Sormenaren eta kulturaren sektoreak gero eta aintzatespen gehiago jasotzen ditu hiri-inguruetan ekonomia eta berrikuntza garatzeko katalizatzaile gisa egiten duen lanagatik. Alabaina, zer jarduera txertatu behar dira sektore horren barruan? Zein da ekonomian benetan duten eragina? Eta are garrantzitsuagoa dena, zer egiten ari gara zeregin hori aitortzeko?  

Sektorea zedarritzen

KEA aholkularitzak Europako Batzordearentzat egindako definizioaren arabera, sektorea zirkulu zentrokideetan egituratzen da, honela: nukleoan arteak eta ondarea daude; hurrengo zirkuluan liburu, musika, zinema eta bideo, irrati-telebista, bideo-joko eta prentsaren kultura-industriak; ondoren, diseinuari, arkitekturari eta publizitateari lotutako enpresa eta erakundeak, eta, amaitzeko, jarduera horiei lotutako industriak.

Izan ere, sormenak eta arteak uste baino eremu gehiago barne hartzen dituzte, eta gizartea zenbat eta garatuagoa izan, orduan eta gehiago ikusiko ditugu. Esnatzen garenetik berriz ere lo hartzen dugun arte, gure jarduera ugaritan ikus ditzakegu diseinua eta artea: arropan, lanean, komunikazioan, zerbitzu publiko batzuetan, liburuetan, musikan, artelanetan eta abarretan.

Ekonomian duen garrantzia

Europar Batasunaren datuen arabera, sektoreak 12 milioi pertsona baino gehiagori ematen die lana (guztien % 7,5), eta % 4ko ekarpena egiten dio barne produktu gordinari (BPGd). Bilboren kasuan, 2019. urtean enpleguen % 4,7 sortu zituen sektoreak, eta arkitektura eta ingeniaritzakoak ziren langile gehienak (guztien % 40), gero, publizitatekoak (% 12), irrati-telebistakoak (% 11) eta sormen, arte eta ikuskizunetakoak (% 9). 

Datu horien bitartez egiaztatu da ezagutzaren eta sormenaren ekonomia intentsibo batera jotzen ari garela, eta ezaugarri hori oso begi-bistakoa da sektore horretan. Beraz, beste sektore batzuetako ekintzailetzaren eta berrikuntzaren katalizatzaile gisa jarduten du, zuzenean zein zeharka. 

Alde batetik, hiriei eta hiri-inguruei hertsiki lotuta dagoen sektore bat da; izan ere, bertan dauden pertsona-pilaketak eta konexio-sareak gakoak dira berrikuntzarako eta sormenerako prozesua errazteko, bereziki, ingurumena hobetzea eta enplegu kualifikatua sortzea ekarriko duen ekonomia-eredu berri bati lotuta.

 

Garrantzia aitortzea

Horren jakitun gara, eta Europako 2020ko Agendan jada «hazkunde adimendunaz» hitz egin zen, non sormen- eta kultura-industriek zeregin erabakigarria izango duten. Era berean, Europako Horizontea programa (EBren 2021-2027ko Ikerketa eta Berrikuntzarako Esparru Programa) berriaren hiru oinarrietako bat da Europako industriaren lehiakortasunaren munduko erronkei erantzuna ematea sei klusterren bitartez. Kluster horien artean dago, besteak beste, “Kultura, Sormena eta Gizarte Inklusiboa”, eta, hain zuzen ere, sektorea modu hain adierazgarrian nabarmentzen den lehenengo aldia da. 

Euskadiren eta Bilboren kasuan, Europako Batzordeak babestutako Regional Innovation Strategy for Smart Specialization (RIS3) delakoaren barruan, espezializazio adimenduko lehentasun estrategikoak identifikatu dira, eta horren barruan dago kultura- eta sormen-industrien aukera-eremua. 

Bilbo: kulturari lotutako eraldaketa-eredu bat 

Bilbok kulturari eta sormen-diziplinei lotutako ibilbide luzea egin du, eta azken hamarkadetako hiri- eta ekonomia-eraldaketa handiaren ardatz nagusi bihurtu ditu. 

Erreferentziazko azpiegiturak eta proiektuak bereganatu ditu, eta, horrela, hiriari ikusgarritasuna eman ahal izan zaio arlo horretan. Horrek, aldi berean, nazioarteko aintzatespena eta ikusgarritasuna ekarri dizkio. Era berean, tokian tokiko sektorea finkatzen eta hazten laguntzeko proiektuak garatu dira, Zorrotzaurre eta Bilbo Zaharra, esaterako. Hiriarentzako erreferentziazko espazio nagusiak izan dira alor horretan, eta tamaina handiagoko zein txikiagoko organizazio, enpresa eta entitate ugarik modu esanguratsuan lagundu dute Bilboren sormen- eta kultura-sektorea garatzen.

Gaur egun eta Covid-19ari lotutako krisi honen testuinguruan, erronka, inolako zalantzarik gabe, tokiko sektore honen lehiakortasuna babestea eta indartzea izango da, datozen urteetan ere hiriarentzako sektore estrategiko gisa egiten ari den bidea finkatu eta hazi dadin. 

• Bilbao Ekintza udal sozietateak hautaketa-prozesua abiarazi du, lehia askearen erregimenean, enpresa-ideia bat garatu nahi duten ekintzaileentzako 74 plaza emateko eta enpresa-jarduera berriak abian jartzeko beste 10 plaza gehiago emateko.

• Laguntzen zenbatekoa 1.000 euro eta 1.300 euro artean egongo da enpresa-ideiak garatzeko eta 1.500 euro eta 1.950 euro artean enpresa-ekimenak abian jartzeko.

• Eskabideak aurkezteko epea maiatzaren 12an amaituko da, 13:00etan, eta onartuak izanez gero, Bilbao Ideien Gunea (BIG Bilbao) ekintzailetzarako udal zentroaren laguntza eta aholkularitza-zerbitzuaren bitartez bideratuko dira.

Bilboko Udalak, Bilbao Ekintza udal sozietatearen bitartez, enpresa-ideia bat garatzeko eta jarduera berriak abian jartzeko dirulaguntza zuzenen deialdi batean parte hartzeko hautaketa-prozesua abiarazi du. Deialdia Lanbide-Euskal Enplegu Zerbitzuak argitaratu du, eta lehia askeko erregimenean izapidetuko da (2020-03-12ko 50. zenbakidun EHAA).

