Herritarrek bihartik aurrera eskuratu ahal izango dituzte Bilboko Udalaren bonuak.

Asteazkenetik, azaroaren 18a, herritarrek Bilboko Udalak Covid-19ak ukitutako 4 sektorerik kaltetuenei laguntzeko abian jarri berri dituen BONUAK eskuratu ahal izango dituzte: MERKATARITZA, KULTURA, OSTALARITZA/JATETXEAK ETA TURISMOA.

Programa bihar hasiko da, eta MERKATARITZA ETA KULTURA bonuekin ekingo zaio. Ondoren, hurrengo etapetan, birusaren kaltearen bilakaeraren arabera, ostalaritza eta turismoko bonuak hasiko dira.

Oso erraza izango da txartelak eskuratzea. www.bonobilbao.eus WEBGUNEAN sartzea baino ez dago, edo Kutxabanken sarrerak saltzeko kutxazainen bitartez erosi.

Webgunearen kasuan, ekimen honetarako prestatutako plataforma digital bat izango da, guztiz irisgarria eta erraza, bai saltoki zein establezimenduek atxikitzeko, bai herritarrek bonuak erosteko. Webgunera sartzerakoan, honako urrats hauek bete beharko dira: hautatu kategoria (orain merkataritza eta kultura bakarrik), kontsumitzeko edo jarduera egiteko eremua (merkataritza eta ostalaritzaren kasuan) eta eskuratuko den bonuaren zenbatekoa.

• Bilbao Aurrera planeko neurrien artean dago hau ere, eta lehentasunezko xedea du BONUEN bidez laguntzea Covid-19ak gehien kaltetu dituen 4 sektoreei: MERKATARITZA, KULTURA, OSTALARITZA/JATETXEAK ETA TURISMOA (ostatuak eta turismo jarduerak). Berrikuntzen artean, herritarrei parte hartu eragitea gertuko establezimenduetan kontsumi dezaten, geure auzoetan.
• Juan Mari Aburto alkatearen arabera, uri batek abian jartzen duen bonu-eskaintza handiena eta osatuena da, eta, Bilboko Udalarentzat, lehenengo aldia da horrelako ekimen bat abian jartzen duena. Kalkulatzen da 185.000 bonu banatuko direla 4 sektoretan, eta 9 milioi euroko negozio-eragina izango duela. Gainera, bonu bakoitzaren % 50 Udalak jarriko du. “Programa erraz eta erakargarri bat da, bai erosleentzat, bai establezimenduentzat”.
• Planaren inbertsioa, guztira, 3 milioi euro da: 2,6 milioi “Bilbao Bonuetarako” eta 400.000 euro erakunde arteko kanpainarako.

Juan Mari Aburto Bilboko alkateak, Xabier Ochandiano Ekonomiaren Garapeneko, Merkataritzako eta Enpleguko Saileko zinegotziarekin eta Gonzalo Olabarria Kultura eta Gobernantza Saileko zinegotziarekin batera, Udalaren #BONOBILBAO bonuen kanpaina aurkeztu du gaur, COVID-19ak gure urian gehien kaltetu dituen lau sektoeei laguntzeko: merkataritza, kultura, ostalaritza/jatetxeak eta turismoa (ostatuak eta turismo jarduerak).

#BilbaoAurrera Planeko neurririk handienetako bat da, shock-programa bat, Udalean ordezkaritza duten talde politiko guztiekin adostua eta sektoreekin eurekin landua; sektoreen ordezkariak aurkezpen ekitaldian izan dira gaur.

Juan Mari Aburto alkatearen arabera, uri batek abian jartzen duen bonu-eskaintza handiena eta osatuena da, eta, Bilboko Udalarentzat, lehenengo aldia da horrelako ekimen bat abian jartzen duena.

Hala, 3 milioi euroko inbertsioa egin da guztira, eta, horietatik, 2,6 milioi euro #BONOBILBAO ekimenerako dira, eta gainerako 400.000 euroak Euskadiko erakunde arteko kanpainarako.

2,6 milioi euroko inbertsio honek 9 milioi euroko negozio-bolumena eragingo du urian. Aurrekontu horrekin, 185.000 bonu aterako dira merkatura, 4 sektoreen artean banatuta.

Lehentasunezko xedea da, Juan Mari Aburtok azaldu duenez, ekonomiari eragitea, albait lehen eta iraunkorki, zuzen-zuzen heldu dadin kolektibo profesional horietara, baina “herritarrei eurei ere parte hartu eraginez, bonuak eskura ditzaten barrutietako establezimenduetan eta gertueneko establezimenduetan erosi eta kontsumitzeko. Programa berezi bat da, egungo egoeraren neurrira egina, eta erakargarria izan nahi du, baliagarria eta praktikoa, bai establezimenduentzat, bai erosleentzat”.

KANPAINAREN FASEAK

COVID-19 gaixotasunaren egungo eboluzioa dela-eta, kanpainak zenbait fase izango ditu:

1. Lehenengo fasean, Merkataritza bonuekin (48.727 bonu) eta Kultura bonuekin (34.261 bonu).
2. Bigarren fasea, Ostalaritza/Jatetxeak (91.364 bonu).
3. Eta hirugarrena, Turismoa (10.507 bonu).

4 sektore horietan, kanpainak 2021eko martxoaren 31ra arte iraungo du. Era berean, establezimenduek gaurtik bertatik egin dezakete bat kanpainarekin (azaroaren 12tik), eta kanpainak irauten duen artean noiznahi.

Herritarrak 2020/11/18tik has daitezke bonuak erosten, 2121/03/31ra arte, eta bonuak trukatzeko azken eguna 2021/04/03a izango da.

