• “Bizitour Bilbao” bizikleta jaiak aldaketak eragingo ditu trafikoan, ekainaren 25ean (igandea), 11:30ak eta 13:30ak bitartean, gutxi gorabehera.

Grand Départ Pays Basque 2023 gero eta hurbilago dago eta BiziTourrekin ospatzen dugu, EAEko hiru hiriburutan familian gozatzeko txirrindularitza herrikoiaren festa Tourrari OngieTOURria emateko. Hirugarren eta azken geldialdia datorren ekainaren 25ean, igandez, izango da Bilbon (12:00).

Xabier Ochandianok, Bilbaoko Udaleko Ekonomi Garapen, Merkataritza eta Enplegu Saileko Zinegotziak, eta Euskadi Fundazioko presidenteorde Aitor Galdosek eta Andoni Madariagak, Gizarte&Erakunde Harremanetako arduradunak, aurkeztu dute Zabalgune Eraikinean BiziTour jaia. Grand Départ Pays Basque 2023 eta Euskadi Txirrindularitza Fundazioaren eskutik bi hilabete hauetan hiru ekitaldi antolatu dira: Donostian (maiatzaren 7an), Vitoria-Gasteizen (ekainaren 4an) eta Bilbon (ekainaren 25ean).

Iker Amarikak aurkeztutako ekitaldian omenaldia jaso dute Frantziako Tourrean etapa irabazi duten txirrindulari bizkaitarrak, eta Euskadi Fundazioak oroigarri bat oparitu die: David Etxebarria, Fede Etxabe, Federico Ezquerra, Omar Fraile, Aurelio González, Julián Gorospe, Roberto Laiseka, Jesús Loroño, Marino Lejarreta, Iban Mayo, Javier Otxoa eta Joane Somarriba.

2023ko uztailean Tourraren Hasiera Handia, egiazko mugarria izango da gure herrialdeko kirol, gizarte eta nazioartearen historian. Eta, ospatzeko, hainbat jarduera antolatu dira, hemen egiten dakigun eran: pedalei eraginez.

Horietako bat da BiziTour jaia, guztiontzako txirrindularitza ibilaldia, Tourreko giroarekin gozatu ahal izateko aukera paregabea. Fête du Tour, Tourraren jaia, doako eta sarrera libreko ekitaldia, Frantziako Tourra Euskadira iritsiko dela ospatzeko. Ekainaren 25ean, Bilbaon, Euskadiko familia guztiak ibilbideaz modu ludikoan parte hartzera gonbidatuta daude. Guztiok egiteko moduko ibilbidea da, jai giroan, txirrindularitzaren kultura eta mugikortasun jasangarria sustatzeko helburuarekin.

Bizikletaz egiteko txango seguru eta babestua izango da, guztiontzako modukoa, familian ibilgailuentzat itxitako kaleetan barna gozatzeko. Gure lurralde bizikleta zalea aldarrikatu eta bi gurpil gainean mundu mailan erreferente den ekitaldiari, Frantziako Tourrari, ongietorria emateko ospakizuna. Euskal gizarte osoari Grand Départ Pays Basque hurbiltzeko modu atsegin, abegitsu, erraz eta parte-hartzailea eta, bide batez, bizikletaren erabilera sustatu eta EAEn barna igaroko diren etapen zirrara aurrez ekartzeko abagunea.

Ospakizunak Bilbon izango du hirugarren eta azken hitzordua, datorren ekainaren 25ean, igandez, goizeko 12:00etan Areatzako aterpeetan. Bertan animazioa, zozketak edota opariak ere izango dira. Familia giroan kirol eta aisialdi egun atsegin batekin gozatzeko.

Horretarako, festa honek izaera eta adin guztietako txirrindulariei parte-hartzeko deia egiten die, familiarekin txangoan joateko prestatutako kale hutsetan gozatzeko, eta Frantziako Tourrari ongieTOUR-ria emango dion tropeleko kide izateko. Ez ahaztu kaskoa eramateaz!

ALDAKETAK TRAFIKOAN

“Bizitour Bilbao” bizikleta jaiak aldaketak eragingo ditu trafikoan, ekainaren 25ean (igandea), 11:30ak eta 13:30ak bitartean, gutxi gorabehera.

Lasterketa Areatzako aterpeetatik abiatu, eta han izango du helmuga. Igaro ahala, hiriko zenbait kaletan eragingo du. Trafikoa Udaltzaingoak eta antolakuntzako kideek antolatuko dute.

Ibilbide laburrak (4 Km) kale hauei eragingo die:

Areatzako aterpeak – Epaltzaren alarguna – Areatza – Areatzako zubia – Nafarroa – Kale Nagusia – Moyua plaza – Elkano – Museoa plaza – Euskadi plaza – Deustuko zubia – Agirre anaiak – Unibertsitate etorbidea – Campo Volantin – Areatzako aterpeak (12:00etan iritsiko dira, gutxi gorabehera).

Eta ibilbide luzeak (12km), berriz, hauetan izango du eragina:

Areatzako aterpeak – Epaltzaren alarguna – Areatza – Areatzako zubia – Nafarroa – Plaza Biribila – Kale Nagusia – Moyua plaza – Elkano ¬– Museoa plaza – Euskadi Plaza – Deustuko zubia – San Pio X. plaza – Agirre Lehendakaria – Benidorm – Celestino María del Arenal plaza – Orixe – Tellaetxebidea – Elorrieta erribera – Zarandoa etorbidea – Morgan – Madariaga etorbidea – San Felicísimo plaza – Familia Santua – Agirre Lehendakaria – San Pío X. plaza – Deustuko zubia – Museo plaza – Máximo Aguirre – Kale Nagusia – Nafarroa – Areatzako zubia – Areatza – Epaltzaren alarguna – Areatzako aterpeak (13:30ean iritsiko dira, gutxi gorabehera).

Era berean, probak eragina izango du Bilbobusen zenbait linearen ibilbide eta ordutegian. Informazio osoa kontsultatu ahalko da geralekuetan, Bilbobusen sare sozialetan, www.bilbao.eus/bilbobus; webgunean, eta 010 telefonoan.

• Bingen Zupiria Eusko Jaurlaritzako Kultura eta Hizkuntza Politikako sailburu eta bozeramaileak, gaur goizean aurkeztu ditu Frantziako Tourraren hasieraren harira Euskadin antolatu diren jarduerak.
• Herritarrak Tour giroan murgiltzea eta inplikatzea helburu izango dute Taldeen Aurkezpenak, Fan Park-ak edo eta Bilboko BIZITOUR jaiak, besteak beste.
• Donostiak, Vitoria-Gasteizek eta Amorebieta-Etxanok ere askotariko jarduera-programa aurkezten dute, hala nola zikloturisten martxak eta garapen jasangarriko kongresuak, mailloten eta bizikleten erakusketak eta kirolaren diplomaziari buruzko udako ikastaroak.
• Ekitaldian berriro azpimarratu da garrantzitsua dela jardunaldi horietako joan-etorriak denboraz planifikatzea eta Grand Départ Pays Basqueko Gida Praktikoaren azken bertsioa erabiltzea informazioa jasotzeko eta antolatzeko.

Bizkaia Aretoa Grand Départ Pays Basque 2023aren epizentro bihurtu da gaur goizean. Bingen Zupiria Eusko Jaurlaritzako Kultura eta Hizkuntza Politikako sailburu eta bozeramaileak, hemendik eta uztailaren 1, 2 eta 3an nazioarteko tropeleko txirrindulari onenak Euskadiko errepideetan lehen pedalkadak ematen hasi arte egingo diren era askotako jarduera ugarien berri eman du.

Bingen Zupiriarekin batera, Ainara Basurko (Bizkaiko Foru Aldundiko Ekonomia Sustapeneko diputatua), Cristina Múgica (Bizkaiko Foru Aldundiko Lurralde Lehiakortasun eta Turismoko zuzendari nagusia), Amaia Arregi (Bilboko Udaleko Herritarren Segurtasun Saileko zinegotzia), Nora Abete (Bilboko Udaleko Mugikortasun eta Jasangarritasun Saileko zinegotzia) eta Xabier Ochandiano (Bilboko Udaleko Ekonomiaren Garapen, Merkataritza eta Enplegu Saileko zinegotzia) egon dira.

Tour giroan murgilduz hasiera handiaren aurreko astea nazioartean esanguratsuak diren ekitaldiez beteta dator.

TALDEEN AURKEZPEN OFIZIALA

Frantziako Tourreko taldeen aurkezpen ofiziala izango da mugarri nagusietako bat, EITBk 200 herrialde ingurutara zuzenean emango duen ekitaldia. Herritar guztiei zuzendutako ekitaldia ekainaren 29an egingo da, Abandoibarrako pasealekuan, Euskalduna Jauregiaren eta Guggenheim Bilbao Museoaren arteko zatian. Aurkezpen ofiziala 18:30etik 20:00etara izango da, baina 17:00etatik aurrera hainbat jardueraz gozatzeko aukera izango da. Aurkezpen ofiziala amaitu ondoren, Tour aurreko giroarekin gozatu ahal izango da 22:00ak arte.

Ekitaldia nazioartean zabaltzeak Frantziako Tourrean gutxienez behin parte hartu duten euskal txirrindulari guztiak omentzeko balioko du. Pogačar, Vingegaard, Landa, Bilbao, Izagirre eta gainerakoak pedalei eragiten hasi  baino lehen, euskal txirrindulari horiek bertaratuko diren zaleen txalo eta esker ona jasoko dute. Gainera, txirrindulari esanguratsuenetako batzuk talde parte hartzaileek Euskalduna Jauregitik atera eta Guggenheim Bilbao Museoko zabalgunean jarriko den eszenatokira arte egingo den bizikleta desfilearen buru izango dira.

Arratsalde osoan zehar giro ona eta musika izango dira nagusi Hortzmuga, Demode Quartet, ETS & Süne, Oreka TX, Kukai eta Neomak taldeen emanaldiekin, besteak beste.

Publikoak doako ekitaldi honetan parte hartu ahal izango du taldeek Euskalduna Jauregitik Guggenheim Bilbao Museoraino egingo duten zirkuitu osoan zehar. Bertaratutakoek txirrindularien ibilbidea jarraitu ahal izango dute, bai Euskalduna Jauregitik Guggenheim Bilbao Museoraino egingo duten joan-etorriko zirkuitu zirkularrean (mapa erantsi da), baita Museoaren zabalgunean ere. Gune horretara sartzea ere doakoa izango da, ikusleak 16:00etatik aurrera sartu ahal izango dira, baina zaleen sarrera kontrolatuko da ekitaldia behar bezala eta seguru garatzeko baimendutako edukiera errespetatuz. Ibilbidean zehar hiru pantaila erraldoi ere jarriko dira, zaleek taldeen aurkezpenaz zuzenean gozatzeko aukera izan dezaten.

Azpiegitura guzti honek zenbait aldaketa eragingo ditu inguruko mugikortasunean. Abandoibarra etorbidean (Jesusen Bihotzetik Uribitarteko biribilguneraino) 9:00etatik 23:00etara trafikorako mozketak egingo dira. Aurreko egunean, ekainaren 28an, murrizketak egongo dira Abandoibarra etorbideko erreietako batean (18:00etatik 20:30era, gutxi gorabehera).

FAN PARKA

Aurkezpenaren egunean bertan, goizean, Tourreko Fan Parka inauguratuko da, Areatzako parkearen inguruan, Bilbon. Gune irekia da, doakoa, eta, oro har, txirrindularitza-giroan eta, bereziki, Tourrean murgiltzeko esperientziaz gozatu ahal izango da. Babesleen standak animazioekin, opariak, tirolina erraldoi bat, bizikleten erakusketa edo bi gurpilen gainean ibiltzen ikasteko pistak egongo dira besteak beste. Gainera, pantaila erraldoian bai taldeen aurkezpena bai Tourraren lehen etapa jarraitu ahal izango dira zuzenean. Publikoak herri kirolen edo euskal dantzen erakustaldiez ere gozatu ahal izango du. Era berean, bisitariek hainbat food truck-ez (Gure Poke, Café Iruña, Arrese, Abasotas, Thate) gozatzeko aukera izan dezaten gune bat prestatuko da. Alkoholik gabeko gunea izango da. Fan Park-a uztailaren 29an (12etatik 21etara), 30ean (10etatik 21etara) eta 1ean (10etatik 18etara) egongo da zabalik.

