by

Zure negozio edo enpresarentzat erabaki estrategikoak hartzeko unea iristen denean, beti ondo etortzen da zure ondoan esperientzia handiko norbait izatea. Hori da Mentoring programarekin posible egiten duguna.

Mentoringean, aholkularitzan ez bezala, mentoreak esperientziatik aholkatzen du eta jarduteko alternatibak ebaluatzeko, erabaki onenak hartzeko eta ezartzeko prozesuan laguntzen dizu. Banakako, online eta/edo aurrez aurreko bileren bidez bideratzen da, hamabostean behin 8 hilabetez.

Bilbon 3 urtetik gorako jarduera duen enpresa edo saltoki bat baduzu, eta hurrengo edizioan parte hartu nahi baduzu, bete dezakezu aukeraketan parte hartzeko izena emateko eskabidea.

Bilbao Mentoring Conference 2023 - Gonzalo Mota

by

Bilbao Ekintzan, uztailaren 27an, Afterworks ziklo berri bat jarriko dugu martxan, hilero egingo duguna, ekintzaileek eta enpresek harremanak zabaltzeko eta lankidetzak ezartzeko aukera izan dezazuen.

 

Bat egin Bilboko Zabalguneko eraikineko gure instalazioetan 18: 30etik 20: 30era egingo dugun hitzordu honekin. Bilboko profesional gehiago ezagutuz hitz egiteko eta gozatzeko topaketa ezberdina.

Ez ahaztu: uztailaren 27an Zabalguneko plazan. Zure zain gaude.

by

  • Mentoring-aren erreferenteek tresna horren inguruko esperientziak partekatu dituzte gaur Euskalduna Jauregian. Bilboko Udalak tresna hori sustatu nahi du, uriko saltokien eta ETEen lehiakortasuna hobetzeko. Hitzaldi nagusia Erresuma Batuko  Oxford Brookes University-ko Oxford Brookes Business School-eko Doktoretza Programen zuzendari Judie Gannon andreak eman du eta ondore, mahai-inguruak egin dira eztabaidekin.

  • Kongresuan, gainera, aurten MENTORING BILBAO udal-programan parte hartu duten 23 mentoreei errekonozimendua egin zaie. Programa horren helburua enpresei eta saltokiei beren gaikuntza, gaitasunak eta trebetasunak hobetzen laguntzea da, epe luzerako ikuspegia eta beren negozioetarako erabakiak errazago har ditzaten.

Bilbao Mentoring Conference ekimena Bilboko Udalak antolatu du Bilbao Ekintza udal-sozietatearen bidez, eta seigarren aldia izan du gaurkoa; ekimen horren helburua da uriko enpresen talentua eta lehiakortasuna garatzen laguntzea eta, bide batez, Bilboko Mentoring programaren XIV. edizioan parte hartu duten 23 mentoreei errekonozimendua egitea.

Hitzaldi nagusia Erresuma Batuko  Oxford Brookes University-ko Oxford Brookes Business School-eko Doktoretza Programen zuzendari Judie Gannon andreak eman du.

Ondoren, bi mahai-inguru egin dira. Lehenengoa “Mentoring-a enpresa handietan” izan da, eta Giza Baliabideen Behatokiko ORHko zuzendari Maite Sáénz moderatzailea izan da eta partaideak, hauek: David Núnez, Supsonik taldeko (Velatia taldea) zuzendari nagusia; Mónica del Solar, Human Resources Business Partner SGSn; eta María Soler, Lidergo eta Ikaskuntzako arduraduna eta D & I Espainiako & Portugal Roche Farman.

Bigarrena, “ekintzaileei eta ETEei zuzendutako mentoring-a” izan da. Moderatzaile-lanak egin ditu Ana Fernández, Espainiako Ekintzailetza Behatokiko lehendakari eta Kantabriako Unibertsitateko Yunus Zentroko zuzendariak, eta eztabaidan partaide izan dira kide hauek: Ricard Julià, IESE Business Schooleko WeGrow mentorizatua eta IZI Recordeko CEO; Mayte Varela, Mentoring Bridgeforbillions programako nazioarteko mentorea; eta Larú Mayte Linares, Emakumeen eta Gizarte Ekintzailetzako kudeatzailea eta Panamako Ciudad del Saber Fundazioko Mentoreen Sareko zuzendaria.