BERRIKUNTZA NAGUSIAK

Berrikuntzen artean, besteak beste, zuzenean eragiteko kanpaina bat prestatu da, herritarrei eurei parte hartu eraginez, bonuak eros ditzaten eta Bilboko establezimenduetan erosi eta kontsumi dezaten, edo bakoitzaren auzoan, eta, hala, merkataritzako, kulturako, ostalaritzako eta turismoko jarduera suspertzen lagun dezaten.

Horretarako, Merkataritza eta Ostalaritza kategorietako bonuak barruti bakoitzean banatuko dira, establezimendu kopuruaren arabera.

Beste berrikuntza bat da Udalak bonu bakoitzaren erdia ordainduko diela erosleei; bonu horiek, gainera, bateragarriak izango dira eta pilatu ere agin ahal izango dira beste administrazio batzuenekin.

Halaber, plataforma digital bat atondu da, oso erraza (www.bonobilbao.eus), egungo egoerari egokitua, bai establezimenduek bat egin dezaten, bai herritarrek bonuak eros ditzaten. 

NOLA ESKURATU BONUAK

Bonuak adin nagusiko edozein pertsonak eros ditzake, Bilbon bizi direnek nahiz kanpotik bisitan etorritakoek, eta NAN edo AIZ erakutsi beharko dute erosketa egiteko unean, 2021eko martxoaren 31ra arte.

Bide digitaletik eskura daitezke, www.bonobilbao.eus web plataformaren bidez, edo Kutxabank-en sarrerak saltzeko eta jasotzeko kutxazainetan.

Behin bonua erositakoan, kanpainarekin bat egindako establezimenduetan trukatu beharko dira, paper formatuan nahiz passbook moduan (mugikorrarekin).

Merkataritzako eta ostalaritzako bonuetan, txartela erosteko unean, bonua zein barrutitan kontsumitu nahi den hautatu beharko da, eta barruti horretan baino ezingo da trukatu gero.

NAN bakoitzarekin gehienez ere eskuratu ahal izango den bonu kopurua 20 izango da, eta erosketa tiket bakoitzeko gehienezko bonu kopurua 4 izango da. Era berean, erosketa tiketaren zenbatekoa bonuaren zenbatekoa adinakoa edo handiagoa izan beharko da, halako eran non bonuaren zenbatekoa erosketa eta/edo kontsumizio bakoitzarekin erabat ahituko den.

Bilbao Bonuak bateragarriak izango dira beste administrazio batzuenekin, eta, hala, pilatu ere egin ahalko dira tiket berean ageri den erosketan. Gainera, posta elektroniko bat ireki da kanpainari buruzko kontsultak egiteko: bonobilbao@bilbaoekintza.bilbao.eus.

PROGRAMA OSO IREKIA ESTABLEZIMENDUENTZAT

Bat egin dezakete:

• Edozein pertsona fisikok edo juridikok, baldin eta haren enpresa jarduera merkataritzako, kulturako, ostalaritzako edo turismoko sektorean gauzatzen bada eta saltegi bat badauka irekita jendearentzat Bilbon.
• Artisauek, baldin eta Bizkaiko lurralde historikoko Artisautzako Entitateen Erregistroan izena emanda badaude eta Bilbon badute egoitza, eta/edo artisau elkarte profesionalek antolatuta Bilbon gauzatzekoa den azoka batean parte hartzen badute programak irauten duen bitartean.
• Turismoa: bitartekaritzako turismo enpresak, turismo gidariak eta turismo aktiboko jardueretako enpresak, Bilbon jarduten direnak.
• Erakunde arteko kanpainarekin bat egiten duten saltegientzat, EZ da beharrezkoa izango izen ematea osorik egitea, baizik eta geratzen diren datuak betetzea.
• Saltegi batek EJZ bat baino gehiago baditu era bateko eta besteko bonuekin zerikusia dutenak (merkataritza, ostalaritza eta jatetxeak, ostatatze turismoa edo kultura), BONU MOTA BAT BAINO GEHIAGO hautatu ahal izango ditu. Horretarako, nahikoa izango da behin bakarrik izena ematea, hautatu ahal dituen bonu moten artean zeintzuk hautatu nahi dituen adieraziz.
• IFZ bakarra duten negozioen kasuan, establezimendu bat baino gehiago badauzkate Bilbon, ESTABLEZIMENDU GUZTIEK bat egin ahal izango dute kanpainarekin, banan-banan.
• Gehienez ere trukatu ahal izango diren bonuak 200 dira.
• Kulturako bonuen kasuan, gehienezko kopurua 30.000 euro izango da establezimendu bakoitzeko.

#BONOBILBAO
#BILBAOAURRERA

• Zerbitzua ekainetik dago martxan, eta helburua da negozioei aurrera egiten lagunduko dieten eta bi aldeentzako onuragarriak diren elkarrekin adostutako akordioak neutraltasunez bideratzea Orain arte, hiribilduko hogeita hamar bat negoziok erabili dute bitartekaritza-prozesua.
• Eskabideak hemen gaitutako inprimakiaren bitartez izapidetu beharko dira: esteka.
• Bitartekaritza-zerbitzua doan eskaintzen da, eta Bilbao Aurrera Planaren beste ekimen bat da; hau da, hirian COVID-19aren ondorioei aurre egiteko Bilboko Udalaren premiazko neurrien programaren barruan dago.

Bilboko Udalak bitartekaritza-zerbitzua eskaintzen jarraitzen du —neurri gehiagorekin orain— COVID-19aren kalteak pairatu dituzten merkataritza-lokalen eta negozioen ALOKAIRUAREN ordainketetan akordioak egotea errazteko.

Zerbitzua doan eskaintzen da, eta dagoeneko hogeita hamar bat negoziok jaso dute laguntza. Bilbao Ekintza udal-sozietatearen bitartez kudeatzen da.

Helburua da bi aldeentzako (errentatzailea eta errentaria) onuragarriak diren elkarrekin adostutako akordioak erraztea, jarduerek aurrera egiten laguntzeko. Edonola ere, bide judizialetik jotzea baztertzen da.

