• Bilboko Udalak protagonismo handiagoa hartu du hiriko enplegu-politiketan, Enpleguari buruzko Euskal Lege berria betez. Lege horrek eskumen gehiago eta tokiko enplegurako paradigma aldatzea dakartza.
• Euskadiko Tokiko Enplegu eta Garapenerako Plana egiteko 11 udalerri pilotuetako bat izateko aukeratu du hiribildua Eusko Jaurlaritzak. Plana urteko lehen hiruhilekoan aurkeztuko da.
• Bilboko Tokiko Enplegu eta Garapenerako Plana diagnostiko sozioekonomiko parte-hartzailean oinarrituko da, eta gaur goizean Juan Mari Aburto Alkatea buru dela Bilboko Tokiko Enplegu eta Garapenerako lehen Mahaia sortu duten 24 eragileei aurkeztu zaie.
• Udalen rol-aldaketa horrek aro berri baten hasiera ekarri du. Hala, enplegu-politika publikoek eragin zuzena izango dute herritarrengan eta bilbotarren behar zehatzei erantzungo diete.

Bilbok gaur sortu du bere lehen Tokiko Enplegu eta Garapenerako Mahaia, Juan Mari Aburto Bilboko Alkatea buru duela. Gaur goizean Mahaia eratzeko ekitaldia eta lehen bilera egin dira, eta bertan izan dira Mahaia osatzen duten Euskadiko 24 eragileak.

“Elkarlaneko gobernantza-eredu batean oinarrituta, formatu berri honek aukera ematen digu udal-lidergoa duen hiri-proiektu bat izateko, enplegutik harago doan ikuspegi estrategikoago bat izateko, bai eta gure herritarren beharrei erantzungo dieten enplegu-politika eraginkorrak diseinatu eta gauzatzeko ere, Eusko Jaurlaritzarekin koordinatuta. Gainera, bermatutako baliabideek ahalbidetuko dute gure hiriko enplegua eta garapen ekonomikoa babesteko programen egonkortasuna”, esan du Juan Mari Aburtok Zabalguneko eraikinean egindako ekitaldian.

2023ko abenduan onartutako lehenengo Enpleguaren Euskal Lege berriaren (15/2023) baitan, Bilboko Udalak eskumen berriak bereganatu ditu eta enplegu-politiken diseinuan, plangintzan eta betearazpenean funtsezko eragile bihurtu da, aro berri bati hasiera emanez eta hiriko enpleguaren sustapenean eragile nagusi gisa sendotuz.

Ildo horretan, Bilboko Udalak berretsi egiten du lankidetza publiko-pribatuarekin, berrikuntzarekin eta enplegu-politika inklusibo eta iraunkorrak eraikitzearekin duen konpromisoa, pertsonentzat aukerak sortzen, ekintzailetza sustatzen eta tokiko ehun ekonomikoaren lehiakortasuna indartzen laguntzeko.

Eusko Jaurlaritzak Bilbo hautatu du Euskadiko 11 udalerri pilotuetako bat izateko. Horregatik, Bilbok bere lehen 2026/2030 Tokiko Enplegu eta Garapenerako Plana garatuko du, herritarren beharretara egokitutako ekintza zehatzak bultzatzeko. Aurtengo lehen hiruhilekoan aurkeztuko da, Bilboko Udaleko Gobernu Batzordean eta Enplegu Politika Publikoen Euskal Kontseiluan onartu ondoren. Planak Bilboko enplegua eta garapen ekonomikoa sustatzeko ildo estrategikoak zehaztuko ditu, ikuspegi zabal, zeharkako eta integratzaile batetik. Gaur eratutako Tokiko Enplegu eta Garapenerako Mahaia, Talde Eragilearekin (beste 38 eragilez osatua) eta Lantaldeekin batera, Bilboko Enplegu eta Toki Garapeneko Planaren programak diseinatzeko eta etengabeko jarraipena eta ebaluazioak egiteko tresnak izango dira.

Eusko Jaurlaritzaren (Lanbideren bidez) eta Bilboko Udalaren arteko lankidetza-hitzarmenaren barruan, urtearen bigarren erdian aurreikusi da 2026/2030 Tokiko Enplegu eta Garapenerako Planean proposatutako tokiko lehen ekintzak garatzen hastea. Ekintza horiek eragin zuzenagoa izango dute herritarrengan, eta egonkortasuna eta jarraitutasuna bermatuko dute.

