by

  • ‘Mentoring Bilbao’ programaren XVI. edizioko itxiera ekitaldia ospatu da; aurtengo edizioan inoizko parte hartzerik handiena egon da, eta horrek argi erakusten du programa hori tokiko enpresa-sarea indartzeko oinarrizko tresna dela.

  • “Balio handiko laguntza estrategikoa ematen duzue eta horrek aukera ematen die hainbat sektoretako ETE eta merkatariei haien posizionamendua hobetu eta haien negozio-ereduak egokitzeko”, azaldu die mentoreei Kontxi Claver Bilboko Udaleko Ekonomiaren Garapeneko, Merkataritzako, Turismoko eta Enpleguko zinegotziak.

‘Mentoring Bilbao’ programaren XVI. edizioko itxiera ekitaldiak parte hartzeak errekorra gainditu duen edizio arrakastatsu bati eman dio amaiera. Izan ere, 26 izan dira era altruistan, beren jakintza eta esperientzia hiriko ETE eta merkatariekin partekatu duten mentoreak. Zortzi hilabetetan zehar, merkataritza, zerbitzu profesionalak, kultura, teknologia, turismoa eta beste sektore batzuetako 26 enpresek laguntza estrategiko pertsonalizatua jaso dute, haien hazkuntzarako, posizionamendurako eta negozio-eredurako hobekuntzak sustatzeko.

Landu diren helburuen artean, mentoreek eta mentoretza horiek jaso dituztenek hainbat gairen inguruan hausnartzeko aukera izan dute, besteak beste, barne prozesuen berrikuspena edo optimizazioa akatsak murrizteko, negozio bide edo produktu berrien garapena, negozioaren errentagarritasunaren hobekuntza, denboraren kudeaketaren hobekuntza edo merkataritza-estrategiaren berrikuspena eta ekintzen planifikazioa.

‘Mentoring Bilbao’ ekimenaren edizio honetan, aurrekoan baino sei mentore gehiago egon dira. Igoerak argi uzten du ekintzailetza eta tokiko merkataritza-sarea indartzeko oinarrizko tresna bat dela.

2008an ‘Mentoring Bilbao’ sortu zenetik, 2024-2025 ikasturte honetan mentoretza bikote gehien (26) lortu dira, hiriko merkataritza garapenarekin konprometituta dauden bikoteen kopurua indartuz horrela. Martxan jarri zenetik, 100 mentore eta 248 enpresa baino gehiagok hartu dute parte lankidetzaren, partekatutako talentuaren eta tokiko garapen ekonomikoaren garrantzia azpimarratzen duen egitasmo honetan.

“Denbora, jakintza eta esperientzia partekatzeaz gain, gure enpresak hazi eta indartzeko bideak irekitzeko gai izan zarete, egun dituzten erronkei arrakastaz aurre egiteko gai izan daitezen”, adierazi du Kontxi Claverrek Arabiar Aretoan antolatu den errekonozimendu ekitaldian presente zeuden mentoreei zuzenduta. “Balio handiko laguntza estrategikoa ematen duzue, hainbat sektoretako ETE eta merkatariei haien posizionamendua eta hazkuntza hobetzeko aukera ematen diena, beren negozio ereduak geroz eta lehiakorragoa den ingurune batera egokitzearekin batera. ‘Mentoring Bilbao’ tokiko garapen ekonomikorako motore izugarria da, kolaborazio espazio bat, non talentuak eta esperientziak bat egiten duten etorkizuna eraikitzeko. Laguntzearekin batera hazi egiten den baloreen hiria sustatzen duzue. Eta hori da lortu nahi dugun Bilbo”.

OPARI GARRANTZITSU BAT

Ekitaldiaren baitan, mentoreek opari garrantzitsu bat jaso dute, mirespen, eskertze eta errekonozimendu instituzional gisa, The Real Studiok oraingo honetarako propio sortua eta mentoretza eta hiriaren arima irudikatu nahi dituena.

Hiru dimentsioko eskultura bat da, ‘M’ itxurakoa —‘mentoring’ hitzaren ikurra— eta Bilboko Alde Zaharreko hiri-sareak osatuta dago, gogora ekartzeko bai hiriaren bihotza bai mentoretza, hau da, laguntzea, gidatzea eta aztarna uztea. Bilbon bere osotasunean sortu den piezak, sustrai sendoekin eta etorkizunera begira lokaletik eraikitzeak duen balioa helarazi nahi du. Eragintza gizarteratze erakundeak egindako bilgarri batekin osatu da, era horretan, dimentsio soziala eta lan integrazioarekiko konpromisoa gehitu zaizkio errekonozimenduari.

26 PAREKATZEAK

Honako hauek dira ‘Mentoring Bilbao’ programaren XVI. edizioan parte hartu duten eta errekonozimendua jaso duten mentoreak eta mentoretza jaso duten enpresak eta pertsonak:

MENTOREEN ETA MENTORIZATUTAKO ENPRESA ETA PERTSONEN ZERRENDA:

