izango dute, enpresa kudeaketa hobetze aldera, bai eta kasu bakoitzarentzako egokienak diren finantziazio iturriak bilatzeko laguntza zerbitzua ere.

Eskaerak aurkezteko epea datorren astean zabalduko da, Bizkaiko Aldizkari Ofizialean argitaratu ostean, eta indarrean egongo da 2023ko abenduaren 31ra arte, edota aurrekontua agortu arte, izan ere, deialdia hurrenkeraren araberakoa izango da.

Lokal hutsak aktibatzeko planaren dirulaguntzak Bilbao Ekintza udal sozietatearen bidez, telematikoki, eskatu beharko dira, “LAGUNTZAK” atalean, webgunean: www.bilbaoekintza.eus.

Bilboko Udalarentzako “PLAN PILOTUA” da, eta plan horren bidez lortutako esperientzia eta emaitzak hiriko beste gune batzuetan erabiltzeko balio ahal izango dute.