ETENGABEKO ELKARLANEKO GOBERNANTZA

Bilboko Tokiko Enplegu eta Garapenerako lehen Mahaia lankidetzarako eta tokiko enplegu eta garapeneko udal-politikak eraikitzeko partaidetza-gune gisa eratu da gaur, lurraldeko eragile sozioekonomiko nagusiak bilduta. Horrela, Bilbok denboran zehar gobernantza jarraitua ahalbidetuko duen sare-lana lortuko du.

Hauek dira Mahaian parte hartzen duten eragileak: Bilboko Udaleko Ekonomiaren Garapen, Merkataritza, Turismo eta Enplegu Zinegotzigoa; Bilbao Ekintza udal-sozietatea; Eusko Jaurlaritzako Lanbide Heziketako, Unibertsitate Politikako, Enplegu eta Gizarteratze Politikako eta Hezkuntza Politiketako Sailburuordetzak; Bizkaiko Foru Aldundiko Ekonomia Sustatzeko Zuzendaritza eta Enplegua, Gizarte Kohesioa eta Berdintasuna Sustatzeko Zuzendaritza; Lanbideren Bizkaiko Lurralde Bulegoa; Ikaslan Bizkaia; Euskal Herriko Unibertsitatea; Deustuko Unibertsitatea; Mondragon Unibertsitatea; CEBEK; ASLE; Merkataritza Ganbera; KONFEKOOP; Gizardatz; Gizatea; Bilbao Metropoli 30; UGT eta CCOO.

DIAGNOSTIKO SOZIOEKONOMIKOA ETA ENPLEGUARI BURUZKOA

Bilboko Udalak, enplegu iraunkorra eta kalitatezkoa sortzeko eta tokiko ekonomiaren ekintzailetza eta dibertsifikazioa sustatzeko helburuarekin, diagnostiko sozioekonomikoa eta enplegu integralaren arlokoa egin du. Bilboko egoera sozioekonomikoaren eta lan-egoeraren azterketa sakona da, eta hainbat eragilek parte hartu dute eta lankidetzan aritu dira. Ondorio nagusiak gaur goizean aurkeztu dira Bilboko Alkatea buru duen Tokiko Enplegu eta Garapenerako Mahaian.

Diagnostikoak ez du soilik Bilboko lan-merkatuaren egoera aztertzen; bost eremu hauek ere aztertzen ditu: demografia, jarduera ekonomikoak, prestakuntza eta trebakuntza, lehentasunezko kolektiboak eta testuinguru sozial eta politikoa.

Ematen dituen datuen bolumen handiari dagokionez, aipagarria da Bilboko langabezia-tasa % 6,3koa dela, eta langabeen % 56 dela 45 urtetik gorakoa. Egungo langabezia-tasak aukera emango du politika aktiboak bideratzeko, ez bakarrik langabezia murriztera, baita kalitate handiagoko enplegua bultzatzera ere, egonkortasuna, prestakuntza eta lan-baldintzak hobetzea sustatzen duten ekimenak lehenetsiz.

Era berean, ikusten da bilbotarrek goi-mailako hezkuntza nahiko altua dutela (% 47,8) eta jarduera ekonomikoak lau sektoretan kontzentratuta daudela (% 50). Gainera, diagnostiko horretatik abiatuta, Bilborako aurkezten diren erronken artean, belaunaldi arteko erreleboa, ekintzailetza sustatzea, kolektibo kalteberak gizarteratzea eta laneratzea, eta prestakuntza-eskaintza merkatuko joera berrietara egokitzea aipatzen dira.

Horrela, Bilboko diagnostiko sozioekonomiko eta enplegu-diagnostiko horren bidez, Udalak bermatzen du herritarren eta produkzio-sarearen benetako beharretara egokitutako Tokiko Enplegu eta Garapenerako Plana izango duela, eta ildoak zehaztuko ditu, ez bakarrik udalerri mailan, baita fokua barruti eta auzoen araberako behar zehatzetan jarrita ere.

2025/2026 ENPLEGU PLANA

Hiriko Tokiko Enplegu eta Garapenerako lehen Plana garatzeko diagnostikoan egindako lanarekin eta Tokiko Enplegu eta Garapenerako lehen Mahaia eratzearekin batera, Bilboko Udalak 2025/2026 Enplegu Plana aktibatu du abendutik, Lanbiderekin lankidetzan. Helburua lanpostu berriak sortzea eta Hiribilduaren jarduera ekonomikoa sustatzea da, baita egoera ahulenean dauden kolektiboei lan-merkatuan sartzen laguntzea ere.