UDALAREN ERREKONOZIMENDUA MENTOREEI

Jardunaldia amaitzeko, Xabier Ochandiano Bilboko Udaleko Ekonomiaren Garapeneko, Merkataritzako, Turismoko eta Enpleguko Saileko zinegotziak ERREKONOZIMENDUAK eman dizkie Bilboko Udalaren MENTORING programaren XIV. edizioan parte hartu duten mentoreei.

Ekimen honen helburua da enpresei eta saltokiei laguntzea, euren gaikuntza, gaitasunak eta trebetasunak hobetzen, epe luzerako ikuspegia eta beren negozioetarako erabakiak hartzerakoan erraztasunak emanez.

Hauek dira Udalaren saria jaso duten pertsonak:

  • Cristina Alonso, (aholkulari estrategikoa) komunikazioan eta mentoring-ean irtenbide pertsonalizatuak eskaintzen dituen ANDRELIER enpresaren fundatzailea.
  • Javi Lezama, produktu elektronikoen garapenean eta industrializazioan esperientzia sendoa duen P4Q ELECTRONICS enpresaren sortzaileetako bat.
  • Cristina Oñate, CENTRO ESTÉTICA ERCILLA 32ren jabea, aitzindaria PAK kalitate-bereizgarria (profesionaltasuna, artea eta kalitatea) lortzen, eta BIPEko presidentea (Bizkaiko Irudi Pertsonaleko Enpresak).
  • Gorka Herrera (abokatua); HERCULEX ABOGADOS sortu zuen 2008an.
  • Fernando García, negozio-aholkularia eta proiektu-zuzendaria KAMEIN CONSULTORÍA Y SERVICIOSen.
  • Javier Pet, aholkularia, 25 urtetik gorako esperientzia duena hotelen sektorean.
  • Bernardo García, Nazioarteko Senior aholkularia gizarte-eraginaren neurketan eta kudeaketan, garapenerako nazioarteko lankidetzan, giza eskubideetan, hirugarren sektorean eta enpresa pribatuen eta GKEen arteko aliantzetan.
  • Gonzalo Mota, estrategiako eta operazioetako aholkularitzako ALEGI TEAMeko bazkide zuzendaria. Gainera, ETEen eta familia-enpresen aholkularia, kudeaketa-prestatzailea, mentorea, idazlea ere bada.
  • Aitor Gazteluiturri, 20 urtetik gorako esperientzia hirugarren sektoreko eta gizarte-ekonomiako erakundeen zuzendaritzan.
  • Mikel Madariaga, APD Norteko zuzendari nagusia (Zuzendaritzaren Aurrerapenerako Elkartea).
  • Fernando Agos, FIDELITAS RECRUITMENTeko -Headhunting-eko nazioarteko enpresa- bazkide-zuzendaria.
  • Lucía Morán, 20 urtetik gorako esperientzia abokatutzan eta bitartekaritzan, gatazkak konpontzen espezialista.
  • Javier Gurrutxaga, EGOA I CONSULTORÍA ESTRATÉGICAko bazkide eta zuzendaria. Enpresa-estrategian, antolamenduan eta eragiketetan espezializatua.
  • Claudia Ramos, esperientzia zabala, Zuzendaritzaren ondoko legez, Helados Capra-n, eta finantza-zuzendaria R & G Transporte de Carga enpresan.
  • Josu Mirena Santacruz BilbaoTiken garapeneko zuzendaria izan zen. BilbaoTik udal-sozietateak kudeatzen ditu Bilboko Udalaren eta haren sozietateen informazio-teknologien zerbitzu guztiak.
  • Iratxe Marian, MAPA TALLER DE DISEÑO Y ARQUITECTURAren bazkide sortzailea. Halaber, EHAEOren (Euskal Herriko Arkitektoen Elkargo Ofiziala) Bizkaiko Ordezkaritzako Zuzendaritza Batzordeko idazkaria.
  • Iñigo Córdoba (Kudeaketako ingeniari informatikoa eta Industria Antolaketako ingeniaria). Project Manager gisa hasi zuen bere ibilbide profesionala Euskadiko mugikortasun- eta logistika-klusterrean (MLC-ITS), eta horren ondoren, Project Manager hasi zen Aernnova Aerospacen.
  • Irene Rodríguez, IDDTEK – TALENTO AL SERVICIO DE LA INDUSTRIA enpresaren -industriarako langileen ataleko enpresa- bazkide fundatzailea eta kudeatzailea.
  • Iñaki Bilbao, BATERA CONSULTORES enpresako liderra.
  • Aitor Ezkerra, AKEN S. COOPeko bazkide aholkulari eta prestatzailea. 20 urtetik gorako esperientzia enpresei marketinean eta salmentetan laguntzen espezializatutako aholkulari gisa.
  • Julene Fernández Aedo, CISTERNAS FERNÁNDEZ Y AEDOko Garraioetako zuzendaria.
  • Roberto Cacho, ETIKALIA higiezinen agentzia etikoko kudeatzailea eta sortzailea.
  • Miriam Fernández-Valladares, GESSYMA elikagaien segurtasuna zaintzeko sektoreko enpresa etiko eta osasungarriaren sortzailea.