BETEKIZUNAK ETA KONTSULTAK

Honako betekizun hauek bete behar dira neurri horren onuraduna izateko:

• Enpresa txiki eta ertaina izatea, Europako Batzordearen 651/2014 Erregelamenduan ezarritakoaren arabera, edo mikroenpresa edo autonomoa izatea, baina zerga-egoitza edo egoitza soziala edo lan-zentro bat Bilbon izanda.
• EJZn alta emanda egotea lehenengo alarma-egoera deklaratu aurretik (2020ko martxoaren 14an).
• Legez eratuta eta dagozkien erregistroetan inskribatuta egotea, eta lehenengo alarma-egoera deklaratzen den egunean (2020ko martxoaren 14a) alta emanda egotea Gizarte Segurantzako Araubidean edo dagokion Mutualitatean.
• Egunean egotea, bai administrazio publikoekiko dagozkion zerga-betekizunetan, bai Gizarte Segurantzarekiko bete beharrekoetan. Inguruabar horiek ofizioz egiaztatu ahal izango ditu Bilbao Ekintza EPELek.
• Pertsona juridikoen kasuan, baldintza horiek betetzen ez dituzten enpresen % 25etik gorako partaidetza ez izatea, zuzena zein zeharkakoa izan.
• Negozio-lokalaren errentamendu-kontratua, betiere, familia-etxebizitza baten zati bat ez bada edo lokalaren errentatzailearekin 2. mailara arteko odolkidetasun edo ezkontza-ahaidetasuna ez badago eta errentatzaile gisa jarduten duen pertsona fisiko edo juridikoaren bazkide edo partedun ez bada.

Eskabide guztiak hemen gaitutako inprimakiaren bitartez izapidetu beharko dira: helbidea.

BILBAO AURRERA PLANA

Zerbitzu berri hau Bilbao Aurrera Planaren barruan dago, Gizarte, Ekonomia eta Kultura Larrialdietarako programa bat, 15 milioi eurokoa, eta COVID-19aren osasun-krisiak hiriko pertsonengan eta enpresengan dituen ondorioak arintzeko, suspertzeko eta berreskuratzeko 50 neurri baino gehiagoko sorta bat du. Plan hori Bilboko Udaleko talde politiko guztien artean egin eta adostu da.

Ekonomiaren egoera gero eta larriagoa dela ikusita, beste neurri ekonomiko batzuen artean, ETEei, mikroenpresei eta autonomoei zuzendutako COVID-19aren kontrako segurtasun-protokoloetatik eratorritako gastuei aurre egiteko eta zehazki babes-materiala erosteko laguntza zuzenen beste deialdi bat abiaraztea aurreikusi da, guztira, 222.750 euroko aurrekontuarekin.

• Banakako aholkularitza-zerbitzu bat da, eta Bilbao Ekintza udal-sozietateak antolatu du Bilboko ETE eta saltokientzat. Azaroaren 10ean jarriko da martxan, webinar formatuan.

• Ekimenaren helburua da enpresei orientabideak ematea COVID-19aren krisiaren gaur egungo egoerari aurre egiteko kontu garrantzitsuenei dagokienez. Ekimena berraktibatzeko premiazko neurrien Bilboko Udalaren Bilbao Aurrera planaren barruan dago.

• Parte hartu nahi duten saltoki, enpresa eta autonomoek honako estea honen bitartez eman dezakete izena: esteka.

Bilboko Udalak, Bilbao Ekintza udal-sozietatearen bitartez, Bilboko ETE eta saltokientzako aholkularitza espezializatuko zerbitzu berri bat jarri du martxan. Horrela, nahi dutenek eremu eta gai zehatzen berri izan edo horietan sakondu ahal izango dute, besteak beste, joera digital berriak, kontsumo eta merkatuaren joera berriak, komunikazioa, segurtasuna eta Internet, eta merkataritza eta salmentak.

Aholkularitza-zerbitzuaren bitartez, ETE eta saltokiei orientabideak eskaintzen zaizkie COVID-19ak eragindako gaur egungo egoera zailari aurre egiteko alderdi garrantzitsuei buruz, aukerak identifikatu ahal izateko. Lau webinar izango dituen ziklo bat antolatuko da, eta, gero, banakako aholkularitza emango zaie hautatuko saltoki eta enpresei.

Azaroaren 10ean hasiko da lehenengo saioa, non merkatuko, kontsumoko zein arlo digitaleko joera berriak jorratuko diren. Era berean, honako hauek aztertuko dira: gaur egungo joerak, ordaintzeko bitarteko berriak, marketin digitalaren inguruko kontzeptuak, kontsumitzailearen jarrera, negozio-eredu berriak eta merkatuko segmentuak.

Bigarren saioa azaroaren 17an egingo da, eta komunikazioarekin zerikusia duten kontzeptuak landuko dira, hala nola storytellinga, brand engagementa edo marka pertsonala. Azaroaren 24an, hirugarren saioa antolatuko da, eta segurtasunari eta Interneti buruzkoa izango da. Bertan, gai hauek izango dituzte hizpide, besteak beste: mehatxuak eta ziber-arriskuak identifikatzea, erasoak ekiditeko baliabideak eta tresnak, phising edo ingeniaritza soziala.

Amaitzeko, abenduaren 1ean azken saioa egingo da, merkataritza-gaiei eta salmentei buruzkoa, bai eta saltzeko prozesuaren diseinuari eta negozio-aukera berriak identifikatzeari buruzkoa ere.

Parte hartu nahi duten enpresa guztiek honako esteka honetan gaitutako inprimakiaren bitartez eman dezakete izena: esteka.

Saltoki eta enpresentzako aholkularitza espezializatuko zerbitzua Bilboko Udalaren berraktibatzeko premiazko neurrien Bilbao Aurrera planaren barruan dago.

