• Mentoring-aren erreferenteek tresna horren inguruko esperientziak partekatu dituzte gaur Euskalduna Jauregian. Bilboko Udalak tresna hori sustatu nahi du, uriko saltokien eta ETEen lehiakortasuna hobetzeko. Hitzaldi nagusia Erresuma Batuko  Oxford Brookes University-ko Oxford Brookes Business School-eko Doktoretza Programen zuzendari Judie Gannon andreak eman du eta ondore, mahai-inguruak egin dira eztabaidekin.

• Kongresuan, gainera, aurten MENTORING BILBAO udal-programan parte hartu duten 23 mentoreei errekonozimendua egin zaie. Programa horren helburua enpresei eta saltokiei beren gaikuntza, gaitasunak eta trebetasunak hobetzen laguntzea da, epe luzerako ikuspegia eta beren negozioetarako erabakiak errazago har ditzaten.

Bilbao Mentoring Conference ekimena Bilboko Udalak antolatu du Bilbao Ekintza udal-sozietatearen bidez, eta seigarren aldia izan du gaurkoa; ekimen horren helburua da uriko enpresen talentua eta lehiakortasuna garatzen laguntzea eta, bide batez, Bilboko Mentoring programaren XIV. edizioan parte hartu duten 23 mentoreei errekonozimendua egitea.

Hitzaldi nagusia Erresuma Batuko  Oxford Brookes University-ko Oxford Brookes Business School-eko Doktoretza Programen zuzendari Judie Gannon andreak eman du.

Ondoren, bi mahai-inguru egin dira. Lehenengoa “Mentoring-a enpresa handietan” izan da, eta Giza Baliabideen Behatokiko ORHko zuzendari Maite Sáénz moderatzailea izan da eta partaideak, hauek: David Núnez, Supsonik taldeko (Velatia taldea) zuzendari nagusia; Mónica del Solar, Human Resources Business Partner SGSn; eta María Soler, Lidergo eta Ikaskuntzako arduraduna eta D & I Espainiako & Portugal Roche Farman.

Bigarrena, “ekintzaileei eta ETEei zuzendutako mentoring-a” izan da. Moderatzaile-lanak egin ditu Ana Fernández, Espainiako Ekintzailetza Behatokiko lehendakari eta Kantabriako Unibertsitateko Yunus Zentroko zuzendariak, eta eztabaidan partaide izan dira kide hauek: Ricard Julià, IESE Business Schooleko WeGrow mentorizatua eta IZI Recordeko CEO; Mayte Varela, Mentoring Bridgeforbillions programako nazioarteko mentorea; eta Larú Mayte Linares, Emakumeen eta Gizarte Ekintzailetzako kudeatzailea eta Panamako Ciudad del Saber Fundazioko Mentoreen Sareko zuzendaria.

UDALAREN ERREKONOZIMENDUA MENTOREEI

Jardunaldia amaitzeko, Xabier Ochandiano Bilboko Udaleko Ekonomiaren Garapeneko, Merkataritzako, Turismoko eta Enpleguko Saileko zinegotziak ERREKONOZIMENDUAK eman dizkie Bilboko Udalaren MENTORING programaren XIV. edizioan parte hartu duten mentoreei.

Ekimen honen helburua da enpresei eta saltokiei laguntzea, euren gaikuntza, gaitasunak eta trebetasunak hobetzen, epe luzerako ikuspegia eta beren negozioetarako erabakiak hartzerakoan erraztasunak emanez.

Hauek dira Udalaren saria jaso duten pertsonak:

• Cristina Alonso, (aholkulari estrategikoa) komunikazioan eta mentoring-ean irtenbide pertsonalizatuak eskaintzen dituen ANDRELIER enpresaren fundatzailea.
• Javi Lezama, produktu elektronikoen garapenean eta industrializazioan esperientzia sendoa duen P4Q ELECTRONICS enpresaren sortzaileetako bat.
• Cristina Oñate, CENTRO ESTÉTICA ERCILLA 32ren jabea, aitzindaria PAK kalitate-bereizgarria (profesionaltasuna, artea eta kalitatea) lortzen, eta BIPEko presidentea (Bizkaiko Irudi Pertsonaleko Enpresak).
• Gorka Herrera (abokatua); HERCULEX ABOGADOS sortu zuen 2008an.
• Fernando García, negozio-aholkularia eta proiektu-zuzendaria KAMEIN CONSULTORÍA Y SERVICIOSen.
• Javier Pet, aholkularia, 25 urtetik gorako esperientzia duena hotelen sektorean.
• Bernardo García, Nazioarteko Senior aholkularia gizarte-eraginaren neurketan eta kudeaketan, garapenerako nazioarteko lankidetzan, giza eskubideetan, hirugarren sektorean eta enpresa pribatuen eta GKEen arteko aliantzetan.
• Gonzalo Mota, estrategiako eta operazioetako aholkularitzako ALEGI TEAMeko bazkide zuzendaria. Gainera, ETEen eta familia-enpresen aholkularia, kudeaketa-prestatzailea, mentorea, idazlea ere bada.
• Aitor Gazteluiturri, 20 urtetik gorako esperientzia hirugarren sektoreko eta gizarte-ekonomiako erakundeen zuzendaritzan.
• Mikel Madariaga, APD Norteko zuzendari nagusia (Zuzendaritzaren Aurrerapenerako Elkartea).
• Fernando Agos, FIDELITAS RECRUITMENTeko -Headhunting-eko nazioarteko enpresa- bazkide-zuzendaria.
• Lucía Morán, 20 urtetik gorako esperientzia abokatutzan eta bitartekaritzan, gatazkak konpontzen espezialista.
• Javier Gurrutxaga, EGOA I CONSULTORÍA ESTRATÉGICAko bazkide eta zuzendaria. Enpresa-estrategian, antolamenduan eta eragiketetan espezializatua.
• Claudia Ramos, esperientzia zabala, Zuzendaritzaren ondoko legez, Helados Capra-n, eta finantza-zuzendaria R & G Transporte de Carga enpresan.
• Josu Mirena Santacruz BilbaoTiken garapeneko zuzendaria izan zen. BilbaoTik udal-sozietateak kudeatzen ditu Bilboko Udalaren eta haren sozietateen informazio-teknologien zerbitzu guztiak.
• Iratxe Marian, MAPA TALLER DE DISEÑO Y ARQUITECTURAren bazkide sortzailea. Halaber, EHAEOren (Euskal Herriko Arkitektoen Elkargo Ofiziala) Bizkaiko Ordezkaritzako Zuzendaritza Batzordeko idazkaria.
• Iñigo Córdoba (Kudeaketako ingeniari informatikoa eta Industria Antolaketako ingeniaria). Project Manager gisa hasi zuen bere ibilbide profesionala Euskadiko mugikortasun- eta logistika-klusterrean (MLC-ITS), eta horren ondoren, Project Manager hasi zen Aernnova Aerospacen.
• Irene Rodríguez, IDDTEK – TALENTO AL SERVICIO DE LA INDUSTRIA enpresaren -industriarako langileen ataleko enpresa- bazkide fundatzailea eta kudeatzailea.
• Iñaki Bilbao, BATERA CONSULTORES enpresako liderra.
• Aitor Ezkerra, AKEN S. COOPeko bazkide aholkulari eta prestatzailea. 20 urtetik gorako esperientzia enpresei marketinean eta salmentetan laguntzen espezializatutako aholkulari gisa.
• Julene Fernández Aedo, CISTERNAS FERNÁNDEZ Y AEDOko Garraioetako zuzendaria.
• Roberto Cacho, ETIKALIA higiezinen agentzia etikoko kudeatzailea eta sortzailea.
• Miriam Fernández-Valladares, GESSYMA elikagaien segurtasuna zaintzeko sektoreko enpresa etiko eta osasungarriaren sortzailea.

Gaur eman den saria bera Hirudika, Koop Elk Txikia enpresak egin du. Hain zuzen ere, aurtengo edizio honetan errekonozimendua jaso duen enpresa, Mikel Madariaga GLPko zuzendari nagusiaren eskutik.

Bestalde, Paúl Caballero ilustratzailea, Aitor Elizegi chef ezagunak programaren aurreko edizio batean mentorizatutako profesionala, arduratu da marrazkien bidez zuzenean islatzeaz 2023ko Biltzarraren jardunaldia eta masterclass jardunaldia.

Hain zuzen ere, Udalaren helburuetako bat da ekimen horietan parte hartzen dutenek ere parte-hartze aktiboa izatea ekitaldien garapenean.