Gaur eman den saria bera Hirudika, Koop Elk Txikia enpresak egin du. Hain zuzen ere, aurtengo edizio honetan errekonozimendua jaso duen enpresa, Mikel Madariaga GLPko zuzendari nagusiaren eskutik.

Bestalde, Paúl Caballero ilustratzailea, Aitor Elizegi chef ezagunak programaren aurreko edizio batean mentorizatutako profesionala, arduratu da marrazkien bidez zuzenean islatzeaz 2023ko Biltzarraren jardunaldia eta masterclass jardunaldia.

Hain zuzen ere, Udalaren helburuetako bat da ekimen horietan parte hartzen dutenek ere parte-hartze aktiboa izatea ekitaldien garapenean.

SARE SOZIALAK:

by

  • Bilbao Mentoring Conference delakoaren helburua da hiribilduko enpresen talentua eta lehiakortasuna garatzen laguntzea.

  • Euskalduna Jauregian antolatuko da. Kongresuan, profesional ezagunek beren bizipenak partekatuko dituzte, eta sariak banatuko zaizkie Bilboko Udalaren programan parte hartu duten 23 mentoreei.

Ekainaren 27an antolatuko da  Bilbao Mentoring Conference ekimenaren seigarren edizioa. Bilboko Udalak antolatzen du Bilbao Ekintza udal-sozietatearen bitartez, eta hiribilduko enpresen talentua eta lehiakortasuna garatzen lagundu nahi du, bai eta Mentoring Bilbao programaren XIV. edizioan parte hartu duten 23 mentoreak saritu ere.

Topaketan, alderdi estrategikoen inguruan eztabaidatu eta mentoringaren gaineko askotariko alorretako bizipenak partekatuko dituzte  ekintzaile, erakunde eta enpresek. Judie Gannon hizlariak eskainiko du hitzaldi nagusia, Erresuma Batuko Oxford Brookes University-ko Oxford Brookes Business School Doktoretza Programetako zuzendaria. Ondoren, “Mentoringa enpresa handietan” mahai-ingurua antolatuko da, Maite Saénz moderatzaile dela (ORH Observatorio de RRHH delakoko zuzendaria). Gainera, hauexek izango dira parte-hartzaileak: David Núnez, Supsonik (Grupo Velatia) delakoaren zuzendari nagusia; Mónica del Solar, Human Resources Business Partner SGS delakoan, eta María Soler, Roche Farma-ko Lidergo, Ikaskuntza eta D&I-ko arduraduna.

Eguna bukatzeko, beste mahai-inguru bat antolatuko da: “Mentoring ekintzaile eta ETE-entzat”. Hauek izango dira parte-hartzaileak: Ana Fernández, Espainiako Ekintzailetzako Behatokiko presidentea eta Kantabriako Unibertsitateko Yunus Zentroko zuzendaria, moderatzaile gisa, eta, hizlari gisa, Ricard Julià, IESE Business School-eko WeGrow mentore-hartzailea eta IZI Record-eko CEOa; Mayte Varela, nazioarteko mentorea Mentoring Bridgeforbillions programan, eta  Larú Mayte Linares, Emakume eta Gizarte Ekintzailetzako kudeatzailea eta Panamako Ciudad del Saber Fundazioko Mentoreen Sareko zuzendaria.

Ekitaldia mentoreei zein giza baliabideetako eta aholkularitzako langileei dago zuzenduta, bai eta unibertsitateko zein beste prestakuntza-erakunde batzuetako langileei ere, eta, orokorrean, mentorizazio-programak garatzen dituzten entitateei. Doan eman daiteke izena jardunaldian, eta estekaren bitartez egin daiteke.