  • Fernando Agos: Edúcame en Positivo (Sandra Martin)
  • Cristina Alonso: La Dolce Vita (Sonia Corrales)
  • Gorka Barrenechea: 1000curvasbilbao (David Abad)
  • Miguel Ángel Cervera: Tellmewow (Jose Maria Martinez)
  • Susana Dávila: Clínica Veterinaria Karmelo (Ainara Eguren y Ainhoa Leciaga)
  • Jose Luis Fierro: Meraki Estudio (Naiara Gallego)
  • Bernardo García: Magna Dea (Ainhoa Camara)
  • Fernando García: Arrikibar Gestión (Iñigo Trigo)
  • Aitor Gazteluiturri: Arduan (Abigail Palacios)
  • Iratxe Gurrutxaga: Bscooter (Harri Vergara)
  • Javier Gurrutxaga: Gestoría Asesoría Castaños (Alexander Castaños)
  • Iñaki Hernando Mendivil: Bohemian Lane (Sandra Mateo)
  • Javier Innerarity: Almarza Odontología (Nestor Almarza)
  • Koldo Lasala: Ascofi Berria (Lander Ahedo)
  • Javi Lezama: Marco Topo (Mikel Villa)
  • Raúl Lopez: Espacio Invisible (Ena Fernández)
  • Martha Machin Hecht: Enolviz (Marilo Moreno)
  • Iratxe Marian: Macrama Handmade (Jaione Bascones)
  • Mario Mazaira: Estudio Matrelle (Natalia Matrelle-Miriam Díez)
  • Gonzalo Mota: North Bike Tours (Alberto Larrondo)
  • Cristina Oñate: Aferso (Ana María Fernández)
  • Javier Pet: Apartelier (Tamara Fraile)
  • José Ramón Rivero: CustomTPV (Andoni García)
  • Tania Silvestrini: Centro de Estética Tania Lorenzo (Tania Lorenzo)
  • Inma Uzkudun: Customeus (Iker Udaondo)
  • Narciso Vaca: Marta Murgia Diseñadora Gráfica (Marta Murgia)

SARE SOZIALAK:

by

Bilbao Ekintzak, Bilboko Udalaren udal-erakundeak, gonbita luzatzen dizu ostegunean, uztailaren 3an, 14:00etatik, 16:00etara egingo den enpresa-jardunaldi honetara: “Retail-a eboluzioan: saltzen duten joerak eta komertzioak”. Bertan, txikizkako merkataritzaren norabidea zehazten ari diren joera berritzaileenak izango dira hizpide.

 

Jardunaldia Bilboko txikizkako saltoki guztiei zuzenduta dago eta gako eta estrategia berritzaileenak aurkezteko helburua izango du. Bezeroan, esperientzian, jasangarritasunean, zirkulartasunean… zentratutako ikuspuntua barnebilduko duten joerak landuko dira, txikizkako merkataritzaren bilakaera bultzatzeko, azken horri balio erantsi bat emanez, haren lehiakortasuna hobetu eta itxierak ekiditeko.

 

Horretarako, bi hizlari izango ditugu: María López de Guereñu eta Igone Castillo Oramas (Doctora Retail).

EGITARAUA

  • Bilbao Ekintzaren sarrera
  • Estrategia eta berrikuntza komertziala – María López de Guereñu.
  • Retail-en joerak: phygital, esperientzien retail-a, serbitizazioa, jasangarritasuna eta zirkularitatea, etab. Igone Castillo Oramas (Doctora Retail).
  • Galderak eta itxiera.

 

Izena emateko azken eguna: asteazkena, 2025eko uztailaren 2a, 13:00ak arte edo LEKUAK BETE ARTE.

IZENA EMATEA DOAKOA DA.

by

Tailer honen xedea da aurrez aurreko komunikazioa eta oratoriari buruzko ezagutzak eskaintzea. Zure enpresaren istorioa eta zure balio-proposamena era limurtzaile eta eraginkorrean komunikatzeko beharrezko tresnak eta teknikak ezagutaraziko dira.

Gainera, programak laguntza pertsonalizatua eskainiko dio tailerrean parte hartuko duen pertsona-sorta bati.

Enpresa-komunikazio eta oratoria tailer hau aukera praktiko baliotsua da zure komunikazio-gaitasunak hobetzeko, bai aurkezpen publikoetan, bai barne- edo merkataritza-testuinguruetan. 

Horretarako, Susana Santolaria bideratzaile eta aholkulariarekin lankidetzan arituko gara, oratorian eta antolakuntza-komunikazioan espezializatutako kazetaria.

EGITARAUA

1.fasea: Lau orduko tailerra, non honako eduki hauek landuko diren:

  • Zer komunikatzen dudan: mezua.
  • Zure ahotsa zure marka bihurtu.
  • Ikusten zaituzten bezala ikusten duzu zeure burua: ez-hitzezko komunikazioa.
  • Sortu zure marka.

2. fasea: Banakako saioak, komunikazio-tresnak modu pertsonalizatuan lantzeko. Honako alderdi hauetan sakonduko dugu:

  • “Saltzeak” dakarren aurreiritzia gainditzea.
  • Aholkularitza enpresaren kanpo- eta barne-komunikazioan.
  • Lantaldeen lidergorako oratoria.
  • Webgunean enpresaren profila berrikustea eta hura hobetzeko edo sortzeko beste bitarteko batzuk.

Tailerra Bilboko mikroenpresa eta ETE guztiei irekitako aukera erabilgarri eta hezigarri gisa aurkezten da, jarduera sektorea edozein dela ere.

Data: 2025eko ekainaren 25a, asteazkena

⌚Ordutegia: 09:30tik 13:30era.

Tokia: 1 gela. Zabalgune eraikina, Zabalgune plaza 11, Bilbao.

Izena emateko azken eguna: asteartea, maiatzaren 24an, 12:30ean edo LEKU GUZTIAK BETE ARTE.

IZENA EMATEA DOAKOA DA.

by

Bilbao Ekintzak, Bilboko Udalaren udal-sozietateak, gonbidapena luzatzen dizu datorren ostegunean, maiatzaren 15ean, 09:30etik 11:15era, Ingurumen Jasangarritasunari eta Ekonomia Zirkularrari buruzko enpresa-jardunaldira etor zaitezen. Bertan, haren garrantziari buruz eta mikroenpresei eta enpresa txiki eta ertainei egiten dien ekarpenari buruz hitz egingo dugu.