HERRITARREN PARTE-HARTZEA

Proposamenen sorta askoz zabalagoa da, eta publiko guztiei zuzenduta dago,  mundu mailako ikuskizun handienetakoan herritar guztiak partaide eta inplikatuta sentitzeko borondatearen isla. Horrela, Tourra iritsi aurreko astea Bilboko BIZITOURarekin hasiko da. BIZITOURak, Euskadi Txirrindularitza Fundazioak antolatuta, bizikleta familian eta lagunekin bizitzeko jardunaldi ludiko eta festazkoak dira.

Maiatzaren 7an Donostian egin zen eta ekainaren 4an Vitoria-Gasteizen. Martxa hauek Tourraren etorreraren aurrekari zirraragarriak izan dira, txirrindularitzaren onenaz aldez aurretik gozatzeko eta giroa ‘berotzen’ joateko aukerak, emozioa sortuz eta herritar guztiei bizikletarekiko grina piztuz. Hitzordua ekainaren 25ean da, igandea, 12:00etan, Bilboko Areatzan (xehetasun gehiago emango dira biharko prentsaurrekoan, ekainaren 20an).

Grand Départ Pays Basqueko ekitaldien egitarau anitzaren barruan, txirrindularitza lehiakorraren munduko adituek eta zientzialariek munduko txirrindularitza lasterketa handienaren atarian egin ohi den ‘Science & Cycling’ mintzaldian azken ikerketak eta esperientziak trukatuko dituzte. Aurten, Frantziako Lasterketa Euskadin hasten denez, jardunaldiak Bilbon egingo dira, Bizkaia Aretoan, ekainaren 28an eta 29an, Kirol Eskolak eta EHUk sustatuta.

2023ko hitzaldi nabarmenenak Iñigo San Millanek (Team UAE Emirates), Iñigo Mujikak (EHU), Dan Lorangek (Bora-Hans Grohe Pro Team), Chris Abbissek (Edith Cowan University), David Barrancok (European University Madrid), Menachem Brodiek (Human Vortex Training), Louise Burkek (Australian Catholic University) eta Robert Lambertsek (Stellenbosch University) emango dituztenak izango dira. Iñigo Mujikak eta Menachen Brodiek masterclasses bana eskainiko dute kongresuaren bezperan.

KARTELEN ERAKUSKETA

Bilboko Arte Ederren Museoak 2023ko Tourraren irudia aukeratzeko lehiaketaren kartel finalisten erakusketa hartuko du. Euskal Irudigileak Euskadiko Ilustratzaileen Elkarte Profesionalak eta Eusko Jaurlaritzako Kultura eta Hizkuntza Politika Sailak parte hartu dute 2023ko Frantziako Tourraren kartela diseinatzeko aukera eman duen ekimen honetan. Raisa Álava ilustratzaile arabarrak diseinatu zuen lasterketaren irudia. Kartel ofiziala Bilboko Arte Ederren Museoan egongo da ikusgai, baina baita beste finalistenak ere. Erakusketa ekainaren 29an inauguratuko da eta Frantziako Tourrak euskal errepideak zeharkatzen dituen egunetan zehar bisitatu ahal izango da.

MUNDUKO ERAKUSLEIHOA

Uztailaren 1etik 3ra egingo diren telebista-emanaldiei begira, Tourrari ongietorria emateko, tropelaren igarotzea agurtzeko eta hainbat baliabide turistiko nabarmentzeko, Bizkaian hainbat ekintza egingo dira leku eta puntu sinbolikoetan, hala nola Bizkaia Zubian, Bizkaiko Flyschean, Urdaibain eta Lekeitioko Santa Katalina Itsasargian. Azken instalazio hau Tour osoan egongo da, baina beste hirurak ekintza iragankorrak izango dira, batez ere telebista-emankizunetara zuzenduak eta ikusgarritasun handikoak.

ERAKUSKETA ETA DIPLOMAZIA DONOSTIAN

Donostiak ere Grand Départ Pays Basqueko jarduerez gozatuko du. City dressing-etik haratago, herritarrek kalean aurki ditzaketen Grand Départ Pays Basquerekin lotutako dekorazioetatik haratago, San Telmo Museoak “Bizikleta. 150 urte” erakusketa hartuko du ekainaren 26tik abuztuaren 6ra. Tourraren hasierarekin bat eginez, erakusketak Amador Tolosaren bildumako bizikleten aukeraketa bat aurkezten du. Pieza historikoak dira, eta haien bilakaera, Euskadin fabrikatutako markak, erabilera eta lanbide desberdinei eskainitako bizikletak eta kirol-arlokoak ikusteko aukera ematen digute.

Frantziako Tourraren etorrerekin bat eginez, beste kirol-ekitaldi aipagarri batzuen artean, Miramar Jauregian ekainaren 28an eta 29an kirolaren diplomaziaren esparrua gizarteratzea helburu duen “Kirol-diplomaziaren erronkak eta aukerak XXI. Mendean” izeneko udako ikastaroa egingo da.

VITORIA-GASTEIZ ETA GREEN CAPITAL ZIGILUA

Euskadiko hiriburuak ahalik eta modurik onenean ekingo dio azken esprintari, pedalei eraginez, ekainaren 24an egingo den ‘Prueba Cicloturista Vitoria’ probarekin, Grand Départ Pays Basqueko aterkipean Donostia Baiona Donostiak (maiatzak 13) eta L’ Étape Bilbao by Tour de Francek (ekainak 11) hasitako ibilbideen zikloa itxiko duelarik.

Tourrak Euskaditik egingo duen irteera handiak mugikortasun jasangarrian, bizitza osasungarrian eta turismoan sakonduko du Bicycle Summit Euskadi 2023 programarekin. Kongresu hau ekainaren 30ean, goizez, egingo da Vital Fundazioa Kulturunean, eta hirietako bizikleta bidezko mugikortasunari buruzko nazioarteko aditu onenetako asko bilduko ditu, beren esperientziak eta egungo joera aitzindariak partekatuz.

Erresuma Batuko, Danimarkako, Holandako, Frantziako, Kolonbiako, Espainiako eta Euskadiko profesional ezagunek mugikortasun iraunkorrari buruzko beren ikuspegia emango dute, 2020-2030 Agendan jasotako munduko erronketako bat, bizikletaren erabileran egunerokoan aplikatzeko.

Gune honetan bertan egiten ari diren hitzaldi-zikloaren barruan, hilaren 22an, “KAS, más que un equipo” hitzaldia egingo da. Bertan, Sean Kelly, Paco Galdos eta 1977an Gasteizen amaitu zen Frantziako Tourreko garaile izan zen Joxe Nazabal mitoak izango dira.

Eta tropela Arabako hiriburura iritsi baino egun bat lehenago, uztailaren 1ean, Andre Maria Zuriaren plazan ekintza solidario bat egingo da CaMinus elkartearen alde. Jardueraren xedea etapako 208,9 kilometroko tarte bat simulatzea izango da, Vitoria-Gasteiz eta Donostia modu birtualean lotuko dituena, pantaila erraldoi bati eta ‘smart’ bizikleten teknologiari esker. Tropelari spinning bizikletekin jarraitzeko aukera ere egongo da.

Gaurtik aurrera, Probintzia Plazan sei kubo daude instalatuta, ‘Araba, txapeldunen lurraldea’ izenburupean, lurralde honetako txirrindularitzaren irudi esanguratsuenetako batzuk erakusten dituztenak.

AMOREBIETA-ETXANO, MAILLOT GARRANTZITSUEN ARETOA

Ekainean zehar eta uztaileko lehen egunetan, ‘Grande Boucle’a Euskadira iristearekin batera zaleek “LE TOUR DE FRANCE EN EUSKADI” mailloten erakusketaz gozatu ahal izan dute.

Erakusketan 125 pieza daude ikusgai, gai desberdinak dituzten bi erakusketatan banatuta: euskal txirrindularitzaren historia eta Frantziako lasterketa handiarena. Biak txandaka eta aldi berean egon dira ikusgai Bilbon eta Gasteizen ekainean zehar, eta ondoren Amorebieta-Etxanon (Bizkaia) elkartuko dira, uztailaren hasieran Frantziako Tourreko hirugarren etapa abiatuko den tokian. Gainera, Santinik, Tourreko babesle ofizialak, 2023ko edizioko zortzi maillot ofizial utzi ditu, sari bakoitzeko bi.

Adrian Jimenez Rubio txirrindularitza zale amorratu asturiarraren bilduma da, eta euskal txirrindularitzaren eta Frantziako Tourraren ikuspegi berri eta aberasgarriaz gozatzeko aukera ematen die txirrindularitza zaleei eta, oro har, gizarteari, ikuspegi berezi baten bidez.

MUGIKORTASUN-ERAGINAK ETA GIDA PRAKTIKOA  

Zupiria sailburuak ekitaldian Euskaditik igarotzen diren 2023ko Frantziako Tourreko hiru etapetan oinezkoen eta ibilgailuen mugikortasunean izango diren murrizketa handiak gogorarazi ditu, eta herritarrei eskatu die garaiz planifikatzeko mugikortasuna, behar besteko aurrerapenarekin informatzeko eta, batez ere, ibilgailu pribatua saihesteko eta garraio publikoaren (batez ere trenbidekoaren) alde egiteko, hurrengo uztailaren 1, 2 eta 3an, mugikortasunean eta trafikoan eraginak oso garrantzitsuak izango baitira.

Horretarako, Zupiriak herritarrek gida praktiko bat eskura dutela gogorarazi du. Horri esker, dokumentu bakar batean kontsulta daiteke Frantziako Tourraren Irteera Handiko egunak antolatzeko informazioa. Garraio-operadore publiko guztien plataformetarako estekak; ekitaldi nagusien programa; etapa bakoitzaren mapak eta errutometroak; karabana-aparkalekuak; etapa irteeren eta helmugen xehetasunak; ibilbide-itxierari eta irekierari buruzko informazioa (Pike edo Jaizkibel, besteak beste); edota programatutako ekitaldiak batzen ditu. Gidak ikuspegi orokorra eta praktikoa eskaintzen du, Frantziako Tourrak mugikortasunari nola eragingo dion azaltzeko.

Etengabe eguneratzen ari den gida da, eta Grand Départ Pays Basque webgunean sartu eta azken bertsioa deskargatzea gomendatzen da.

Ibilgailu pribatuan joan behar dutenentzat, WAZE aplikazioa deskargatzea gomendatzen da, trafikoaren egoera denbora errealean ezagutzeko. Aplikazio honetan progresiboki kargatzen ari dira jada programatuta dauden trafiko-eraginak (ibilbide-mozketak, adibidez) edo jardunaldi horietarako prestatzen diren disuasio-aparkalekuak. Ibilgailu pribatuei zuzendutako aplikazio honek desplazamendu bat kargatzeko aukera ematen du, eta, programatutako eraginen arabera, irteera-ordua, ibilbidea… iradokitzeko aukera ematen du. Guzti honekin batera plangintza denboraz egitea eskatzen dute agintariek  azken unera arte itxaron gabe.

• Bilbao basque FEST jaialdiaren bederatzigarren edizioa gaur hasiko da, 19:15ean, Azkuna Zentroa–Alhondiga Bilbaon, Izar Blue konpainiaren “Munduko Soinuak, visual experience” ikus-entzunezko ikuskizunarekin, non zuzeneko musika eta ikus-entzunezko edukiak uztartzen baitituzte.

• Kontzertuaren aurretik, jaialdiaren aurkezpena egingo du Xabier Aburruzaga folk musikariak, Bilbao basque FESTeko bost egunetan parte hartzen duten artisten ordezkaritzan.

Apirilaren 5etik 9ra, euskal kulturaren jaialdia ospatuko da hiribilduan: Bilbao basque FEST. Bost egun hauetan, doako 200 jarduera baino gehiago egongo dira gustu eta adin guztietako pertsonentzat. Gai hauei lotutako jarduerak izango dira, eta Bilboko hogeita hamar espaziotan antolatuko dira: gastronomia, herri-kirolak, musika edo zinema

Bilbao basque FESTi gaur emango zaio hasiera, 19:15ean Azkuna Zentroa – Alhondiga Bilbaon, eta Xabier Aburruzaga musikaria arduratuko da jaialdiaren aurkezpena egiteaz bost egunetan parte hartuko duten artista guztien ordezkaritzan.