2025/2026 urteetarako diseinatu den Bilboko Enplegu Planak 482 lanpostu berri sortuko ditu guztira: 412 lanpostu, (aurreko edizioan baino 8 gehiago), Enpleguaren Plan Arruntekoak dira; horietatik 248 tokiko enpresa pribatuek egindako kontratazioak dira, Eusko Jaurlaritzak/Lanbidek eta Bilboko Udalak emandako laguntzen bidez; eta 164 udal-eremutik egindako kontratuak dira, Bilbao Ekintzaren bidez erabilera edo interes publikoko jardueretarako.

Gazteen aldeko apustuari jarraipena emateko, 70 lanpostu sortuko dira Gazteen Enplegu Planaren barruan, eta Bilbao Ekintzak kontratu zuzenak egingo ditu Udaleko eta udal-erakundeetako hainbat arlotan jarduteko, urtebeteko iraupenarekin.

Enplegu Planaren azken ediziorako aurrekontua 8,5 milioi eurokoa da; horietatik 6,5 milioi euro Eusko Jaurlaritzari dagozkio, eta 2 milioi euro Bilboko Udalari.

 

REDES SOCIALES:

• BILBAO UDALA: YOUTUBE | FACEBOOK | X | INSTAGRAM | TIK TOK
• BILBAO EKINTZA: YOUTUBE I FACEBOOK | X | INSTAGRAM
• BILBAO TURISMO: FACEBOOK I X I INSTAGRAM

Bilbao Ekintzak, Bilboko Udalaren udal-erakundeak, gonbidatu nahi zaitu 2025eko azaroaren 27an (osteguna) 10:00etatik 14:00etara egingo den enpresa-jardunaldira; ekonomia zirkularra izango dugu hizpide eta hitzaldi inspiratzailea eta tailer praktikoa uztartuko ditu. 

Nicola Cerantola ingeniari industriala izango da ikastaroaren irakaslea eta dinamizatzailea; Ecologing enpresako sortzailea eta zuzendaria da, aholkularia, ekodiseinuaren tutore eta irakasle elkartua askotariko unibertsitatetan eta negozio-eskolatan, bai eta ekintzailetza berdean eta ekonomia zirkularrean nazioarteko aditua ere. 

Bilboko mikroenpresei eta ETEei zuzenduta dago jardunaldia, haien jarduera-sektorea edozein dela ere, eta helburua da aztertzea nola baliatu ahal garen ekonomia zirkularraz baliabideak hobeto erabiltzeko, kostuak murrizteko eta tokiko balioa sortzeko, abantaila lehiakorra izan dadin. 

Hitzaldia (ordubete) 

Bertotik abiatu eta berritzea: Nola lortu zure negozioa eraginkorragoa, erresilienteagoa eta zirkularragoa izatea? 

Tailer praktikoa (hiru ordu) 

Circular Sprint EcoCanvas: diseina ezazu zure negozio-eredu zirkularra  

Prozesu arin eta bisualaren bitartez, zure negozio-eredu propioa landuko duzu, eta hauexek identifikatu beharko dituzu: hobetu beharreko esparruak, berritzeko aukerak eta kostuak murrizteko, baliabideak optimizatzeko nahiz erresilientzia sendotzeko aukera zehatzak. 

Amaitzean, eredu zirkularreko lehen prototipoa eta ibilbide-orria izango dituzu, horiek oinarri hartuta aurrera egin dezazun eta zure kudeaketa eraginkorragoa nahiz lehiakorragoa izan dadin eta merkatuko eskaera berriei erantzun diezaien. 

Ikastaroaren leku-kopurua mugatua da; hortaz, parte hartuko duten enpresak aukeratuko dira. 

 

• Data: 2025eko azaroaren 27a, osteguna 
• Ordutegia: 10:00etatik 14:00etara 
• Tokia: Ataria. Zabalgune eraikina, Zabalgune plaza 11, Bilbo. 

 

Izena emateko azken eguna: 2025eko azaroaren 25a (asteartea), 24:00etan, edo LEKU GUZTIAK BETE ARTE.  IZENA EMATEA DOAKOA DA.  

Imajina dezakezu lanordu errepikakorrez libratzea eta zure enpresaren funtsezko prozesuak optimizatzea Adimen Artifizialarekin eta automatizazioarekin?

Hurrengo asteartean, azaroak 11, sei orduko tailer praktiko batera gonbidatzen zaitugu. Bertan kasu errealak eta AA zure egunerokotasunean aplikatzeko tresna eskuragarriak aztertuko ditugu.