Jardunaldia Bilboko mikroenpresa eta ETE guztiei zuzenduta dago, horien jarduera sektorea edozein delarik ere, eta honako gai hauen inguruko ezagutzak ematea izango du helburu: araudia, ekonomia zirkularren eredu baterako trantsizioa, horrek dakartzan aukerak eta onurak, finantzaketa jasangarriaren panorama orokorra eta proiektu zirkularretarako eskuragarri dauden laguntzak eta dirulaguntzak.

Horretarako, ondokoak izango dira gurean: Alanna España Fernández, Global Factor enpresako Ekonomia Zirkularreko Project Managerra, eta Maria Elisa Arroyo Olaizola, Kutxabankeko ESGko arduraduna.

 

PROGRAMA

  • Ingurumen Araudiaren eta Ekonomia Zirkularraren hastapenak, ETEei dagokienez
  • Eredu zirkularrerako trantsizioa:

– Funtsezko ekintzak: baliabideak nola aprobetxatu, berreskuratu eta birsortu.

– Zure ETEa eraldatzeko helburuak eta estrategiak.

– Hasierako ebaluaziotik inplementaziora.

– Ekintza-eremuak: lehengaia, ura, energia, hondakinak eta mugikortasuna.

– Zure enpresan Ekonomia Zirkularra ezartzearen onura nagusiak.

  • Finantzaketa berdea ETEentzat:

– Panorama orokorra: jasangarritasunaren arloko betekizunak, irizpideak eta eskaintza.

– Finantzaketa berdea eskuratzeko aukerak, abantailak eta onurak.

– Proiektu zirkularretarako eskuragarri dauden laguntza eta dirulaguntza nagusiak.

  • Arrakasta kasuak ETEetan

-Hainbat sektoretako adibide nabarmenak, hala nola eraikuntzan, ehungintzan, turismoan, ostalaritzan, elektronikan eta etxetresna elektrikoetan.

– Jardunbide egokiak ekodiseinuan, konponketa-zerbitzuetan, birmanufakturan eta hondakinen kudeaketan.

  • Jardunaldiaren amaiera: ondorio nagusiak, galderak, erantzunak eta esperientziak trukatzea.

Izena emateko azken eguna: asteazkena, maiatzaren 14an, 13:30ean edo LEKU GUZTIAK BETE ARTE.  IZENA EMATEA DOAKOA DA.

by

  • Juan Mari Aburto alkateak “Bilbao European Encounters“ topaketen beste edizio bat inauguratu du. Eztabaida- eta gogoeta-foro horrek “Europaren etorkizuna gobernatzea: itun tekno-sozial berri baterantz” gaia jorratu du oraingoan.
  • Nazioarteko topaketa honi esker, Europar Batasunaren erronkei buruzko gogoeta-prozesua partekatu ahal izan da eta herritar antolatuen, enpresen eta erakunde publikoen parte-hartzea sustatu da. Izan ere, alkateak esan duen moduan, “teknologiak erritmo bizian egiten du aurrera, eta gure bizitzeko, lan egiteko eta harremanak izateko modua eraldatzen du”.

Bilbon egin da Bilbao European Encounters topaketaren XII. edizioa. Ekitaldia Azkuna Zentroa-Bilboko Alondegian egin da, “Europaren etorkizuna gobernatzea: itun tekno-sozial berri baterantz” izenburupean. Bilboko Udalak, BBK Kunak, Globernancek eta AI&Democracy katedrak antolatu dute topaketa eta Europaren etorkizuna gobernatzeko erronka nagusiei buruz hausnartzeko eta erronka horiek partekatzeko balio izan du.

Juan Mari Aburto Bilboko alkateak hasiera eman dio eztabaida- eta gogoeta-foro berri honi Daniel Innerarity Globernance Institutuko zuzendariarekin batera. Ane Miren Ibañez Bilboko Udaleko Modernizazioko zuzendariak ere parte hartu du mahai-inguruetan, zientzia-, ikasketa- eta enpresa-munduko profesionalekin batera.

“Hiriek prest egon behar dugu Europaren etorkizuna gidatzeko. Bilbon, hiri-eraldaketan erreferentea eta Balioen Hiria den heinean, digitalizazio inklusiboaren, jasangarriaren eta Europako adierazleekin lerrokatuaren aldeko apustua egiten dugu, teknologiak pertsonen bizitza hobetzeko balio dezan, inor atzean utzi gabe“, azpimarratu du alkateak bere hitzaldian.

Bilbao European Encounters-en edizio honen helburu nagusia izan da egungo egoeraren gako orokorrak zeintzuk diren jakitea eta itun tekno-sozial berri bat egitea eskatzen duten desafioak aztertzea, bai eta planteatzen ari diren etorkizuneko estrategiak ere, eraldaketa handi bien esparruan (twin-transition): ekologiko-ingurumenekoa eta teknologiko-digitala. Besteak beste, teknologiak herritarrengan, ekonomian eta ingurumenean daukan eragin sakon eta azkarrak sortutako erronkak aztertu dira, bai eta adimen artifizialaren, automatizazioaren, sare sozialen eta beste berrikuntza batzuen inpaktua ere, desafioak sortzen baitituzte etikaren, lanaren eta pribatutasunaren eremuetan.

Ekitaldian zehar hausnartu den moduan, teknologia berriak modu ekitatiboan, seguruan eta jasangarrian garatuko direla bermatzeko, funtsezkoa da gobernuen, enpresen eta herritarren arteko akordio bat, erabilera arduratsua sustatuko duena eta gizarte- eta ekonomia-arrakalei helduko diena.

TEKNOLOGIAREN AURRERAPENA ETA ERAGINA

Alkateak bere hitzaldian azpimarratu du gure historiaren une erabakigarrian gaudela, eta teknologiak “erritmo bizian” egiten duela aurrera, “bizitzeko, lan egiteko eta harremanak izateko dugun modua aldatuz. Bilbok mendeetan zehar moldatzen eta eboluzionatzen jakin du, baina orain, inoiz baino gehiago, konpromiso irmo eta bateratua behar dugu etorkizuneko erronkei aurre egiteko.”