Izar Blue konpainiaren “Munduko Soinuak, visual experience” ikus-entzunezko ikuskizunarekin ekingo zaio jaialdiari. Ikus-entzule guztiei zuzenduta egongo da eta, soinu paisaia batetik abiatuta, antzezlana murgiltze esperientzia bat izango da; zuzeneko musika eta ikus-entzunezko edukiak batu egingo dira mundu erakargarri bat sortzeko. Udal-zentroko Kulturen Ataria munduko soinuak birsortzeko gune aproposa da, hainbat tresnaren bidez. Juan Mari Aburto Bilboko alkatea egongo da ekitaldian, udaleko beste ordezkari batzuekin

Kontzertu hori jaialdiaren “Arte mintzaira berriak” izeneko sailaren barruan estreinatuko da. Era berean, ostiralean, apirilaren 7an, eta larunbatean, apirilaren 8an, 19:30ean, Jon Aguirrezabalaga konpositore eta ekoizle bilbotarraren kontzertua “Zabala” izango da, esperimentalki eta ekialdeko ukituekin konbinatuko ditu syhtn eta dream pop generoak, baita elektro ambient ere.

Ziklo horren barruan, “Zabala” eta Izar Blue konpainiako kideek hitzaldi didaktikoak emango dituzte ostegunean, apirilaren 6an, eta larunbatean, apirilaren 8an, eguerdiko 12:00etan, Azkuna Zentroa –Alhondiga Bilbaoko Iparragirre Aretoan.

Hemen duzu Bilbao basque FEST jaialdiaren informazio guztia eta programa osoa: basquefest.bilbao.eus

• PROGRAMA OSOA ETA EGUNEKO AGENDA ERANTSI DIRA

SARE SOZIALAK:

• Bilbao Udala: YOUTUBE | FACEBOOK | TWITTER | INSTAGRAM
• Bilbao Turismo: YOUTUBE | FACEBOOK | TWITTER | INSTAGRAM

#BilbaoBasqueFEST

• Euskal kulturaren Bilbao basque FEST jaialdian Bilboko Udalak prestatutako jardueren plan oso bat eskainiko da apirilaren 5etik 9ra, bederatzigarren edizio oso berezi batekin Mundu guztiarentzako doako 200 jarduera baino gehiago antolatuko dira hiriko hogeita hamar bat espaziotatik sakabanatuta. Jarduerek, besteak beste, gastronomiarekin, herri-kirolekin, musikarekin edo zinemarekin izango dute zerikusia

• Edizio honetako berritasun garrantzitsuen artean daude, besteak beste, Athletic Clubarekin egindako hitzarmena, Bilbao basque FESTen ere 125. urteurrena ospatzeko. Klubaren sei elastiko historiko egongo dira ikusgai Areatzako gourmet karpan hasi eta hiribilduko bost hoteletatik, betiere, San Mames atze-oihal gisa izanda.

• Bestalde, aurtengo jarduerarik berrienen artean daude, besteak beste, Azkuna Zentroko “Arte-mintzaira berriak”, non Izar Blue konpainiak ikus-entzunezko ikuskizun hunkigarri bat eskainiko du jaialdiari hasiera matea. Gargantua estreinatuko da eta kultura herrikoiaren klasikoa den dantzaldiak Areatzako Kioskoa beteko du musika eta energiaz Era berean, Bilboko Elkarte Filarmonikoak jaialdiarekin bat egingo du, ohiko kokalekuan, eta Xabier Aburruzaga Banden kontzertua eskainiko digu, egungo euskal folkaren erakusle gorena.

• Aurten ere, Areatza jaialdiaren epizentroa izango da, non Gourmet Txokoa eta herri-kirolak egongo baitira. 1.500 m² baino gehiagoko karpa batean, hamar euskal turismo-eskualdek beren gastronomiaren onena ezagutzera emango dute: informazio-standak, 900 lagunentzako produktu-dastatzeak eta 400 lagun baino gehiagorentzako sukaldaritza-tailerrak egongo dira. Karparen ondoan, 25 euskal kirol-jarduera baino gehiago egongo dira, eta erakusketak, tailerrak eta emakumezkoen eta gizonezkoen Bizkaiko Orga Txapelketa Ofiziala egingo dira.

Bilbok jardueraz betetako Aste Santua biziko du berriro Bilbao basque FEST jaialdiarekin. Apirilaren 5etik 9ra bitartean, euskal kulturaren jaialdiaren bederatzigarren edizioa Bilboko Udalak antolatutako 200 ekitaldi baino gehiagorekin iritsiko da. Bisitatzen gaituztenek eta Aste Santua hiribilduan pasatzea erabakitzen duten bilbotarrek jaialdiko sei gaiek eskaintzen dituzten esperientziak inolako mugarik gabe gozatu ahal izango dituzte: Gourmet, Kultura, Musika, Market, Zinema eta Sport.

Herri-kirolen probek, produktu gastronomiko onenek, festetan edo kalejiretan eta erromerietan euskal musikak sortzen duen pozak, euskal zinema sari aniztunak edo jaialdian Gargantua estreinatzeak, Bilbo berriz ere euskal nortasuna duen kultura- eta aisialdi-proposamen horren agertoki bihurtzea ekarriko dute. Jaialdiak hiria jarduera ekonomikoko eta bisitariak erakartzeko gune gisa sendotzea lortu du, eta, horrez gain, hiria dinamizatzen du eta Aste Santuan zehar Bilboko merkataritza eta ostalaritza sustatzen ditu.

Jaialdia hasiera, asteazkenean izango da, apirilak 5, eta 19:15ean, ekingo zaio, Azkuna Zentroan. Izar Blue konpainiak emango dio hasiera, edizio honetako emanaldirik berezienetako batekin. “Munduko soinuak, visual experience” ikuskizuna murgiltzeko esperientzia bat da, eta zuzeneko musika eta ikus-entzunezko edukiak fusionatzen ditu, testura erakargarrien mundu bat erreproduzitzeko. Azkuna Zentroko Kulturen Ataria munduko soinuak birsortzeko gune aproposa da, hainbat tresnaren bidez. Lanak “Arte-mintzaira berriak” atal berria estreinatuko du, zeinak tailerrak, kontzertuak eta hitzaldi didaktikoak izango dituen.

ATHLETIC CLUBEK BILBAO BASQUE FEST JAIALDIAREKIN EGINGO DU BAT JAIALDIAREN 125. URTEURRENA OSPATZEKO

Athletic Clubaren 125. urteurrena ospatzeko, Bilbao basque FESTen sei elastiko historikoren bildumaz gozatzeko aukera egongo da, klubaren historia inbidiagarriaren etapa loriatsuei lotuak denak.

Horrela, apirilaren 3an, Kopako finalaurreko partidaren bezperan ,eta apirilaren 9ra arte, elastikoak ikusteko ibilbide bat egin ahal izango da Areatzan egongo den Txoko Gourmet karpatik hasi eta San Mames atze-oihal gisa duten hiribilduko bost hoteletatik igaroz.

“Lehena”, Athletic Clubaren ezkutua duen lehenengo elastikoa, 1902. urtekoa, eta urdin eta zuri koloreekin. Txoko Gourmet eremuko lekurik garrantzitsuena utziko zaio.

Ibilbidearen bigarren puntua Radisson Collection Hotelean egongo da, “Zurigorria” zamarrarekin, hau da, Athletic Cluben lehenengo elastiko zurigorriaren erreplika bat.

“Txapelduna” da hirugarrena, eta Carlton Hotelean egongo da ikusgai. 1973. urteko Kopa irabazi zuen taldea omentzen du.

Ercilla Hotelean egongo den “Europa” elastikoak 1977. urtean jokatutako UEFA Koparen finala irudikatzen du.

Bosgarren puntuan, NH Collection Villa de Bilbao Hotelean, “Atezaina” elastikoa ikusi ahal izango da, klubeko mito baten elastikoa: Txopo, José Angel Iribar.

Amaitzeko, San Mames atzean duela, Abba Euskalduna Hotelean, “Manchester” ikusiko dugu, Manchester United ahalguztidunaren aurka elurrak estalitako Katedraleko partidakoa, Old Traffordeko 8.000 eztarri zurigorrirekin.

40 KONTZERTU BAINO GEHIAGO BILBOKO KALE ETA ARETOETATIK

MUSIKA Bilbao Basque FEST jaialdiaren elementu garrantzitsuenetako bat da edizio guztietan. Aurtengo kartelean estilo-sorta erakargarria dago; besteak beste, folk, rock, jazz edo pop estiloak entzungo ditugu.

Aurtengo edizioko ekitaldi nagusietako bat ostiralean, apirilak 7, izango da, 19:00etan, Bilboko Elkarte Filarmonikoan. Areto ederra da eta hiriko akustika onenetakoa du. Aurten, jaialdia hartuko du lehen aldiz, zehazki, Xabier Aburruzagaren “Aurrez Aurre” kontzertu handia, egungo euskal folkaren adierazgarririk onena. Trikitixa konpositore eta interpreteak euskal musika tradizionala ukitu eta erritmo garaikideekin uztartzen du, harizko, perkusiozko eta txalapartazko instrumentuek lagunduta. Aburruzagak eta bere bandak bere aurreko diskografia laburtuko dute, Quebec eta Irlanda gogora ekarriz.

Lehen aldiz, Bilbao Basque FEST jaialdian, larunbatean, apirilaren 8ko arratsalde-gau aldera, Areatzako Kioskoan, gure herri kulturako klasikoetako batez gozatu ahal izango da: erromeria. Urrats Erromeria Euskadiko egungo erromeria garrantzitsuenetako bat da eta guztiokin partekatuko du bere musika dantzagarri eta euskalduneko errepertorio alaia, energia eta giro ezin hobearekin.

Bilbao Basque FESTek gaueko eskaintza zabaldu du eta egunero kontzertuak egongo dira LOKALETAN, hala nola Crazy Horsen, Azkena aretoan, Madame Lou Loun eta Cotton Cluben. “Taberna Live Music” atalaren bidez, Mia Kalo, Vittersweet, Nuclear Dreams, Twin Room edo Bablian artistek ZUZENEKO MUSIKA eskainiko dute.

Rockari dagokionez, Bilbao Basque FEST Kafe Antzokiara itzuliko da beste urte batez, Euskadiko banda onenekin, “Bilbao Fest Rock City” izeneko atalaren bidez. Gainera, euskal musika-jaialdi nabarmenak ere aurkeztuko dira atal horretan.

Era berean, Martzana kaian eta kaleetan, zenbait DJk eguerdiak eta arratsaldeak girotuko dituzte zuzeneko musikarekin, “Kaia on set” atalaren baitan.

CINCO LOBITOS ZINEMA ATALEAN

Bilbao basque FESTek ondo daki ikus-entzunezko euskal sektorea zernolako garapen- eta aintzatespen-una bikainean dagoen, eta ZINEMA atalaren film nagusia sari ugari jaso dituen Cinco Lobitos izango da. Egunero egongo dira saioak —ostegun, ostiral eta larunbatean—, 18:00etan. Emanaldiaren aurretik, honako film labur hauek eskainiko dira: Maldita, Film Labur Dokumental Onenaren 2023ko Goya saria; Cuerdas, Cannes Jaialdiaren Kritika Astean nabarmendu zuten, Montpellierreko Mediterraneo Zinemaldiko Epaimahaiaren Sari Handia irabazi zuen eta 2023ko Goya sarietan Fikziozko Film Labur Onena kategorian hautagai izan zen, eta Loop Animaziozko Film Labur Onenaren 2023ko Goya saria.

NOBEDADE gisa, aurten familia osoarentzako emanaldiak egingo dira goizetan (12:00etan). Emanaldi horietan, egunero euskaraz ekoitzitako Hooper oilaskoerbia filma emango da. Erdi erbi erdi txita den pertsonaia dibertigarri baten istorioak dira.