SARE SOZIALAK:

• BILBAO UDALA: YOUTUBE | FACEBOOK | TWITTER | INSTAGRAM
• BILBAO EKINTZA: FACEBOOK | TWITTER | INSTAGRAM

• Bilbao Mentoring Conference delakoaren helburua da hiribilduko enpresen talentua eta lehiakortasuna garatzen laguntzea.

• Euskalduna Jauregian antolatuko da. Kongresuan, profesional ezagunek beren bizipenak partekatuko dituzte, eta sariak banatuko zaizkie Bilboko Udalaren programan parte hartu duten 23 mentoreei.

Ekainaren 27an antolatuko da  Bilbao Mentoring Conference ekimenaren seigarren edizioa. Bilboko Udalak antolatzen du Bilbao Ekintza udal-sozietatearen bitartez, eta hiribilduko enpresen talentua eta lehiakortasuna garatzen lagundu nahi du, bai eta Mentoring Bilbao programaren XIV. edizioan parte hartu duten 23 mentoreak saritu ere.

Topaketan, alderdi estrategikoen inguruan eztabaidatu eta mentoringaren gaineko askotariko alorretako bizipenak partekatuko dituzte  ekintzaile, erakunde eta enpresek. Judie Gannon hizlariak eskainiko du hitzaldi nagusia, Erresuma Batuko Oxford Brookes University-ko Oxford Brookes Business School Doktoretza Programetako zuzendaria. Ondoren, “Mentoringa enpresa handietan” mahai-ingurua antolatuko da, Maite Saénz moderatzaile dela (ORH Observatorio de RRHH delakoko zuzendaria). Gainera, hauexek izango dira parte-hartzaileak: David Núnez, Supsonik (Grupo Velatia) delakoaren zuzendari nagusia; Mónica del Solar, Human Resources Business Partner SGS delakoan, eta María Soler, Roche Farma-ko Lidergo, Ikaskuntza eta D&I-ko arduraduna.

Eguna bukatzeko, beste mahai-inguru bat antolatuko da: “Mentoring ekintzaile eta ETE-entzat”. Hauek izango dira parte-hartzaileak: Ana Fernández, Espainiako Ekintzailetzako Behatokiko presidentea eta Kantabriako Unibertsitateko Yunus Zentroko zuzendaria, moderatzaile gisa, eta, hizlari gisa, Ricard Julià, IESE Business School-eko WeGrow mentore-hartzailea eta IZI Record-eko CEOa; Mayte Varela, nazioarteko mentorea Mentoring Bridgeforbillions programan, eta  Larú Mayte Linares, Emakume eta Gizarte Ekintzailetzako kudeatzailea eta Panamako Ciudad del Saber Fundazioko Mentoreen Sareko zuzendaria.

Ekitaldia mentoreei zein giza baliabideetako eta aholkularitzako langileei dago zuzenduta, bai eta unibertsitateko zein beste prestakuntza-erakunde batzuetako langileei ere, eta, orokorrean, mentorizazio-programak garatzen dituzten entitateei. Doan eman daiteke izena jardunaldian, eta estekaren bitartez egin daiteke.

SARE SOZIALAK:

• Bilbao Udala: YOUTUBE | FACEBOOK | TWITTER | INSTAGRAM
• Bilbao Ekintza: FACEBOOK | TWITTER | INSTAGRAM

• Bilboko Udalak antolatzen duen kongresuaren bidez, hiribilduko saltokien eta ETE-en lehiakortasuna hobetzeko mentoring delakoak tresna gisa duen balioa azpimarratu nahi da.
• Judie Gannon hizlariak emango du hitzaldi nagusia —Erresuma Batuko Oxford Brookes University-ko Oxford Brookes Business School Doktoretza Programetako zuzendaria Ondoren, mahai-inguruak egingo dira: “Mentoringa enpresa handietan” eta “Mentoring ekintzaile eta enpresaburuentzat”.

Ekainaren 27an Euskalduna Jauregian antolatuko da Bilbao Mentoring Conferenceren seigarren edizioa. Bertan, enpresa, erakunde eta ekintzaileak bilduko dira alderdi estrategikoei buruz eztabaidatzeko eta mentoringaren inguruko bizipenak partekatzeko, askotariko arloak kontuan hartuta. Jardueraren helburua da mentoringak hiribilduko saltokien eta ETE-en lehiakortasuna hobetzeko tresna gisa duen balioa azpimarratzea.