Ildo horretan, azaldu du garapen teknologikoak aurrekaririk gabeko aukerak ekarri dituela, hala nola zerbitzu publikoen eraginkortasuna hobetzea, gure ekonomia bultzatzea eta herritarren bizi-kalitatea hobetzea. Hala ere, erronka esanguratsuak ere sortu ditu, hala nola enpleguaren automatizazioa, eten digitala eta aurrerapen teknologikoak inklusiboak eta guztiontzat onuragarriak direla bermatzeko beharra, “inor atzean utzi gabe”. “Garai konplexuak dira”, esan du, “horren ondorioz, beharrezkoa da erakundeak, enpresak, unibertsitateak eta, batez ere, herritarrak inplikatuko dituen akordio bat lortzea, elkarrekin diseinatu dezagun etorkizuna, teknologia gizarte-kohesiorako tresna izan dadin eta ez desberdintasun-faktore“.

Juan Mari Aburtok gogorarazi du Bilbo bere garaiari aurrea hartu dion hiria izan dela beti. “Gure eraldaketa industriala izan genuenetik artearen, kulturaren eta berrikuntzaren gune gisa berritu garen arte, aurrerapena eta justizia soziala batera joan daitezkeela erakutsi dugu. Eta horrela jarraitu behar dugu eta nahi dugu aurrera egiten.”

GOGOETA ETA EZTABAIDA

Nazioarteko topaketa hau erronka horien guztien inguruan eztabaidatzeko eta hausnartzeko gunea da. Horretarako, esparru akademikoko, erakunde publikoetako, gizarte zibileko eta enpresetako adituak bildu dira, ikuspegiak eta konponbideak partekatzeko.

Horien artean, Antonio Roldán EsadeEcPol-ekoa, esparru-hitzaldiarekin: Draghi txostenaren ondoren: Europaren lehiakortasuna munduko ordena berrian; Cristina Monge, politologoa eta Unibertsitate Konplutentseko irakaslea, jasangarritasunean, kalitate demokratikoan eta trantsizio ekologikorako gobernantzan espezializatua; Julián Florez, VICOMTECHeko zuzendari nagusia; Eva Silván, analisi politikoetan eta gai publikoetan espezializatutako politologoa eta Silván&Miracle-eko zuzendaria ; Rafael Rubio, Madrilgo Unibertsitate Konplutentseko Teknologia eta Demokraziari buruzko Ikerketa Taldekoa (i+dem); María Amparo Alonso Escobar, EAIDeko zuzendari exekutiboa (Ethical Artifical Intelligence for Human Development SL); eta Elena Unzueta, Bizkaiko Caritaseko zuzendaria, besteak beste.

BILBAO EUROPEAN ENCOUNTERS

Bilbao European Encounters 2013an sortu zen, Europar Batasunaren etorkizunari buruzko eztabaida aberasteko asmoz. Foro hori elkarrizketa-gune gisa finkatu da, non akademikoek eta adituek Europako desafio nagusiak aztertzen dituzten, herritarren parte-hartzea eta ideia-trukea sustatuz.

SARE SOZIALAK:

by

Bilbao Ekintzak, Bilboko Udalaren udal sozietateak, Saltokietarako eta ETEetarako aholkularitza-zerbitzua ezagutzeko jardunaldira gonbidatzen zaitu.

Egungo enpresa-testuinguruan, hazkunderako eta oparotasunerako gakoa erabaki informatuak eta estrategikoak hartzean datza. Horretarako, funtsezkoa da negozioari balio bereizgarria emango dion gida-zerbitzu bat izatea, horri esker, negozioaren garapen ekonomikoa bultzatuko baita.

Saltokientzat eta enpresa txiki eta ertainentzat enpresa-hazkundea sustatzen duten profesional adituak izateak dakartzan onuren berri emango dugu. Horretarako, Bilboko Udalak % 100ean diruz lagundutako programa honetan parte hartu duten negozioen lekukotzak emango dira.

• Mendimarket (Gourmet Elikadura) – Marketin- eta komunikazio-aholkularitza
• Bilbo Dulce Salado (Gozogintza gozoa eta artisau-gazia) – Finantza- eta ekonomia-aholkularitza
• Mendilur Position (Ingeniaritza eta topografia soluzio teknologikoak) – Aholkularitza teknologikoa
• Hormaza (Arkitektura-studioa) – Aholkularitza giza baliabideetan

JARDUNALDIARI BURUZKO INFORMAZIOA

• Data: 2025eko Apirilaren 8a, asteartea
• Ordutegia: 09:00etatik 11:00etara.
• Lekua: Zabalgune eraikina, Zabalgune plaza 11, Bilbo.

IZENA EMATEA DOAKOA DA.
LEKU-KOPURU MUGATUA, EDUKIERA BETE ARTE.

by

Bilbao Ekintzak, Bilboko Udalaren udal-sozietateak, Bizkaiko Foru Ogasunarekin lankidetzan, gonbidapena luzatzen dizu 2025eko otsailaren 12an etor zaitezen Batuz-TicketBai zerga-estrategiaren inguruko azken nobedadeak ezagutzeko enpresa-jardunaldira.

Txikizkako merkataritza, ostalaritza, altzarien konponketa, ile-apainketa eta bestelako zerbitzu pertsonalak lanbide dituzten pertsona fisikoei zuzendutako jardunaldia izango da, izan ere, 2025eko uztailaren 1etik aurrera halabeharrez ezarri beharko dute.