Era horretan, 74 plaza emango zaizkie ekintzaile izateko gogoa dutenei, enpresa-ideiak garatzeko aukera izan dezaten. Horrez gain, beste 10 plaza emango dira negozio-plan bat garatuta duten eta enpresa-jarduera berriak abian jarri nahi dituzten pertsonentzat. Bi kasuetan, maiatzaren 12ko 13:00etan amaituko da eskabideak aurkezteko epea.

ENPRESA-IDEIAK GARATZEKO LAGUNTZAK

Guztira, 74 pertsonak eskuratu ahal izango dituzte laguntzak. Horren bitartez, negozio-ideia bat aztertu eta garatu ahal izango dute etengabeko aholkularitzarekin, gutxienez bi hilabetez, Bilbao Ideien Gunea (BIG Bilbao) ekintzailetzarako udal-zentroan.

Laguntzen zenbatekoak ordainketa bakarrean emango dira: 1.000 euro 30 urtetik gorako gizonentzat (30 urtekoak barne); 1.150 euro 30 urtetik gorako emakumeentzat (30 urtetik gora) eta 30 urtetik beherako gizonentzat, eta 1.350 euro 30 urtetik beherako emakumeentzat.

Laguntzak eskuratu nahi izanez gero, honako baldintza hauek bete beharko dira: enpresa-proiektu bat garatzeko ideia bat eduki; Euskadin erroldatuta egon eta bertan benetan bizi; langabezian egon eta Lanbiden enplegu-eskatzaile gisa inskribatuta egon; azken urtean enpresa-jardueren gaineko zergan edo langile autonomoen erregimen berezian alta emanda egon ez izana, eta BIG Bilbaoren aholkularitza- eta laguntza-prozesuan parte hartu.

ENPRESA-JARDUERA BERRIAK ABIARAZTEKO DIRULAGUNTZAK

Laguntza hauek enpresa-proiektu bat gutxienez hiru hileko epean abian jartzeko beharrezkoak diren jarduketak garatzeko erabiliko dira. Guztira, honako betekizun hauek betetzen dituzten 10 pertsonak jaso ahal izango dizute laguntzak: Euskadin erroldatuta egon eta benetan bertan bizi; langabezian egon eta Lanbiden enplegu-eskatzaile gisa inskribatuta egon; azken urtean enpresa-jardueren gaineko zergan edo langile autonomoen erregimen berezian alta emanda egon ez izana; enpresa edo negozio berri bat ezartzeko enpresa-bideragarritasunerako plan bat eduki, eta BIG Bilbaoren aholkularitza- eta laguntza-prozesuan parte hartu. Bestalde, enpresa-jarduerak Bilbon izan behar ditu sozietate- eta zerga-helbideak.

Betekizunak betetzen dituztenek honako laguntza hauek eskuratu ahal izango dituzte: 1.725 euro 30 urtetik gora gizonen kasuan (30 urteak barne); 1.950 euro 30 urtetik gorako emakumeen kasuan (30 urtean barne); 1.150 euro 30 urtetik beherako gizonen kasuan, eta 1.300 euro 30 urtetik beherako emakumeen kasuan. Ordainketak bi zatitan egingo dira: % 50 laguntza onartzen denean eta % 50 enpresa-jardueren gaineko zergan alta eman ondoren.

BIG BILBAO, IDEIEN FABRIKA

Ideia ekintzaileak garatzeko eta enpresa-ekimen berriak abian jartzeko laguntzak BIG Bilbao ekintzailetzarako udal-zentroaren aholkularitza- eta laguntza-zerbitzuaren bitartez bideratuko dira. Zentroak, hain zuen ere, start-up eta negozio berriak sortzeko eta finkatzeko beharrezkoa den laguntza eskaintzen du 2017. urtetik. Zentroan jardunean ari diren profesionalek 20 urte inguruko ibilbidea dute ekintzailetzaren esparruan, eta 2.000 enpresa baino gehiago sortzen lagundu dute. Zentroa BILBAO EKINTZA udal-sozietateari dago atxikita.

KONTSULTAK ETA INFORMAZIOA: 

Tel.:94 420 53 60 | big@bilbaoekintza.bilbao.eus

• Bilboko Udalak 2020. urtean, COVID-19aren urtean, hirian 112 enpresa berri sortu zituzten ekintzaileak saritu nahi izan ditu. Ekintzaileek, gainera, BIG Bilbao ekintzailetzarako udal-zentroaren laguntza eta babesa jaso dituzte Betiko Bilbao Ekinean Gala antolatu ezin izan bada ere, Juan Mari Aburto alkateak udaletxeko Areto Arabiarretik omendu nahi izan ditu ekintzaileak, eta, haren ustez, «PERTSONA AUSART horiek hiriaren bihotza dira, pandemiagaraian beren negozioak sortu baitituzte».

• Mugikor erraldoi berezi bat erabili dute ekitaldian 112 enpresa berriak ORDEZKATZEKO IRUDI SINBOLIKO gisa, ekintzaileak irudietan agertu baitira Bilboko baldosarekin «Kopuru oso garrantzitsua da— esan du alkateak—, eta duen garrantzia nabarmendu behar dugu, orain inoiz baino gehiago, inoiz bizi izan dugun urterik latzena izan baita».

• Sozietate berri horien bitartez, halaber, 137 lanpostu berri sortu dira, orotara egin den milioi bat euro baino gehiagoko inbertsioarekin.

Aurten, beste urte batzuetan ez bezala, ezin izan da Azkuna Zentroko gala antolatu; izan ere, COVID-19agatik ezarritako muga eta murrizketen ondorioz, ezin izan da hirian “klasiko hutsa den” BILBO EKINEAN GALA antolatu. Udalean garrantzi handia ematen diote ekitaldiari, urtero-urtero, hirian enpresa bat martxan jarri duten ekintzaile guztiak saritzen eta aintzatesten baitira bertan. Ekintzaile guztiek jasotzen dute BILBOKO BALDOSA Juan Mari Aburto alkatearen eskutik. Figura sinboliko bat da, baina oso maitatua, udalaren laguntzarekin negozioa abian jartzeko egindako bidea islatzen baitu.

Hala eta guztiz ere, 2020. URTEKO, COVID-19aren urteko, EKINTZAILEEI DAGOKIENEZ, Bilboko Udalak ez du aipatu gabe utzi nahi izan 112 enpresa berri sortu izanaren garrantzia, aldi horretan izandako murrizketak eta zailtasunak kontuan hartuta. Hauxe esan du alkateak: «Kopuru oso garrantzitsua da, eta orain, inoiz baino gehiago, nabarmendu egin behar dugu, inoiz bizi izan dugun urterik latzena izan baita. PERTSONA AUSARTEN urtea izan da, pandemia-garaian negozioak sortzen ausartu baitira».