SARE SOZIALAK:

by

  • Bilboko Udalak antolatzen duen kongresuaren bidez, hiribilduko saltokien eta ETE-en lehiakortasuna hobetzeko mentoring delakoak tresna gisa duen balioa azpimarratu nahi da.
  • Judie Gannon hizlariak emango du hitzaldi nagusia —Erresuma Batuko Oxford Brookes University-ko Oxford Brookes Business School Doktoretza Programetako zuzendaria Ondoren, mahai-inguruak egingo dira: “Mentoringa enpresa handietan” eta “Mentoring ekintzaile eta enpresaburuentzat”.

Ekainaren 27an Euskalduna Jauregian antolatuko da Bilbao Mentoring Conferenceren seigarren edizioa. Bertan, enpresa, erakunde eta ekintzaileak bilduko dira alderdi estrategikoei buruz eztabaidatzeko eta mentoringaren inguruko bizipenak partekatzeko, askotariko arloak kontuan hartuta. Jardueraren helburua da mentoringak hiribilduko saltokien eta ETE-en lehiakortasuna hobetzeko tresna gisa duen balioa azpimarratzea.

Seigarren edizio honetan, “Challenging how we think about and do Mentoring” izeneko hitzaldia izango da garrantzitsuena, Judie Gannon hizlariaren eskutik, Erresuma Batuko Oxford Brookes University-ko Oxford Brookes Business School Doktoretza Programetako zuzendaria. Ondoren, “Mentoringa enpresa handietan” mahai-ingurua antolatuko da ,Maite Saénz moderatzaile dela (ORH Observatorio de RRHH delakoko zuzendaria). Gainera, hauexek izango dira parte-hartzaileak: David Núnez, Supsonik (Grupo Velatia) delakoaren zuzendari nagusia; Mónica del Solar, Human Resources Business Partner SGS delakoan, eta María Soler, Roche Farma-ko Lidergo, Ikaskuntza eta D+Iko arduraduna.

Eguna bukatzeko, beste mahai-inguru bat antolatuko da: “Mentoringa ekintzaile eta enpresa txiki eta ertainentzat”. Hauek izango dira parte-hartzaileak: Ana Fernández, Espainiako Ekintzailetzako Behatokiko presidentea eta Kantabriako Unibertsitateko Yunus Zentroko zuzendaria, moderatzaile gisa, eta, hizlari gisa, Ricard Julià, IESE Business School-eko WeGrow mentore-hartzailea eta IZI Record-eko CEOa; Mayte Varela, nazioarteko mentorea Mentoring Bridgeforbillions programan, eta  Larú Mayte Linares, Emakume eta Gizarte Ekintzailetzako kudeatzailea eta Panamako Ciudad del Saber Fundazioko Mentoreen Sareko zuzendaria.

Ekitaldia mentoreei zein giza baliabideetako eta aholkularitzako langileei dago zuzenduta, bai eta unibertsitateko zein beste prestakuntza-erakunde batzuetako langileei ere, eta, orokorrean, mentorizazio-programak garatzen dituzten entitateei. Doan eman daiteke izena jardunaldian, eta estekaren bitartez egin daiteke.

HITZALDIA MENTORING BILBAO PROGRAMAREN BARRUAN

Mentoring Bilbao ekimenaren barruan kokatzen da Bilbao Mentoring Conference. Ekimenaren helburu nagusia da enpresen eta saltokien trebakuntza eta gaitasunak hobetzen laguntzea, baita epe luzerako ikuspegia eta enpresa-erabakiak hartzeko erraztasunak ematea ere.

SARE SOZIALAK:

by

Bilbao Ekintzak, Bilboko Udalaren udal-sozietateak, antolatuko den enpresa-jardunaldi errepikapenera gonbidatu nahi zaitu, BATUZ estrategia fiskal berriari buruz hitz egiteko, zeina 2024ko urtarrilaren 1etik derrigorrez ezarri beharko den.

Jardunaldia Bilboko ETE eta saltoki guztiei dago zuzenduta, aplikatu beharreko araudia aztertu nahi da bertan, bai eta honako hauei dagokionez garrantzitsuenak diren kontuak azaldu ere: fakturak igortzea, informazioa bidaltzea, eragiketa ekonomikoen erregistro-liburuak osatzea eta Bizkaiko Foru Aldundiaren BATUZ proiektutik sortzen diren zerga-aitorpenak aurkeztea.

HIZLARIAK:

-Antonio Pérez Delgado, Bizkaiko Foru Ogasuneko Ikuskaritzako zuzendariordea.

-Iñigo Egia Ossorio, Bizkaiko Foru Ogasuneko Arriskuak Analizatzeko eta Zerga Iruzurraren aurkako Borroka Koordinatzeko zerbitzuburua.