Jardunaldiak, BATUZ proiektuaren azken berritasunak, ezartzeko egutegia eta pizgarriak aztertu nahi ditu, baita beste gai batzuk azaldu ere, hala nola: fakturak egitea, TicketBai software bermatzailea, sinadura ziurtagiriak, erregistro liburuak eramatea eta zerga aitorpenak aurkeztea.

Aprobetxa ezazu jardunaldi hau nobedade guztien berri izateko!

 

JARDUNALDIAREN EGITARAUA

14:00. Bilbao Ekintzaren aurkezpena.

14:10 – 15:40. Bizkaiko Foru Ogasuneko eta Izenpeko arduradunak: BATUZ/TicketBAI aurkeztea

  • Begoña Zubieta: Arriskuak Aztertzeko Zerbitzuaren Finantza ikuskatzailea
  • Iñigo Egia Ossorio, Bizkaiko Foru Aldundiko Arriskuak Analizatzeko eta Zerga Iruzurraren aurkako Borroka Koordinatzeko zerbitzuburua.
  • Raquel Garay, Proiektu Arloko arduraduna Izenpen (EAEko administrazioen identifikazio elektronikorako plataforman).

15:40. Galderak egiteko txanda

 

Jardunaldiaren edukia:

  • Ezartzeko egutegi berriaren eta proiektuaren gaur egungo egoera. Aplikatu beharreko araudia.
  • TicketBAI: Fakturak eta eragiketen gainerako justifikazio-dokumentuak igortzea, zenbait betekizun tekniko bete behar dituen fakturazioko software berme-emaile bat erabiliz.
  • BFAk (Egin Zure Faktura) eta Izenpek (Ef4ktur) TicketBAI fakturak igortzeko garatutako doako softwareak.
  • Sinatzeko ziurtagiriak: baldintzatzaileak, aukerak eta egoki aukeratzeko aintzat hartu beharreko alderdiak.
  • Zerga-pizgarriak, sistemara atxikitzeko unearen arabera.
  • Ekonomia-eragiketen erregistro-liburuak egitea (EEEL: 140 eta 240 eredu berriak) Bizkaiko Foru Aldundiaren egoitza elektronikoan.
  • Zerga-aitorpenak aurkeztea zirriborroetatik abiatuta.
  • Zehapen-erregimena, nahitaezko ezarpenetik aurrera aplikatu beharrekoa.

 

Jardunaldiari buruzko informazioa:

📆 Eguna: Asteazkena, 2025eko otsailak 12

⌚ Ordutegia: 14:00etatik 16:30era

 Tokia: Zabalgune eraikineko Erakusketa Aretoa, Zabalguneko plaza 11

 

Izena emateko azken eguna: 2025eko otsailaren 11n, 13:00etan edo lekuak bete arte.

by

  • Kontxi Claver Udaleko Garapen Ekonomiko, Merkataritza, Turismo eta Enplegu Zinegotziak ekitaldiaren irekieran azpimarratu duenez, “zazpi urteko kongresua ez da kasualitatea, Bilbon mentoring-aren bidez talentua garatzeko dugun konpromisoaren emaitza baizik“.

  • Kongresua, Bilboko Udalak antolatuta, Euskalduna Bilbaon, gaur, astelehen goizean ospatu da, eta mentoring-aren joerei buruzko urteroko erreferentzia ekitaldi bihurtu da Euskadin.

Gaur, astelehena, azaroak 25, Bilbao Mentoring Conference-aren zazpigarren edizioak 130 pertsona inguru biltzea lortu du Euskalduna Bilbaon, mentoring-aren joera berriei buruzko hausnarketarako gune gisa finkatu den urteroko hitzorduan. Arrakasta handiz ospatu da VII. Bilbao Mentoring Conference, eta tresna honen joera berriak aztertzeko epizentroa bihurtu da aurten ere Hiribildua.

Kontxi Claver, Bilboko Udaleko Garapen Ekonomiko, Merkataritza, Turismo eta Enplegu Zinegotziak eman dio hasiera kongresuari: “Zazpi urteko kongresua ez da kasualitatea: Udalak talentua garatzeko eta mentoring-aren bidez enpresa garatzeko duen konpromisoa erakusten duen lanaren emaitza da; Bilbo enpresa-arloko ezagutza eta esperientziak trukatzeko erreferente izan dadin lan egiten dugu“, azpimarratu du.

Mentoring Bilbao udal-ekimenaren barruan kokatzen da Bilbao Mentoring Conference, Udalaren apustu bat enpresei eta saltokiei beren gaitasunak eta trebetasunak hobetzen laguntzeko, epe ertain eta luzerako ikuspegia eta erabakiak hartzea erraztuz, mentoring-ari balioa emanez hori lortzeko tresna gisa.

“Bilboko ETE eta denda askok beren ikuspegi estrategikoa zabaltzea eta mentoring-ari esker haztea lortu dute. Duela hamasei urte Mentoring Bilbao programa martxan jarri zenetik, hiriko 215 denda eta enpresak lehiakortasuna hobetu dute. Eta hori egin dute 100 mentoreren laguntzarekin, modu altruistan eta eskuzabaltasuna banderatzat hartuta, programak irauten duen zortzi hilabetez lagundu dietelako. Zifra horiek hazten jarraituko dute hasi berri den hamaseigarren edizioan, eta errekor zenbakiak lortu ditu: 26 pertsona mentore eta mentorizatu bikote parte hartzaile“, azaldu du Kontxi Claverrek biltzarraren irekieran, udal programari erreferentzia eginez.