Enpresa berri horiek martxan jartzeko, udalak eskainitako babesa eta aholkularitza jaso dituzte Bilbao Ekintza udal-sozietateari atxikitako BIG Bilbao (Bilbao Ideien Gunea) ekintzailetza-zentroaren bitartez. Lantaldearen laguntza jaso dute une oro, modu semipresentzialean edo birtualean ekintzaileen familia handiari zerbitzua ematen jarraitu baitu.

Juan Mari Aburtok azaldu duen bezala, 112 sozietateek, halaber, 137 lanpostu berri sortu dituzte hirian, eta, guztira, milioi bat euro baino gehiagoko inbertsioa egin da.

BILBOKO BALDOSA, AHALEGINAREN OMENEZ

Ekintzaile guztiei hurbileko omenaldia egin zaie udaletxeko Areto Arabiarretik, «hiriko gertakari garrantzitsuen aretotik», non MUGIKOR ERRALDOI baten formatua duen pantaila batean sustatzaileen ARGAZKIAK ikusi diren, Bilboko Baldosa eskuan. Horrela, protagonismoa eman zaie 2020. URTEKO AUSARTEI, Juan Mari Aburtok deskribatu dituen bezala. Baldosa hori alkateak eta Xabier Ochandiano zinegotziak zuzenean eman zieten duela egun batzuk. «Bilboren oroigarri bat edukitzea nahi genuen, egindako ahaleginaren sinboloa, eta nola edo hala hemen ordezkatuta egon zitezen nahi genuen, udalaren bihotzean, hau da, hiriaren bihotzean».

Irudiez gain, enpresa hauetako bi sortzaile ere izan dira bertan: TOKITU ESPACIOS (www.tokituespacios.com), Amaia Díez Rodriguez eta Jokin Astorquiarena, espazioak teknologia berriak erabiliz diseinatzeari lotua, eta CEOLEX (www.ceolex.ai/) Geisiane Maiara Marth-ena, aholkularitza juridikoko on line zerbitzuak eskaintzen dituen firma. Bi enpresen sustatzaileek COVID-19aren urte honetan bizitako esperientzia eta bizipenak partekatu dituzte, 2020. urteko ekintzaile guztien ordezkaritzan.

EKINTZAILETZAREKIKO INTERESA DUTEN GAZTE GEHIAGO

Enpresen kopuru altuaz gain —2019. urtean 139 izan ziren—, 30 urtetik beherako gazteek zuzendutako ekimenek gora egin dutela azpimarratu behar dugu. Guztien % 28,47 izan dira, nahiz eta ekintzaile gehienak 36 eta 45 urte arteko adin-tartean egon.

Besteak beste, adierazi beharra dago pixkanaka-pixkanaka emakumeen kopuruak gora egin duela, eta, orain, negozio berrien % 51,09 hartzen dituzte. Bestalde, erdi-mailako eta goi-mailako ikasketak dituztenen kopuruak ere gora egin du (% 81,74).

Sektoreen arabera, hauexek dira jarduera nagusiak: enpresa-zerbitzuak (% 20,54), merkataritza (% 17,86), diseinua (% 17,86) eta gizarte-jarduerak eta zerbitzu pertsonalak (% 8,93). Amaitzeko, eta kokapena kontuan hartuta, negozioen % 29,46 Ibaiondoko barrutian ezarri ziren, % 26,79 Abandon, % 9,82 Begoñan eta % 8,93 Deustun eta Rekalden.

BIG BILBAO, IDEIEN FABRIKA

Bilboko Udalak, 2017. urtetik eta BIG Bilbao (Bilbao Ideien Gunea) ekintzailetza-zentroaren bitartez, negozio eta start-up berriak sortzeko eta finkatzeko beharrezkoa den laguntza eskaintzen du. Zentroan jardunean ari diren profesionalek 20 urte inguruko ibilbidea dute ekintzailetzaren esparruan, eta 2.000 enpresa baino gehiago sortzen lagundu dute. Zentroa BILBAO EKINTZA udal-sozietateari dago atxikita.

BIG Bilbaon atsegin handiz hartzen ditugu negozio-ideia guztiak, baina, bereziki, udalak garapen ekonomikorako eta hiria proiektatzeko estrategikotzat jotzen dituenak, hau da, zerbitzu aurreratuak, kultura- eta sormen-industriak eta ekonomia digitala. Oinarri teknologikoko proiektuetarako eta start-upetarako berariaz diseinatutako ekintzailetza digitaleko programa nabarmendu behar da.

2020. URTEKO DATUAK

Iaz, 2020. urtean, udal-zerbitzuan 1.272 pertsonek jaso zituzten ekintzailetzarako laguntza eta aholkularitza. Guztira, 332 enpresa-ekimen jaso ziren, eta 421 proiektuk laguntza eta aholkularitza jaso zituzten (421 proiektu horietatik, 246 proiektu 2020. urteko ekimen berriak izan ziren).

Elkarrekin egindako lan horretatik, 112 enpresa berri sortu ziren, eta 137 lanpostu berri sortu zituzten Bilbon. Hain zuzen ere, horiexek dira Bilboko Udalak omendu dituenak.

Era berean, Bilbao Ekintzaren babesarekin martxan jarritako enpresen % 68k, gutxi gorabehera, martxan jarraitzen du lehenengo hiru urteak igaro ondoren.

BIG Bilbao zentroko zerbitzu guztiak doan eskaintzen zaizkio ekintzailetzaren komunitateari, eta Europako Gizarte Funtsa 2014-2020 programa eragilearen % 50eko finantzaketa jasotzen dute.

BIG BILBAO HANDITU EGIN DA 2020. URTEAN

Pandemiaren eragina gorabehera, 2020. urtean hazkunde- eta hedapen-urtea izan da ekintzailetzarako BIG BILBAO uda-zentroarentzat. Hori horrela, urrian Zabalguneko eraikinera aldatu zituzten bulegoak (Zabalguneko plazan), bertan COVID-19ari lotutako neurri berrietara hobeto egokitzeko; izan ere, distantzia luzeagoak eta espazio handiagoak behar dira. Alabaina, batik bat, bulegoak eta zerbitzuak zabaldu nahi izan dituzte instalazio berrietan, hazten jarraitzeko proiekzio irmoarekin.

Bilbon negozio berri bat sortu nahi dutenek informazioa eska dezakete BIG Bilbao zentroan, telefono bidez 944 20 53 60 zenbakian edo big@bilbaoekintza.bilbao.eus helbidera mezu elektroniko bat bidaliz.