-Raquel Garay, Proiektu Arloko arduraduna IZENPEn (EAEko administrazioen identifikazio elektronikorako plataforman).

Jardunaldia, 2023-ko maiatzaren 19an, ostiralean izango da, 09:00etatik 11:00etara, Zabalgune eraikineko Erakusketa Aretoan, Zabalguneko plaza 11 48009.

 

Izena emateko azken eguna: 2023-ko maiatzaren 18, 13:30etan
edo LEKUA BETE ARTE.

JARDUNALDIAREN EDUKIAK:
1.-Ezartzeko egutegiaren eta proiektuaren gaur egungo egoera. Aplikatu beharreko araudia.
2.-TicketBAI: Fakturak eta eragiketen gainerako justifikazio-dokumentuak igortzea, zenbait betekizun tekniko bete behar dituen fakturazioko software berme-emaile bat erabiliz.
3.-Ekonomia-eragiketen erregistro-liburuak egitea (EEEL: 140 eta 240 eredu berriak) Bizkaiko Foru Aldundiaren egoitza elektronikoan.
4.-Pizgarri fiskalak: Batuz kenkaria eta konpentsazioa 2022. eta 2023. urteetan sistema modu boluntarioan aplikatzeagatik.
5.-Zerga-aitorpenak aurkeztea zirriborroetatik abiatuta.
6.-Zehapen-erregimena.
7.-Galderak.

by

SAVE THE DATE – Bilbao Mentoring Conference 2023ko VI. Edizioa ekainaren 27an izango da.

Mentoring eta talentuaren garapenean ezagutza eta esperientziak partekatuko dira. BMC 2023-ek enpresen eta ekintzailetzaren mundutik datorren erreferentziak ekarriko ditu, nazioartean eta nazionalean mentoringa aplikatzen dutenak talentua sustatzeko. Mentoringaren munduan ideia eta ikuspegi berriak esploratuko dira #BilbaoMentoring2023-n.

by

Bilbao Ekintzak, Bilboko Udalaren udal-sozietateak, antolatuko den enpresa-jardunaldi batera gonbidatu nahi zaitu, BATUZ estrategia fiskal berriari buruz hitz egiteko, zeina 2024ko urtarrilaren 1etik derrigorrez ezarri beharko den.

Jardunaldia Bilboko ETE eta saltoki guztiei dago zuzenduta, aplikatu beharreko araudia aztertu nahi da bertan, bai eta honako hauei dagokionez garrantzitsuenak diren kontuak azaldu ere: fakturak igortzea, informazioa bidaltzea, eragiketa ekonomikoen erregistro-liburuak osatzea eta Bizkaiko Foru Aldundiaren BATUZ proiektutik sortzen diren zerga-aitorpenak aurkeztea.

HIZLARIAK:

-Antonio Pérez Delgado, Bizkaiko Foru Ogasuneko Ikuskaritzako zuzendariordea.

-Iñigo Egia Ossorio, Bizkaiko Foru Ogasuneko Arriskuak Analizatzeko eta Zerga Iruzurraren aurkako Borroka Koordinatzeko zerbitzuburua.

-Raquel Garay, Proiektu Arloko arduraduna IZENPEn (EAEko administrazioen identifikazio elektronikorako plataforman).

Jardunaldia, 2023-ko maiatzaren 9an, asteartean izango da, 09:00etatik 11:00etara, Zabalgune eraikineko Erakusketa Aretoan, Zabalguneko plaza 11 48009.

 

Izena emateko azken eguna: EDUKIERA BETETA.

JARDUNALDIAREN EDUKIAK:

1.-Ezartzeko egutegiaren eta proiektuaren gaur egungo egoera. Aplikatu beharreko araudia.
2.-TicketBAI: Fakturak eta eragiketen gainerako justifikazio-dokumentuak igortzea, zenbait betekizun tekniko bete behar dituen fakturazioko software berme-emaile bat erabiliz.
3.-Ekonomia-eragiketen erregistro-liburuak egitea (EEEL: 140 eta 240 eredu berriak) Bizkaiko Foru Aldundiaren egoitza elektronikoan.
4.-Pizgarri fiskalak: Batuz kenkaria eta konpentsazioa 2022. eta 2023. urteetan sistema modu boluntarioan aplikatzeagatik.
5.-Zerga-aitorpenak aurkeztea zirriborroetatik abiatuta.
6.-Zehapen-erregimena.
7.-Galderak.