FAMILIA OSOARENTZAKO PROGRAMAZIO ZABALA

Goizeko saioez gain, familiek ere, programazio oso zabala izango dute Bilbao basque FEST jaialdian. Casilda Iturrizar parkea izango da tailer eta jarduera hauen topagunea: zirku-tailerrak malabarismoa eta akrobaziak egiten ikasteko; piratak, pailazoak eta errege-erregina eroak protagonista dituzten antzerki-saioak, eta Eskape Park handi bat, Bilboko Zabalguneko historia eta pertsonaia adierazgarrienak ezagutzeko. Hauxe izango da Casilda Iturrizar parkeko haurrentzako programazioa, egun eta jardueren arabera:

• La Glo, zirku-tailerrak (4 urtetik aurrera), apirilak 6, osteguna, apirilak 7, ostirala eta apirilak 8, larunbata, 12:00etan.
• Adabaki, familia-antzerkia, apirilaren 6an, osteguna, 18:00etan.
• Una de piratas, familia-antzerkia, apirilaren 7an, ostirala, 18:00etan.
• Babo Royal, familia-antzerkia, apirilaren 8an, larunbata, 18:00etan.
• Eskape Park, apirilaren 6an, osteguna, apirilaren 7an, ostirala, eta apirilaren 8an, larunbata, 12:30ean eta 17:00etan.

Bilbao basque FEST jaialdiaren aurtengo berritasun garrantzitsuenetako bat Gargantuaren debuta da. Bilboko eta euskal kulturaren betiko pertsonaietako bat da, eta “haurrak jaten dituen” erraldoia Guggenheim Bilbao Museoaren zabaldegian egongo da apirilaren 6tik 8ra, ostegunetik larunbatera, 11:00etatik 14:00etara eta 16:00etatik 19:00etara. Horrez gian, 12:00etatik 13:00etara Txistularien Udal Bandaren zuzeneko musika izango dugu bertan, eta 17:00etatik 19:00etara Gaztedirena.

DANTZA, UMOREA ETA KALE-ANTZERKIA

Bilbao Basque FEST sortu zenetik, KULTURA da beste funtsezko elementuetako bat. Jaialdia euskal sustraietan sakontzen da, dantza tradizionalei, antzerkiari, umoreari, historiari eta dantzari lekua egiteko.

Gasaren plaza aurtengo kultur programazioaren erdigunea izango da. Bertan, Kukai Dantza konpainiak “Gelajauziak (fragments)” dantza-lana eskainiko du ostegunean, apirilaren 6an, 20:30ean. Ikuskizun horrek, bi MAX sariren irabazle, gaur egungo agertokiko bi dantzari aparta biltzen ditu: Jon Maya eta Cesc Gelabert.

Eszenatoki berean, egun bat geroago baina ordu berean, Lekittoko Deabruak taldeak ikus-entzuleak txundituta utziko ditu “Akelarre” ikuskizunarekin. Gaueko ospakizun mitiko horretan, sorginak eta “Akerbeltz” agertuko zaizkigu, musika, sua eta piroteknia-jokoekin nahastuta.

Bestalde, Bizikidetasun plaza agertoki bikaina izango da Kresala Dantza Taldearen body-art eta dantza ikuskizunaz gozatzeko apirilaren 7an, ostirala, 19:30ean. Aparteko erakustaldi bat izango da, eta dantza eta pintura uztartuko dira bertan. Beste estilo batekin, Sekai konpainiak Breaking Beethoven lana aurkeztuko du agertoki berean, larunbatean, apirilak 8, eta ordu berean. Lan horretan, ospe handiko musikari alemaniarraren konposizioak, break dance estiloa eta dantza garaikidea batuko dira ikuskizun bakarrean, eta ez du inor epel utziko.

“Euskal zigilua” duten barrez lehertzeko antzerkiak Bilborock jaialdiko arratsaldeak eta Erripa kaia bizituko ditu.

Hala, “Humor and Basque” Bilborockera itzuliko da ostegunean, apirilaren 6an, “Kiero ser vasco, palabra de catalán” lanarekin, Raül Supervia komikoarena. Katalunian jaio arren, komikoak euskalduna izateko baldintza guztiak betetzen ditu. Ostiralean, apirilaren 7an, Kolektibo Monstrenkoren txanda helduko da, eta Espejismo taularatuko du. Antzezlanak zuzeneko musika testu “epiko” eta poetikoekin konbinatuko du, umorea galdu gabe. Azkenik, larunbatean, apirilaren 8an, María Urzelai, Getari Etxegarai eta Leire Orbe aktoreek ikus-entzuleen barre-algarak piztuko dituzte, Los cuatro elementos interpretazioarekin, Ibon Belandia musikariarekin batera. Hiru emanaldiak 20:00etan izango dira, eta edukiera bete arte egongo dira lekuak.

Umore-eskaintza ostegunean, apirilaren 6an, 18:00etan amaituko da, Trapu Zaharra konpainiaren “Turisteando” kale-antzerki barregarriarekin. Ripako kaian aparkatutako roulotte batetik abiatuko den tramak etxekoandre bat du protagonista. Etxekoandreak itsas bidaia birtual bat irabazten du, eta horri esker irudimena hegan egiten uzten ahal du eta fantasia oso ezohikoak bete.

GASTRONOMIA- ETA KIROL-ESKAINTZA ABERATSA AREATZAN

Areatza izango da berriz ere Aste Santuko euskal jaiaren epizentroa, GOURMET, MARKET eta SPORT atalekin.

Txoko Gourmet karpak 1.500m² izango ditu, eta Areatzako kaian egongo da. Plazerra izango da ikuspen, dastamen eta usaimenerako, bai eta dozena bat euskal turismo-eskualdetako bertoko produktuak eskuratzeko eta dastatzeko lekurik aproposena ere. Idiazabal gazta, Ezpeletako piperrak, Urigoitiko txorizoa, Uribe Jataondoko izozkiak, txakolina eta garagardoak, Tolosaldeako eztiak eta txokolatea, Urdaibaiko hegaluzea eta txakolina, Enkarterriko ore amaz eginiko ogia eta Arabako Errioxako ardoa dastatzeko eta erosteko aukera egongo da, goizeko 11:00etatik 15:00etara eta arratsaldeko 16:30etik 20:00etara.

Gastronomiaren karpara hurbiltzen direnek, halaber, DASTATZE ESPRESETAN eta SUKALDARITZA-TAILER LABURRETAN parte hartzeko aukera izango dute. 900 lagun baino gehiagok gozatu ahalko dute txakolina, gazta, ogia, ardoa, txokolatea, eztia eta beste hainbat produktu probatzeko egingo diren dastatze espresetan, ostegunetik, apirilaren 6tik, igandera, apirilaren 9ra, bitartean, 12:00etan, 13:00etan, 14:00etan, 17:00etan eta 18:00etan.

Sukaldaritza-tailer laburretan parte hartzeko 400 plaza eskainiko dira, non taloa, Bilboko pintxo tradizionalak, bakailaoa eta gozoki osasungarriak egiten ikasiko duten, besteak beste. Apirilaren 6tik apirilaren 9ra bitartean antolatuko dira, 12:15ean, 13:15ean, 17:45ean eta 18:45ean. Dastatzeetan eta tailerretan izena ematea doakoa da eta tokian bertan egingo da Gourmet Txokoa zabaltzen den unetik bertatik, hau da, ostegunean, apirilaren 6an, goizeko 11:00etan.

Igandean, apirilak 9, familiako kide guztientzako askotariko jarduerak egingo dira Areatzan, 12:00etatik 14:00etara, besteak beste, Bizkaiko eta Arabako bolo-jokoaren txapelketa, euskal igelaren txapelketa, belaunaldien arteko egurrezko jokoen tailerrak, alkoholik gabeko koktelen tailerra, Bilboko betiko pintxoen tailerra eta musika-animazioa Bilboko Musika Eskolako trikitixa-taldearekin.

Areatzako kaian Herri Kirolak egongo dira. Ingude altxatzea, harri jasotzea, sokatira, txinga eramatea, trontza, harri-zulatzaileak eta aizkolariak dira, besteak beste, Areatzan ikusgai egongo diren probetako batzuk. Proba horiek apirilaren 6an hasiko dira, ostegunean, 12:30ean, emakumezkoen eta gizonezkoen Bizkaiko Orga Txapelketa Ofizialarekin. Gainera, zortzi urtetik gorakoentzako hainbat tailer egingo dira, apirilaren 6tik (osteguna) apirilaren 9ra arte (larunbata), 12:30ean eta 17:30ean.

Euskal herri-kirolen eskaintzari amaiera emateko, igandean, apirilaren 9an, Etxebarria parkean ARTZAIN TXAPELKETA egingo da berriro. Lehiaketa horretan, artzain-txakurrek artaldeak zuzentzeko duten zalutasuna eta diziplina erakutsiko dituzte.

ANFITRIOIAK, ITSASADARRETIK IBILTZEA, KALEJIRAK… BILBAO BASQUE FEST-EN EZINBESTEKO KLASIKOAK

“Bilboko anfitrioien” ibilbideak Bilbao Basque FESTen jende gehien biltzen duten jardueretako bat dira. Antzerki formatuko ibilbide horiek Bilboko historia umore-ukitu batekin ezagutzeko aukera ematen dute, Alde Zaharreko eta Areatzako kale nagusietan barrena.

Jaialdiko beste ibilbide berezi bat Mirentxu eta Begotxurekin itsasontziz egiten diren ibilbideak dira, eta oraingoan defendatu egingo dute aurtengo hasiera-etapa Bilbon duen Frantziako Tour osoa-osoa hiribildutik igaro behar dela.

Bestalde, Kalejirarik bizienak Bilboko erdigunean zehar ibiliko dira, eta Poza Lizentziatuaren, Villarias, Ledesma eta García Rivero kaleak energiaz beteko dituzte Gaztedi, Lorratz eta Los Bilbotxeros taldeek, apirilaren 6tik (osteguna) apirilaren 8ra (larunbata) arte, 13:00etan. Gasaren plazako erromeriek euskal dantzetako hasiberriak eta adituak bilduko dituzte arratsaldero, 19:00etan.

Eta, urtero bezala, Bilbao Basque Festen azken jardueretako batek Artxanda izango du protagonista. Igandean, apirilaren 9an, 12:00etan. Dantza tradizionalak, musikarik onena eta sagardoa dastatzeko aukera egongo da Bilboko tontorrean.

BILBAO BASQUE FEST ZIFRETAN

Bilbao Basque FEST euskal kulturaren jaialdiaren bost egunak eta eskaintzen dituen sei gaiak –Gourmet, Kultura, Musika, Market, Zinema eta Sport– hiribilduko hogeita hamar bat espaziotan banatuko dira. Aurten bederatzigarren edizioa ospatuko duen jaialdi honi esker, Bilbo turismorako erreferentziazko lekua da Aste Santuan.

360 jatetxek, tabernek, denda espezializatuak eta abarrek hartuko dute parte aurtengo edizioan 200 jarduera baino gehiago egingo dira, 230 artistek parte hartuko dute eta 150 pertsona lanean arituko dira jaialdia egiteko eta gauzatzeko.

Jendeak honako jarduera hauetaz gozatzeko aukera izango du, besteak beste: musika, dantza eta antzerkiko 69 ikuskizun, euskal kiroleko 25 jarduera eta zero kilometroko produktuen 900 dastatze espres eta 400 tailer gastronomiko txiki baino gehiago.

Gainera, Bilboko Udalak euskarazko, gaztelaniazko, ingelesezko eta frantsesezko 15.000 informazio liburuxka banatuko ditu, jarduerei eta ordutegiei buruzko xehetasun guztiekin eta herritarrentzako informazio erabilgarriarekin.

Hemen duzu Aste Santuan Bilbon Bilbao basque FEST jaialdiaz gozatzeko behar duzun informazio guztia eta programa osoa: www.bilbao.eus/basquefest.

SARE SOZIALAK:

• Bilbao Udala: YOUTUBE | FACEBOOK | TWITTER | INSTAGRAM
• Bilbao Turismo: YOUTUBE | FACEBOOK | TWITTER | INSTAGRAM

• Areatzako kaian kokatuko den 1.500m2 baino gehiagoko karpa batean, hamar euskal turismo-eskualdek beren gastronomiaren onena ezagutzera emango dute: informazio-standak, 900 lagun baino gehiagorentzako produktu-dastatzeak eta 400 lagun baino gehiagorentzako sukaldaritza-tailerrak egongo dira.

• Karparen ondoan, herri-kirolen 25 erakustaldi baino gehiago eskainiko dira, baita zortzi urtetik gorakoentzako tailerrak eskaini ere; horrez gain, emakumezkoen eta gizonezkoen Bizkaiko Orga Jokoaren Txapelketa Ofiziala izango da, apirilaren 6an, 12:30ean.