El Correok martxoaren 2an egingo du STARTInnova negozio-ideien lehiaketaren zortzigarren edizioko sari-banaketa. Ekitaldia zuzenean jarraitu ahal izango da egunkariaren webgunearen bitartez.

Erakunde babesleekin, laguntzaileekin eta aholkulariekin batera, programaren helburua gazteen artean espiritu ekintzailea sustatzea da. Aurten, Bizkaiko eta Arabako berrogeita hamar bat ikastetxetako 1.308 gazte bildu ditu, ekintzailetzaren mundura abiatu direnak. Guztira 271 proposamen aurkeztu dituzte.

Horietatik, EHUko ebaluazio-batzorde batek hamar baino ez ditu hautatu, eta honako hauei utzi die azken erabakia: Jon Barrutia, Sarriko fakultateko dekanoa; Eider San Antonio, Banco Sabadelleko Negozio zuzendaria; Mila Gallastegi, Bilbao Ekintzako autoenplegu-teknikaria; Pili Alonso, Tknika Ingurune Estrategikoetan Aplikatutako Berrikuntzako zuzendaria; eta Antonio Barrena, El Correoko Ekitaldi eta Patrocinioen zuzendaria.

• Bilbao Ekintza udal-sozietatearen BIG Bilbao Ekintzailetza Zentroak hitzaldi birtualak antolatuko ditu otsailaren 17an eta 18an. Bertan, Álex Txikonen lekukotza entzun ahal izango dugu, eta mahainguru, networking eta hitzaldietan parte hartu.

• Saioetan, pandemiaren ostean hiribilduan sortu diren negozio-aukera berriak landuko dira, eta arreta berezia jarriko da enpresa txiki eta ertainei zuzendutako Europako laguntzetan, jasangarritasunarekin eta ekonomia zirkularrarekin zerikusia duten negozio-aukeretan eta transformazio digitalean.

• Berritzaileak izan nahi duten edo beren negozioak berrasmatu nahi dituzten enpresek eta ekintzaileek esteka horretan eman dezakete izena.

Otsailaren 17an eta 18an, Bilboko Udalak, BIG Bilbao ekintzailetza-zentroaren bitartez, “Negozio-aukera berriak Bilbon” jardunaldiak antolatuko ditu, ekintzaileei zuzenduak, bai eta berritzaile izan edo berrasmatu nahi duten enpresei ere.

Bi egun horietan, adituak birtualki bilduko dira beren esperientzia partekatzeko. Besteak beste, Álex Txikon izango da bertan, eta jardunaldiei emango die hasiera “Altuera kontua” hitzaldiarekin. Era berean, Consultora Zorraquino enpresako Miguel Zorraquino, Emprendedores aldizkariko Alejandro Vesga Aran eta Enfokamer Euskadiko Merkataritza Behatokiko Jorge Francisco Martín bilduko dira “Covid-19ak sortutako aukera-nitxoak” mahainguruan. Bertan, Covid-19aren ondorioz sortutako aldaketa berriak azalduko dizkiete parte-hartzaileei.

Ondoren, CDI Consultants-eko Román Ruiz arduratuko da Europatik iristen diren enpresa txiki eta ertainetarako laguntza ekonomien berri emateaz, “Nola finantzatu dezaket nire negozio-ideia?” hitzaldiarekin. Lehenengo eguna Ana Mezoren (Ihobe – Basque Design Hub) hitzaldiarekin amaituko da, jasangarritasuna eta ekonomia zirkularra aukera izateari dagokionez sortzen diren negozio-aukerei buruzkoa

Otsailaren 18an, osteguna, “Transformazio digitala versus gaitasun digitala” saioarekin hasiko da jardunaldia. Bertan Sergio de la Casa eta Luz de León sektore digitaleko adituek parte hartuko dute “Ozeko Aztia edo transformazio digitalaren gezur handia” eta “OKR metodologia eta transformazio-prozesuan duen zeregina” hitzaldiekin, hurrenez hurren, transformazio digitalaren prozesua arintzeari buruzkoak. “Negozio-aukera berriak Bilbon” amaitzeko, networking saio bat antolatuko da, non hurbiltasuna, komunitatea, sinergiak eta lankidetzak sortuko diren ideia-negozio bat duten parte-hartzaile eta enpresen artean.

Jardunaldiekin Bilboko Udalak ekintzailetzaren aldeko apustua egin nahi du, jarduera eta enplegua sortzeko gai den enpresa-ehuna sustatzen duen tresna gisa, eta, gainera, BIG Bilbao zentroa sendotu nahi du, ekintzailetzaren munduko erreferentzia gisa.

IZENA EMATEKO METODOA

Ekintzailetzari ekin nahi dioten Bilboko pertsona guztiek, bai eta berritzaile izan edo beren burua berrasmatu nahi duten guztiek, bi saio horietan parte hartu ahal izango dute, zoom bidezko webinar batean eta esteka honetan izena emanez. Bestalde, zuzenean ikusi ahal izango dira jardunaldiak Bilbao Ekintzaren Youtube kanalaren bitartez.

Bilbao Ekintza udal-sozietatearen BIG Bilbao Ekintzailetza Zentroak “Negozio aukera berriak Bilbon” jardunaldi birtualak antolatuko ditu otsailaren 17an eta 18an. Bertan, Álex Txikonen lekukotza entzun ahal izango dugu, eta mahainguru, networking eta hitzaldietan parte hartu.

Saioetan, pandemiaren ostean hiribilduan sortu diren negozio-aukera berriak landuko dira, eta arreta berezia jarriko da enpresa txiki eta ertainei zuzendutako Europako laguntzetan, jasangarritasunarekin eta ekonomia zirkularrarekin zerikusia duten negozio-aukeretan eta transformazio digitalean.

Berritzaileak izan nahi duten edo beren negozioak berrasmatu nahi dituzten enpresek eta ekintzaileek esteka horretan eman dezakete izena.

• Behin obra amaituta eta Mondragon Unibertsitateko ikasleek lehenengoz bertaraturik, Bilboko Udalak BILBAO AS FABRIK delakoaren barnea agertu du, alegia, antzinako torloju fabrika gaur Zorrotzaurren berrikuntzaren itsas-argi berri gisa ageri den egoitzarena, beste urrats bat talentuaren eta ezagueraren uharte bihurtzeko bidean.

• Egoitza berri hori, non zura eta beira diren nagusi, industriazko iraganean ondo erroturik, 4.0 industriarako zerbitzu aurreratuen eta ekonomia digitalaren “fabrika” izango da orain, eta han egingo dute bat unibertsitateko formazioak, ekintzailetzak, StartUps direlakoen abiarazteak, enpresa-ekimen berritzaileek eta bestek.