Maria Luisa de Miguelek, Mentoring Eskolako Zuzendari Exekutiboak, kongresuaren edukiak testuinguruan kokatu ondoren, Lillian Eby doktoreak, Georgiako Unibertsitateko (AEB) irakasle ikertzaile eta zazpigarren edizio honetako hizlari nagusiak, nabarmendu duenez, “zoragarria izan da kongresu honetan parte hartzea eta mentoring-ari buruzko ebidentzietan oinarritutako informazio praktikoa partekatzea“. Gainera, ikerketa zientifikoan 30 urteko esperientzia duela kontuan hartuta, Ebyk tresna horrek hainbat enpresa-eremutan duen potentziala azpimarratu du: “Nire esperientziatik abiatuta, mentoring-ak barne-talentua garatzeko aukera eman diezaieke erakundeei, hazkunde pertsonala eta profesionala erraztuz, pertsonen konpromisoa eta atxikipena sustatuz“.

Biltzarreko lehen mahai-inguruan, parte-hartzaileek beren iritziak eman dituzte mentoring-ak enpresa handian duen eginkizunari buruz, garapen profesional eta pertsonalerako tresna ahaltsu gisa, azken urteotan lidergoaren garapenerako estrategia giltzarri gisa azaleratu dena. Halaber, adierazi dute mentoring-ak aukera ematen diela erakundeei kulturarekin, xedearekin eta erakundearen balioekin oso lerrokatuta dauden liderrak prestatzeko; izan ere, esperientzia handiko liderrek laguntzen diete rolaren garapenean, erakundea ondo ezagutzen baitute eta testuinguruari, kulturari eta esperientziari buruzko ezagutza parteka baitezakete, korporazio handientzat oso baliotsua. Gainera, lehen lan-mahai honetan, ondorioztatu da mentoring-ak lankidetza-kultura sustatzen laguntzen duela eta talde indartsu eta kohesionatuak eraikitzen dituela horrelako enpresetan.

Bestalde, bigarren lan-mahaian, mentoring eta ekintzailetzari buruzkoan, gogoeta egin da talentu ekintzailearen garapenean duen eraginaz eta horrek negozioetan duen eraginaz. Pertsona ekintzaileek azpimarratu dute aholkularien ikuspegia eta esperientzia izateak beren aldetik ikusten ez dituzten gauzak ikusten laguntzen diela, baita ikasten eta beren negozioak azkarrago eta modu eraginkorragoan hazten ere.

Ekintzailetzari lotuta, Youth Business Spain 2018-2022 erakundeak sustatutako “Ekintzailetza Laguntzeko Mentoring Programaren inpaktu sozio-ekonomikoaren ebaluazioa” txostena ere aurkeztu da Bilboko kongresuan. Lan hori Luis García Deber Youth Business Spain-eko Presidenteak aurkeztu du, eta mentoring-aren garrantzia jarri du mahai gainean, pertsona ekintzaileak emaitzetara bideratuago egon daitezen, negozioetarako erabaki hobeak har ditzaten eta proaktiboagoak eta antolatuagoak izan daitezen, estresa, motibazioa edo bizitza profesionalarekiko gogobetetzea hobeto kudea dezaten, besteak beste.

SARE SOZIALAK:

#BilbaoMentoring2024

by

  • Bilboko Udalak antolatzen duen Kongresua mentoring-aren joerei eta horiek enpresen garapen lehiakor eta ekonomikoari eta talentuari egindako ekarpenari buruzko erreferentziazko hitzordu gisa finkatu da hirian.

  • Lillian Eby doktoreak, Georgiako Unibertsitateko (AEB) irakasle ikertzaileak, hitzaldi nagusia eskainiko du; halaber, mentoringari buruzko bi mahai-inguru izango dira, enpresa handiari, ETEei eta ekintzaileei zuzenduta egongo direnak.

Bilbao Mentoring Conference kongresuaren zazpigarren edizioa datorren astelehenean, azaroak 25, izango da Euskalduna Bilbaon, goizeko 09:30etik aurrera. Kongresu hau urtez urte finkatzen ari da eta abagune ezin hobea da enpresek, erakundeek eta ekintzaileek, adituekin batera, alderdi estrategikoei buruz hausnartzeko eta mentoringaren inguruko esperientziak trukatzeko. Zazpigarren edizio honen inaugurazioa Kontxi Claverrek, Garapen Ekonomiko, Merkataritza, Turismo eta Enplegu Zinegotziak, egingo du.

Bilbao Mentoring Conference kongresua Mentoring Bilbao udal-ekimenaren barruan kokatzen da. Ekimen hori Udalak enpresei eta saltokiei euren gaitasuna, ahalmenak eta trebetasunak hobetzen laguntzeko egiten duen apustua da, epe ertain eta luzerako ikuspegia eta erabakiak hartzeko erraztasunak emanez eta hori guztia lortzeko tresna gisa mentoringari balioa zuzkituz.

Ekitaldia mentoreei, giza baliabideetako arduradunei, aholkulariei, unibertsitateetako eta prestakuntza-zentroetako akademikoei zuzenduta dago. Halaber, jasotzaileen artean hala Bilbao Bizkaian nola Euskadin eta inguruetan mentorizazio-programak inplementatzen dituzten enpresa eta erakundeetako ordezkariak daude. Gainera, mentoring-a lehiakortasuna sustatzeko, eraldaketa sustatzeko eta talentua eta lidergoa indartzeko tresna estrategiko gisa aplikatzea bilatzen duten enpresa-arloko ekintzaileei, zuzendariei eta profesionalei zuzenduta dago. Ikuspegi horrek berrikuntza bultzatzeaz gain, egungo enpresa-ingurunearen erronketara egokitzeko funtsezko gaitasunak garatzen ere laguntzen du. Jardunaldian parte hartzeko inskripzioa doakoa da eta esteka honen bidez egin daiteke.

PROGRAMAZIO OSOA

Maria Luisa de Miguelek, Mentoring Eskolako zuzendari exekutiboak, hitz egin ondoren, 10:00etan hitzaldi nagusia hasiko da. Aurtengo edizioan Lillian Eby-k, Georgiako Unibertsitateko (AEB) irakasle ikertzaile ospetsuak emango du “Mentoretzaren eragina: proba eta aholku praktikoetan oinarritutako ikuspegiak” izenburupean.