BILBAO AURRERA PLANA

#BilbaoAurrera Plana Gizarte, Ekonomia eta Kultura Larrialdietarako programa bat da, 15 milioi eurokoa, eta COVID-19aren osasun-krisiak hiriko pertsonengan eta enpresengan dituen ondorioak arintzeko, suspertzeko eta berreskuratzeko 50 neurri baino gehiagoko sorta bat duena. Plan hori Bilboko Udaleko talde politiko guztien artean egin eta adostu da.

Beste neurri ekonomiko batzuen artean, ETEei, mikroenpresei eta autonomoei zuzendutako COVID-19aren kontrako segurtasun-protokoloetatik eratorritako gastuei aurre egiteko eta zehazki babes-materiala erosteko zuzeneko laguntzak onartu dira, guztira, 500.000 eurorekin. Zerga-pizgarriei dagokionez, enpresek askotariko murrizketak eta hobariak izango dituzte zerga eta tasetan, eta horrek 3 milioi euroko diru-sarrerak egotea ekarriko du.

Era berean, Bilboko auzoetako merkataritza-elkarteei emandako dirulaguntza izendunak % 100 handitu dira, eta orain BERREHUN ETA HIRUROGEITA HAMASEI MILA EURORA iritsi da zenbatekoa (276.000 €). Helburua da BILBOKO AUZOETAN MERKATARITZA-JARDUERA dinamizatzeko eta kontsumoa sustatzeko ezohiko ekintzak bultzatzea, bai eta tokiko asoziazionismoa indartzea ere, egiten diharduten lan garrantzitsuagatik.

Horrez gain, ekainean bitartekaritza-zerbitzu bat jarri zen martxan, pandemiaren kalteak pairatu dituzten merkataritza-lokalen eta negozioen alokairuaren ordainketetan akordioak egotea errazteko. Zerbitzuan neurri berri gehiago ezarri dira, eta helburua da bi aldeentzako onuragarriak diren elkarrekin adostutako akordioak erraztea, jarduerari jarraitutasuna eman ahal izateko bide judizialean sartu gabe.

• Sarrera gisa, uztailaren 15ean, asteazkena, on-line hitzaldi bat emango da. Bertan, hizlari adituak bilduko dira eta osasun-krisiaren ondorengo gaur egungo egoera aztertuko dute. Gainera, aholkularitza-zerbitzuaren helburuak emango dira ezagutzera.
• Saioak webinar formatua izango du, eta Bilbao Ekintza udal-sozietateak antolatuko du CEBEKen laguntzarekin. Hain zuzen ere, Bilboko Udalaren berraktibatzeko premiazko neurrien #BilbaoAurrera Planeko ekintzetako bat izango da.
• Enpresek esteka honen bitartez eman ahal izango dute izena: esteka.

Bilboko Udalak, Bilbao Ekintza udal-sozietatearen bitartez, 50 pertsona arteko enpresentzako aholkularitza-zerbitzu espezializatu berri bat jarriko du martxan.

Aholkularitza-zerbitzuaren helburua izango da Bilboko enpresei COVID-19aren ondorengo etapan laguntza ematea, besteak beste, erosketetan, hornikuntzan eta logistikan, ordainketa-metodoetan eta kobrantza digitaletan, komunikazioan, joera digital berrietan edo kontsumo zein merkatukoetan, merkataritzan eta salmentetan eta Interneteko segurtasunean.

Zerbitzua irailean jarriko da martxan, baina, lehenik eta behin, online saio bat egongo da uztailaren 15ean, 09:00etan, eta hizlari garrantzitsuak izango dira bertan.

Sarrera-hitzaldi honen helburua da osasun-krisiaren ondorioz sortutako egoera ulertzea, bai eta aholkularitza-zerbitzu berritzailearen helburuak azaltzea ere. Javier Garcinuño Bilbao Ekintzako zuzendari nagusia arduratuko da lehenengo saio hau aurkezteaz, “webinar” formatuan. Honako hizlari hauek beren eskarmentua eta ezagutza partekatuko dute enpresa parte-hartzaileekin: Francisco J. Aspiazu, Bizkaiko Enpresa Konfederazioan idazkari nagusia (CEBEK), Bernat Figueras, PWCko aholkularitza estrategikoko negozioaren bazkide arduraduna eta Xavier Marcet, Lead to Change-eko burua. Online hitzaldian eztabaida bat egongo da, eta hizlariek zein enpresa parte-hartzaileek parte hartu ahal izango dute bertan.

Bilbao Ekintza udal-sozietatek CEBEKekin lankidetzan antolatuko du “webinar” jau, eta Bilboko Udalak berriz aktibatzeko ezarritako premiazko neurrien #BilbaoAurrera Planaren ekintzetako bat da.

Online hitzaldian parte hartu nahi duten enpresa guztiek honako esteka honetan gaitutako inprimakiaren bitartez eman dezakete izena: esteka.

BILBAO AURRERA PLANA

#BilbaoAurrera Plana Gizarte, Ekonomia eta Kultura Larrialdietarako programa bat da, 15 milioi eurokoa, eta COVID-19aren osasun-krisiak hiriko pertsonengan eta enpresengan dituen ondorioak arintzeko, suspertzeko eta berreskuratzeko 50 neurri baino gehiagoko sorta bat duena. Plan hori Bilboko Udaleko talde politiko guztien artean egin eta adostu da.

Beste neurri ekonomiko batzuen artean, ETEei, mikroenpresei eta autonomoei zuzendutako COVID-19aren kontrako segurtasun-protokoloetatik eratorritako gastuei aurre egiteko eta zehazki babes-materiala erosteko zuzeneko laguntzak onartu dira, guztira, 500.000 eurorekin. Enpresentzako zerga-pizgarriak, murrizketekin eta hobariekin zerga eta tasetan. Horrek eragin ekonomikoa izango du, 3 milioi euro gutxiago sartuko baitira.