• Inaugurazio ekitaldiaren ondoren, zeinean Bilboko alkate Juan Mari Aburto eta Mondragon Unibertsitateko errektore Vicente Atxa izan baitira buru, BILBAO AS FABRIK proiektuak hedatzeko fase berri bati ekin dio, berrikuntza eta ekintzailetzako ekosistema bihurtzeko bidean; esan behar da, bestalde, europar erakundeen finantzaketa esanguratsua izan duela proiektuak.

Juan Mari Aburto Bilboko alkatea eta Vicente Atxa Mondragon Unibertsitateko errektorea izan dira gaur buru BILBAO AS FABRIK delakoa inauguratzeko ekitaldian; proiektu hori asmo handikoa da, eta udala izan du aitzindari, bazkide estrategikoen sare baten laguntzarekin eta Europako erakundeen finantzaketa handiarekin.

Erakunde-ekitaldi bat izan da, beraz, eta Udalak, behin obra amaiturik eta lehenengoz eraikina irekirik iragan urtarrilaren 7an Mondragon Unibertsitateko lehenengo 228 ikasleentzat, eraikin ospetsuaren barnea erakutsi nahi izan du, zeinak 4.0 industriarako zerbitzu aurreratuen eta ekonomia digitalaren fabrika izateko xedea baitu, beste urrats bat eginik Zorrotzaurre Talentuaren eta Ezagueraren Uharte bihurtzeko bidean. Azken batean, lan egiteko modu berriak, garai berrietarako.

Alkateak azaldu duen legez, BILBAO AS FABRIK izan zen “gure eskuetara iritsi zen” lehenengo proiektuetako bat, agintaldia hasi berritan. “Proiektu gaitz bat, hasiera-hasieratik hartu genuena desafio handi baten moduan. Goitik behera aztertu ostean, ausartu ginen hura Europar Batzordearen deialdi oso zorrotz batean aurkeztera, bide honetan guztian lagundu diguten bazkide estrategiko batzuekin batera”, hala nola Orkestra, Eiken, Gaia, IDOM eta Mondragon Korporazioa, MIK eta Mondragon Unibertsitatea, betiere Udala zelarik liderra.

Ekimenaren lehen xedea zen bertako enpresen lehiakortasuna hobetzea eta ZORROTZAURREKO hiri-eremu jasangarria eta hedatzen ari dena finkaraztea ekosistema berritzaile legez eta 4.0 industriarako zerbitzu aurreratuen eta ekonomia digitalaren eremuko erreferentzia legez, bertara bilduz unibertsitate-formazioa eta enpresa-ekimen berritzaileen eragile izango diren pertsonen komunitate bat.

Prozesu horren guztiaren “erramua” , hala deitu baitio Juan Mari Aburtok, zera zen: bertan behera utzita zegoen eraikin bat birgaitzea, industriazko iragana zeukana, proiektu guztiaren erdigune bihur zedin. BETA 2 izan zen horretarako hautatutako pabiloia, Zorrotzaurren baitzegoen, antzinako torloju-fabrika bat, joan den mendeko 70eko hamartekoa, guztiz utzita zegoena.

Bilbao As Fabrik proiektua hautatu zen herrialde batzuek eta besteek aurkeztutako 400 proposamenen artean, eta, hala, “abentura eder” bati ekin zitzaion, hala deitu dio alkateak, zeina, orain, “itsas-argi” berri baten legez ageri baita, zeinaren egituran beira eta zura baitira nagusi, baina industria eremuaren izaera sendoari eutsiz, betiere.

Mondragon Unibertsitateko errektore Vicente Atxak berriz, aipatu du, “Bilbao AS Fabrik proiektu estrategiko bat da Mondragon Unibertsitatearentzat. Bertan, Bilboko Udalaren lankidetzarekin inguru bat garatuko dugu non, bizikidetzan arituko diren, StarUps-ak, zerbitzu aurreratuak eskainiko dituzten enpresak eta gure ereduarekin bat datorren unibertsitate eskaintza, hau da, enpresekin harreman zuzenean”. Epe laburrera begira esan du baita ere “Gure helburua da, 800 ikasleri enpresa kudeaketarekin, 4.0 industriarekin, robotikarekin, big datarekin, digitalizazioarekin eta honek humanitateetan eta hezkuntzan duen inpaktuarekin besteak beste formazioa eskaintzeko gune batekin kontatzea.”

“Une honetan, Bilbao AS Fabrik-en, Mekatronika Ingeniaritza Gradu Duala, Enpresen Administrazio eta Zuzendaritza Gradu Duala, Business Data Analytics Gradua eta Humanitate Digital Globalak Gradua eskaintzen ari gara” adierazi du Mondragon Unibertsitateko Errektoreak, Vicente Atxak.

Obra: beira,zura eta industria espiritua

Beta II Eraikina berritzeko eta birgaitzeko lanek 9,6 milioi euroko aurrekontua izan dute (bi fasetan), eta Bilboko Udalak eginarazi ditu guzti-guztiak. Pabilioia Udalaren jabetzakoa zen; 5 solairu ditu (estalkiaz gainera): zero solairua, solairuartea, 1. solairua, 2.a eta 3.a.

• Lehenengo fasean, egiturazko hobekuntzak egin dira, eta, ondoren, beheko solairua, solairuartea eta lehenengo solairua egiteko lanei ekin zaie; dagoeneko, han dira Mondragon Unibertsitateko ikasleak.

Udalak eraikina birgaitu du, solairu guztietara zabalik egongo den PATIO BATEN INGURUAN antolatuta geratu delarik. Kanpoan nola barruan, industria eremu baten izaerari eutsi nahi izan dio obrak. Horretarako, eraikinaren barrualdea industria-kontzeptu ireki batetik abiatuta eraiki da, zurezko eta beirazko kutxetan sartutako espazioekin. Eraikinak harmailadi gisako bi auditorio ireki ditu, eta haietako batek beheko solairua eta lehenengoa lotzen ditu.

• Eraikinaren kanpoaldea ere birgaitu egin da osoki, eta beirate zabal-zabalak ezarri dira, eraikinaren barrualdera argi naturala sartzeko bidea emanez. Bistako adreiludun fatxadak osorik berreraiki dira, eta gainerakoak egurrezko xaflen bidez zaharberritu dira.

Kanpoko sarbideei dagokienez, aldez urbanizatu dira, behin-behinean, arranpa, eskailera eta Beta I eraikinerako sarbidearekin lotuta; izan ere, eraikin horretan dago DIGIPEN, bideojokoen unibertsitatea izenarekin ere ezagutzen dena.