• Gainera, Bilbao Basque Fest jaialdiak 200 jarduera baino gehiago eskainiko ditu, doakoak eta publiko guztientzat, hiriko 30 bat espaziotatik sakabanatuta. Jarduerek, besteak beste, euskal musikarekin, zinemarekin edo folklorearekin izango dute zerikusia. Hurrentzako programazio zabala ere eskainiko da Jaialdiaren bidez, hiribildua jarduera ekonomikorako eta bisitariak erakartzeko gune gisa finkatu da, Bilbo dinamizatzeko eta Aste Santuan bertako merkataritza eta ostalaritza indartzeko.

Euskal kulturaren jaialdia, Bilbao basque FEST, Bilboko Areatzan izango da berriro, apirilaren 5etik 9ra bitartean, eta euskal gastronomiaren eta herri-kirolen erakusleiho handia izango da beste behin.

1.500m²-ko Gourmet Txokoa karpa benetako plazera izango da berriz ere ikusmenerako, dastamenerako eta usaimenerako. Jendeak Euskadiko hamar turismo-eskualderen zero kilometroko produkturik onenak dastatu eta erosi ahal izango ditu. Idiazabal gazta, Ezpeletako piperrak, Urigoitiko txorizoa, Uribe Jataondoko izozkiak, txakolina eta garagardoak, Tolosaldeako eztiak eta txokolatea, Urdaibaiko hegaluzea eta txakolina, Enkarterriko ore amaz eginiko ogia eta Arabako Errioxako ardoa dastatzeko eta erosteko aukera egongo da, goizeko 11:00etatik 15:00etara eta arratsaldeko 16:30etik 20:00etara.

Horrez gain, DASTATZE ESPRESAK eta SUKALDARITZA TAILER LABURRAK —Gourmet Txokoaren jarduera arrakastatsuenetakoak—, Bilbao basque FEST jaialdiaren bederatzigarren edizioan ere eskainiko dira.

900 lagun baino gehiagok gozatu ahalko dute txakolina, gazta, ogia, ardoa, txokolatea, eztia eta beste hainbat produktu probatzeko egingo diren dastatze espresetan, ostegunetik, apirilaren 6tik, igandera, apirilaren 8ra, bitartean, 12:00etan, 13:00etan, 14:00etan, 17:00etan eta 18:00etan.

Sukaldaritza-tailerrak 45 minutukoak izango dira eta Enaitz Landaburu sukaldariak eskainiko ditu. Horiei esker, 400 lagun baino gehiagok taloa, Bilboko pintxo tradizionalak, bakailaoa eta gozoki osasungarriak egiten ikasiko dute, apirilaren 6tik apirilaren 8ra bitartean, 12:15ean, 13:15ean, 17:45ean eta 18:45ean.

Dastatzeetan eta tailerretan izena ematea doakoa da eta tokian bertan egingo da Gourmet Txokoa zabaltzen den unetik bertatik, hau da, ostegunean, apirilaren 6an, goizeko 11:00etan.

PUNTA-PUNTAKO HERRI-KIROLAK

Karpa gastronomikoaren ondoan, Bilbao basque FESTeko publikoak gehien txalotzen dituen jarduerak egongo dira: herri-kirolak. Herri-kirolen probak eta erakustaldiak ostegunean, apirilaren 6an, hasiko dira, 12:30ean, Bizkaiko Orga Jokoaren Txapelketa Ofizialarekin.

Berealdiko proba horren ostean, Areatzara hurbiltzen direnek emakumezkoen trontza desafioaz gozatzeko aukera izango dute, bai eta lehen mailako harri-jasotzaileen desafio mistoaz ere.

Hona hemen herri-kirolen gainerako programa:

Ostegunean, apirilaren 6an, 17:30ean:

• Aizkora desafioa, 5 metroko altuerako mozketarekin.
• Harri-zulatzaileen desafioa, taldeka.

Ostiralean, apirilaren 7an, 12:30ean:

• Lehen mailako aizkolarien desafioa.
• Mozketa-mota ugari izango dira: lan luzea, mozketa bertikala, kolpekako mozketa eta abiadurakoa.
• Iparraldeko jokoen desafioa: Fardel-altxaketa, fardel-jaurtiketa eta ingude-altxaketa.

Ostiralean, apirilaren 7an, 17:30ean:

• Gizonezkoen trontza desafioa.
• Goma gaineko sokatira erakustaldia, munduko txapeldunen eskutik.
• Sokatira desafioa.

Larunbatean, apirilaren 8an, 12:30ean:

• Crossfit – Herri Kirolak desafioa: talde mistoen arteko erloju kontrako proba bat izango da, non parte hartzaileek crossfit-eko eta herri-kiroletako diziplinak egingo dituzten.

Larunbatean, apirilaren 8an, 17:30ean:

• Pentatloi desafioa: bost diziplina konbinatzen dituen erlojupeko proba bat da: harri-jasotzea, giza proba, aizkora, txinga eramatea eta lasterketa.

Igandean, apirilaren 9an, 11:00etan:

• Bizkaiko eta Arabako bola-joko txapelketa
• Euskal igela, hainbat modalitatetan

Gainera, zortzi urtetik gorakoentzako hainbat tailer egingo dira, apirilaren 6tik (osteguna) apirilaren 8ra arte (larunbata), 11:30ean eta 16:30ean.

Euskal herri-kirolen eskaintzari amaiera emateko, igandean, apirilaren 9an, Etxebarria parkean ARTZAIN TXAPELKETA egingo da berriro. Lehiaketa horretan, artzain-txakurrek artaldeak zuzentzeko duten zalutasuna eta diziplina erakutsiko dituzte.

BILBAO BASQUE FEST ZIFRETAN

Bilbao Basque FEST euskal kulturako jaialdia, apirilaren 5etik 9era bueltan izango dugu, Bilboko Udalak antolatutako 200 jarduera baino gehiagorekin. Jaialdiak sei gai (Gourmet, Kultura, Musika, Market, Zinema eta Sport) izango ditu hiriko 30 bat espaziotan zehar.

Bilbao Basque FEST jaialdia Euskal nortasun kutsua duen kultura eta aisialdi proposamena da eta hiria jarduera ekonomikorako eta bisitariak erakartzeko gune gisa finkatzea lortu du, Bilbo dinamizatzeko eta Aste Santuan bertako merkataritza eta ostalaritza indartzeko.

360 jatetxe, taberna, merkataritza, denda espezializatu… parte hartuko dute 230 artista baino gehiago barne hartzen dituen eta 150 pertsonari baino gehiagori lana emango dien edizio honetan, jaialdia ekoizteko eta gauzatzeko..

Jendeak honako jarduera hauetaz gozatzeko aukera izango du, besteak beste: musika, dantza eta antzerkiko 69 ikuskizun, euskal kiroleko 25 jarduera eta zero kilometroko produktuen 900 dastatze espres eta 400 tailer gastronomiko txiki baino gehiago.

Gainera, Bilboko Udalak euskarazko, gaztelaniazko, ingelesezko eta frantsesezko 15.000 informazio liburuxka banatuko ditu, jarduerei eta ordutegiei buruzko xehetasun guztiekin eta herritarrentzako informazio erabilgarriarekin.

Hemen duzu Aste Santuan Bilbon Bilbao basque FEST jaialdiaz gozatzeko behar duzun informazio guztia eta programa osoa: www.bilbao.eus/basquefest.

SARE SOZIALAK:

• Bilbao Udala: YOUTUBE | FACEBOOK | TWITTER | INSTAGRAM
• Bilbao Turismo: YOUTUBE | FACEBOOK | TWITTER | INSTAGRAM

#BilbaoBasqueFEST

• Casilda Iturrizar parkea Bilbao basque FEST jaialdian egongo diren familia-jardueren erdigune izango da apirilaren 5tik 9ra; izan ere, malabarak eta akrobaziak egiten ikasteko zirku-tailerrak, antzerki-saioak pailazo eta piratekin eta skape park handi bat egongo dira.

• Euskal kulturaren bederatzigarren edizio honetako berritasun bat Gargantua izango da; izan ere, Guggenheim Bilbao Museoko zabaldegira iritsiko da Txistularien Udal Bandaren eta Gaztediren zuzeneko musikarekin.

• Bestalde, ZINEMA atalak Cinco Lobitos film luzea eskainiko du BBK Salan, hiru Goya sariren irabazlea. Horrez gain, Maldita eta Loop film laburrak egongo dira ikusgai, Goya sari banarekin, bai eta Cannes Jaialdian saritutako Cuerdas lana ere. Gainera, haurrentzako Hooper oilaskoerbia filmaren goizeko emanaldi bat eskainiko da.

Aste Santuko oporrak Bilbon igaroko dituzten haurrek askotariko jardueren eskaintza zabal bat izango dute Bilbao basque FEST jaialdian.

Apirilaren 5etik 9ra, Casilda Iturrizar parkea izango da familientzako topagune jaialdiaren bederatzigarren edizio honetan. Bilboko berdegune enblematiko horretan zirku-tailerrak egingo dira malabarismoa eta akrobaziak egiten ikasteko, piratak, pailazoak eta errege-erregina eroak protagonista dituzten antzerki-saioak egingo dira eta Eskape Park handi bat egongo da, Bilboko Zabalguneko historia eta pertsonaia adierazgarrienak ezagutzeko. Hauxe izango da Casilda Iturrizar parkeko haurrentzako programazioa, egun eta jardueren arabera:

• La Glo, zirku-tailerrak (4 urtetik aurrera), apirilak 6, osteguna, apirilak 7, ostirala eta apirilak 8, larunbata, 12:00etan
• Adabaki, familia-antzerkia, apirilaren 6an, osteguna, 18:00etan.
• Una de piratas, familia-antzerkia, apirilaren 7an, ostirala, 18:00etan.
• Babo Royal, familia-antzerkia, apirilaren 8an, larunbata, 18:00etan.
• Eskape Park, apirilaren 6an, osteguna, apirilaren 7an, ostirala, eta apriilaren 8an, larunbata, 12:30ean eta 17:00etan.

Bilbao basque FEST jaialdiaren aurtengo berritasun garrantzitsuenetako bat Gargantuaren debuta da. Bilboko eta euskal kulturaren betiko pertsonaietako bat da, eta “haurrak jaten dituen” erraldoia Guggenheim Bilbao Museoaren zabaldegian egongo da apirilaren 6tik 8ra, ostegunetik larunbatera, 11:00etatik 14:00etara eta 16:00etatik 19:00etara. Horrez gian, 12:00etatik 13:00etara Txistularien Udal Bandaren zuzeneko musika izango dugu bertan, eta 17:00etatik 19:00etara Gaztedirena.

Aste Santua familiarekin gozatzeko Bilbao basque FESTek eskaintzen dituen beste jarduera batzuk herri-kirolen tailerrak dira. Apirilaren 6tik 8ra, ostegunetik larunbatera, goizez (11:30) eta arratsaldez (16:30) Areatzako kaian eta zortzi urtetik gorako haurrentzat, trontza eta harri-jasotze tailerrak egongo dira, besteak beste.

Era berean, apirilaren 9an, igandean, 12:00etatik 14:00etara Areatzako karpan hainbat jarduera egingo dira familia osoarentzat: Bizkaiko eta Arabako bolo-txapelketa, euskal igelaren txapelketa, belaunaldien arteko zur-jokoen tailerrak, alkoholik gabeko koktel tailerra, Bilboko pintxo tradizionalen tailerra eta Bilbao Musika Eskolako trikitixa-taldearen musika animazioa.

HAURRENTZAKO GOIZEKO SAIOA ETA IKUS-ENTZUNEZKO EUSKAL EKOIZPENIK ONENAK

Bilbao basque FESTen bederatzigarren edizioan, berritasun bat gehitu da ZINEMA atalean. Goizeko zinema-saio bat egongo da egunero Hooper oilaskoerbia filmarekin. Filma BBK Salan proiektatuko da apirilaren 6an, osteguna, apirilaren 7an, ostirala, eta apirilaren 8an, larunbata, goizeko 12:00etan. Filma euskara hutsean ekoitzi da, eta erdi erbi erdi oilo den pertsonaia dibertigarri baten istorioak kontatzen ditu.