Era berean, Bilboko auzoetako merkataritza-elkarteei emandako dirulaguntza izendunak % 100 handitu dira, eta orain BERREHUN ETA HIRUROGEITA HAMASEI MILA EURORA iritsi da (276.000 €). Helburua da BILBOKO AUZOETAN MERKATARITZA-JARDUERA dinamizatzeko eta kontsumoa sustatzeko ezohiko ekintzak bultzatzea, bai eta tokiko asoziazionismoa indartzea ere, egiten diharduten lan garrantzitsuagatik.

El Ayuntamiento de Bilbao continúa desplegando la batería de medidas para hacer frente a los efectos del COVID-19 en nuestra ciudad. Tras la etapa de confinamiento y el consiguiente cierre de negocios, ahora toca redoblar esfuerzos para recuperar la situación anterior al coronavirus.

Siguiendo las pautas marcadas por el Plan de medidas urgentes #BilbaoAurrera, elaborado y pactado con todos los grupos políticos, el Consistorio pone ahora en marcha una campaña de comunicación cuyo objetivo prioritario es promocionar el consumo local y responsable en nuestros comercios y negocios de hostelería más cercanos, además de apoyar los negocios vinculados al turismo y el ocio en la ciudad.

Bajo el lema genérico “Compra, Consume y Diviértete en Bilbao” se pretende “apoyar al comercio y hostelería local, la de tu barrio”, considerados unos de los sectores más afectados por el COVID-19. La campaña, que se desarrollará en distintos soportes, quiere sensibilizar a la ciudadanía en la necesidad de comprar y consumir en las tiendas y negocios de hostelería de nuestros barrios, que son los que contribuyen y hacen de motor de vida, identidad local, prosperidad y riqueza, así como de tractor de otros futuros negocios en la ciudad.

Esta iniciativa verá su continuación con el lanzamiento de los bonos de consumo que serán de cuatro tipos: de Comercio con un presupuesto total de un millón de euros; de Hostelería y Restauración, también con un millón de euros; y los bonos de Turismo con 500.000 euros y Cultura con otros 500.000 euros. Será a partir de septiembre cuando el Consistorio bilbaíno saque sus propios bonos para la ciudad.

PLAN #BILBAOAURRERA

La campaña de comunicación que ahora se pone en marcha forma parte, como se decía anteriormente, del Plan #BilbaoAurrera, un programa de Emergencia Social, Económica y Cultural dotado de 15 millones de euros y una batería de más de 50 medidas para paliar, reactivar y recuperar los efectos por la crisis sanitaria del COVID-19 en las personas y en

Bilboko Udalak hainbat neurri ezartzen jarraitzen du, COVID-19-ak gure hirian izan dituen ondorioei aurre egiteko. Itxialdiaren eta negozioak ixtearen fasearen ostean, orain koronabirusaren aurreko egoerara itzultzeko ahaleginak egin behar dira.

Talde politiko guztiek adostu duten #BilbaoAurrera Premiazko Neurrien Planean ezarritako jarraibideak betez, Udalak komunikazio kanpaina bat jarriko du martxan orain. Kanpaina honen xede nagusia da tokiko kontsumoa eta kontsumo arduratsua bultzatzea, geure inguruko komertzio eta ostalaritza-negozioetan, hirian dauden turismo eta aisialdi arloko negozioak babesteaz gain.

“Erosi, kontsumitu eta dibertitu Bilbon” izenburu orokorrarekin, “zeure auzoko komertzioa eta ostalaritza, bertokoak” babestu nahi ditugu. Izan ere, komertzioa eta ostalaritza izan dira COVID-19-ak gehien kolpatu dituen sektoreetako bi. Kanpaina honek zenbait euskarri izango ditu. Herritarren artean sentsibilitatea sortu nahi du, geure auzoetako dendetan eta ostalaritza-negozioetan erosi eta kontsumitu dezaten; izan ere, hurbileko komertzioa eta ostalaritza dira tokiko bizitzaren eta nortasunaren eta aberastasunaren bultzatzaile, eta hirian etorkizunean sor litezkeen balizko negozioen traktore.

Ekimen honen jarraipen gisa, kontsumo-bonuak eskainiko dira. Bonu hauek lau eratakoak izango dira: komertziokoak, milioi bat euroko aurrekontuarekin guztira; ostalaritza eta jatetxeetakoak, milioi bat eurokoak; turismoko bonuak, 500.000 eurokoak; eta kulturakoak, 500.000 eurokoak. Irailetik aurrera aterako ditu Bilboko Udalak hiriarentzako bonuak.

#BILBAOAURRERA PLANA

Abian jartzen ari garen komunikazio-kanpaina, arestian esan dugunez, #BilbaoAurrera planaren barruan dago: gizarte, ekonomia eta kultur larrialdiko programa bat da, 15 milioi euroko dotazioarekin eta 50 neurri baino gehiagorekin. Planaren helburua da COVID-19-aren osasun-krisiak uriko pertsonengan eta enpresetan izan dituen ondorioak konpontzea. Bilboko Udaleko talde politiko guztiek egin eta adostu dute Plan hori.

Beste neurri ekonomiko batzuen artean, enpresentzako pizgarri fiskalak jarri dira abian, zerga eta tasetan murrizketa eta hobari aukera zabalarekin. Pizgarri horiek 3 milioi euroko eragin ekonomikoa izango dute.

Era berean, Bilboko eskualdeko merkataritza elkarteei emandako dirulaguntza izendunak % 100 gehitu dira, eta orain 276.000 € dira. Horren helburua MERKATARITZA-JARDUERA dinamizatzeko eta BILBOKO AUZOETAN kontsumoa sustatzeko eta sustatzeko ekintza bereziak bultzatzea da eta, horrez gain, tokiko elkartegintza indartzea, egiten duen lan garrantzitsuagatik.