Seigarren edizio honetan, “Challenging how we think about and do Mentoring” izeneko hitzaldia izango da garrantzitsuena, Judie Gannon hizlariaren eskutik, Erresuma Batuko Oxford Brookes University-ko Oxford Brookes Business School Doktoretza Programetako zuzendaria. Ondoren, “Mentoringa enpresa handietan” mahai-ingurua antolatuko da ,Maite Saénz moderatzaile dela (ORH Observatorio de RRHH delakoko zuzendaria). Gainera, hauexek izango dira parte-hartzaileak: David Núnez, Supsonik (Grupo Velatia) delakoaren zuzendari nagusia; Mónica del Solar, Human Resources Business Partner SGS delakoan, eta María Soler, Roche Farma-ko Lidergo, Ikaskuntza eta D+Iko arduraduna.

Eguna bukatzeko, beste mahai-inguru bat antolatuko da: “Mentoringa ekintzaile eta enpresa txiki eta ertainentzat”. Hauek izango dira parte-hartzaileak: Ana Fernández, Espainiako Ekintzailetzako Behatokiko presidentea eta Kantabriako Unibertsitateko Yunus Zentroko zuzendaria, moderatzaile gisa, eta, hizlari gisa, Ricard Julià, IESE Business School-eko WeGrow mentore-hartzailea eta IZI Record-eko CEOa; Mayte Varela, nazioarteko mentorea Mentoring Bridgeforbillions programan, eta  Larú Mayte Linares, Emakume eta Gizarte Ekintzailetzako kudeatzailea eta Panamako Ciudad del Saber Fundazioko Mentoreen Sareko zuzendaria.

Ekitaldia mentoreei zein giza baliabideetako eta aholkularitzako langileei dago zuzenduta, bai eta unibertsitateko zein beste prestakuntza-erakunde batzuetako langileei ere, eta, orokorrean, mentorizazio-programak garatzen dituzten entitateei. Doan eman daiteke izena jardunaldian, eta estekaren bitartez egin daiteke.

HITZALDIA MENTORING BILBAO PROGRAMAREN BARRUAN

Mentoring Bilbao ekimenaren barruan kokatzen da Bilbao Mentoring Conference. Ekimenaren helburu nagusia da enpresen eta saltokien trebakuntza eta gaitasunak hobetzen laguntzea, baita epe luzerako ikuspegia eta enpresa-erabakiak hartzeko erraztasunak ematea ere.

SARE SOZIALAK:

• Bilboko Udala: YOUTUBE | FACEBOOK | TWITTER | INSTAGRAM
• Bilbao Ekintza: FACEBOOK | TWITTER | INSTAGRAM

• Hasi da Bilboko Udalak Bilbao Ekintzaren bitartez sustatu duen programa, zeinaren helburua hiribilduko enpresen eta saltokien arduradunei epe luzerako ikuspegia hobetzen laguntzea eta enpresa-erabakiak hartzeko erraztasunak ematea baita.
• Aukeratutako enpresa bakoitzak ekimenean parte hartuko duten 24 mentoreetako baten laguntza izango du. Denak dira izen handiko profesionalak, eta ezagutzaren eta esperientziaren bidez enpresen estrategiak sendotzen lagunduko dute.
• 90 mentorek eta 172 enpresa txiki eta ertainek hartu dute parte Mentoring Bilbaoren aurreko hamahiru edizioetan. Ekimena ekonomia eta enplegua hobetzeko tresna baliagarri gisa finkatu da.

Gaur hasi da Mentoring Bilbaoren hamalaugarren edizioa. Bilboko Udalak Bilbao Ekintza udal-sozietatearen bidez bultzatutako ekimena da, zeinaren helburua enpresen eta saltokien trebakuntza eta gaitasunak hobetzen laguntzea den, baita epe luzerako ikuspegia eta enpresa-erabakiak hartzeko erraztasunak ematea ere.

69 proiektuk eman zuten izena mentoretza-prozesuan parte hartzeko, eta 24izan dira hautatuak. Hemendik eta ekainera arte ospe handiko profesionalen laguntza indibidualizatua izango dute, eta haien merkatu-ezagutzaz eta esperientziaz baliatuko dira nork bere enpresa-estrategia finkatzeko.