• Datozen hilabeteetan, Bilboko Udalak eraikin horietara bietara sarbidea ematen duen plaza berrurbanizatuko du, bai eta goiko solairuak birgaituko ere (bigarren eta hirugarren solairuak). Haien diseinuak dagoeneko egokituta dauden solairuen estetikari eta funtzionalitateari jarraituko die, industriazko gune irekiaren izaerari eutsiz, eta eraikin osoa patio ireki baten inguruan antolatuz. Obra horiek datorren udan gauzatuko direla jotzen da, ikasturtea amaiturik.

Gune berri hauek, halaber, Mondragon Unibertsitateak okupatu eta kudeatuko ditu, irakaskuntzarako eta enpresa-jarduerarako.

BIlbao As Fabrik aurrera doa

Lehen esan den moduan, BILBAO AS FABRIK irekita, ALDI BERRI bati ekingo dio orain proiektuak, zeina dagoeneko hasi baita, iragan urtarrilaren 7an Mondragon Unibertsitateko 228 ikasle lehenengo bider bertaratu zirelarik, eta dagoeneko beheko solairua, solairuartea eta lehenengo solairuak erabiltzen hasi direlarik. Solairu horietan, gelak, laborategi urbanoa eta makery-a (prototipoetarako espazioa) daude.

Aria-arian, start up direlakoak hasiko dira sartzen, eta baita aurreikusita dauden gainerako jarduerak ere: guztira, 1.000 lagun har ditzake guneak, ikasle nahiz eragileak, eta haiek eraikiko dute berrikuntza- eta ekintzailetza-ekosistema, hori baita egoitzaren xedea.

Europako finantziaketa esanguratsua

Proiektua hain handia izanik, BILBAO AS FABRIK egitasmoak europar finantzaketa handi samarra jaso du, eta Zorrotzaurren egindako lanaren berme izan da etengabe.

Guztira, 9,4 milioi euro izan da Europako erakundeek finantzatutakoa (6,4 milioi euro EGEF Funtsen bitartez; 3,6 milioi euro erdi bana finantzatuak Hiri Garapen Jasangarri eta Integratuko Estrategia- Zorrotzaurre Proiektuaren bitartez; eta beste 5,8 milioi euro Hirigintza Ekintza Berritzaileen Programa – Bilbao As Fabrik Proiektuaren bitartez.

Pieza berria Zorrotzaurreko uharteko berrikuntza puzzlean

BILBAO AS FABRIK abian jarrita, beste proiektu batzuei batzen zaie, haiek ere Bilboko Udalak lagunduak, betiere Zorrotzaurre Talentuaren eta Ezagueraren Uharte bihurtzeko asmoarekin, bai eta unibertsitate-hiri bihurtzeko ere, egoitza espezializatu ospetsuak bilduz bertara, gazteek han ikasi eta lan egin dezaten, eta bizi ere bai.

Horien artean dago DIGIPEN, bideo-jokoen unibertsitatea ere deitu izan zaiona, eta mugakide dena Bilbao As Fabrik-ekin, edo KUNSTHAL IED BILBAO Diseinuko Europar Institutuarekin, zeina Paper-fabrikaren eraikin berrituan baitago kokatuta, eta nazioarteko erreferentzia baita diseinuarekin zerikusia duten gaietan, eta zeina italiar jatorriko taldearen hirugarren egoitza izango baita Estatuan, Madrilekoarekin eta Bartzelonakoarekin batera.

Mondragon Unibertsitatea Bilbao As Fabrik-en

Mondragon Unibertsitateak BILBAO AS FABRIK-en bildu eta kudeatuko du eskaintza berritzaile eta praktiko bat, enpresen eta gizartearen eraldaketa eta beharrizan zinezkoei egokitua, non formazioa ez ezik, networking ekintzak, start up direlakoak abiaraztea eragin eta faboratuko duten proposamenak eta ideien behatoki eta laborategi bat abiaraztea ere konbinatuko baitira. Azken xedea da BILBAO AS FABRIK proiektuak hiriari enplegu berezituagoa eskaintzea Talentuaren eta Ezagueraren Uharte honetan.

Eraikin honetan, lehenengo unetik, 5 unibertsitate titulu eskaintzen dira:

Ingeniaritza Mekatronikoko gradu bikoitza (40 ikasle ari dira); Business Data Analytics gradua (83 ikasle), Humanitate Digital Globalak (HDG) gradua (27 ikasle), Enpresen Administrazio eta Zuzendaritza gradua (72 ikasle) eta Ikaskuntza Errazten unibertsitate masterra (6 ikasle). Arian-arian, berezko unibertsitate tituluak gehitzen joango dira.

1. Ingeniaritza Mekatronikoko gradu bikoitza (iraila eta abendua bitartean Zabalguneko eraikinean eman da) izango da Mondragon Unibertsitateak Bilbon martxan jarriko duen ingeniaritzako lehen gradua. Titulua Somorrostro Prestakuntza Zentroarekin lankidetzan eskaintzen da, eta, horrela, Lanbide Heziketaren eta unibertsitatearen arteko lankidetza sustatzen da, zeina Eusko Jaurlaritzaren 2019-2022 aldirako Euskal Unibertsitate Sistemaren Planaren ardatz estrategikoetako bat baita, eta zeinean Mondragon Unibertsitatea estatuko erreferentzia baita.
2. Unibertsitateak Bilbon bakarrik ematen duen gradu berri bat ere izango da Bilbao AS Fabrik eraikinean: Humanitate Digital Globalen gradua, fenomeno sozialak eta erronka globalak sakon ezagutzea helburu duen gradu hirueleduna eta presentziala. Gradu honek aukera ematen du Ikasketa Globaletan eta Humanitate Digitaletan espezializatzeko.
3. Business Data Analytics gradua (BDATA), Datuen azterketari buruz Euskadin ematen den lehen gradua da, eta enpresa-kudeaketaren, matematikaren, estatistikaren eta teknologiaren arloko ezagutzak modu integralean uztartzen ditu.
4. Duela bi urte Bilbon ematen hasi zen beste gradu bat ere hartuko du Bilbao AS Fabrikek: Enpresen Administrazio eta Zuzendaritzako gradu bikoitza (myGADE). Gradu horrek lau urteko (bikoitza) lan-esperientzia esanguratsua eskaintzen du prestakuntza-aldian, eta aukera erakargarria da praktikan oinarritutako prestakuntza-esperientzia bilatzen duten ikasleentzat.
5. Azkenik, Unibertsitateak Ikaskuntza Errazteari buruzko Unibertsitate masterra emango da Bilbao AS Fabrik-en. Masterra modu erdi presentzialean egiteko aukera izango da, eta ikasketa eta berrikuntza prozesuak sustatzera bideratutako Estatuko titulazio bakarra izango da. Aurten, lehen aldiz, Bilbon eta Madrilen emango da.