Hauxe lortuko duzu:

• Zure enpresan automatiza daitezkeen prozesuak identifikatzea
• Kudeaketari, salmentei eta eragiketei aplikatutako AAko tresnak ezagutzea
• Doako ezarpen pilotu baterako sarbidea (kopuru mugatua)

Tailerra: Azaroaren 11n
Iraupena: 6 ordu, 09:00etatik 15:00ak arte
Modalitea: Aurrez aurre
Izen-ematea doakoa da eta plaza mugatuak

Tailerraren ostean hamar enpresa hautatuko dira in company ezarpen pertsonalizatua jasotzeko, honako hauek barne hartzen dituena:

• Hasierako saioa: azaroaren 14an, ostirala, 11:00etatik 13:00a arte, automatizatuko diren prozesuak definitzeko.
• Bost orduko bi saio gehigarri, inplementazioan laguntzeko.

Inplementazio-fase hau abenduaren 31 baino lehen amaituko da, soluzioak urtea amaitu aurretik abian egotea ziurtatzeko.

Ez galdu zure enpresan eraginkortasunera eta berrikuntzara aurrera egiteko aukera.

• Bilboko Udalak sustatzen du ekimena, Bilbao Ekintza udal-sozietatearen bidez, eta gaur XVII. edizioa hasi da, non Bilboko 28 enpresak eta 28 mentorek parte hartuko duten; 2008an ‘Mentoring Bilbao’ proiektua abiatu zenetik, inoiz izandako parte-hartzerik altuena da.

• Modu altruistan ezagutza eta esperientzia partekatzen dituzten profesionalen eta hiriko enpresen arteko loturak ezartzen ditu ‘Mentoring Bilbao’-k eta helburua da enpresen estrategia zenbait sektoretan egonkortzea, epe-luzerako ikuspegia hobetzea edo enpresan erabakiak hartzea erraztea.

Bilboko Udalak, Bilbao Ekintzaren bidez, sustatutako ‘Mentoring Bilbao’ programaren XVII. edizioa gaur hasi da Zabalgune eraikinean eta inoizko parte-hartzerik handiena lortu du, tokiko enpresa-sarearen lehiakortasuna hobetzeko udal-proiektua egonkortu den seinale.

Aurten hirurogei enpresak egin dute eskaera eta 28k azken hautaketa-prozesua gainditu dute. Hala, azkenean 28 mentoring–bikote osatu dira, 2008an ‘Mentoring Bilbao’ abiatu zenetik kopururik handiena. Aurreko edizioan 26 enpresak eta mentorek hartu zuten parte.

Aurtengo edizioan hautaketa-fasera heldu diren enpresen artean, %58 autonomoak dira, %40 sozietate mugatuak eta gainerako %2ak beste formula juridiko batzuk ditu. Sektoreka, nabarmentzekoak dira zerbitzu profesionalak (%45), merkataritza (%24) eta kultura-jarduerak (%8). Gainerako ehunekoa sektore hauen artean banatuta dago: turismoa, ostalaritza eta sukaldaritza, zerbitzu pertsonalak eta eraikuntza.

Enpresa parte-hartzaile guztiek hiru urte baino gehiago daramatzate jardunean eta askotariko helburuak dauzkate, hala nola negozioa handitzea edo hedatzea, kanpoko ikuspegi profesionala bilatzea edo eredu estrategikoak eraldatzea.

Mentoreen profilari dagokionez, XVII. edizioan 28 profesionalek parte hartzen dute, %32 emakumezkoak eta %68 gizonezkoak. Azpimarratu beharra dago Bilboko bost mentore berrik bat egin dutela eta, modu altruistan, tokiko enpresa sarearekin ezagutza eta esperientzia partekatuko dituzte.

Programak zortzi hilabete iraungo du eta hautatutako Bilboko 28 enpresek mentore baten laguntza jasotzeko aukera izango dute, haien erronka estrategikoetan, hazkuntza-prozesuetan edo enpresa-ondorengotzan lan egiteko. Topaketen eta bileren bidez, esperientzian oinarritutako ikaskuntzak sortzen dira, ideia berriak txertatzen dira eta negozioak hedatzeko kontaktu gakoen sarea sortzen da.

2008an abiatu zenetik, ‘Mentoring Bilbao’-n guztira 108 mentorek eta 248 enpresak parte hartu dute eta, datu horiekin, hiriko enpresa- eta ekonomia-garapenean ekimen aitzindari gisa egonkortu da.