Euskal kulturaren jaialdiak jakin badaki ikus-entzunezkoen euskal sektorea une bikainean dagoela. Sektorea garatzeaz gain, aintzatespena jasotzen ari da, eta, hori dela eta, aurten hiru Goya sari irabazi dituen Cinco Lobitos filma eskainiko du, BBK Salan hori ere. Egunero eskainiko da emanaldi bat, ostegun, ostiral eta larunbatean, 18:00etan. Emanaldiaren aurretik, honako film labur hauek eskainiko dira: Maldita, Film Labur Dokumental Onenaren 2023ko Goya saria; Cuerdas, Cannes Jaialdiaren Kritika Astean nabarmendu zuten, Montpellierreko Mediterraneo Zinemaldiko Epaimahaiaren Sari Handia irabazi zuen eta 2023ko Goya sarietan Fikziozko Film Labur Onena kategorian hautagai izan zen, eta Loop, Animaziozko Film Labur Onenaren 2023ko Goya saria.

BILBAO BASQUE FEST ZIFRETAN

Bilbao Basque FEST euskal kulturako jaialdia, apirilaren 5etik 9era bueltan izango dugu, Bilboko Udalak antolatutako 200 jarduera baino gehiagorekin. Jaialdiak sei gai (Gourmet, Kultura, Musika, Market, Zinema eta Sport) izango ditu hiriko 30 bat espaziotan zehar.

Bilbao Basque FEST jaialdia Euskal nortasun kutsua duen kultura eta aisialdi proposamena da eta hiria jarduera ekonomikorako eta bisitariak erakartzeko gune gisa finkatzea lortu du, Bilbo dinamizatzeko eta Aste Santuan bertako merkataritza eta ostalaritza indartzeko.

360 jatetxe, taberna, merkataritza, denda espezializatu… parte hartuko dute 230 artista baino gehiago barne hartzen dituen eta 150 pertsonari baino gehiagori lana emango dien edizio honetan, jaialdia ekoizteko eta gauzatzeko..

Jendeak honako jarduera hauetaz gozatzeko aukera izango du, besteak beste: musika, dantza eta antzerkiko 69 ikuskizun, euskal kiroleko 25 jarduera eta zero kilometroko produktuen 900 dastatze espres eta 400 tailer gastronomiko txiki baino gehiago.

Gainera, Bilboko Udalak euskarazko, gaztelaniazko, ingelesezko eta frantsesezko 15.000 informazio liburuxka banatuko ditu, jarduerei eta ordutegiei buruzko xehetasun guztiekin eta herritarrentzako informazio erabilgarriarekin.

Hemen duzu Aste Santuan Bilbon Bilbao basque FEST jaialdiaz gozatzeko behar duzun informazio guztia eta programa osoa: basquefest.bilbao.eus.

SARE SOZIALAK:

• Bilbao Udala: YOUTUBE | FACEBOOK | TWITTER | INSTAGRAM
• Bilbao Turismo: YOUTUBE | FACEBOOK | TWITTER | INSTAGRAM

• Bilbao Basque FEST jaialdiaren 9. edizioa izango da eta apirilaren 5etik 9ra ikusle eta gustu guztietara zuzendutako kontzertu sorta erakargarria eskainiko da. Doako 40 kontzertu baino gehiago eta hainbat estilo, hala nola folk, rock, jazz edo pop.

• Ikus entzunezko esperientzia zirraragarria Bilbao Basque FEST jaialdiari hasiera emateko asteazkenean, apirilaren 5ean. Elkarte Filarmonikoaren estreinaldia jaialdiaren egoitza gisa apirilaren 7an, ostiralean, Xabier Aburruzaga egungo euskal folkaren erakusle gorenaren kontzertuarekin. Urrats Erromeriaren berbena klasikoa Areatzako Kioskoan eta Crazy Horse, Azkena, Madame Lou Lou, Cotton Club eta Kafe Antzokia bezalako aretoetako kontzertuak nabarmentzen dira MUSIKA sailean.

• Gainera, euskal kulturako jaialdiak 200 jarduera baino gehiago eskainiko ditu, doakoak eta publiko guztientzat, hiriko 30 bat espaziotan banatuta. Jarduerek, besteak beste, gastronomiarekin, herri kirolekin, musikarekin edo zinemarekin zerikusia izango dute. Bilbao Basque FEST jaialdiaren bidez, hiria jarduera ekonomikorako eta bisitariak erakartzeko gune finkatu da, Bilbo dinamizatzeko eta Aste Santuan bertako merkataritza eta ostalaritza indartzeko.

Aste Santua Bilbon ikusle guztientzako eta askotariko gustuentzako musikaz beteko da euskal kulturako Bilbao Basque FEST jaialdiarekin. Apirilaren 5etik 9ra bisitan datozenek eta egun horietan hirian geratuko diren bilbotarrek aukera izango dute doako 40 kontzertuz baino gehiagoz gozatzeko, Bilboko hainbat kaletan, tabernetan eta pubetan.

Jaialdia apirilaren 5ean hasiko da, 19:30etan, Azkuna Zentroan, “Munduko Soinuak, visual experience” ikus-entzuneko ikuskizunarekin (Izar Blue konpainia). Ikus-entzule guztiei zuzenduta egongo da eta soinu paisaia batetik abiatuta, antzezlana murgiltze esperientzia bat izango da, zuzeneko musika eta ikus-entzunezko edukiak batu egingo dira mundu erakargarri bat sortzeko. Udal zentroko Kulturen Ataria munduko soinuak birsortzeko gune aproposa da, hainbat tresnaren bidez.

Kontzertu hori jaialdiaren “Arte mintzaira berriak” izeneko sailaren barruan estreinatuko da. Era berean, ostiralean, apirilaren 7an, eta larunbatean, apirilaren 8an, 19:30etan, Jon Aguirrezabalaga konpositore eta ekoizle bilbotarraren kontzertua “Zabala” izango da, esperimentalki eta ekialdeko ukituekin konbinatuko ditu syhtn eta dream pop generoak, baita elektro ambient ere.

Ziklo horren barruan, “Zabala” eta Izar Blue konpainiako kideek hitzaldi didaktikoak emango dituzte ostegunean, apirilaren 6an, eta larunbatean, apirilaren 8an, eguerdiko 12:00etan, Azkuna Zentroko Iparragirre aretoan.

Gainera, Bilbao Basque FEST jaialdiaren programazioak, Udal Txistulari Bandaren, Oinkari dantza taldearen eta Sestaoko Birakari Elkarteko Erraldoi bikote baten emanaldiaz gozatzeko aukera emango du. “Zertzeladak” ikuskizuna ostegunean, apirilaren 6an izango da, 17:00etan.

ESTILOAK GUSTU GUZTIENTZAKO: FOLK, FUNK, ROCK, DJ…

Bilbao Basque FEST jaialdiaren bederatzigarren edizioko ekitaldi nagusietako bat ostiralean, apirilak 7, izango da, 19:00etan, Bilboko Elkarte Filarmonikoan. Areto ederra da eta hiriko akustika onenetakoa du. Aurten, jaialdia hartuko du lehen aldiz, zehazki, Xabier Aburruzagaren “Aurrez Aurre” kontzertu handia, egungo euskal folkaren adierazgarririk onena. Trikitixa konpositore eta interpreteak euskal musika tradizionala ukitu eta erritmo garaikideekin uztartzen du, harizko, perkusiozko eta txalapartazko instrumentuek lagunduta. Aburruzagak eta bere bandak bere aurreko diskografia laburtuko dute, Quebec eta Irlanda gogora ekarriz.

Funk edo rock estiloak nahiago dituztenek eta, aldi berean, hiriko kaleez gozatu nahi dutenek, horretarako aukera izango dute Bilbo historikoko musika animazioarekin. Rock’n Brass, Basque Brass Band eta Funky Brass ikuskizunek soinu herrikoiak eta egungo errepertorioak uztartuko dituzte, erritmo leherkorrekin, eta haize instrumentuak izango dira protagonistak Alde Zaharrean eta Martzanan.

• Rock’n Brass. Ostegunean, apirilaren 6an, 19:00etan. Ibilbidea: Erriberako Merkatua, Erriberako zubia, Martzana kalea, Aretxaga kalea, Hiru Pilareetako plaza eta Martzana kaia.
• Basque Brass Band. Ostiralean, apirilaren 7an, 19:00etan. Ibilbidea: San Anton zubia, Bilbi plaza, Hiru Pilareetako plaza, Aretxaga kalea, Martzana kalea eta Martzana kaia.
• Funky Brass. Larunbatean, apirilaren 8an, 19:00etan. Ibilbidea: Berreginen Museoa, Aretxaga kalea, Hiru Pilareetako plaza eta Martzana kaia eta Martzana kalea.

Era berean, Martzanan, hainbat DJ-k eguerdiak eta arratsaldeak giro erakargarri batekin girotuko dituzte. “Kaia on set” bidez, askotariko estilotako artistek giro berezi batean murgilduko dituzte entzuleak.

Martzana kalea, 16

• Ostegunean, apirilaren 6an, 18:00etan: DJ Hamaika
• Ostiralean, apirilaren 7an, 18:00etan: DJ Aitor MU
• Larunbatean, apirilaren 8an, 18:00etan: DJ Estrella Electrónica
• Igandean, apirilaren 9an, 18:00etan: DJ Mimoloco

Martzana kaia, 16

• Ostegunean, apirilaren 6an, 18:00etatik 21:00etara: DJ Marlon Random
• Ostiralean, apirilaren 7an, 18:00etatik 21:00etara: DJ El Gri
• Larunbatean, apirilaren 8an, 18:00etatik 21:00etara: DJ Marlon & DJ Rez

MUSIKA POPULARRAREN KLASIKOAK BILBAO BASQUE FEST JAIALDIAN

Lehen aldiz, Bilbao Basque FEST jaialdian, larunbatean, apirilaren 8ko arratsalde-gau aldera, Areatzako Kioskoan, gure herri kulturako klasikoetako batez gozatu ahal izango da: erromeria. Urrats Erromeria Euskadiko egungo erromeria garrantzitsuenetako bat da eta guztiokin partekatuko du bere musika dantzagarri eta euskalduneko errepertorio alaia, energia eta giro ezin hobearekin.

Jaialdia ohi den moduan hasiko da, hiriko hainbat txokotatik abiatuko diren kalejira klasikoekin. Ibilbide biziek energiaz eta alaitasunez beteko dituzte Poza Lizentziatuaren, Villarias, Ledesma eta García Rivero kaleak. Gaztedi, Lorratz eta Los Bilbotxeros taldeak kaleetan barrena murgilduko dira eta publikoa ibilbidean zehar lagunduko dute.

García Rivero-Poza Lizentziatuaren kaleak

• Ostegunean, apirilaren 6an, 13:00etan Gaztedi
• Ostiralean, apirilaren 7an, 13:00etan Lorratz
• Larunbatean, apirilaren 8an, 13:00etan Los Bilbotxeros

Villarias-Ledesma kaleak

• Ostegunean, apirilaren 6an, 13:00etan Lorratz
• Ostiralean, apirilaren 7an, 13:00etan Gaztedi
• Larunbatean, apirilaren 8an, 13:00etan Lorratz

BILBAO BASQUE FEST GAUAK

Bilbao Basque Festek gaueko eskaintza zabaldu du eta egunero kontzertuak egongo dira LOKALETAN hala nola Crazy Horsen, Azkena aretoan, Madame Lou Loun eta Cotton Cluben. “Taberna Live Music” atalaren bidez, Mia Kalo, Vittersweet, Nuclear Dreams, Twin Room edo Bablian artistek ZUZENEKO MUSIKA eskainiko dute eta entzuleak animatuko DITUZTE jazz, pop, reggae eta antzeko estiloetako kantuak abestera.

Azkena Aretoa 

• Ostegunean, apirilaren 6an, 21:00etan LISVOA
• Ostiralean, apirilaren 7an, 21:00etan VITTERSWEET
• Larunbatean, apirilaren 8an, 21:00etan NUCLEAR DREAMS

Cotton Club

• Ostegunean, apirilaren 6an, 20:00etan MIA KALO
• Ostiralean, apirilaren 7an, 20:30ean MUY BAJITO
• Larunbatean, apirilaren 8an, 20:30ean CIGARETTE BREAK DUET

Madame Lou Lou

• Ostegunean, apirilaren 6an, 20:00etan TWIN ROOM
• Ostiralean, apirilaren 7an, 20:00etan AIAMA
• Larunbatean, apirilaren 8an, 20:00etan EDER PORTOLÉS

Crazy Horse

• Ostegunean, apirilaren 6an, 21:00etan BABELIAN
• Ostiralean, apirilaren 7an, 21:00etan RUMBO PARAÍSO

Beste urte batez, Kafe Antzokia jaialdiko rock musikaren erdigunea izango da, “Bilbao basque FEST Rock City”. Euskadiko bandarik onenek beren talentua erakutsiko dute zuzeneko emanaldiekin. Gainera, euskal musikako jaialdi adierazgarriak aurkeztuko dira.