Mentoringak enpresa handian duen zeregina aztertuko duen lehen mahai-inguruan, Jorge Aleixek, Programaren zuzendariak eta Grupotec enpresako Energia Berriztagarrien Dibisioko Ingeniaritza zuzendariak, eta Iñigo Diegok, Ingeteam enpresako Talent & Organization Development zuzendariak, hartuko dute parte. Hausnarketa Marta Jimenok, Head of I & D Program Office & Best Practices Siemens Energy eta EJE & CON Nodo Norteko kideak, moderatuko du.

Ondoren networking-erako denbora egongo da. Gune horretan bertaratutakoek kongresuan parte hartzen duten erreferentziazko profesionalekin esperientziak partekatu eta beharrezko kontaktuak egin ahal izango dituzte.

Lehen mahai-ingurua amaitu ondoren Luis Garcíaren, Youth Business Spain-eko presidentearen, txanda izango da eta “Ekintzailetza laguntzeko Mentoring Programaren inpaktu sozioekonomikoaren ebaluazioa” izeneko txostena aurkeztuko du. Txosten hau Youth Business Spain 2018-2022 sustatuta gauzatu da eta joan den apirilaren 15ean Diputatuen Kongresuan aurkeztu zen azterketa da, Escuela de Mentoring y GEM España erakundeak egin duena. Txostenak zehatz deskribatzen du mentoringaren eragina, bai ekintzaileentzat eta haien negozioentzat, bai hainbat trebetasun sozial eta emozional garatzeko.

Bigarren mahai-inguruan mentoring-aren eta ekintzaileen eta ETEen arteko harremana aztertuko da. Mahaian mentorizazio-programetan parte hartzen duten lau pertsona egongo dira, mentoreak eta mentorizatutako pertsonak direnak:  Javier Lezama, P4Qko negozio berrien garapenaren arduraduna eta Mentoring Bilbao programaren mentorea; Jon Suescun, Novadecor Taldeko gerentziaren albokoa, I+G+b arduraduna eta USA Managerra eta Mentoring Bilbao programako mentee-a; María Josefa Calvo, Youth Business Spain-eko mentoring programaren mentorea, eta Mallo Mercedes Rodríguez, Youth Business Spain-eko mentoring programaren mentee-a. Azken mahai-inguru hori Andrea Fernándezek, ekintzailea eta Gaztenpresa eta Youth Business Spain-eko ekintzailetzari buruzko podcastaren zuzendariak, moderatuko du.

Arratsaldean, urtero bezala, ia lau orduko masterclass bat egingo da, Lillian Eby hizlariak eskainiko duena. “From Good to Great: Elevating Your Mentoring Skills and Competencies” izenburuarekin, batez ere kongresuko hizlariei eta mentoring programak garatzen dituzten profesionalei zuzendutako saioa izango da. Klasea, halaber, Bilbao Mentoring programako mentoreei eta mentorizazio-programetan lan egiten duten erakundeei zuzenduta dago.  Parte-hartzaileek ebidentzian oinarritutako trebetasun praktikoak eskuratuko dituzte, mentoretza eraginkorra lortzeko; horretarako, mentoretza-harreman sendoak sustatzen dituen harreman-dinamika azpimarratuko da. Harremanak sortzeko teknikak jorratuko dira saio honetan, eta mentoretzaren erronka komunak identifikatu eta gainditzeko estrategiak emango dira.

Kontsultatu hemen VII. Bilbao Mentoring Conference hitzaldiari buruzko informazio guztia: https://www.bilbao.eus/bilbaomentoringconference/?lang=eu

SARE SOZIALAK:

#BilbaoMentoring2024

by

  • Diseinuko bost profesionalek —horietatik hiru Bilbokoak dira—, astelehen honetan, azaroaren 18an, ETEen benetako beharrei erantzuten dieten bost prototipo berritzaile garatzeko lana hasi dute; prototipo horiek 2025eko udazkenean aurkeztuko dira.

  • “5X5 Bilbao” lankidetza-proiektuak ekimena abian jartzeko ekitaldia eta baterako lehen lan-saioa egin ditu Bilbon egiten ari den “Bilbao Bizkaia Design Week 2024” ekimenaren esparruan.

  • “5X5 Bilbo” Udalak diseinuaren kultura enpresa-sarean balio erantsi gisa sustatzeko egindako apustuaren adibide garbia da.

Azaroaren 14tik 22ra bitartean hirian egiten ari den “Bilbao Bizkaia Design Week 2024” ekimenaren esparruan eta Bilbo UNESCOren Hiri Sortzaileen Sarean Diseinuaren Hiri izendatu zutenetik hamar urte igarotzen diren honetan, astelehen honetan, azaroak 18, “5X5 Bilbo” proiektuaren baterako lanari hasiera ematen dion workshopa garatu da. Ekimen berritzailea da, Euskadin lehen aldiz egiten dena eta Bilboko Udalak Bilbao Ekintza udal-sozietatearen bitartez abian jarri duena.

Astelehen goizean egin den tailerra proiektuan parte hartzen duten eragile guztien lehen topaketa izan da: Designregio Kortrijk (DKR) Flandriako irabazi-asmorik gabeko erakundearen ordezkariak, EIDE (Euskal Diseinuaren Elkartea) Elkarteko ordezkariak, eta baita bost diseinu-estudioetako ordezkariak (horietako hiru Bilbokoak) eta “5X5 Bilbao” ekimenean parte hartzeko hautatutako bost euskal enpresak ere. Programaren koordinatzailea Kortrijken, Stan Dewaele, eta Lander Balza, EIDEren ordezkaria, izan dira azaroaren 18an sormen-tailerra zuzendu duten pertsonak.