Hala, 24 mentore izango dira, hain zuzen ere, modu altruistan XIV. Bilbao Mentoring-en parte hartuko dutenak. Horietatik hamazortzik aurreko edizioetan parte hartu dute. Horrek frogatzen du esperientzia benetan aberasgarria dela parte hartzen duten bi alderdientzat. Hiribilduko ekonomia dinamizatzeko eta enplegua sortzeko tresna baliagarritzat jotzen den ekimen honetan lehen aldiz parte hartuko duten sei profesional daude mentoreen taldean.

Datozen zortzi hilabeteetan 24 mentore horiek aldizkako bilerak izango dituzte egokitu zaizkien enpresen ordezkariekin. Bilera horietan, bi alderdiek esperientziak, aholkuak eta informazioa trukatuko dituzte, beti mentoretza jasoko duten pertsonen profesionalizazioa hobetzeko asmoz. Esperientzian oinarritutako irakaskuntza baliatuko da, tartean ideia berriak sartuko dira eta aldi berean kontaktu-sare bat garatuko da, faktore horiek parte-hartzaileen negozio-planak zabaltzen lagundu dezaketelakoan.

Aukeratutako enpresa guztiek gutxienez urtebete daramate funtzionamenduan, eta, besteak beste, honako sektore anitz hauetakoak dira: zerbitzu profesionalen alorrekoak, merkataritzakoak, ostalaritzakoak, turismo eta aisialdikoak, kultura-jardueretakoak, irakaskuntzakoak eta teknologiaren alorrekoak.

Mentoring Bilbao 2008an jarri zen abian, eta harrez geroztik antolatu diren hamahiru edizioetan guztira 172 enpresa txiki eta ertaini eta saltokiri lehiakortasuna hobetzen lagundu diete parte hartu duten 90 pertsona mentoreei esker. Horrek Bilboko Udalak elkarlanean oinarritutako metodologiaren alde egindako apustuaren baliozkotasuna berresten du.

SARE SOZIALAK:

• Bilbao Udala: YOUTUBE| FACEBOOK | TWITTER | INSTAGRAM
• Bilbao Ekintza: FACEBOOK| TWITTER | INSTAGRAM

• Heura Foods, KAAMPO, Retoornado, Picadeli, MyOr eta Pazzi Robotics dira sari hauen bigarren edizioko irabazleak.

• Food 4 Future-ren esparruan egindako sariek elikagaien eta edarien industria eraldatzeko proiektu berritzaileen 145 hautagaitza baino gehiago jaso dituzte.

Food 4 Future – Expo FoodTech 2022 azokak FoodTech Innovation Awards sarien bigarren edizioa ospatu du. Sari horiek berrikuntza eta digitalizazioa bultzatzen ari diren elikagaien eta edarien industriako enpresak saritzen dituzte. Sari horien banaketan sektoreko enpresa liderrak, elkarteak eta patronalak bildu dira, eta honako hauek izan dira bertan: Bittor Oroz, Eusko Jaurlaritzako Nekazaritza, Arrantza eta Elikadura Politikako sailburuordea; Joseba Mariezkurrena, Bizkaiko Foru Aldundiko Ekintzailetza eta Enpresa Lehiakortasuneko zuzendari nagusia; Xabier Ochandiano, Bilboko Udaleko Garapen Ekonomiko, Merkataritza eta Enpleguko zinegotzia; María Peña, ICEX-eko kontseilari delegatua; Rogelio Pozo, AZTIko zuzendari nagusia; eta Sergio Fabregat, Food 4 Future-eko zuzendaria.

Bigarren edizio honetako sarituen artean, 145 hautagaitza baino gehiago izan dituena, Heura Foods, izan da saria jaso duena nazioarteko proiekziorik onena duen Espainiako startupari. Izan ere, Europan hazkunde azkarrena izan duen landare-proteinaren konpainia da.

Elikaduraren eta edarien industriarako digitalizazio-soluzio berritzaileenaren saria KAAMPO enpresari eman zaio, landa-eremuari aplikatutako teknologia guztiak plataforma berean biltzeko gai den «Smarthub farming» proiektuagatik.