 

by

Bizkaiko Foru Ogasunak zerga-betebeharrak kontrolatzeko eta betetzen laguntzeko estrategia berri bat garatu du, BATUZ izenekoa, zerga-iruzurraren aurka borrokatzeko. Estrategia horrek Bizkaiko araudiaren mende dauden enpresa eta pertsona autonomo guztiei eragiten die, haien izaera eta tamaina edozein izanik ere.

Hasiera batean, nahitaezko ezarpen-epea 2022ko urtarrila zen, baina profesionalen elkargo eta enpresa-elkarteen eta zerga-aholkularitzaren ekarpenak jaso ondoren, Bizkaiko Foru Ogasunak epe hori malgutzea eta 2024ko urtarrilaren 1era eramatea komenigarritzat jo du, ordura arte sistema hori borondatez hartzeko pizgarri berriak ezarriz.

Zer da eta zertan datzan:

BATUZ izenarekin, proiektu honek oinarrizko hiru zutabe izango ditu:

  • Ticketbai fakturazio – software bermatzailea: Fakturazio sistema informatiko bat da, Foru Ogasunak egindako salmenta eragiketa guztien aitorpena ziurtatzeko erabiltzen duena.

Horrela, faktura bat jaulki aurretik, fitxategi informatiko bat sortu beharko da (Ticket Bai fitxategia) eta sinadura digital baten bidez sinatu. Dokumentu horrek QR eta identifikazio-kode bat izango du. Fitxategia Foru Ogasunera bidali beharko da zehaztutako epeetan.

Neurri horiei esker, kontsumitzaileek egiaztatu ahal izango dute jaulkitako faktura sarrera gisa deklaratu dela Foru Aldundiaren webgunean.

  • Eragiketa ekonomikoen erregistro-liburua (EEEL): 140 pertsona fisikoentzat eta 240 pertsona juridikoentzat. Jarduera ekonomikoak egiten dituzten pertsonen diru-sarrerak, gastuak eta fakturak aitortuko dira. Dokumentazio hori guztia telematikoki emango da.
  • Bezaren, Sozietateen gaineko zergaren eta Errentaren gaineko zergaren aitorpenen zirriborroak: 140 eta 240 ereduetan igorritako informazioarekin, Bizkaiko Foru Ogasunak aitorpenen zirriborroak egingo ditu pertsona juridikoentzat eta jarduera ekonomikoa duten pertsona fisikoentzat, jarduera ekonomikoen etekinak zergapetzen dituzten zerga nagusiei dagozkien zerga-betebeharrak errazago bete ditzaten.

Pizgarriak:

Gure enpresak eta negozioak sistema berrira egokitu beharko dira 2024ko urtarriletik aurrera. Hala ere, pixkanaka ezartzen joateko, Foru Ogasunak zortzi atxikipen-leiho ezartzen ditu 2022. eta 2023. urteetan, eta pizgarri txikiagoak ezartzen ditu sisteman sartzeko unearen arabera; beraz, ez da gauza bera izango 2022, 2023 edo 2024ko urtarrilaren 1ean sartzea, kasu honetan nahitaez.

by

Turismoak hazkunde handia izan du hirian azken urteotan. Gainera, hiriak bere Espezializazio adimenduneko Estrategiaren esparruan dituen helburuen jarduera-eremuetako bat da.

Bilboko Udalak, Bilbao Ekintzaren bidez, sektore horren lehiakortasuna hirian hobetzeko ekintzak eta programak sustatzen ditu.

Ekimen horien artean, TURISTECH BILBAO nabarmendu behar da, Innolab Bilbaorekin elkarlanean sustatutako proiektua. Honek, teknologia berriek eta startupek digitalizazioaren erronkari heltzeko eskaintzen dituzten aukerak aztertzea du helburu.

Oraingo honetan, arreta turismo-ostatuetan eta contactless teknologian jarri da, egungo testuinguruan horixe baita segurtasunaren eta osasun-babesaren bermerik onena.

Esparru horretan, eta Instituto Tecnológico Hotelero (ITH) lankidetzan, katalogo bat garatu da, turismo-sektoreko erabiltzaileei eta langileei contactless zerbitzuak eskaintzeko dauden soluzio teknologikoetako batzuk aurkezten dituena.

Katalogoa hainbat fitxa deskribatzailek osatzen dute. Fitxa horietan check-in eta check-out prozesuetako erreferentziazko hornitzaile teknologiko batzuk zerrendatuko dira, bai eta ostatu-sektorerako interesgarriak diren beste contactless soluzio batzuk ere.