• COVID-19a dela-eta ezarritako segurtasun-neurrien ondorioz pertsonen arteko segurtasun tartea gordetzeko leku gehiago behar zutela-eta, eta ireki zenetik hona bere bulegoetara datorren ekintzaile kopurua ere handitu egin dela-eta, Bilboko Udala are arinago aldatu da lekuz, eta Zabalguneko Eraikinera joan da, geroz eta gehiago haztekotan, gainera.
• Ekintzailetza Zentroa, itxialdia tartean izan arren, ez da une batez ere geratu zerbitzuak eskaintzetik, betiere formatu birtuala baliatuz; orain, kokaleku berrian, aurrez aurreko zerbitzuan ere hasiko da, arian-arian.

Big Bilbao Ekintzailetza Zentroa Bilbao Ekintza udal sozietatearen zerbitzu bat da, aholku emateko urian negozio berriak abiarazi nahi dituztenei; Zabalguneko Eraikinera aldatu ditu berri ditu bere bulegoak.

Kokaleku berriaren xedea da segurtasun neurrietara egokitzea, leku gehiago behar baitute COVID-19aren ondorioz elkarren arteko tarteak gordetzeko, eta, halaber, bulegoak handitzeko, aholku bila datorkien jende kopurua hazi egin baita 2017ko martxoan Colón de Larreategi kalean inauguratu zenetik.

Ekintzailetza Zentroaren leku aldaketa bi alditan gauzatuko da: Lehenengo aldian, talde tekniko aholkularia Zabalguneko Eraikinaren beheko solairuan kokatu da, 200 m2-ko gune batean. Bigarren aldian, zerbitzua modu birtualean emango da oraindik, itxialdian bezala, baina aurrez aurreko zerbitzua sartuaz arian-arian, aldez aurreko hitzorduaren bidez. (Telefonoa: 944205360).

Ondoren, Zabalguneko Eraikinean bertan instalazioak handitu nahi dira, gune berriak ipiniz etorkizunari begira proiekzio handiagoa izateko modua izatearren: hala, jarduera asko bilduko dira ekintzailetzaren ekosistemaren inguruan, ekosistema horretako beste agente eta eragile batzuen arteko topaketarako eta konexiorako leku izatearren.

ENPRESAK SORTZEA COVID-19A GORABEHERA

Itxialdia gorabehera, Ekintzailetza Zentroa ez da geratu, eta formatu birtualarekin jarraitu du lanean. Izan ere, urtarriletik irailera arte, Bilbon 70 enpresa sortzeko laguntza eman du, eta 83 enplegu sorrarazi dira horrela; horiek guztiek 650.000 euroko inbertsioa eragin dute.

Datu horiek positiboak dira, eta Big Bilbao haziz joan denez gero, Udaleko arduradunek kokaleku berri bat bilatzeko aukera haztatu zuten, eta prozesu hori arindu egin zen COVID-19a dela-eta ezarritako osasun neurriengatik.

2017tik (ekintzailetza zentroa ireki zenetik) 2020ko irailera arte erregistratutako datuak:

• Ekintzailetza zerbitzuan informazioa jaso duten pertsonak: 5.476.
• Lagundutako eta aholkatutako proiektuak: 1.335.
• Enpresa kopurua: 509.
• Sortutako enplegua: 708.

BILBOKO LEHEN EKINTZAILETZA ZENTROA

Gogoan izatekoa da Big Bilbao dela lehen zentroa dela espazio berean ekintzaileentzako laguntza guztiak biltzen dituena, eta, gainera, aholku bila datozenak gidatzeko, koordinatzeko eta ekimen bakoitza beste agente edo zerbitzu egokiago batera bideratzeko zerbitzu integral bat dela, eta, halaber, erakarpen motor moduan ere jarduten dela, eta Bilbo lurralde ekintzaile moduan kokatzeko jarduerak dinamizatzen ere bai.

Badira zenbait gako Big Bilbaoren ibilbidean:

• Bilboko ekintzailetzaren erreferentzia nagusia da.
• Bilbon enpresa proiekturen bati ekin nahi diotenentzako ate nagusia da.
• Informazioa emateko eta aholku bila datozenak gidatzeko gune nagusia da ekintzailetza gaietan.
• Ekosistema ekintzailearen barruan laguntzeko beste agente/zerbitzu batera bideratzeko puntua da, proiektu bakoitzaren beharrizanen arabera.
• Ekintzaileen, garatzen ari diren proiektuen eta enpresa finkatuen arteko topaketarako, elkarren arteko eraginerako eta networking-erako lekua da.
• Ekintzaile izateko gaitasunez hornitzeko gune bizkor bat da.
• Enpresa ideia berriak sortzeko zentro bat da.
• Erakusketarako, berrikuntzarako eta joerak ezagutzeko gune bat da.
• Proiektuen eta finantzaketa-aukera publiko nahiz pribatuen arteko lehen topaketa gertatzen da bertan.

BAZKIDE LAGUNTZAILEAK: Ekintzaile izateko laguntza gehiago

Ekiten duten pertsonei modu batera eta bestera laguntzearren, Udalaren zentro honek hitzarmenak egin ditu zenbait partzuerrekin. Horien artean, Bilbon diren hiru unibertsitateak (EHU, Deustu eta Mondragón-Bilbao Berrikuntza Faktoria), Eusko Jaurlaritza, Bizkaiko Foru Aldundia, Kutxabank eta Merkataritza Ganbera, Elkargi, Microsoft, HP…

• Bilboko sormen- eta kultura-sektoreari laguntzea du helburu, hiria dinamizatzen duten eta herritarren partaidetza modu seguru eta arduratsuan sustatzen duten proiektuak diruz lagunduz.
• Proiektuak urriaren 14ra arte aurkeztu ahal izango dira, esteka honetan eskuragarri dagoen eskaera-eredua betez: esteka.
• Dirulaguntza ekonomiko horiek Bilboko Udalak onartu duen Bilbao Aurrera Planaren parte dira, hau da, COVID-19aren pandemiak eragindako krisiaren ondorioak arintzeko plana.

Bilboko Udalak sormen- eta kultura-sektoreen aldeko apustuari eutsi dio, eta, horretarako, sektore horretara bideratutako beste partida bat emango die Bilbao Ekintza udal-sozietatearen bitartez. Hiriaren dinamizazioa modu seguru eta jasangarrian sustatzen duten proiektuen deialdiak 300.000 euroko aurrekontua izango du.