Hirugarren sariduna, Iraunkortasun Proiektu Onenaren saria, Retoornado izan da, ontzi berrerabilgarrien lehen ekosistema, erabilera bakarreko ontziek sortutako hondakinak murrizteko helburua duena.

Elikadura osasungarriaren sariak Picadeliren self-service entsalada-barra digitalizatuen soluzioak jaso du, janari osasuntsua demokratizatu eta eskuragarria eta gustagarria egin duelako.

Mayor-ek saria irabazi du foodtech start-up berritzaileenarentzat, jaioberrientzako etorkizun osasungarriagoa bermatzen laguntzen duen negozio-eredu bat garatzeagatik, gurasoei alergia-arriskuak murrizteko informazioa eta baliabideak emanez.

Azkenik, automatizazio eta robotikako soluzio onenaren saria Pazzi Roboticsentzat izan da, pizza autonomoko behin betiko sukaldea sortu baitu, gizakiaren esku-hartzerik gabe 47 segundotik behin pizza bat laberatzeko gai dena.

Food 4 Future (2022ko maiatzaren 17-19, BEC-Bilbao) elikagaien sektoreko balio-kate osoko profesionalentzako berrikuntza-ekitaldia da. Hiru egunez, F4Fk 7000 bisitari eta 250 enpresa erakusketari baino gehiago bilduko ditu Bilbao Exhibitions Centren (BEC), foodtech-ean, robotikan eta automatizazioan, elikagaien segurtasunean eta zientzian, eta elikagaien industriako segmentuetarako prozesatze- eta ontziratze-tekniketan azken soluzioak aurkezteko. Gainera, Food 4 Future World Summit hartuko du, azken joerak, arrakasta kasuak eta elikagaien eta edarien industria eraldatzeko tresnak ezagutzeko Europako kongresurik handiena, nazioarteko 380 aditu baino gehiagoren eskutik. Food 4 Future NEBEXT eta AZTIk antolatzen dute.

 

 

 

 

• Azken hilabeteetan prESStatzen ekimenaren lehenengo edizioa garatu da, ekonomia sozialari eta solidarioari buruzko enpresa-proiektuak sortzeko eta abian jartzeko programa bat, Bilboko Udalak sektorea bultzatzeko egindako apustuaren esparruan.

• Bilboko Udalak REAS Euskadiren laguntzarekin sustatu du prESStatzen ekimena, Ekonomia Sozial eta Solidarioaren Ekonopoloaren esparruan; hau da, espazioa ekonomia eraldatzaile horren eta ekonomia sozialaren eta kooperatiboaren garapenerako eta ekintzailetzarako ereduaren erreferente izatea lortu nahi du

Bilboko Udalak, REAS Euskadiren laguntzarekin, prestakuntza- eta laguntza-programa bat garatu du, eta, hain zuzen ere, proiektu kolektibo bati ekin nahi dioten pertsonei, jarduera profesionalizatu nahi duten elkarteei edo ekonomia sozial eta solidarioaren ereduen bidean jardun nahi duten enpresei dago zuzenduta.

Programak bi fase izango ditu: lehenengo fasean prestakuntza- eta networking-saioak egingo dira, eta bigarrenean laguntza pertsonalizaturako ibilbide bat. PrESStatzen ekimena garatzeko, lau hilabetez buru-belarri egon dira lanean, eta ekintzaileek ekonomia sozial eta solidarioaren esparruan ekintzaile izateko askotariko alor garrantzitsuen inguruko prestakuntza jasotzeko aukera izan dute.

ENPRESA-PROIEKTUEN “DEMO DAY”

Programari amaiera emateko, ekintzaileek proiektuak ikusgai jartzeko aukera izan dute “Demo Day” izeneko ekitaldian, non, gainera, ekintzailetza-prozesuetan babesa ematen espezializatua den epaimahai baten feedbackak entzun ahal izan dituzten, erakunde publikoetatik zein hezkuntzaren alorretik etorritako kideen ahoetatik, hain zuzen ere..

Aurkeztutako proiektuen artean, besteak beste, emakume ekintzaile ugari egon direla nabarmendu behar da; zehazki, proiektuen % 77 izan dira emakumeen ekimenak. Bestalde, proiektuen % 30 migratzaileek zuzenduak dira. Amaitzeko, taldearen belaunaldi-artekotasuna nabarmendu beharra dago, 26 eta 57 urte bitarteko ekintzaileak bildu baitira.