Azken batean diseinatzaileen eta diseinuaren metodologiak erabiliz produktu/zerbitzu berri bat edo funtsezko berrikuntza bat garatzeko interesa duten ETEen arteko elkarlanari hasiera eman dion jardunaldia izan da. Honen guztiaren xedea erronka bati erantzutea eta produktu edo zerbitzu bat garatzea edo berriz diseinatzea da. Metodologia hau Bilbon lehen aldiz aplikatzen da eta diseinua eta arlo honetako profesionalak enpresen ekoizpen-katean sartzea du helburu eta azken bi hamarkadetan arrakastaz garatu da Kortrijkeko (Belgika) 80 enpresa baino gehiagotan.

5 PAREKATZE 5 PROTOTIPO DISEINATZEKO

Hautaketa-prozesu baten ondoren, hauek izan dira “5X5 Bilbao” proiektuan parte hartzen duten bost diseinu-estudioetako bost enpresa eta profesionalak. Honela parekatu dira eta dagoeneko hasi dira euren erronkak lantzen, hain zuzen ere 2025eko udazkenean programaren amaieran erakusketa batean aurkeztuko diren bost prototipo:

  • ASIMOBek Flandriako UXPERTISE diseinu-estudioko Lieven Degrauwe diseinatzailearekin egingo du lan. Erronka: tresna digitaletara ohituta ez dauden profesional teknikoei zuzendutako web aplikazio bat berriz diseinatzea. Helburua: erabiltzailearen erabilgarritasuna eta esperientzia hobetzea, aldaketa estetikoak eta funtzionalak aztertuz eta proposatuz.
  • BOBAMAR – Bay Of Biscay Aquaticsek WEETBE diseinu-estudioko Sofia Bernar, Pamela Infante eta Itxaso Domingorekin egingo du lan. Erronka: produktu berri bat diseinatzea akuikulturaren sektoreko irtenbide teknologiko berritzaile batetik abiatuta. Helburua: soluzioaren ekoizpen industrialerako eta hura merkatu profesionalera merkaturatzeko beharrezkoak diren osagaiak eta prozesuak definitzea.
  • BROMALGAEk Flandriako PARS PRO TOTO diseinu-estudioko Dimitri De Martelaere eta Claudia Curtiusekin egingo du lan. Erronka: ingurumen-bioteknologiaren sektoreko produktu eko-berritzaile bat berriz diseinatzea. Helburua: hobekuntza estetikoa lortzea hiri-ingurunean integratzeko; jasangarritasuna hobetzea material berriak aukeratuta; eta erabiltzaile-esperientzia erraztea produktua mantentzeko.
  • JABONES EL ABRAk BRAND CREATIERS diseinu-estudioko Gotzon Beamonte eta Oihana Alberdirekin egingo du lan. Erronka: marka eta packaginga berriz diseinatzea garbiketa profesionaleko produktu-lerro berri baterako. Helburua: jasangarritasuaren eremuan posizionamendua hobetzea, bilgarri mota berri bat eta abiarazteko estrategia egoki bat erabiliz.
  • SUNRISE MEDICALek conceptHACHE diseinu-estudioko Héctor Lezaun Pegenauterekin egingo du lan. Erronka: mugikortasun pertsonalerako laguntza-produktu bat berriz diseinatzea. Helburua: eraginkortasun ekologikoa eta ekonomikoa hobetzea, tokiko ekoizpenerako osagaiak, materialak eta prozesuak optimizatuz.

“5X5 Bilbao” proiektuan, alde batetik, Bilboko zerbitzu aurreratuak sustatzeko estrategia eta, bestetik, espezializazio adimendunaren lehentasun estrategikoak identifikatzen dituen eta zerbitzu aurreratuen bidez euskal industriaren lehiakortasuna eta berrikuntza bultzatzen dituen RIS3 Euskadi estrategia batzen dira. Astelehen honetan, azaroaren 18an, Bilbon egin den lan-tailerra diseinuak enpresetan duen potentzialaren eta balioaren adibide argia da eta mahai gainean jarri ditu diseinuak ETEen lehiakortasun-hobekuntzari ekar diezazkiokeen onurak: hobekuntzak prozesuetan, baliabideen optimizazioan, erabilgarritasunean edo merkaturako sarbidean, besteak beste.
BILBO, 10 URTE DISEINUAREN HIRI GISA

UNESCOk 2004an sortu zuen Hiri Sortzaileen Sarea; sare honen helburua garapen ekonomiko iraunkorrerako funtsezko faktore gisa sormena identifikatzen duten hirien arteko nazioarteko lankidetza sustatzea da. Sarea eratzen duten hiriek elkarrekin egiten dute lan sormena eta kultura-industriak tokiko garapen-planen lehentasunezko ardatz gisa kokatzeko erronka komunarekin.

2014an UNESCOk Bilbo “Hiri Sortzaile” izendatu zuen, “Diseinuaren Hiriaren” kategorian. Integrazio honek besteak beste Berlin, Buenos Aires, Pekin, Montreal, Singapur eta Helsinki biltzen dituen talde hautatu batean parte hartzeko aukera ematen dio Hiribilduari. Kortrijk ere UNESCOren Hiri Sortzaileen Sareko kidea da 2017tik.

Designregio Kortrijk (DKR) irabazi-asmorik gabeko erakundea da, Flandriako (Belgika) Kortrijk eskualdekoa. Erakundeak sormena, berrikuntza eta ekintzailetza sustatzeko proiektuak kudeatzen ditu eta enpresen, diseinatzaileen, hezkuntzaren eta espazio publikoaren sare konektatua osatzen du.

SARE SOZIALAK: 

.