MENTORING BILBAOREN XVII. EDIZIOKO PARTE-HARTZAILEAK

Mentorea                               Laguntza jasoko duen enpresa

Fernando Agos                       Enfocasa

Pedro Aller                             OR Arquitectura

Cristina Alonso                       Life Moments Desing

Gorka Barrenechea                Qwendi

Roberto Cacho                       Globojaiak Events

Nuria Carrillo                          Bakehouse Agency Creative Solutions

Susana Davila                        Sk2 Peritaciones

Gonzalo Echazarra                Idematika

Fernando Garcia                    Hasten Fisioterapia

Aitor Gazteluiturri                    Somos Psiconutrición

Marta González                      I love Bilbao

Iratze Gurrutxaga                   Clínica Veterinaria IZAR

Javier Gurrutxaga                  Foto5cinco

Iñaki Hernando                       Xaboi

Javier Innerarity                     I1solar

Javi Lezama                           ifelnut-Marot

Raul Lopez                             NIS

Martha Machin                       Kumon

Iratxe Marian                          La Pretada

Mario   Mazaira                       Edison

Gonzalo Mota                         Sin Ley

Cristina Oñate                        Marta Bárcena

Alvaro Peña                            Mosaico Training

Javier Pet                               Marta Gomez Arquitecta

Jose Ramon Rivero               On Jan

Tania Silvestrini                      Freeskate Academy

Jon Suescun                          Ahórratelo

Narciso Vaca                          Librería Binario

SARE SOZIALAK:

• Bilboko Udala: YOUTUBE | FACEBOOK | TWITTER | INSTAGRAM
• Bilbao Ekintza: FACEBOOK | TWITTER | INSTAGRAM

Bilbao Ekintzak, Bilboko Udalaren elkarteak, Enpresa-Jardunaldi berri batera gonbidatzen zaitu datorren urriaren 22an, 09:00etatik 10:30era. Jardunaldia Euskalitek antolatzen duen Kudeaketa Aurreratuaren Europako 31. Astearen barruan burutuko da.

Jardunaldia Bilboko mikroenpresei eta ETEei zuzenduta dago, horien jarduera-sektorea edozein dela ere, eta helburua Adimen Artifiziala hurbiltzea da, enpresa horien beharretara egokitutako konponbideak erakutsiz eta AA bakarrik adituentzat dela baiesten duen ideia hautsiz.

Kontu estrategikoa eta kulturala da, non Adimen Artifiziala funtsezko palanka den lehiakortasunaren hobekuntza bizkortzeko, mikroenpresetan eta ETEetan lan egiten duten pertsonen trebezia eta gaitasun berritzaileak handituz.

Hau guztia lortzeko Gorka García Barrero izango dugu, Grupo Gestionet taldeko AAren  integrazio Departamentuko Automatizazioen arduraduna.

PROGRAMA

• Kasu praktiko erreala: Marta Sotés Erostarbe, La Galería-ko (Marketing Agentzia) gerentea.

• AAri buruzko kontzeptu nagusiak: definizioa, bilakaera teknologikoa, onurak eta eragozpenak.

• Paradigma-aldaketa: enpresa-kultura, birmoldaketa profesionala, egiaztapena eta kontrastea, desbideratzeak eta haluzinazioak.

• Konponbideak eta tresnak: laguntzaileak, kopilotuak, MCPSekiko konektagarritasuna eta lagundutako automatizazioak.

• AA irekia vs itxia: sistema jabedunak, Open Source eta lokalak (seguruak eta pribatuak).

• Lege-ondorioak: AA erregelamendua, jabetza intelektualaren legeria, gizaki label (human made).

• Baliabide praktikoak: AAren zerbitzuen gida erabilera sektoreka sustatzeko, eta eranskina, prestakuntza jasotzeko erakunde eta kanal gehigarriekin.

• Ondorioak eta galderak.

 

JARDUNALDIARI BURUZKO INFORMAZIOA

Data: 2025eko urriak 22, asteazkena

Ordutegia: 09:00etatik 10:30era.

Lekua: Zabalguneko eraikina, Zabalgune Plaza 11, Bilbo

Izena emateko azken eguna: urriaren 21a, 13:00 ean edo PLAZAK BETE ARTE.

INSKRIPZIOA DOAKOA DA

• ‘Mentoring Bilbao’ programaren XVI. edizioko itxiera ekitaldia ospatu da; aurtengo edizioan inoizko parte hartzerik handiena egon da, eta horrek argi erakusten du programa hori tokiko enpresa-sarea indartzeko oinarrizko tresna dela.