Aurkeztutako proiektuak espazio publikoetan garatu beharko dira 2021eko martxoaren 31 baino lehen, eta sormenetik gaur egungo testuinguruari dagozkion gaiei heldu beharko zaie, gizarte-garapenaren eta garapen jasangarriaren helburuei erantzuteko. Era berean, proiektuak doakoak izan beharko dira herritarrentzat, eta edozein kultura- zein sormen-esparruren barruan egon, hala nola partaidetza-proposamen artistikoak, esku-hartze grafikoak eta instalazio iragankorrak, izaera performatiboa edo informatiboa duten ibilbide gidatuak, tailerrak edo publikoarekin interakzioa sustatzen duen edozein jarduera.

PARTE HARTZEKO BALDINTZAK

Proiektuak pertsona fisiko zein juridikoek sustatu ahal izango dituzte, baldin eta pertsona horiek Bilboko sormen- eta kultura-sektoreetakoak badira eta ETE, mikroETE, autonomo, elkarte edo fundazioen forma juridikoa badute. Sektore horien barruan sartzen dira arkitekturarekin, arte eszenikoekin, ikusizko arteekin, artisautzarekin, ikus-entzunezkoekin, eduki digitalekin, diseinuarekin, modarekin, musikarekin, publizitatearekin eta marketinarekin eta bideojokoekin lotutako jarduerak.

Proiektuak urriaren 14ra arte aurkeztu ahal izango dira, Bilbao Ekintzaren webguneko LAGUNTZAK atalean dagoen eskabide-eredua betez. Halaber, kontsulta eta zalantza guztiak honako helbide honetan egin ahal izango dira: sectores@bilbaoekintza.bilbao.eus

Eskabideak aurkezteko epea amaitu eta gehienez ere hilabeteko epean, proiektuak baloratu eta ebazpenak banan-banan jakinaraziko dira posta elektroniko bidez.

PLAN BILBAO AURRERA

Laguntzen pakete berri hau #BilbaoAurrera Planaren parte da, Gizarte, Ekonomia eta Kultura Larrialdietarako programa bat, 15 milioi eurokoa, eta COVID-19aren osasun-krisiak hiriko pertsonengan eta enpresengan dituen ondorioak arintzeko, suspertzeko eta berreskuratzeko 50 neurri baino gehiagoko sorta bat duena. Plan hori Bilboko Udaleko talde politiko guztien artean egin eta adostu da.

• Guztira 300.000 euroko zenbatekoarekin, Bilboko sormen- eta kultura-sektoreari laguntzea du helburu, hiria dinamizatzen duten eta herritarren partaidetza modu seguru eta arduratsuan sustatzen duten proiektuak diruz lagunduz.
• Dirulaguntza ekonomiko horiek Covid-19aren pandemiak eragindako krisiaren ondorioak arintze aldera Bilboko Udalak onartu duen Bilbao Aurrera Planaren parte dira.

Bilboko Udalak, Bilbao Ekintza udal-sozietatearen bidez, dirulaguntza berrien deialdia onartu du, Bilbo hiriaren dinamizazioa sustatzen duten sormen- eta kultura-sektoreetako espazio publikoan gauzatzeko proiektuak egiteko. Gizarte-garapenari eta garapen ekonomikoari dagokienez, garrantzi handiko sektorea da, eta bereziki pairatzen ditu osasun-krisiak sortutako ondorioak.

300.000 euroko aurrekontuarekin, deialdiak Bilboko sormen- eta kultura-sektoreari laguntzea du helburu, hiriaren jarduera suspertzen duten eta herritarren partaidetza modu seguru eta arduratsuan sustatzen duten proiektuak diruz lagunduz. Proiektuak espazio publikoetan garatu beharko dira eta, sormenetik, egungo testuinguruari dagozkion gaiei heldu beharko zaie, gizarte-garapenaren eta garapen jasangarriaren helburuei erantzunez. Era berean, herritarrentzako doakoak izan beharko dira guztiak.

Proiektuak honelako formatuetan kokatuta egon beharko dira: hala nola, partaidetza-proposamen artistikoak, esku-hartze grafikoak eta instalazio iragankorrak, izaera performatiboa edo informatiboa duten ibilbide gidatuak, tailerrak edo publikoarekin interakzioa sustatzen duen edozein jarduera. Horiek guztiak 2021eko martxoaren 31 baino lehen garatu beharko dira.

PARTE HARTZEKO BALDINTZAK

Proiektuak pertsona fisiko zein juridikoek sustatu ahal izango dituzte, baldin eta pertsona horiek Bilboko sormen- eta kultura-sektoreetakoak badira eta ETE, mikroETE, autonomo, elkarte edo fundazioen forma juridikoa badute. Sektore horien barruan sartzen dira arkitekturarekin, arte eszenikoekin, ikusizko arteekin, artisautzarekin, ikus-entzunezkoekin, eduki digitalekin, diseinuarekin, modarekin, musikarekin, publizitatearekin eta marketinarekin eta bideojokoekin lotutako jarduerak.

Proiektuak 20 egun naturaleko epean aurkeztu ahal izango dira, deialdi honen laburpena Bizkaiko Aldizkari Ofizialean argitaratu eta hurrengo egunetik zenbatzen hasita. Dirulaguntzen deialdiari buruzko informazio guztia Bilbao Ekintza udal-sozietatearen webgunean deskargatu ahal izango da: http://www.bilbao.eus/BilbaoEkintza

Proposamenak aurkezteko, Bilbao Ekintzaren webguneko LAGUNTZAK atalean dagoen eskabide-eredua bete beharko da. Halaber, kontsulta eta zalantza guztiak honako helbide honetan egin ahal izango dira: sectores@bilbaoekintza.bilbao.eus

Eskabideak aurkezteko epea amaitu eta gehienez ere hilabeteko epean, proiektuak baloratu eta ebazpenak banan-banan jakinaraziko dira posta elektroniko bidez.

PLAN BILBAO AURRERA

Laguntzen pakete berri hau #BilbaoAurrera Planaren parte da, Gizarte, Ekonomia eta Kultura Larrialdietarako programa bat, 15 milioi eurokoa, eta COVID-19aren osasun-krisiak hiriko pertsonengan eta enpresengan dituen ondorioak arintzeko, suspertzeko eta berreskuratzeko 50 neurri baino gehiagoko sorta bat duena. Plan hori Bilboko Udaleko talde politiko guztien artean egin eta adostu da.