Asteazkenean, apirilaren 5ean

• MAZ jaialdiaren (Basauri) aurkezpena 21:45ean.
• UNCLOSE eta LUMI kontzertuak 22:00etan

Ostegunean, apirilaren 6an

• Irun Zuzenean Festibala jaialdiaren (Irun) aurkezpena 21:45ean.
• ETXEKALTE, DENA, TOOTH eta ARIMA kontzertuak 22:00etan

Ostiralean, apirilaren 7an

• Koba Live jaialdiaren (Abadiño) aurkezpena 21:45ean.
• SEÑOR NO eta HEAD HOLES kontzertuak 22:00etan

Larunbatean, apirilaren 8an

• Esférica jaialdiaren (Arabako Errioxa) aurkezpena 21:45ean.
• LA PERRA BLANCO eta MICKY & THE BUZZ kontzertuak 22:00etan

BILBAO BASQUE FEST ZIFRETAN

Bilbao Basque FEST euskal kulturako jaialdia, apirilaren 5etik 9era bueltan izango dugu, Bilboko Udalak antolatutako 200 jarduera baino gehiagorekin. Jaialdiak sei gai (Gourmet, Kultura, Musika, Market, Zinema eta Sport) izango ditu hiriko 30 bat espaziotan zehar.

Bilbao Basque FEST jaialdia Euskal nortasun kutsua duen kultura eta aisialdi proposamena da eta hiria jarduera ekonomikorako eta bisitariak erakartzeko gune gisa finkatzea lortu du, Bilbo dinamizatzeko eta Aste Santuan bertako merkataritza eta ostalaritza indartzeko.

360 jatetxe, taberna, merkataritza, denda espezializatu… parte hartuko dute 230 artista baino gehiago barne hartzen dituen eta 150 pertsonari baino gehiagori lana emango dien edizio honetan, jaialdia ekoizteko eta gauzatzeko..

Jendeak honako jarduera hauetaz gozatzeko aukera izango du, besteak beste: musika, dantza eta antzerkiko 69 ikuskizun, euskal kiroleko 25 jarduera eta zero kilometroko produktuen 900 dastatze espres eta 400 tailer gastronomiko txiki baino gehiago.

Gainera, Bilboko Udalak euskarazko, gaztelaniazko, ingelesezko eta frantsesezko 15.000 informazio liburuxka banatuko ditu, jarduerei eta ordutegiei buruzko xehetasun guztiekin eta herritarrentzako informazio erabilgarriarekin.

Hemen duzu Aste Santuan Bilbon Bilbao basque FEST jaialdiaz gozatzeko behar duzun informazio guztia eta programa osoa: basquefest.bilbao.eus.

SARE SOZIALAK:

• Bilbao Udala: YOUTUBE | FACEBOOK | TWITTER | INSTAGRAM
• Bilbao Turismo: YOUTUBE | FACEBOOK | TWITTER | INSTAGRAM

#BilbaoBasqueFEST

• Apirilaren 5etik 9ra, Bilbao Basque FEST euskal kulturaren jaialdiaren edizio berezi bat itzuliko da Bilbora. Programa Bilboko Udalak egin du, eta 200 jarduera baino gehiago eskainiko ditu, doakoak eta publiko guztientzat, hiriko 30 bat espaziotan banatuta. Jarduerek, besteak beste, gastronomiarekin, herri-kirolekin, musikarekin edo zinemarekin zerikusia izango dute.

• Jaialdiko sei gaiei esker –Gourmet, Kultura, Musika, Market, Zinema eta Sport–, Bilbao Basque Fest jarduera ekonomikoko eta bisitariak hirira erakartzeko gune gisa finkatu da. Jaialdiak hiria dinamizatu eta kultura- eta merkataritza-turismoa sustatzen ditu, eta Aste Santuan hirian gelditzea erabakitzen duten bilbotarrei kalitate-proposamena eskaintzen die.

• Bederatzigarren edizioko nobedade handienetako bat Azkuna Zentroko “Arte-mintzaira berriak” atala da. Ikus-entzunezko esperientzia zirraragarri horren bitartez, Izar Blue konpainiak jaialdiari hasiera emango dio. Gainera, Gargantua jaialdian estreinatuko da, eta, lehen aldiz, herri-kulturaren parte den GAUEKO FESTAK Areatzako Kioskoa musikaz eta energiaz beteko du. Era berean, Bilboko Elkarte Filarmonikoak jaialdiarekin bat egingo du, ohiko kokalekuan, eta Xabier Aburruzaga Banden kontzertua eskainiko digu, egungo euskal folkaren erakusle gorena.

Apirilaren 5etik 9ra, Bilboko kaleak Bilbao Basque FEST euskal kulturaren jaialdiaren baitan programatutako 200 jarduera baino gehiagoz beteko dira, Bilboko Udalak antolatuak. Bederatzigarren edizioa oso berezia izango da; izan ere, bisitatzen gaituztenek eta Aste Santua hirian pasatzea erabakitzen duten bilbotarrek jaialdiko sei gaiek eskaintzen dituzten esperientziak inolako mugarik gabe gozatu ahal izango dituzte: Gourmet, Kultura, Musika, Market, Zinema eta Sport.

Herri-kirolen probek, produktu gastronomiko onenek, festetan edo kalejiretan eta erromerietan euskal musikak sortzen duen pozak, euskal zinema sari aniztunak edo jaialdian Gargantua estreinatzeak, Bilbo berriz ere euskal nortasuna duen kultura- eta aisialdi-proposamen horren agertoki bihurtzea ekarriko dute. Jaialdiak hiria jarduera ekonomikoko eta bisitariak erakartzeko gune gisa sendotzea lortu du, eta, horrez gain, hiria dinamizatzen du eta Aste Santuan zehar Bilboko merkataritza eta ostalaritza sustatzen ditu.

FESTA ETA MUSIKARAKO ATAL ETA ESPAZIO BERRIAK

MUSIKA Bilbao Basque FEST jaialdiaren elementu garrantzitsuenetako bat da edizio guztietan. Aurtengo kartelean estilo-sorta erakargarria dago; besteak beste, folk, rock, jazz edo pop estiloak entzungo ditugu. Emanaldi berezienetako bat Izar Blue konpainiaren eskutik iritsiko da Azkuna Zentrora. Konpainiaren “Munduko soinuak, visual experience” ikuskizunak hasiera emango dio jaialdiari asteazkenean, apirilaren 5ean, arratsaldeko 19:30ean. Esperientzia murgiltzaile horrek, diziplina anitzeko muntaia eszenikoz, argiztapenaz eta zuzeneko musikaz josia, atal berri bati hasiera emango dio, “Arte-mintzaira berriak” izenburupean.

Bilboko Elkarte Filarmonikoak jaialdian parte hartuko du. Hiriko akustika hoberenetarikoa duen areto horretan, Xabier Aburruzagaren “Aurrez aurre” folk kontzertu bikaina izango da, gaur egungo folkaren erakusle gorena. Kontzertua apirilaren 7an, ostirala, izango da, arratsaldeko 19:00etan.

Aurtengo beste nobedade garrantzitsuenetako bat euskal musikak oso berezkoa duen GAUEKO FESTA lehenengoz ospatzea izango da. Apirilaren 8an, larunbat arratsalde/gauean, musika euskalduna, energia handia eta giro ona ekarriko dizkigu Urrats Erromeria taldeak, gaur egun Euskadiko erromeria garrantzitsuenetako bat.

Bilbao Basque FESTek gaueko eskaintza zabaldu du eta egunero kontzertuak egongo dira LOKALETAN, hala nola Crazy Horsen, Azkena aretoan, Madame Lulun eta Cotton Cluben. “Taberna Live Music” atalaren bidez, Mia Kalo, Vittersweet, Nuclear Dreams, Twin Room edo Bablian artistek ZUZENEKO MUSIKA eskainiko dute.

Rockari dagokionez, Bilbao Basque FEST Kafe Antzokiara itzuliko da beste urte batez, Euskadiko banda onenekin, “Bilbao basque Fest Rock City” izeneko atalaren bidez. Gainera, euskal musika-jaialdi nabarmenak ere aurkeztuko dira atal horretan. Era berean, Martzana kaian eta kaleetan, zenbait DJk janaurrekoa eta arratsaldeak girotuko dituzte zuzeneko musikarekin, “Kaia on set” atalaren baitan.

 

IKUS-ENTZUNEZKO EUSKAL EKOIZPENIK ONENAK

Bilbao Basque FESTek jakin badaki ikus-entzunezkoen euskal sektorea une bikainean dagoela. Sektorea garatzeaz gain, aintzatespena jasotzen ari da, eta, ZINEMA atalaren bidez, aurten hiru Goya sari irabazi dituen “Cinco Lobitos” filma eskainiko du. BBK aretoak emanaldi bat eskainiko du egunero –osteguna, ostirala eta larunbata, 18:00etan–. Emanaldiaren aurretik, honako film labur hauek eskainiko dira: “Maldita”, Film Labur Dokumental Onenaren 2023ko Goya saria; “Cuerdas”, Cannes Jaialdiaren Kritika Astean nabarmendu zuten, Montpellierreko Mediterraneo Zinemaldiko Epaimahaiaren Sari Handia irabazi zuen eta 2023ko Goya sarietan Fikziozko Film Labur Onena kategorian hautagai izan zen; eta “Loop”, Animaziozko Film Labur Onenaren 2023ko Goya saria.

NOBEDADE gisa, aurten familia osoarentzako emanaldiak egingo dira goizetan (12:00etan). Emanaldi horietan, egunero euskaraz ekoitzitako “Hooper oilaskoerbia” filma emango da.

DANTZA, UMOREA, KALE-ANTZERKIA ETA GARGANTUA HISTORIKOAREN ESTREINALDIA

Bilbao Basque FEST sortu zenetik, KULTURA da beste funtsezko elementuetako bat. Jaialdia euskal sustraietan sakontzen da, dantza tradizionalei, antzerkiari, umoreari, historiari eta dantzari lekua egiteko.

Gasaren plaza aurtengo kultur programazioaren erdigunea izango da. Bertan, Kukai Dantza konpainiak “Gelajauziak (fragments)” dantza-lana eskainiko du ostegunean, apirilaren 6an, 20:30ean. Ikuskizun horrek, bi MAX sariren irabazle, gaur egungo agertokiko bi dantzari aparta biltzen ditu: Jon Maya eta Cesc Gelabert. Eszenatoki berean, egun bat geroago, Lekittoko Deabruak taldeak ikus-entzuleak txundituta utziko ditu “Akelarre” ikuskizunarekin. Gaueko ospakizun mitiko horretan, sorginak eta “Akerbeltz” agertuko zaizkigu, musika, sua eta piroteknia-jokoekin nahastuta.

“Euskal zigilua” duen eta umorez jositako antzerkiak Bilborock jaialdiko arratsaldeak eta Ripako kaia bizituko ditu. Hala, “Humor and Basque” Bilborockera itzuliko da ostegunean, apirilaren 6an, “Kiero ser vasco, palabra de catalán” lanarekin, Raül Supervia komikoarena. Katalunian jaio arren, komikoak euskaldun izateko baldintza guztiak betetzen ditu. Ostiralean, apirilaren 7an, Kolektibo Monstrenkoren txanda helduko da, eta “Espejismo” taularatuko du. Antzezlanak zuzeneko musika testu “epiko” eta poetikoekin konbinatuko du, umorea galdu gabe. Azkenik, larunbatean, apirilaren 8an, María Urzelai, Getari Etxegarai eta Leire Orbe aktoreek ikus-entzuleen barre-algarak piztuko dituzte, “Los cuatro elementos” interpretazioarekin, Ibon Belandia musikariarekin batera. Hiru emanaldiak 20:00etan izango dira.

Umore-eskaintza ostegunean, apirilaren 6an, 18:00etan amaituko da, Trapu Zaharra konpainiaren “Turisteando” kale-antzerki barregarriarekin. Ripako kaian aparkatutako roulotte batetik abiatuko den tramak etxekoandre bat du protagonista. Etxekoandreak itsas bidaia birtual bat irabazten du, eta horri esker irudimena hegan egiten uzten ahal du eta fantasia oso ezohikoak bete.