• “Balio handiko laguntza estrategikoa ematen duzue eta horrek aukera ematen die hainbat sektoretako ETE eta merkatariei haien posizionamendua hobetu eta haien negozio-ereduak egokitzeko”, azaldu die mentoreei Kontxi Claver Bilboko Udaleko Ekonomiaren Garapeneko, Merkataritzako, Turismoko eta Enpleguko zinegotziak.

‘Mentoring Bilbao’ programaren XVI. edizioko itxiera ekitaldiak parte hartzeak errekorra gainditu duen edizio arrakastatsu bati eman dio amaiera. Izan ere, 26 izan dira era altruistan, beren jakintza eta esperientzia hiriko ETE eta merkatariekin partekatu duten mentoreak. Zortzi hilabetetan zehar, merkataritza, zerbitzu profesionalak, kultura, teknologia, turismoa eta beste sektore batzuetako 26 enpresek laguntza estrategiko pertsonalizatua jaso dute, haien hazkuntzarako, posizionamendurako eta negozio-eredurako hobekuntzak sustatzeko.

Landu diren helburuen artean, mentoreek eta mentoretza horiek jaso dituztenek hainbat gairen inguruan hausnartzeko aukera izan dute, besteak beste, barne prozesuen berrikuspena edo optimizazioa akatsak murrizteko, negozio bide edo produktu berrien garapena, negozioaren errentagarritasunaren hobekuntza, denboraren kudeaketaren hobekuntza edo merkataritza-estrategiaren berrikuspena eta ekintzen planifikazioa.

‘Mentoring Bilbao’ ekimenaren edizio honetan, aurrekoan baino sei mentore gehiago egon dira. Igoerak argi uzten du ekintzailetza eta tokiko merkataritza-sarea indartzeko oinarrizko tresna bat dela.

2008an ‘Mentoring Bilbao’ sortu zenetik, 2024-2025 ikasturte honetan mentoretza bikote gehien (26) lortu dira, hiriko merkataritza garapenarekin konprometituta dauden bikoteen kopurua indartuz horrela. Martxan jarri zenetik, 100 mentore eta 248 enpresa baino gehiagok hartu dute parte lankidetzaren, partekatutako talentuaren eta tokiko garapen ekonomikoaren garrantzia azpimarratzen duen egitasmo honetan.

“Denbora, jakintza eta esperientzia partekatzeaz gain, gure enpresak hazi eta indartzeko bideak irekitzeko gai izan zarete, egun dituzten erronkei arrakastaz aurre egiteko gai izan daitezen”, adierazi du Kontxi Claverrek Arabiar Aretoan antolatu den errekonozimendu ekitaldian presente zeuden mentoreei zuzenduta. “Balio handiko laguntza estrategikoa ematen duzue, hainbat sektoretako ETE eta merkatariei haien posizionamendua eta hazkuntza hobetzeko aukera ematen diena, beren negozio ereduak geroz eta lehiakorragoa den ingurune batera egokitzearekin batera. ‘Mentoring Bilbao’ tokiko garapen ekonomikorako motore izugarria da, kolaborazio espazio bat, non talentuak eta esperientziak bat egiten duten etorkizuna eraikitzeko. Laguntzearekin batera hazi egiten den baloreen hiria sustatzen duzue. Eta hori da lortu nahi dugun Bilbo”.

OPARI GARRANTZITSU BAT

Ekitaldiaren baitan, mentoreek opari garrantzitsu bat jaso dute, mirespen, eskertze eta errekonozimendu instituzional gisa, The Real Studiok oraingo honetarako propio sortua eta mentoretza eta hiriaren arima irudikatu nahi dituena.

Hiru dimentsioko eskultura bat da, ‘M’ itxurakoa —‘mentoring’ hitzaren ikurra— eta Bilboko Alde Zaharreko hiri-sareak osatuta dago, gogora ekartzeko bai hiriaren bihotza bai mentoretza, hau da, laguntzea, gidatzea eta aztarna uztea. Bilbon bere osotasunean sortu den piezak, sustrai sendoekin eta etorkizunera begira lokaletik eraikitzeak duen balioa helarazi nahi du. Eragintza gizarteratze erakundeak egindako bilgarri batekin osatu da, era horretan, dimentsio soziala eta lan integrazioarekiko konpromisoa gehitu zaizkio errekonozimenduari.