Aurkeztutako proiektuek hartzen dituzten sektoreei dagokienez, aniztasun ugari dago: kirola, komunikazioa, esparru artistikoari lotutako hiru proiektu, elikadura-proiektu bat, migrazio-prozesuetan laguntzeko proposamen bat eta finken administraziorako azken proiektu bat.

Helburu bi ditu prESStatzen programak: alde batetik, sentsibilizazioa, prestakuntza eta tresnak ematea ekonomia sozial eta solidarioaren ereduetatik proiektuak martxan jarri nahi dituzten ekintzaileei eta entitateei; eta, bestetik, ekonomia sozial eta solidarioaren proiektuak osatu eta martxan jartzea ekintzaile zein entitateei laguntza pertsonalizatua emanez.

EKONOPOLO, BILBOKO EKONOMIA SOZIAL ETA SOLIDARIOAREN POLOA

PrESStatzen ekimena Ekonopolo proiektuaren esparruaren barruan gauzatu da. San Frantzisko auzoko Harrobi plazan dagoen Ekonopolo proiektuaren helburua da ekonomia sozial eta solidarioa babestea eta sustatzea, eta ekonomia eraldatzaile horren erreferentzia izatea, ekintzailetzako eta garapen ekonomiko, sozial eta kooperatiboko eredua den aldetik eskaintzen dituen aukerak ezagutaraziz. Era berean, ekintzailetza sozial eta kooperatiboaren garapena erraztu nahi da, enpresei ideiak sortzeko, abian jartzeko eta laguntzeko prozesuak babestuta, prestakuntzaren, orientazioaren eta helburu horretara egokitutako planen bidez.

2022. urtean garatuko diren jarduketak egiteko, jarduteko bi ardatz nagusi bideratuko dira: ekonomia sozial eta solidarioan ekitea eta Ekonopoloren proiekzio soziala.

• Nazioarteko teknologia ekitaldian, 7.000 biltzarkide baino gehiago bilduko dira, eta, erakusketa-gunean 250 enpresa baino gehiago izango dira elikagaigintzako industriako teknologiarako azken soluzioak aurkezten.

• Nazioarteko 380 aditu jardungo dira Food 4 Future Wolrd Summit 2022 delakoan, elikagaigintzaren eta edarigintzaren sektorearen etorkizunaren bidea seinalatuko duten azken joeren gainean eztabaidan.

Bilbo, aste honetan, munduko foodtech hiriburua bihurtu da, Food 4 Future – Expo FoodTech 2022 delakoaren ospaketarekin.

Elikagaigintzako eta edarigintzako industriako profesionalendako nazioarteko ekitaldiaren lehen edizioak arrakasta izan zuen, eta orain, ostera ere, maiatzaren 17tik 19ra, 7.000 biltzarkide baino gehiago bildu dira. Foro honek, gainera, 14 milioi euroko inpaktu ekonomikoa izango du uriarentzat, eta, aldi berean, Euskadi agerira ekarriko du mapan, foodtech-aren epizentro eta erreferente moduan.

Inaugurazio-ekitaldian izan dira Juan Mari Aburto, Bilboko alkatea; Arantxa Tapia, Eusko Jaurlaritzako Garapen Ekonomiko, Jasangarritasun eta Ingurumeneko sailburua; Ainara Basurko, Bizkaiko Foru Aldundiko Ekonomia Sustatzeko foru diputatua; eta Jordi Gallés, Food 4 Future Expo Foodtech-eko lehendakaria.

Food 4 Future 2022, hala, ezinbesteko hitzordua da elikagaigintzaren sektorea eraldatzen ari diren azken berrikuntza eta soluzioak ezagutzeko, eta baita ere elikagaigintzako teknologiaren arloan arrakasta izan duten kasuak eta teknologia horretan industria seguruagoa, jasangarriagoa eta osasungarriagoa lortzeko baliatzen diren aplikazioak ezagutzeko.

250 enpresak baino gehiagok erakutsiko dituzte beren azken soluzio teknologikoak eta elikagaigintzako produktuak, industriaren balio-kate osoa modernizatzen eta digitalizatzen lagunduko dutenak, lehengaitik hasi eta prozesu logistikoetara arte.