Bilboko eta Euskal Herriko kulturako pertsonaia mitikoenetako bat, Gargantua, Bilbao Basque FESTen edizio honetan estreinatuko da. “Haurrak jaten dituen” erraldoi hori Guggenheim Bilbao Museoaren zelaigunean egongo da, Bilboko Txistulari Bandaren eta Gaztediren zuzeneko musikak lagunduta.

AREATZA: GASTRONOMIAREN ETA KIROLAREN EPIZENTROA

Areatza izango da berriz ere Aste Santuko euskal jaiaren epizentroa, GOURMET, MARKET eta SPORT atalekin. Gourmet Txokoa karparen 1.500 m²-ak benetako plazera izango dira berriz ere ikusmenerako, ahorako eta usaimenerako. Jendeak Euskadiko dozena turismo-eskualderen zero kilometroko produkturik onenak dastatu eta erosi ahal izango ditu. Besteak beste, Idiazabal gazta, Ezpeletako piperrak, Urigoitiko txorizoa, Uribe Jataondoko garagardoak, txakolina eta izozkiak, Tolosaldeko txokolatea eta eztia, Urdaibaiko txakolina eta hegaluzea, Enkarterriko ore amako ogia eta Arabako Errioxako ardoa dastatu eta erosi ahal izango dira.

Gourmet Txokoko jarduera maiteenetako bat, 25 produkturen DASTATZE ESPRESAK, 900 pertsona baino gehiagorentzat egongo dira eskuragarri. Era berean, 45 minutuko sukaldaritza-tailerrak egongo dira 400 lagun baino gehiagorentzat. Tailerretan, jendeak hegaluze brotxetak, Arabako patata pintxoak, Gernikako arrautza eta piper pintxoak edo gilda ezagunak egiten ikasiko du.

Karparen ondoan, publikoak gehien txalotzen dituen jarduerak egongo dira: herri-kirolak. Ingude altxatzea, harri jasotzea, sokatira, txinga eramatea eta trontza dira, besteak beste, Areatzan ikusgai egongo diren probetako batzuk. Proba horiek apirilaren 6an hasiko dira, ostegunean, 12:30ean, emakumezkoen eta gizonezkoen Bizkaiko Orga Txapelketa Ofizialarekin. Gainera, zortzi urtetik gorakoentzako hainbat tailer egingo dira, apirilaren 6tik (osteguna) apirilaren 9ra arte (larunbata), 12:30ean eta 17:30ean.

KLASIKO ARRAKASTATSUENAK ETA EZINBESTEKO IKUSKIZUNAK

“Bilboko anfitrioien” ibilbideak Bilbao Basque FESTen jende gehien biltzen duten jardueretako bat dira. Antzerti formako ibilbide horiek Bilboko historia umore-ukitu batekin ezagutzeko aukera ematen dute, Alde Zaharreko eta Areatzako kale nagusietan barrena. Jaialdiaren beste ibilbide berezi bat Mirentxu eta Begotxurekin egiten diren itsasontzi-ibilaldiak dira. Oraingo honetan, bikote komikoak Frantziako Tourra Bilbora iristen denerako antolatu duen plan burugabea partekatuko digu.

Aurten, HAURRENTZAKO JARDUERAK Casilda Iturrizar parkean egingo dira. Bilboko berdegune enblematiko horretan zirku-tailerrak egingo dira malabarismoa eta akrobaziak egiten ikasteko, piratak, pailazoak eta errege-erregina eroak protagonista dituzten antzerki-saioak egingo dira eta Eskape Park handi bat egongo da, Bilboko Zabalguneko historia eta pertsonaia adierazgarrienak ezagutzeko.

Iaz izan zuen arrakastaren ondoren, Etxebarria parkean ARTZAIN TXAPELKETA egingo da berriro. Lehiaketa horretan, artzain-txakurrek artaldeak zuzentzeko duten zalutasuna eta diziplina erakutsiko dituzte. Igandean, apirilaren 9an, 12:00etan, izango da txakurren eta artzainen txanda.

Bilbao Basque FESTen ohikoa den bezala, jaia hiriko txoko guzti-guztietara iritsiko da kalejira eta erromeriei esker. Kalejirarik bizienak Bilboko erdigunean zehar ibiliko dira, eta Poza Lizentziatuaren, Villarias, Ledesma eta García Rivero kaleak energiaz beteko dituzte Gaztedi, Lorratz eta Los Bilbotxeros taldeek, apirilaren 6tik (osteguna) apirilaren 8ra (larunbata) arte, 13:00etan. Bestalde, Gasaren plazako erromeriek euskal dantzetako hasiberriak eta adituak bilduko dituzte arratsaldero, 19:00etan.

Eta, urtero bezala, Bilbao Basque FESTen azken jardueretako batek Artxanda izango du protagonista. Igandean, apirilaren 9an, 12:00etan, dantza tradizionalak, musikarik onena eta sagardoa dastatzeko aukera egongo dira.

BILBAO BASQUE FEST ZIFRETAN

Bilbao Basque FEST euskal kulturaren jaialdiaren bost egunak eta eskaintzen dituen sei gaiak –Gourmet, Kultura, Musika, Market, Zinema eta Sport– hiriko 30 espaziotan banatuko dira. Aurten bederatzigarren edizioa ospatuko duen jaialdi honi esker, Bilbo turismorako erreferentziazko lekua da Aste Santuan.

360 jatetxek, tabernek, denda espezializatuk eta abarrek hartuko dute parte aurtengo edizioan. 200 jarduera baino gehiago egingo dira, 230 artistek parte hartuko dute eta 150 pertsona lanean arituko dira jaialdia egiteko eta gauzatzeko.

Jendeak honako jarduera hauetaz gozatzeko aukera izango du, besteak beste: musika, dantza eta antzerkiko 69 ikuskizun, euskal kiroleko 25 jarduera, zero kilometroko produktuen 900 dastatze espres baino gehiago eta 400 tailer gastronomiko baino gehiago.

Gainera, Bilboko Udalak euskarazko, gaztelaniazko, ingelesezko eta frantsesezko 15.000 informazio-liburuxka banatuko ditu, jarduerei eta ordutegiei buruzko xehetasun guztiekin eta herritarrentzako informazio erabilgarriarekin.

Hemen duzu Aste Santuan Bilbon Bilbao basque FEST jaialdiaz gozatzeko behar duzun informazio guztia eta programa osoa: www.bilbao.eus/basquefest.

SARE SOZIALAK:

• Bilbao Udala: YOUTUBE | FACEBOOK | TWITTER | INSTAGRAM
• Bilbao Turismo: YOUTUBE | FACEBOOK | TWITTER | INSTAGRAM

Bilbon 2022. urtea oso berezia izango da automobilgintza klasikoaren munduarentzat Guggenheim Museoko “Motion, Autos, Art, Architecture” erakusketa arrakastatsuarekin batera, hiriak beste bi ekitaldi hartuko ditu ekainean: Garaiko Autoen eta Auto Beterano eta Klasikoen eta Superkirol-automobilen Dotoreziaren Nazioarteko XIV. Lehiaketa eta Automobilgintza Kluben Nazioarteko I. Kongresua (C ICA), zeinak sektoreko erreferentzia izateko nahia daukan

Bilbon, automobilgintza klasikoaren mundua izango da datozen egunetako protagonista. Bilboko Udaleko Garapen Ekonomiko, Merkataritza eta Enplegu Saileko zinegotzia den Xabier Ochandianok, Koldo Ortiz de Vallejuelo Automobil Klasikoen presidenteak eta Iñigo Olaizola Retro Móvileko zuzendariak gaurko prentsaurrekoan azaldu duten bezala, Guggenheim Museoko “Motion, Autos, Art, Architecture” erakusketa ospetsua aprobetxatuz, «Beste bi ekitaldi garrantzitsu ekarriko ditugu. Antolaketa-taldeari eta klub, babesle eta kolaboratzaileen babesari esker, gure esperientzia, erronka eta etorkizuneko planen balioa nabarmendu nahi dugu eta horiek partekatu».

«Beste elementu oso garrantzitsu bat kulturaren eta turismoaren oinarria da. Gaur, inoiz baino gehiago, eremu hau dinamizatu behar dugu, jarduera beste sektore guztietara zabaltzen baitu, eta, horrela, Bilbo eta inguru zoragarria automobilgintza klasikoaren zaleen erdigune bihurtzen badugu, gure gainerako ekoizpen-ehun guztia proiektatuko dugu nazioarteko mapan lekua egingo digun jarduera batekin, eta, aldi berean, irudi on bat sortu, nola edo hala une zirraragarriak ekarriko dizkigun irudi bat, alegia».

 

«Hori guztia dela eta, Bilboko Udalari eskerrak eman nahi dizkiogu erakutsi digun sentsibilitate eta babesagatik, zeinak aukera eman digun Bilbo/Bizkaia/Euskadi 2.0 automobilgintza klasikoaren mapan kokatzeko, gizartearekiko konpromiso irmoarekin eta, inguru jasangarri batean industria, kultura, turismoa eta balio pertsonalak sustatuz».

 

DOTOREZIA NONAHI ARRIAGAN ETA AREATZAN

Hitzordu gehienak larunbatean izango dira, ekainaren 11n. Besteak beste, Garaiko Autoen eta Auto Beterano eta Klasikoen eta Superkirol-automobilen Dotoreziaren Nazioarteko XIV. Lehiaketa antolatuko da, non Arriaga Antzokian kalitate oneko antzinako 70 auto egongo diren ikusgai goizeko 10:00etatik aurrera. Lehiaketa 2002. urtetik antolatzen da, eta erreferentea izatera iritsi da automobilgintza klasikoaren zaleen artean. Madril, Salamanca eta Toledo hiriak egoitza gisa aukeratu ondoren, Bilbora iritsi da honako kategoria hauetako ibilgailurik dotoreena aurkitzeko: Garaikoa (1930. urtera arte), Beteranoa (1960. urtera arte), Klasikoak (1992. urtera arte), eta Superkirol-automobilak (irekia).

Aldi berean, Areatzako pasealekuan, Udaletxera bidean, zaleen ehuna kirol-auto eta auto klasiko jarriko dira ikusgai. Erakusketan, merkaturatu zituztenetik 50 urte bete dituzte Renault R-5 autoak ere bilduko dira. Hogeita hamar urte baino gehiagoko antzinatasuna duen auto batekin bertaratzen direnek doan aparkatu ahal izango dute bertan. Hori horrela, ibilgailuak ikusgai jarri nahi dituzten klub guztietako kideek parte hartu ahal izango dute.

HITZALDIAK BILBAÍNA SOZIETATEAN ETA DESFILEA KALE NAGUSITIK

Automobilgintza Kluben Nazioarteko I. Kongresua (CICA) Bilbaína Sozietatearen Areto Frantsesean antolatuko da. Arriagako eta Areatzako ekitaldiekin batera antolatuko da, eta hitzaldi eta konferentziez gozatzeko aukera izango dugu egun osoan zehar. Bilbaína Sozietatean, halaber, Dotorezia Lehiaketaren bazkaria antolatuko da, eta sariak banatuko zaizkie eguneko ibilgailu berezienei, epaimahaiaren irizpidearen arabera.

Arratsaldez, lehiaketako ibilgailuak eta erakusketako auto eta motor klasikoak batu egingo dira elkarrekin Kale Nagusitik desfilea egiteko. Modu antolatuan ekingo diote martxari 18:00etatik aurrera, eta Bilboko Suhiltzaile-etxeko unitate oso bereziak ikusi ahal izango ditugu, bai eta gaur egun geratzen den “azulito” delakoaren unitate bakarra ere.

BISITAK GALDAMES ETA ERANDIORA

Aipatutako guztiaz gain, ibilgailu klasikoen zaleentzako beste bi bisita gehituko ditugu. Ekainaren 10ean, ostirala, irteera bat antolatuko da Erandioko RETROMOBILE garaje-erakusketara. Bertan dago ACEren egoitza (Euskadiko Automobil Klasikoa). Irteera 20:00etarako aurreikusi da.

Amaitzeko, ekainaren 12an, igandea, goizeko 10:00etan emango zaie amaiera ekitaldiei, eta, horretarako, kontzentrazio bat egingo da Arriaga Antzokian, gero Rolls-Royce Museorantz joateko, Galdamesko Loizaga Dorrean.