Gainera, 500.000 euroko laguntza eman da saltoki txikiek, ostalariek, jatetxeetako jabeek babes-materiala eros dezaten, Bilbon COVID-19aren inguruko segurtasun-protokoloak eragindako gastuei aurre egiteko.

• Zerbitzua doakoa da eta gaur hasiko da. Zerbitzuak bi aldeen arteko aldeko eta adiskidetasunezko itunak egitea modu neutralean erraztea du helburu, jarduerari jarraipena ematea laguntze aldera.
• Eskabideak honako helbide honetan gaitutako formulario honen bidez bidali beharko dira.
• Merkataritzako lokalen eta negozioen alokairuak ordaintzeko bitartekaritza-zerbitzu hori #BilbaoAurrera Planaren neurrietako bat da, Covid-19ak hirian eragiten dituen ondoreei aurre egiteko.

Bilboko Udalak #BilbaoAurrera Planaren barruan jasotzen diren neurri batzuk hedatzen jarraitzen du, Covid-19ak gure hirian eragiten dituen ondoreei aurre egiteko. Oraingo honetan, koronabirusaren pandemiaren eragina jasan duten merkataritza-lokalen eta/edo negozioen alokairua ordaintzeko akordioak erdiestea errazteko bitartekaritza-zerbitzua jarri da abian.

Zerbitzua doakoa da eta gaur hasiko da Bilbao Ekintza udal elkartearen eskutik. Hitzarmenaren helburua da bi aldeen arteko adostasunezko, adiskidetasunezko eta aldeko itunak ezartzea, jarduerak aurrera jarrai dezan laguntze aldera. Edozein kasutan, bide judiziala baztertuta geratzen da.

BEHARKIZUNAK ETA KONTSULTAK

Neurri hori hartzeko, baldintza hauek bete behar dira:

• Egoitza fiskala edo sozietatearen egoitza Bilboko udalerrian izatea.
• COVID-19a kudeatzeko alarma-egoera deklaratzearen ondorioz, jarduera aldi baterako eten behar izana.
• Baldin jarduera araudiak etendakoen artean ez badago, alarma-egoeraren deklarazioak irauten duen hilabeteen fakturazioa gutxienez % 75 murriztu izana, 2020ko martxoa baino lehenagoko seihileko naturalaren hileko batez bestekoaren aldean.
• Hala ere, eskaera egiten den egunean, jardunean egon beharko du.
• Pertsona juridikoen kasuan, zuzenean edo zeharka baldintza horiek betetzen ez dituzten enpresen % 25etik gorako partaidetza ez izatea.
• Alarma-egoera deklaratu aurretik ekonomia-jardueren gaineko zergan alta emanik egotea (2020ko martxoaren 14a).
• Autonomoen Araubidean edo arlo horri dagokion araubidean alta hartuta izatea.
• Negozio-lokalaren errentamendu-kontratua edukitzea, baldin eta interesduna familia-etxebizitza baten parte ez bada eta/edo lokalaren errentatzailearekin 2. mailara arteko odolkidetasun- edo ezkontza-ahaidetasunik ez badago, eta baldin errentatzaile gisa jarduten duen pertsona fisiko edo juridikoaren bazkide edo partaide ez bada.
  • KONTSULTA ETA ESKAERA GUZTIAK HELBIDE HONETAN DAGOEN FORMULARIOAREN BIDEZ BIDALI BEHARKO DIRA.

BILBAO AURRERA PLANA

Zerbitzu berri hau #BilbaoAurrera planaren parte da. Gizarte, Ekonomia eta Kultura Arloko Larrialdietarako Programa da, 15 milioi eurokoa, eta 50 neurri baino gehiago jarri ditu abian COVID-19ak pertsonengan eta enpresetan eragiten duen osasun-krisiaren ondoreak arintzeko eta ohiko jarduerak suspertu eta berreskuratzeko. Plan hau Bilboko Udaleko talde politiko guztiek prestatu eta adostu dute.

Beste neurri ekonomiko batzuen artean, laster abian izango diren zuzeneko laguntzak onartu dira ETE, mikroenpresa eta autonomoentzat, Covid-19aren aurkako segurtasun-protokoloek eragindako gastuei aurre egiteko eta babesteko materiala erosteko, guztira 500.000 euro. Enpresentzako zerga-pizgarriek murrizketa eta hobari ugari dituzte zerga eta tasetan, eta 3 milioi euro gutxiagoko eragin ekonomikoa izango dute.

Bilboko Eskualdeko Merkataritza Elkarteei ematen zaizkien diru-laguntza izendunak % 100 handituko dira, eta orain BERREHUN ETA HIRUROGEITA HAMASEI MILA EURO (276.000 €) izango dira. Handitze horren helburua MERKATARITZA-JARDUERA dinamizatzeko eta BILBOKO AUZOETAN kontsumoa sustatzeko eta zuzpertzeko ekintza bereziak bultzatzea da, eta, horrez gain, tokiko elkartegintza indartzea, elkarteok egiten duten lan garrantzitsuagatik.

• Diru-laguntza, gaur udalbatzarrean onartu dena eta 74.000 eurokoa, #BILBAOAURRERA premiazko neurrien planaren barruan dago, COVID-19aren krisiak gehien kaltetu dituen sektoreei laguntzeko.

Bilbok pausoak ematen jarraitzen du COVID-19aren ondorioei aurre egiteko, batez ere pandemiak gehien astindu dituen sektoreetan. #BilbaoAurrera premiazko ekintzen planaren barruan azken asteetan abian jarritako hainbat neurriren ondoren, gaur Udalaren Osoko Bilkurak Bizkaiko Ostalaritza Elkarteari 74.000 euroko diru-laguntza ematea onartu du.

Laguntza hori Bilbao Ekintza udal-sozietatearen bidez emango da. Sozietate horren talde teknikoa ere aholkularitza integraleko lana egiten ari da, leihatila bakar gisa, erakunde-esparru desberdinek abian jarritako laguntza mota guztiei dagokienez.