26 PAREKATZEAK

Honako hauek dira ‘Mentoring Bilbao’ programaren XVI. edizioan parte hartu duten eta errekonozimendua jaso duten mentoreak eta mentoretza jaso duten enpresak eta pertsonak:

MENTOREEN ETA MENTORIZATUTAKO ENPRESA ETA PERTSONEN ZERRENDA:

• Fernando Agos: Edúcame en Positivo (Sandra Martin)
• Cristina Alonso: La Dolce Vita (Sonia Corrales)
• Gorka Barrenechea: 1000curvasbilbao (David Abad)
• Miguel Ángel Cervera: Tellmewow (Jose Maria Martinez)
• Susana Dávila: Clínica Veterinaria Karmelo (Ainara Eguren y Ainhoa Leciaga)
• Jose Luis Fierro: Meraki Estudio (Naiara Gallego)
• Bernardo García: Magna Dea (Ainhoa Camara)
• Fernando García: Arrikibar Gestión (Iñigo Trigo)
• Aitor Gazteluiturri: Arduan (Abigail Palacios)
• Iratxe Gurrutxaga: Bscooter (Harri Vergara)
• Javier Gurrutxaga: Gestoría Asesoría Castaños (Alexander Castaños)
• Iñaki Hernando Mendivil: Bohemian Lane (Sandra Mateo)
• Javier Innerarity: Almarza Odontología (Nestor Almarza)
• Koldo Lasala: Ascofi Berria (Lander Ahedo)
• Javi Lezama: Marco Topo (Mikel Villa)
• Raúl Lopez: Espacio Invisible (Ena Fernández)
• Martha Machin Hecht: Enolviz (Marilo Moreno)
• Iratxe Marian: Macrama Handmade (Jaione Bascones)
• Mario Mazaira: Estudio Matrelle (Natalia Matrelle-Miriam Díez)
• Gonzalo Mota: North Bike Tours (Alberto Larrondo)
• Cristina Oñate: Aferso (Ana María Fernández)
• Javier Pet: Apartelier (Tamara Fraile)
• José Ramón Rivero: CustomTPV (Andoni García)
• Tania Silvestrini: Centro de Estética Tania Lorenzo (Tania Lorenzo)
• Inma Uzkudun: Customeus (Iker Udaondo)
• Narciso Vaca: Marta Murgia Diseñadora Gráfica (Marta Murgia)

SARE SOZIALAK:

• BILBAO UDALA: YOUTUBE | FACEBOOK | X | INSTAGRAM | TIK TOK
• BILBAO EKINTZA: YOUTUBE I FACEBOOK | X | INSTAGRAM
• BILBAO TURISMOA: YOUTUBE | FACEBOOK I X I INSTAGRAM

Bilbao Ekintzak, Bilboko Udalaren udal-erakundeak, gonbita luzatzen dizu ostegunean, uztailaren 3an, 14:00etatik, 16:00etara egingo den enpresa-jardunaldi honetara: “Retail-a eboluzioan: saltzen duten joerak eta komertzioak”. Bertan, txikizkako merkataritzaren norabidea zehazten ari diren joera berritzaileenak izango dira hizpide.

 

Jardunaldia Bilboko txikizkako saltoki guztiei zuzenduta dago eta gako eta estrategia berritzaileenak aurkezteko helburua izango du. Bezeroan, esperientzian, jasangarritasunean, zirkulartasunean… zentratutako ikuspuntua barnebilduko duten joerak landuko dira, txikizkako merkataritzaren bilakaera bultzatzeko, azken horri balio erantsi bat emanez, haren lehiakortasuna hobetu eta itxierak ekiditeko.

 

Horretarako, bi hizlari izango ditugu: María López de Guereñu eta Igone Castillo Oramas (Doctora Retail).

EGITARAUA

• Bilbao Ekintzaren sarrera
• Estrategia eta berrikuntza komertziala – María López de Guereñu.
• Retail-en joerak: phygital, esperientzien retail-a, serbitizazioa, jasangarritasuna eta zirkularitatea, etab. Igone Castillo Oramas (Doctora Retail).
• Galderak eta itxiera.

 

Izena emateko azken eguna: asteazkena, 2025eko uztailaren 2a, 13:00ak arte edo LEKUAK BETE ARTE.

IZENA EMATEA DOAKOA DA.

Tailer honen xedea da aurrez aurreko komunikazioa eta oratoriari buruzko ezagutzak eskaintzea. Zure enpresaren istorioa eta zure balio-proposamena era limurtzaile eta eraginkorrean komunikatzeko beharrezko tresnak eta teknikak ezagutaraziko dira.

Gainera, programak laguntza pertsonalizatua eskainiko dio tailerrean parte hartuko duen pertsona-sorta bati.