FOOD 4 FUTURE WORLD SUMMIT 2022, EZAGUTZAREN MASTER HANDI BAT

Foor 4 Future World Summit 2022 ekitaldia biltzarrik handiena da Europan elikagaigintzako eta edarigintzako industriako berrikuntza teknologikoaren arloan; Food 4 Future delakoaren barruan antolatzen da, eta ekitaldiak iraungo duen 3 egunean zehar, aukera izango da sektore horretako 380 adituren ahotsak entzuteko.

Era berean, 6 foro bertikal ospatuko dira, honako hauen inguruan: haragia, arrainak, esnea eta esnekiak, olioa, nekazaritza, zerealak, kontserbak eta edariak. Foro horietan, laborea eta produkzioak ahalik eta onenak izan daitezen eta elikagai integralen garapena eragitearren mundu osoan gauzatzen ari diren proiektuak aurkeztuko dira.

Food 4 Future delako ekitaldian bildu diren profesionalen artean, nabarmentzekoak dira: José M. Ordovás nutrizioan espezializatua eta Tufts University unibertsitateko Nutrition and Genomics zuzendaria, Andoni Luis Aduriz Mugaritz jatetxearen fundatzaile eta hango sukaldari buru ospetsua, Graham Cross Innosapiens-en guru teknologiko eta fundatzailea; Gerd Buta, World Food Programme programako Innovation Advisor delakoa, Carmen Gómez-Acebo, Coca Colako jasangarritasuneko arduraduna; Paul Newnham, jasangarritasuneko eta elikagaigintzako sistemetako espezialista eta SDG2 delakoaren zuzendaria, Roselyne Chane produkzioko hondakinen birbalorazioko aditu eta Sanygramen zuzendari nagusia; Ricardo Fernández Carrefour-eko kalitateko eta garapen jasangarriko zuzendaria, Ignacio Muñoz Angulas Aguinagako CEOa, Alejandro Arranz Mahou San Miguel enpresako Corporate Ventures eta teknologia berrietako zuzendaria, edo Jon Ander Egaña Monasterio Basque Food Cluster delakoaren General Manager delakoa, beste askoren artean.

TALENTU BERRIA 2022KO FOOD 4 FUTURE EKITALDIAN

Food 4 Future Expo Foodtech delakoaren bigarren edizioan, 4.000 metro koadro baino gehiago izango dira erakusketarako ez bestetarako, nazioartean une honetan garatzen ari diren startups foodtech delakoen ekosistema osoari leku egiteko.

Nazioarteko 200 startup-ek baino gehiagok parte hartuko dute FoodTech Startup Forum delakoan, eta elikagaigintzako industriarako foodtech proiektu eta soluzioak jarriko dira han erakusgai; halaber, Get in the Ring Bilbao delako talentu berria sustatzeko ekimenean ere parte hartuko dute, zeina lehenengoz antolatzen baita Euskadin, Get in the Ring izeneko erakundearen eta ICEX delakoaren eskutik.

Food 4 Future delakoa NEBEXTek eta AZTI teknologia-zentroak antolatzen dute, eta lehenengo edizioaz geroztik, Eusko Jaurlaritzaren laguntza izan du HAZI erakundearen bitartez. Hazik Food Tech industriaren ESBPEaren buru (Ekonomia Suspertzeko eta Berritzeko Proiektu Estrategikoa, gaztelaniaz PERTE) izan nahi du Estatuan, eta Euskadi industriaren mundu mailako erreferente bihurtu. Era berean, Bilboko Udalaren laguntza ere izan du, hiriak konpromisoa hartuta baitauka elikagaien industriarako hiriburu gisa garatzeko, eta aukera baten moduan ikusten baitu Food 4 Future, Bilbo munduko hiriburu gisa finkatzeko Bilbo. Halaber, badu ICEX eta MAPA erakundeen babesa ere, bi erakunde horien asmoa baita aurrerantzean ere Spain FoodTech Nation delako marka garatzea nazioartean.

Beste erakunde estrategiko batzuek ere, hala nola NEIKER, ELIKA, EIT Food, ILSI Europe, Eatable Adventures for life, SPRI, Eatable Adventures, ERIAFF, Santelmo Business School, FIAB edo IASP (International Association of Science Parks and Areas of Innovation) erakundeek, berretsi dute foro hau babesten dutela, funtsezkoa baita industria berrasmatzeko.