Ostalaritza Elkarteari emandako laguntza horrekin batera, eta aipatutako #BilbaoAurrera planaren barruan, maiatzeko azken osoko bilkuran onartu zen, halaber, Bilboko eskualdeko merkataritza-elkarteentzako diru-laguntza izendunak %100 handitzea, 276.000 €-ra iritsiz.

Neurri horrekin, MERKATARITZA ETA OSTALARITZA JARDUERAri eragiteko aparteko neurriak sustatu nahi dira, BILBOKO AUZOETAKO kontsumoa sustatu eta eragiteko.

BILBAO AURRERA PLANA

#BilbaoAurrera Plana gizarte-, ekonomia- eta kultura-larrialdietarako programa da, 15 milioi euro ditu, eta 50 neurri baino gehiago COVID-19ak pertsonengan eta enpresetan eragindako osasun-krisiaren ondorioak arintzeko, suspertzeko eta berreskuratzeko. Bilboko Udaleko talde politiko guztiek egin eta adostu dute Plan hori.

Beste neurri ekonomiko batzuen artean, laster abian izango diren zuzeneko laguntzak onartu dira ETE, mikroenpresa eta autonomoentzat, Covid-19aren aurkako segurtasun-protokoloek eragindako gastuei aurre egiteko eta babesteko materiala erosteko, guztira 500.000 euro. Enpresentzako pizgarri fiskalak jarri dira abian, zerga eta tasetan murrizketa eta hobari aukera zabalarekin, bai eta Merkataritza eta Ostalaritza elkarteentzako laguntzak ere. Pizgarri horiek 3 milioi euroko eragin ekonomikoa izango dute.

• Guztira 500.000 euroko laguntza emango da saltoki txikiek, ostalariek, jatetxeetako jabeek babes-materiala eros dezaten, Bilbon COVID-19aren inguruko segurtasun-protokoloak eragindako gastuei aurre egiteko.
• Zuzeneko laguntza-sorta hau Bilboko Udalak koronabirusaren pandemiak eragindako krisiaren ondorioak arintzeko onartutako #BilbaoAurrera ezohiko neurrien planaren parte da. Plan horrek 15 milioi euro ditu; horietatik 11,4 milioi ekonomiaren eta enpleguaren esparrura bideratuko dira, 2,2 milioi gizarte-kohesiora eta 1,2 milioi kulturaren sektorera.

Bilboko Udalak, Bilbao Ekintza udal-sozietatearen bidez, zuzeneko dirulaguntzak eskuratzeko deialdia onartu berri du. Laguntza horien helburua da langileen eta bezeroen segurtasuna bermatuko duen babes-materiala erostea.

500.000 euroko aurrekontua du guztira, uriko merkataritzaren, ostalaritzaren, jatetxeen eta enpresen egiturak —sektore kaltetuenetako bat— establezimenduak prestatzearen ondoriozko gastuei aurre egin ahal izateko, koronabirusaren pandemiaren ondoriozko higiene- eta osasun-prebentziorako protokoloen arabera.

Diruz lagunduko dira COVID-19aren aurkako babesarekin zerikusia duten produktu eta zerbitzuen erosketa eta arrisku biologikoetatik babesteko ekipoena.

ENTITATE ONURADUNAK

Laguntza hauek jaso ahal izango dituzte zenbait sektoretako pertsona fisikoek edo juridikoek, hala nola, merkataritza, ostalaritza, sukaldaritza edo beste sektore batzuetakoek, beren jarduerarengatik pertsona-kopuru handia hartzen badute edo/eta beren jarduera higiene- eta osasun-arloko segurtasun-berme guztiekin egin behar badute, harreman zuzena baitakar jendearekin, oso hurbil eta denbora luzean, kutsatzeko arriskua handitu ahal izateko.

Besteak beste, entitate eskatzaileek enpresa txikia izan beharko dute (ETE, mikroenpresa edo autonomoa). Halaber, jarduera aldi baterako bertan behera utzi behar izatea alarma-egoeraren adierazpenaren ondorioz edo, jarduera hori araudiak eten dituenetako bat ez bada, alarma-egoeraren deklarazioak iraun duen hilabeteetako fakturazioa gutxienez % 75 murriztu izana, 2020ko martxora bitarteko seihileko naturaleko hileko batez bestekoaren aldean.

LAGUNTZA EMATEKO ARAUBIDEA

Laguntzak emateko eskaeren sarrera-ordena kronologikoari jarraituko zaio, deialdi honetan ezarritako baldintzak betetzen dituztela egiaztatzen duten lehenengo mila eskaerei 500 euroko esleipen finkoa esleitzeko.

Eskabideak aurkezteko epea 7 egun naturalekoa izango da, deialdi hau Bizkaiko Aldizkari Ofizialean (BAO) argitaratu eta biharamuneko 08:00etatik hasita. Deialdi honi buruzko informazio eta dokumentazio guztia Bilbao Ekintzaren webgunean aurki daiteke: www.bilbao.eus/BilbaoEkintza.

Eskabideak webgunean prestatutako inprimakiaren bitartez baino ez dira aurkeztuko, eskaerak egiteko epea zabaltzen den unetik.

Era berean, ZALANTZAK argitu eta KONTSULTAK egiteko, helbide elektroniko honetara jo daiteke: promocionempresarial@bilbaoekintza.bilbao.eus.

Eskabideak aurkezteko epea bukatuta, Bilbao Ekintzaren webgunean onuradunen behin-behineko zerrenda argitaratuko da, eta 5 egun naturaleko epea emango zaie deialdian ezarritako baldintzak betetzen dituztela egiaztatzen duten agiriak aurkezteko.