Enpresa-komunikazio eta oratoria tailer hau aukera praktiko baliotsua da zure komunikazio-gaitasunak hobetzeko, bai aurkezpen publikoetan, bai barne- edo merkataritza-testuinguruetan. 

Horretarako, Susana Santolaria bideratzaile eta aholkulariarekin lankidetzan arituko gara, oratorian eta antolakuntza-komunikazioan espezializatutako kazetaria.

EGITARAUA

1.fasea: Lau orduko tailerra, non honako eduki hauek landuko diren:

• Zer komunikatzen dudan: mezua.
• Zure ahotsa zure marka bihurtu.
• Ikusten zaituzten bezala ikusten duzu zeure burua: ez-hitzezko komunikazioa.
• Sortu zure marka.

2. fasea: Banakako saioak, komunikazio-tresnak modu pertsonalizatuan lantzeko. Honako alderdi hauetan sakonduko dugu:

• “Saltzeak” dakarren aurreiritzia gainditzea.
• Aholkularitza enpresaren kanpo- eta barne-komunikazioan.
• Lantaldeen lidergorako oratoria.
• Webgunean enpresaren profila berrikustea eta hura hobetzeko edo sortzeko beste bitarteko batzuk.

Tailerra Bilboko mikroenpresa eta ETE guztiei irekitako aukera erabilgarri eta hezigarri gisa aurkezten da, jarduera sektorea edozein dela ere.

Data: 2025eko ekainaren 25a, asteazkena

⌚Ordutegia: 09:30tik 13:30era.

Tokia: 1 gela. Zabalgune eraikina, Zabalgune plaza 11, Bilbao.

Izena emateko azken eguna: asteartea, maiatzaren 24an, 12:30ean edo LEKU GUZTIAK BETE ARTE.

IZENA EMATEA DOAKOA DA.

Bilbao Ekintzak, Bilboko Udalaren udal-sozietateak, gonbidapena luzatzen dizu datorren ostegunean, maiatzaren 15ean, 09:30etik 11:15era, Ingurumen Jasangarritasunari eta Ekonomia Zirkularrari buruzko enpresa-jardunaldira etor zaitezen. Bertan, haren garrantziari buruz eta mikroenpresei eta enpresa txiki eta ertainei egiten dien ekarpenari buruz hitz egingo dugu.

Jardunaldia Bilboko mikroenpresa eta ETE guztiei zuzenduta dago, horien jarduera sektorea edozein delarik ere, eta honako gai hauen inguruko ezagutzak ematea izango du helburu: araudia, ekonomia zirkularren eredu baterako trantsizioa, horrek dakartzan aukerak eta onurak, finantzaketa jasangarriaren panorama orokorra eta proiektu zirkularretarako eskuragarri dauden laguntzak eta dirulaguntzak.

Horretarako, ondokoak izango dira gurean: Alanna España Fernández, Global Factor enpresako Ekonomia Zirkularreko Project Managerra, eta Maria Elisa Arroyo Olaizola, Kutxabankeko ESGko arduraduna.

 

PROGRAMA

• Ingurumen Araudiaren eta Ekonomia Zirkularraren hastapenak, ETEei dagokienez
• Eredu zirkularrerako trantsizioa:

– Funtsezko ekintzak: baliabideak nola aprobetxatu, berreskuratu eta birsortu.

– Zure ETEa eraldatzeko helburuak eta estrategiak.

– Hasierako ebaluaziotik inplementaziora.

– Ekintza-eremuak: lehengaia, ura, energia, hondakinak eta mugikortasuna.

– Zure enpresan Ekonomia Zirkularra ezartzearen onura nagusiak.

• Finantzaketa berdea ETEentzat:

– Panorama orokorra: jasangarritasunaren arloko betekizunak, irizpideak eta eskaintza.

– Finantzaketa berdea eskuratzeko aukerak, abantailak eta onurak.

– Proiektu zirkularretarako eskuragarri dauden laguntza eta dirulaguntza nagusiak.

• Arrakasta kasuak ETEetan

-Hainbat sektoretako adibide nabarmenak, hala nola eraikuntzan, ehungintzan, turismoan, ostalaritzan, elektronikan eta etxetresna elektrikoetan.

– Jardunbide egokiak ekodiseinuan, konponketa-zerbitzuetan, birmanufakturan eta hondakinen kudeaketan.

• Jardunaldiaren amaiera: ondorio nagusiak, galderak, erantzunak eta esperientziak trukatzea.

Izena emateko azken eguna: asteazkena, maiatzaren 14an, 13:30ean edo LEKU GUZTIAK BETE ARTE.  IZENA EMATEA DOAKOA DA.