BILBAO AURRERA PLANA

Laguntza-sorta berri hau #BilbaoAurrera Planaren barruan dago. Gizarte-, ekonomia- eta kultura-larrialdietarako programa da, 15 milioi euro ditu, eta 50 neurri baino gehiago ditu COVID-19ak pertsonengan eta enpresetan eragindako osasun-krisiaren ondorioak arintzeko, suspertzeko eta berreskuratzeko. Bilboko Udaleko talde politiko guztiek egin eta adostu dute Plan hau.

Beste neurri ekonomiko batzuen artean, enpresentzako pizgarri fiskalak jarri dira abian, zerga eta tasetan murrizketa eta hobari aukera zabalarekin. Pizgarri horiek 3 milioi euroko eragin ekonomikoa izango dute.

Era berean, Bilboko eskualdeko merkataritza elkarteei emandako dirulaguntza izendunak % 100 gehitu dira, eta orain BERREHUN ETA HIRUROGEITA HAMASEI MILA EURO (276.000 €) dira. Horren helburua MERKATARITZA-JARDUERA dinamizatzeko eta BILBOKO AUZOETAN kontsumoa sustatzeko eta sustatzeko ekintza bereziak bultzatzea da eta, horrez gain, tokiko elkartegintza indartzea, egiten duen lan garrantzitsuagatik.

• Bilboko Udalbatzak gaur onartu du uriko merkataritzako zonakako elkarteentzako diru-laguntza izendunak handitzea, auzoetako jarduera dinamizatzeko. Laguntza-sorta hori 276.000 eurokoa da, hau da, % 100 igo da.
• Udalaren laguntza hau #Bilbao Aurrera planaren barruan dago. Premiazko neurrien plan bat da, gizarte-kohesioa eta hiriko ekonomia, enplegua eta kultura biziberritzea helburu dituena, COVID-19-ak Bilbon sortutako egoerari erantzuteko. Udalak 15 milioi euro jarriko ditu horretarako.

COVID-19 gaitzak gure urian eragindako ondorioei aurre egiteko lehenengo neurri fiskalen berri eman ostean (ondorioek 3 milioi euroko kostua dutela jo da), Bilboko Udalak gaur onetsi du DIRU-LAGUNTZAN beste multzo bat, gutxinaka-gutxinaka Bilbo Aurrera plana ezartzen joateko.

Plan hori joan den maiatzaren 8an sinatu zuten Udaleko alderdi politiko guztiek, eta krisiak gehien erasan dituen sektoreekin adostu zen; planaren xede nagusia da presako 50 ekintza jartzea abian, guztira 15 milioi euroko aurrekontua izendatuta, uriko PERTSONEI eta ENPRESEI arreta berezia eskaintzearren, batez ere tokiko merkataritza txikiari, ostalaritzari eta jatetxeei, turismoari eta kultur eta sorkuntza industriei.

Alde horretatik, gaur onesten diru-laguntzen multzoak % 100 gehitzen ditu Bilboko Udalaren Bilbao Ekintza udal sozietateak Bilboko gune bateko eta besteko merkataritza-elkarteei ematen dizkien izendun diru-laguntzak, eta, guztira, BERREHUN ETA HIRUROGEITA HAMASEI MILA EUROko (276.000 €) diru-zenbatekoa banatuko da.

Neurri horrekin, MERKATARITZA JARDUERAri eragiteko aparteko neurriak sustatu nahi dira, BILBOKO AUZOETAKO kontsumoa sustatu eta eragiteko. Beste helburu bat da tokian tokiko elkartegintza indartzea, egiten duten lanaren axola handiagatik.

Diru-laguntza hauek honako entitate hauentzat dira:

• Bilbao Centro Merkataritza Elkartea, ZAZPI KALEETAKO merkatarien elkartea, DEUSTU BIZIRIK merkataritza elkartea, HIRU AUZO merkatarien elkartea, ERREKALDE BIHOTZEAN merkatarien elkartea, LAGUNTASUNA (ZORROTZAKO merkatarien elkartea), AUZOA BERRITZEN 2. barrutiko merkatarien elkartea, Txurdinagako merkatarien elkartea, Santutxuko merkatarien elkartea, Otxarkoagako merkatarien elkartea, SAN FRANTZISKOKO, BILBO ZAHARREKO ETA ZABALAKO merkatarien elkartea, Basurto Berri BASURTUKO merkatarien elkartea, Erriberako Azokako merkatarien elkartea.

Diru-laguntzen multzo hau Bilbao Aurrera planaren barruan dago, zehazki, haren 2.2.17 atalaren barruan: han jasotzen dira, hauez gain, beste ekintza batzuk ere, hala nola laguntza teknikoak gune bateko eta besteko elkarteentzat eta sektore batzuetako eta besteetako eragile ekonomikoentzat, iraun dezaten eta haiek kudeatzeko eta sustatzeko.

Laguntza teknikoa koordinatu egingo da, Bilbao Ekintza udal sozietateko eta Bilbao Dendak eta Bilbao Centro elkarteetako profesionalek elkarrekin eratuko duten talde baten bidez, eta merkataritzako bulego teknikoak baliatuko dituzte horretarako.

BILBAO AURRERA PLANEKO ZENBATEKO HANDIAK

Udalak aurten COVID-19 gaitzak eragindako krisi sanitarioari aurre egiteko urgentziaz eta aldi baterako abian jarriko duen plana uriko hiru jarduera arlotarako da.

Ekonomia eta enplegua sustatzea, 11,4 milioi eurorekin; suspertze sozialerako ekimenak, 2,2 milioi eurorekin, eta kultur ekintzetarako ekimenak, 1,3 milioi eurorekin. Guztira, 15 milioi euro, eta 50 neurri, arreta berezia jartzeko, arestian esan dugunez, uriko PERTSONEI eta ENPRESEI, batez ere tokiko merkataritza txikiari, ostalaritzari eta jatetxeei, turismoari eta kultur eta sorkuntza industriei.